Números 1:18 - Bible in Tzotzil de Chamula

¹⁸ Ma'uc no'ox taje, yu'un laj svolic ta tsobel ti c'u yepal oyic ti ta sc'ac'alil sliquebal yu'un ti xchibal u yu'un ti jabile, xchi'uc ta jujuvoc' laj yich'ic tsobel ti jujuchop ti snitilulique jech c'u ch'al ti bejel ti sbiic ta jujun ti yich'ojic jtob (20) jabile, xchi'uc ti x'ech' ta jtob jabile.

Números 1:18 Iomraidhean Croise

Esdras 2:59

Ti c'u yepal c'otic ti liquic talel ta Tel-melae, ti ta Tel-harsae, ti ta Querube, ti ta Adone, xchi'uc ti ta Imere, ti mu na'bajuc mi ja' sts'unubal ti Israele, xi s'elane:

Nehemías 7:61

“Ti buch'utic vulic ti lic talel ta Tel-melae, ta Tel-harsae, ta Querube, ta Adone, xchi'uc ta Imere, mu na'baj mi liquem talel sts'unubalic ta israele, mi snamtal yuts' alal sbaic no'oxe, xi s'elan xcholete:

Éxodo 6:14

Li'e, ja'ic ti banquilaletic yu'un ti jujuchop ta sventa ti stot sme'ique: Ti Rubén ti ja' sbanquilal nich'on ti Israele, xi s'elan sbi ti xnich'nabtaque: ja'ic ti Hanoque, ti Falue, ti Hezrone, ti Carmie. Taje, ja' me jchop snitilul ti Rubene.

Números 1:1

Ti Diose xi laj yalbe ya'i ti Moisés ti c'alal laj sc'opon talel ti ta sba c'ac'al yu'un ti xchibal u ti ja' xa xchibal jabile, ti c'alal ech' xa jutuc ta jun jabil sloq'uelic talel ta Egiptoe, ti oy ta sbajtical banomil yu'un ti Sinaie ta Axibalna ti bu nupel ta be yu'un ti Diose:

Números 1:17

Jech ti Moisese xchi'uc ti Aarone laj svolic ta tsobel ti viniquetic taje, ti oy sc'oplalic ti ja'ic ta xc'ot ta jtunel ta sventa ti ta xich' tsacbel ti sbiique.

Hebreos 7:3

Ti Melquisedec taje, mu na'baj buch'u ti stote ti sme'e, buch'utic ti smuc'tot syayae. Mi ja'uc x'ale sc'oplal ti bu voc' talele, ti bu chame. Co'ol s'elan ja' Xnich'on Dios, yu'un c'otem ta pale sbatel osil.

Hebreos 7:6

Manchuc mi ma'uc liquem talel ta stojol snitilul Levi ti Melquisedeque, laj sc'anbe ti jujun ta lajlajuneb ti Abrahame manchuc mi albil sc'oplal yu'un Dios ti oy c'usi ta x'ac'bate. Ti Abrahame ac'bat yich' lequilal yu'un ti Melquisedeque.