San Mateo 8:2 - Bible in Tzotzil de Chamula

² Tal jun vinic ti tsacbil ta c'a'emal chamele. Vul squejan sba ta stojol ti xi laj yale: —Cajval, ti xac'anuc lae, xu' avu'un xatus xapoc ti jchamele.

Tzotzil Zinacantan

² Isnupic ta be jun jchiꞌiltic ta israelal ip ta lepra. Isquejan sba ta yichon ti Jesuse, jaꞌo isnijan sba ta balamil noxtoc. ―Cajval, acꞌanuc la avetꞌesbon li chamel xꞌelan ipon oe, yuꞌun jnaꞌoj ti voꞌot xuꞌ chavetꞌesbone ―xi ti vinique.

LEQUIL ACH' C'OP

² Tey ital jun vinic ip ta lepra, isquejan sba ta yichon ti Jesuse. Ja' yech iyalbe chac li'i: ―Cajval, ac'anuc avet'esbon li jchamele yu'un jna'oj ti vo'ot xu' chavet'esbone ―xi ti vinique.

Bible in Tzotzil de Chenalhó with Deuterocanon

² Te ital jun jc'a'el chamel; la squejan sba ta stojol, jech laj yalbe: —Cajval, me chac'an chacoltaune, xu' avu'un chalecubtasun —xut.

Tzotzil San Andres

² La snupic ta be jun vinic ti tsacbil ta cꞌaꞌel chamele, jaꞌ jchiꞌiltic ta israelal. Tal squejan sba ta stojol li Jesuse. Jech laj yalbe: ―Cajval, mi xacꞌan xacoltabun li jchamele, coltaun. Jnaꞌoj ti scotol xuꞌ avuꞌune ―xi li vinique.

Tzotzil de Huixtán

² Te laj snup ti be jun jchi'iltic. Yich'oj c'a'el chamel ti vinique. Tal squejan sba ti stojol ti Jesuse. Hech laj yalbe: ―Cajval, mi chac'ane, xu' chichop avu'un ―xchi.

San Mateo 8:2 Iomraidhean Croise

2 Samuel 3:39

Jech o xal ti vu'un une, manchuc mi ajvalilun ti t'ujbilun yu'un ti Diose, laj to me ya'yel ma' ti yipal une ta scoj ti ech'em xa'i sbaic xnich'nab ti Sarviae. ¡Ac'o tojbatuc yu'un Dios ti buch'u laj stic' sba ta spasel ti vi s'elan toj chopol c'ot ta pasele!

2 Reyes 15:5

Tsots ac'bat svocol ta c'a'emal chamel yu'un Dios ti ajvalile, ja' to ti c'uxi chame. Ti ajvalile mu'yuc xa bu xnaqui ta sna ti bu ti chapanobbaile. Laj yich' ich'bel ta yan ti yabtele, ja' laj yich' ti Jotam ti ja' xnich'one, ti lic sventain ti jteclume.

2 Reyes 5:1

Oy jun vinic sbiinoj Naaman, banquilal jpas-mantal yu'un yajsoldado ti ajvalil ta Siriae, ti lec x'ilee, ti lec c'uxubinbil yu'un ti ajvalile, ti cuch yu'un ta spojel ti Siria ta sventa ti Diose. Ja'uc ti vinic taj une, ip ta xa'i ta c'a'emal.

2 Reyes 5:27

Ja'uc le' une, sc'a'emal chamel ti Naamane, sbatel osil nabal ta xc'ot ta atojol xchi'uc ti anitilultaque. C'alal laj xch'ac sba batel ti Giezi ta stojol ti Eliseoe, co'ol xa s'elan bot sac lo'an ta q'uelel ti sbec'tale. Tsacbil xa ta c'a'emal ta j'ech'el.

Números 12:10

C'alal tots batel ti toc ta Axibalnae, ti Mariae bolol liquel ta c'a'emal chamel ti sac lo'an xa liquel ti snuculil ta sjunule. C'alal joybij ti Aaróne, toj c'otel ta sat ti bolol xa ta c'a'emal chamel ti Mariae.

San Mateo 10:8

Colesic ti jchameletique. Cha'cuxesic ti animaetique. Colesic ti jc'a'emal-chameletique. Taquic loq'uel ti pucujetique. Moton laj cac'boxuc ti jech xu' avu'unique. Mu xac'anbeic stojol.

San Mateo 13:58

Jutuc no'ox laj yac' iluc ti oy c'usi ch'ayal ta xc'ot o'ntonal yu'une, yu'un mu x'ich'e ta muc' yu'un ti jnaclejetique.

San Mateo 14:33

Va'i un, ti buch'u oyic ta barcoe lic squejan sbaic ta stojol ti Jesuse, ti xi laj yalbeique: —Ta melel vo'ot Xnich'onot ti Diose.

San Mateo 15:25

Ti antse nopaj tal, tal squejan sba ta stojol ti xi laj yalbee: —Cajval, coltaun.

San Mateo 18:26

Ti j'abtele lic squejan sba ta stojol ti yajvale, ti xi laj sc'anbe vocole: ‘Cajval, malaun to, c'uxubinun, avocoluc, ta jtojbot ono'ox scotol.’

San Mateo 2:11

Ochic batel ta na un, laj yilic ti olole xchi'uc ti sme'e, ja' ti Mariae. Laj squejan sbaic, laj yich'ic ta muc'. Lic sjam ti xcaxaique, laj yac'beic smoton, naca oro, pom, xchi'uc momol ti mirra sbie.

San Mateo 20:20

Sme'ic xnich'nab ti Zebedeoe nopaj batel ta stojol ti Jesús xchi'uc ti yalabe, ti xquejelet c'otel ta stojol ti Jesús yo' ta sc'anbe ti vocole.

San Mateo 26:6

Ti Jesuse oy ta jteclum Betania ta sna Simón ti sbiinoj jc'a'emal-chamele.

San Mateo 28:17

C'alal laj yilbeic sat ti Jesuse, lic squejan sbaic ta stojol. Laj yich'ic ta muc' manchuc mi oy jun chib ti xna'etique.

San Mateo 28:9

Taj une, ti Jesuse laj yac' sba iluc ta stojol ti antsetique. —¿Mi li' oyoxuque? —x'utatic. Nopajic batel ta stojol ti Jesuse. Laj squejan sbaic ta yoc ta yich'el ta muc'.

San Mateo 4:9

Xi laj yalbee: —Mi ta xaquejan aba ta yich'elun ta muq'ue, ta xcac'bot avu'nin scotol le'e.

San Mateo 8:1

C'alal yal talel ta vits ti Jesuse, ep buch'u laj sts'acliic ech'el.

San Mateo 8:25

Va'i un, ti yajchanc'optaque bat stijic ti Jesús ti xi laj yalbeique: —Cajval, coltaotic, yu'un ta xa xijmut'ijotic.

San Mateo 9:18

C'alal yacal to ta xc'opoj ti Jesús ta stojolique, ja' o vul ta loq'uel jun banquilal yu'un ti israeletique, ti xi laj yal ti laj squejan sba ta stojole: —Naca to cham ti cantsil nich'one. Mi ta xtal acajan ac'ob ta sbae, ta xlic xcuxiuc un.

San Lucas 4:27

C'alal ja' o yorail xanav ti j'alc'op Eliseoe, yepal no'ox oy jc'a'emal-chameletic ta Israel. Mi junuc laj scoles. C'ajomal no'ox laj scoles jun jyanlum vinic Naamán sbi ti nacal ta Siria banomile.

San Juan 9:38

Va'i un, ti vinique laj squejan sba ta stojol ti Jesuse, ti xi laj yalbee: —Cajval, ta xquich'ot ta muc'.

Hechos 10:14

Xi laj stac' ti Pedroe: —Mu jc'an, Cajval, yu'un mu'yuc bu jti' o ti c'usi mu'yuc slequile xchi'uc ti c'usi albil sc'oplal ti mu stac' ti'ele.

Hechos 10:25

C'alal c'ot ta na ti Pedroe, ti Cornelioe loc' batel, ba snup talel ta be, quej xi ta stojolal ta yich'el ta muc'.

1 Corintios 14:25

Ti c'usi mu xvinaj mucul oy ta yo'ntone, ta svinajesbat yu'un ti c'usi ta xavalique. Ta xlic squejan sba ta yich'el ta muc' ti Diose. Ta xlic yal ti j'ech'el li' xchi'inojoxuc ti Diose.

Apocalipsis 19:10

Laj jquejan jba ta yoc ti anjele yo' ta xquich' ta muc', ja'uc le'e, xi laj yalbune: “Mu jechuc xapas, ja' ich'o ta muc' ti Diose. Ti vu'une, naca yajtunelun Dios jech c'u cha'al ti vo'ote xchi'uc ti achi'iltac ti buch'utic jun yo'ntonic ta stojol c'u s'elan yaloj comel ti Jesuse.” Ti tijbil sjol yo'ntonic ti j'alc'opetic ta yalbel sc'oplal ti Jesuse, ja' ta xac' ta na'el stuc ti Jesuse.