San Mateo 8:12 - Bible in Tzotzil de Chamula

¹² Ja'uc ti buch'u albil sc'oplalic ta x'ochic batel bu ti ventainele, ta xtenatic batel ta ic'al osil, ti bu ta x'oq'uique, ti bu xc'uxuxet ti yeique.

Tzotzil Zinacantan

¹² Ti muchꞌutic scꞌoplal ox ch-ochic yoꞌ bu tspas mantal ti Rioxe, mu xꞌochic yuꞌun mu xichꞌic ta mucꞌ ti Rioxe. Ta xꞌaqꞌueic echꞌel ta icꞌ osil. Tey xꞌoqꞌueletic, xcꞌuxuxet o yeic yuꞌun tsots castico chichꞌic ―xꞌutatic yuꞌun Jesús ti muchꞌutic napꞌajtic echꞌel ta spate.

LEQUIL ACH' C'OP

¹² ti much'utic sc'oplal ox ch-ochic yo' bu tspas mantal ti Rioxe, ta xloq'uesatic, ta x'aq'ueic ech'el ta ic' osil. Tey x'oq'ueletic, xc'uxuxet o yeic. ―X'utatic yu'un ti Jesuse.

Bible in Tzotzil de Chenalhó with Deuterocanon

¹² Yan li boch'otic ja' sc'oplal ch-ochic yo' bu tspas mantal Diose ta xjipatic batel ta ic' osil. Te chc'ot yoc'ta sbaic o; te xc'uxet o yeic ta scoj li vocole —xi li Jesuse.

Tzotzil San Andres

¹² Yan li buchꞌutic jech chalique: “Jaꞌ jmoltotic ta voꞌone li Abrahame, jaꞌ yuꞌun ta onoꞌox xijꞌochutic li yoꞌ bu tspas mantal li Diose”, mi xiique, pero mu xꞌochic. Jaꞌ te chteneic batel ta icꞌal acꞌubal. Te xꞌoqꞌueletic o, te xcꞌuxuxet o yeic ta scoj ti tsots li vocol ti chichꞌique ―xi li Jesuse.

Tzotzil de Huixtán

¹² Ti much'utic ja' jtot ti Abrahame, hech yu'un xu' chi'och yo' bu tspas mantal ti Diose, ti xchiique, ja' mu x'ochic. Ja' chtenatic ochel ti ic' osil. Te chc'ot yoc'ta sbaic o. Te xjep'et yeic o yu'un ep ti vocole ―x'utatic yu'un ti Jesuse.

San Mateo 8:12 Iomraidhean Croise

Salmos 112:10

Ti jech ta x'ile yu'un ti buch'u mu'yuc xch'ulel xa'i sbae, xti'et xa ma' ti sjol une, xc'uxet xa ye ma' ti tsalbil cote. Ta xc'ot ta tsutsel sbic'tal yo'nton ma' ti buch'u mu'yuc xch'ulel xa'i sbae.

Isaías 65:14

Yu'un ti stuquique xlaetic no'ox xmuyubajic ta q'uejimol ta sventa ti mu'yuc c'usi xal ti yo'ntonique. Ja'uc ti vo'oxuc une xa'avanic xa, xa'oq'uic xa ta scoj ti at-o'ntone, xchi'uc ti ilbajinel ta xavich'ique.

San Mateo 13:38

Ti yav ts'unobale, ja' ti jnaclejetic oyic ta sbejel banomile. Ti lequil ts'unobale, ja' ti buch'utic ta xich'ic ta muc' ti ventainel yu'un ti Diose. Ti trigo t'ule, ja' ti buch'utic ventainbilic yu'un ti pucuje.

San Mateo 13:42

Ta xjipatic ochel ta c'oc', ti bu ta x'oq'uique, ti bu xc'uxuxet ti yeique.

San Mateo 13:50

Ti buch'u mu'yuc slequil stuq'uile, ta xjipatic ochel ta c'oc', ti bu ta x'oq'uique, ti bu xc'uxuxet ti yeique.”

San Mateo 21:43

Jech o xal ta xcalboxuc ava'iic, ti ventainel yu'un ti Dios ti oy ta atojolique, ta xbat ta stojolic ti buch'utic ta xich'ic ta muc' ti ventainel yu'un ti Diose.

San Mateo 24:51

Ta stsitse. Jech ta xc'ot ta stojol jech c'u cha'al ti jpac'taejbaetique. Va'i un, ta xlic oc'uc, xc'uxuxet no'ox liquel ti stanal yee.”

San Mateo 25:30

Ti chopol j'abtel li'e, jipic batel ta ic'al osil ti bu ta xoq'uita sbae, ti bu xc'uxuxet ti yee.’ ”,

San Lucas 13:28

Xa'oq'uic liquel, xc'uxet liquel aveic c'alal ta xavilic ti Abrahame, ti Isaaque, ti Jacobe, xchi'uc scotol ti j'alc'opetic ti ochemic xa batel ti bu ta xventainvan ti Diose. Ja'uc ti vo'oxuque, jip xa'utatic loq'uel.

Hechos 3:25

C'otem ta aventaic ti oy c'usi ta xac' ti Dios ta sventa ti laj yalic ti yaj'alc'opetique. C'otem ta aventaic ti strate Diose laj spas xchi'uc ti jmolmuc'totic Abrahame, ti xi laj yale: ‘Ta sventa anitilultac ta staic lequilal utsilal scotol ti jnaclejetic ti oyic ta sjoylej banomile.’

Romanos 9:4

Ti jchi'iltaque ja'ic snitilultac ti Israele. Bisbilic ta xnich'nab ti Diose. Jun yutsil laj sva'an sba ti Dios ta stojolique. Ac'batic comel ta sventainel ti trateetique. Ac'batic comel ta sbaic ti oy c'usi tsots sc'oplal albil yu'un ti Moisese. Ac'batic comel ta sventainel ti c'u s'elan ta yich'el ta muc' ti ch'ulnae. Albatic comel ti oy c'usi ta x'ac'batique.

2 Pedro 2:17

Ti jlo'lavanej jchanubtasvanejetic taje, co'ol s'elanic joc' ti ch'abal ti ya'lele, co'ol s'elanic toc ti ic'bil ta xbat yu'un ti iq'ue. Sbatel osil chapal xa sc'oplal ta xbat stojic ti bu spajebal ic' ta j'ech'el ti osile.

2 Pedro 2:4

Ti ánjeletic ti laj sta smulique, mu'yuc ono'ox ch'aybat smulic yu'un ti Diose, c'ajomal no'ox jipatic yalel ta c'atimbac ti bu nac'bil chucajtic ta cadena taq'uin ictaatic comel ta ic'al osil yo' ta xich'ic chapanel c'alal ta sta sc'ac'alile.

Judas 1:13

Cuxul j'ilbajinvanejetic ta j'ech'el, yu'un co'ol s'elan svoc ya'lel nab ti natic xva'i xcoti ta sjipel loq'uel talel ti c'usitic mu xtune, ti naca q'uexlal sba ti stalelique. Co'ol s'elan jech c'u cha'al junuc c'anal ti ta xch'ay ta bee. Chapal xa sc'oplal ta xbatic sbatel osil ti bu ic' ta j'ech'el ti osile.

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.

1 Samuel 2:9

Yu'un ti buch'utic jun yo'ntonic ta stojole, ta xchabi ti buyuc no'ox ta xanavique, ja'uc ti jtoyobbaetique, ta ic'al osil xcham xlajic, ja' ti mu'yuc buch'u junuc xu' ta spas ta yip no'ox stuque.