Números 1:1 - Bible in Tzotzil de Chamula

¹ Ti Diose xi laj yalbe ya'i ti Moisés ti c'alal laj sc'opon talel ti ta sba c'ac'al yu'un ti xchibal u ti ja' xa xchibal jabile, ti c'alal ech' xa jutuc ta jun jabil sloq'uelic talel ta Egiptoe, ti oy ta sbajtical banomil yu'un ti Sinaie ta Axibalna ti bu nupel ta be yu'un ti Diose:

Bible in Tzotzil de Chenalhó with Deuterocanon

¹ C'alal xchibal xa'ox u stsacoj chib jabil sloq'uelic tal ta Egipto li israeletique, ta sba c'ac'al li xchibal ue, jech i'albat yu'un Muc'ul Dios li Moisés te ta vits Sinaí ti c'alal te oy ta ch'ulna pasbil ta nucule:

Números 1:1 Iomraidhean Croise

1 Reyes 6:1

Ti Salomone och ta sva'anel xch'ulna Dios ti c'alal oy xa ta xchanibal jabil yochel ta ajvalilal yu'un ti Israele, ta yu'al Ziv ti ja' xa xchibal u yu'un ti jabile, c'alal xchanibal xa ciento xchi'uc chanvinic (480) jabil ti sloq'uelic talel ta Egipto ti israeletique.

Éxodo 19:1

Ti israeletique c'otic ta sbajtical banomil yu'un Sinaí c'alal yoxibal (3) xa ox yual sloq'uelic talel ta Egiptoe.

Éxodo 19:2

Yu'un c'ot svol sbaic ta yeloval vits ta sbajtical banomil yu'un Sinaí ti c'alal loq'uic ech'el ta Refidime.

Éxodo 25:22

Va'i un, ta toyol ti oy ta stuq'uil sba xcaxail ti trate ti bu va'ajtic ti chib ti c'usi oy xiq'uique, tey ta jvinajes jba ta atojol, ti ta xcac'bot ana' scotol ti jmantal ti ta xavalbe ya'i ti israeletique.

Éxodo 40:17

C'alal ta xa xlic stam xchibal jabil sloq'uelic talel ta Egiptoe, ta sba sc'ac'alil yu'un ti sliquebal ue, ja' o c'ot ta chapajel ti lic va'iuc ti Axibalnae.

Éxodo 40:2

“Ti sba c'ac'al yu'un ti sliquebal ue, ac'o sta yav avu'un ta smeltsanel ti Axibalna ti bu nupel ta be yu'un ti Diose.

Levítico 1:1

Ti ta Axibalna ti bu nupel ta bee, xi albat ti Moisés yu'un ti Dios ti c'alal c'oponat talele:

Levítico 27:34

Taje, ja' smantaltac ti Dios ti laj yac'be ti Moisés ti c'alal oy ta vits Sinaí ta sventa ti israeletique.

Números 1:18

Ma'uc no'ox taje, yu'un laj svolic ta tsobel ti c'u yepal oyic ti ta sc'ac'alil sliquebal yu'un ti xchibal u yu'un ti jabile, xchi'uc ta jujuvoc' laj yich'ic tsobel ti jujuchop ti snitilulique jech c'u ch'al ti bejel ti sbiic ta jujun ti yich'ojic jtob (20) jabile, xchi'uc ti x'ech' ta jtob jabile.

Números 12:4

Jech o xal ti Moisese, ti Aarone, xchi'uc ti Mariae, xi albatic yu'un ti Diose: “Batanic avoxibalic ta Axibalna ti bu nupel ta bee.” Va'i un, batic yoxibalic.

Números 9:1

Ta sliquebal u yu'un ti jabile, ti jun xa jabil yech'el sloq'uelic talel ti israeletic ta Egiptoe, ti Diose xi laj yalbe ti Moisés ti c'alal laj sc'opon talel ti c'alal oyic ta sbajtical banomil yu'un Sinaie:

Deuteronomio 1:3

Ti sba c'ac'al yu'un ti xbuluchibal (11) u ti ja' xa xcha'vinic jabil sloq'uelic talel ta Egiptoe, ti Moisese laj xchapbe ya'i ti israeletic ti ac'o c'otuc ta pasel yu'unic ti c'u s'elan yaloj scotol smantal ti Diose.

Deuteronomio 2:14

“C'alal lijloc'otic ech'el ta Cades-barneae, jech oy xvaxaclajunebal xcha'vinic (38) jabil ti sba to velta lij'ochotic ta xtuch'el ti uc'um Zerede. Va'i un, c'ot xa ox ta pasel ti laj xa chamuc scotol snitilultac ti j'ac'-letoetic ti lamalic to ox ta naclej jech c'u cha'al laj yal ono'ox ti Diose.

Deuteronomio 2:7

Yu'un ti Ajvalil ti ja' Dios avu'unique laj xa sva'an sba ta atojolic ta scotol ti c'usi laj xa apasique. Yu'un ti cha'vinic (40) jabil sjalile, oy ono'ox ta atojolic. Laj xchabioxuc talel ti laxanavic ta muc'tiquil sbajtical banomile. Yu'un mi ja'uc ti mu'yuc ti c'usi laj yac'boxuque.