San Mateo 9:2 - Bible in Tzotzil de Chamula

² Ja' o poybil talel jun moch'. Ti Jesuse laj yil ti c'otem lec ta yo'ntonic c'u s'elan xch'unojique, xi laj yalbe ti jchamele: —Tsotsan, tamo aba, nich'on, ch'aybil xa amul.

Tzotzil Zinacantan

² Cꞌalal tey xaꞌoxe, sqꞌuechojic cꞌotel ta pop jun jchiꞌiltic ta israelal, chꞌabal yip jun yoc scꞌob. Ti Jesuse iyil ti xchꞌunojic ti oy syuꞌele. ―Jchꞌamal, mu xavat avoꞌon. Acꞌbilot xa pertonal yuꞌun lamule ―xut ti jchamele.

LEQUIL ACH' C'OP

² C'alal tey xa'oxe, tey sq'uechojbeic c'otel xchi'uc svayeb jun vinic ch'abal yip yoc sc'ob. C'alal iyil ti Jesuse ti xch'unojic ti oy syu'ele, ti Jesuse ja yech iyalbe chac li'i: —Jch'amal, mu xavat avo'on. Ac'bilot xa pertonal yu'un lamule ―xut ti jchamele.

Bible in Tzotzil de Chenalhó with Deuterocanon

² Te laj yiq'uic tal ta stojol Jesús jun vinic aluben yacan, xq'uechubte'ojic tal xchi'uc svayab. C'alal laj yil Jesús ti oy xch'unojel yo'ntonique, jech laj yalbe li jchamele: —Jnich'on, mu xavat avo'nton. Pasbilot xa perdón yu'un scotol amul —xut.

Tzotzil San Andres

² Te iqꞌueche talel ta stojol Jesús jun jchiꞌiltic ta israelal ti muꞌyuc yipal jun yoc scꞌobe. Cꞌalal iyil Jesús ti schꞌunojic ti oy sjuꞌele, jech laj yalbe li jchamelajele: ―Jnichꞌon, mu xavat avoꞌon. Pasbilot xa perton yuꞌun scotol amul ―xi.

Tzotzil de Huixtán

² I'ic'at talel ti stojol ti Jesuse jun jchamel, ja' jchi'iltic. Sicuben yacan ti vinique. Metsel ti spop ital. C'alal laj yil ti Jesuse ti chch'unique, laj yalbe ti jchamele: ―Tote, mu xavich' mul. Ch'ayem xa amul ―xchi ti Jesuse.

San Mateo 9:2 Iomraidhean Croise

Eclesiastés 9:7

Le' un cha'e, mu xamacbe aba ti ave'el avuch'ome. Jcojucot xa ta banomil xava'i ta yuch'el ti ya'lel a'uvae, yu'un lec laj yil ti Dios ti c'usi laj apase.

Isaías 44:22

Yu'un laj jtub ti bu la'ech' lajelave, xchi'uc ti amul acolo' jech c'u cha'al ta xch'ay batel ti toque. Sutan talel ta jtojol, yu'un laj jtic' jba ta apojel acoltael.”

San Mateo 14:27

Ti Jesuse xi laj yale: —Tsotsanic, mu xaxi'ic. Vu'unun.

San Mateo 4:24

Laj ya'ibeic sc'oplal Jesús ti jnaclejetic ta Siria banomile. Laj yiq'uic talel ta stojol ti c'usiuc no'ox chamelal ta xa'iique, ti ta x'avan ti sjol sbaquilique, ti ta x'ilbajinatic yu'un ti pucuje, ti jtub-iq'uetique, ti pasemic ta moch'e. Scotol ti jchameletique colic ta sventa ti Jesuse.

San Mateo 6:12

Ch'aybuncutic ti c'usi mu lecuc ta jpascutique jech c'u cha'al ta jch'aybecutic ti buch'u ta sa' smul ta jtojolcutique.

San Mateo 8:10

Ch'ayal c'ot yo'nton ti Jesús ti jech laj yale. Xi laj yalbe ya'i ti nabalic talel ta stojole: —Ta xcalboxuc ava'iic ta melel, mi junuc jtaoj ta Israel ti yepal no'ox c'otem ta yo'nton jech c'u cha'al ti vinic li'e.

San Mateo 8:16

C'alal xyabet xa talel ti ac'ubale, laj yiq'uic tal ta stojol Jesús ti buch'u ta x'ilbajinatic yu'un ti pucuje. Ta jbel no'ox sc'op, laj stac loq'uel ti j'ilbajinvanej pucuje xchi'uc laj scoles ti jchameletique.

San Mateo 9:22

Joybij ti Jesuse, laj yil ti antse. Xi laj yalbee: —Tsotsan, tamo aba, tseb, ta sventa ti tac'al c'ot avu'un ti c'u s'elan ach'unoje, lacol yu'un ti achamele. Toj colel c'ot un.

San Mateo 9:5

¿Mi ja' oy smelol ti xi ta alele: ‘ch'aybil amul’, mi ja' ti xi ta alele: ‘lican, va'lan, batan’?

San Mateo 9:6

Lec oy cha'e, ti vu'un co'ol j'elantique ta xcac' avilic ti quich'oj tsots cabtel li' ta banomil ta xch'ayel ti mulile. Va'i un, xi laj yalbe ti jmoch'e: —Tamo aba, va'lan, ich'o batel ti avuni puch'lebe, batan ta ana.

Marcos 1:32

C'alal ta xa xch'ay ti c'ac'ale, laj yiq'uic talel ta stojol Jesús scotol ti jchameletique xchi'uc ti buch'utic uninbil yu'un ti pucuje.

Marcos 10:49

Ti Jesuse laj sva'an sba, xi laj yale: —Iq'uic talel. Laj yiq'uic talel, xi laj yalbeique: —Tsotsan, va'lan, laj xa staot ta iq'uel.

Marcos 5:34

Ti Jesuse xi laj yale: —Tseb, ta sventa ti oy c'usi c'otem ta avo'nton ach'unoje, lacol xa yu'un ti achamele. Junuc avo'nton, batan, lacol xa.

Marcos 6:50

yu'un laj yilic scotolic, xi'ic ta j'ech'el. Ta jech yepal xi avan talel ti Jesús ta stojolique: —Tsotsanic, Vu'unun. Mu xaxi'ic.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

San Juan 2:25

Ma'uc to sc'an ti oy buch'u ta x'albun c'u s'elan ta snop ti jnaclejetic ta banomile, yu'un sna'be c'u s'elan yo'nton ti buch'uuc no'oxe.

San Juan 21:5

Xi laj yal ti Jesuse: —Jmas choyetic, ¿mi mu'yuc laj ataic jcotuc ti choye? Xi laj staq'uic ti yajchanc'optaque: —Ch'abal.

Hechos 14:9

Ts'etel xchiquin ta xa'i c'usi ta xal ti Pabloe. Ti Pabloe laj stuc'ulan lec. Laj yil ti juteb ta yo'nton sc'an ta xcol ya'ie.

Hechos 19:12

Ti c'usiuc no'ox ta stunes ti Pabloe, manchuc mi spoc', mi sc'u' ti ta xich'ic batel ta stojol ti jchameletique, ta xcolic xchi'uc ta xloc' batel ti pucuj ta stojolique.

Hechos 23:11

Ta yac'ubalil un, laj yac' sba iluc ti Dios ta stojol ti Pabloe, ti xi laj yale: “Mu xaxi', Pablo, ti c'u s'elan laj xa aval ti jc'oplal li' ta Jerusalene, ja' jech ta xbat aval jc'oplal ta Roma.”

Romanos 5:11

Ma'uc no'ox taj une, ta sventa Cristo xijmuyubajotic xa ta stojol ti Diose, yu'un ja' ta sventa laj jtatic ti jun co'ntontic xchi'uc ti Diose.

Santiago 2:18

Xu' nan ti xi xcaltique: “Ti vo'ote, c'otem ta avo'nton ta xch'unel. Ti vu'un eque, oy c'usi lec yacalun ta spasel.” Xichi ta jtac'be: “Mu xquil mi c'otem ta avo'nton ta xch'unel mi mu'yuc lec c'usi ta xapas. Ti vu'une ta xcac'bot avil ti c'otem ta co'nton ta xch'unele ta sventa ti oy c'usi lec ta jpase.”