Números 1:16 - Bible in Tzotzil de Chamula

¹⁶ Ti va'i yepalic taje, ja' c'otic ta banquilaletic ti laj yich'ic t'ujel loq'uel ta stojol ti israeletique yo' jech ta sva'an sbaic ta stsobel ti jujuchop ti snitilulique.

Bible in Tzotzil de Chenalhó with Deuterocanon

¹⁶ Li'i ja' scotol li banquilaletic yu'unic ti laj yich'ic t'ujel ta jujuchop israeletique, yu'un ja' tsventainic sq'uelel li xchi'iltaquic ta jujuchope.

Números 1:16 Iomraidhean Croise

Éxodo 18:21

Va'i un, ti vo'ote, ja' avabtel ta scotol ti ta xat'uj viniquetic ti oy sbijilique, ti sna' xi'taic ti Diose, ti jamal ye sti'ique. T'ujo viniquetic ti ma'uc batem ta yo'nton ta spasel ti c'usi lec ta xa'iique. Ti jujunic ti ta xat'uje, ac'bo yabtelic ta sbainel jmiluc (1,000) ta vo' xchi'ilic ti jujune, vo'vinic (100) ta vo' ti yane, lajuneb yoxvinicuc (50) ta vo' ti yane, lajunvo'uc (10) ti yane.

Éxodo 18:25

Va'i un, lic st'uj viniquetic ti oy sbijilic ta sbainel ti Israele. Laj yac'anbe yich' yabtelic yo' ta sbainic jvoc'uc ta jmil (1,000) ta vo', jvoc'uc ta vo'vinic (100) ta vo', jvoc'uc ta lajuneb yo'vinic (50) ta vo', jvoc'uc ta lajunvo' (10).

Miqueas 5:2

Ti Diose xi ta xale: “Ja'uc ti vo'ote, jteclum Belén Efrata, ti xi avuni muc'ul ti oyot ta yosilal ti Judae, ta x'ayan talel ta atojol ti Ajvalil yu'un ti Israele, ti ta xvul ta loq'uel ta stojol sts'unobal ti vo'ne totil me'ile.”

Números 1:15

“Ta sventa snitilultac ti Neftalie: ja' ti Ahira xnich'on ti Enane.”

Números 1:17

Jech ti Moisese xchi'uc ti Aarone laj svolic ta tsobel ti viniquetic taje, ti oy sc'oplalic ti ja'ic ta xc'ot ta jtunel ta sventa ti ta xich' tsacbel ti sbiique.

Números 1:4

Va'ano jujun jtsobvanej yu'unic ti jujuvoc' ti totil me'iletique.

Números 10:4

Yan ti c'alal ja' no'ox jun oq'ues ta xich' oq'uisanele, ja' no'ox ta stsob sbaic talel ti banquilaletic yu'un ti jujuvoq'ue.

Números 11:17

Ta xiyal talel. Tey ta xa jc'oponot. Ta xquet'esbe jelavel ta stojolic j'o'loluc ti abijil ti avich'oje yo' jech ta xa scoltaot ta yiq'uel batel ti jteclum le'e. Va'i unbi, mu xa atucuc.

Números 16:2

Jmoj lic spay sc'opic ta scontrainel ti Moisés xchi'uc ti lajuneb yoxlajunvinic (250) ta vo' israeletic ti yich'ojic yabtelic yu'un ti jteclume, ti ja' jvolvanejetic ta ya'ibel ye sti'ic ti c'usi sc'an pasele, xchi'uc ti ojtiquinbilic leque.

Números 26:9

Xnich'nab ti Eliabe, ja'ic ti Nemuele, ti Datane, xchi'uc ti Abirame. Ti Datane xchi'uc ti Abirame, ja'ic ti buch'utic jmoj yo'ntonic xchi'uc ti jvoc' jtojobtasvanej totiletic ti buch'utic jmoj yo'ntonic xchi'uc ti Coree, ti laj stoy sbaic ta stojolic ti Moisese xchi'uc ti Aarone, ti c'alal laj stoy sbaic ta stojol ti Diose.

Números 30:1

Ti Moisese xi laj yalbe ya'i ti banquilaletic yu'un ti jujuvoc' snitilultac ti israeletique: “Ti Diose xi laj yalbun ti mantale:

Números 7:2

Va'i un, ti banquilaletic yu'un ti jujuvoc' ta jujuchope, ti buch'utic coltavanic ta stsaquel ti biile, batic,

Deuteronomio 1:15

“Va'i un, laj quic'an talel ti viniquetic ta jujuvoc' anitilulique, ti jamal sba satique, ti lec sna'ic snopel razone. Laj cac'be yich' yabtelic ta sbaineloxuc. Yu'un oy jlom laj cac'be sbain jmil (1,000) ta vo' viniquetic. Yu'un oy jlom laj cac'be sbain vo'vinic (100) ta vo' viniquetic. Yu'un oy jlom laj cac'be sbain lajuneb yoxvinic (50) ta vo' viniquetic. Yu'un oy jlom laj cac'be sbain lajunvo' (10) viniquetic. Yu'un oy jlom laj jva'an ta ajvaliletic yo' ta sventainic ti jujuvoc' nitiluletique.

Jueces 6:15

Ja'uc ti Gedeone xi laj xcha'taq'ue: —Ati jsoques la avo'nton yan velta xtoque, yojtot. Ja'uc le' une, ¿c'usi ta xcut ta jpoj ti Israele? Yu'un ti jchop jnitilultaque, slajebal xa ti toj me'un mu'nat ta stojol snitilultac ti Manasese, xchi'uc slajebalun xa c'ox its'inalun ta sna ti jtote.

1 Samuel 22:7

xi laj yalbe ya'i ti yaj'opisialtac joyol ta sts'ele: —A'yibeicun ava'iic lec viniquetic yu'un Benjamín: Ti xnich'on Isaie, ¿mi ta xach'unic xana' ti ta xayac'boxuc abanomilique, ti ta xac'boxuc ats'unub uvaique? ¿Mi ta xach'unic xana' ti ta xac' avabtelic ta spas mantale, ti ta xa'ochic ta banquilaletic yu'une?

1 Samuel 23:23

Q'uelic lec ta scotol ti snac'obbail ti bu ta stic' sba ochele. Na'bil xa lec avu'un ti bu tiq'uile. C'alal mi lasutic talel ta jtojole, ta jchi'inoxuc batel ec un. Mi melel tey tiq'uil ti bu taje, ta jchaj ta sa'el ta scotol ti c'u yepal snitilultac ti Judae.