11 Ta xcalboxuc ava'iic, yepal ta jmec ta xliquic talel ta sloq'ueb c'ac'al, ta smaleb c'ac'al, ta x'ochic ta chotlej ta ve'el xchi'uc ti Abrahame, ti Isaaque, ti Jacobe, ti bu oy ti ventainel yu'un ti Dios ta vinajele.
11 Chacalbeic noxtoc. Ta sta yora ti chtal ep crixchanoetic ta sjunlej balamil ti maꞌuc jchiꞌiltic ta israelale. Ta xꞌochic yoꞌ bu tspas mantal ti Rioxe. Jaꞌ chtal xchiꞌinic ti jmucꞌtatotic ti ta más voꞌnee, jaꞌ ti Abraame, xchiꞌuc ti Isaaque, xchiꞌuc ti Jacove.
11 Chacalbeic noxtoc ti ta tsta yora ti chtal ep crixchanoetic ta loq'ueb c'ac'al xchi'uc ta maleb c'ac'al, ti ta xchi'inic ta chotlej ta ve'el ti Abrahame, ti Isaaque xchi'uc ti Jacobe yo' bu tspas mantal ti Rioxe,
11 Chacalboxuc ava'yic, ta yan c'ac'al ta xtalic ep cristianoetic ta sloq'ueb c'ac'al ta smaleb c'ac'al ti mu ja'uc jchi'iltic ta israelale. Te chc'ot xchi'inic ta chotlej yo' bu tspas mantal Dios li jmoltotactic ta vo'onee, ja' li Abrahame, li Isaaque, xchi'uc li Jacobe.
11 Chacalbeic nojtoc. Chcꞌot scꞌacꞌalil ti chtalic ep crixchanoetic ta spꞌejel balumil ti maꞌuc jchiꞌiltic ta israelale. Chba schiꞌinic li jtotic jmeꞌtic ta voꞌonee, jaꞌ li Abrahame, schiꞌuc li Isaaque, schiꞌuc li Jacove, li te yoꞌ bu ta spas mantal li Diose.
11 Chacalbeic uc. Ti yan c'ac'al ep yanlum crixchanoetic chtalic ti sjoylejal balumil. Te chc'ot xchi'inic ti jtotic Abrahame xchi'uc ti jtotic Isaaque xchi'uc ti jtotic Jacobe te ti yo' bu tspas mantal ti Diose.
Ti buch'utic lec ti c'usitic oy ta ye ta sti'ic ta atojole, naca c'uxubinel oy ta que ta jti' ta stojolic ec. Yan ti buch'utic naca chopol ti c'usitic oy ta ye ta sti'ic ta atojole, oy ta que ta jti' ti chopol sc'oplalic cu'un eque. Yu'un ja' ta aventa ta staic c'uxubinel ti lec que jti' ta stojol ta jujuchop scotol ti jnaclejetic ta banomile.”
Jech ti stuquique ta x'epajic jech c'u cha'al spucuquil ti banomile. Ta xtanijic batel ta xchanjechal banomil. Ta aventa vo'ot xchi'uc ti anitilultac eque, ta staic slequilal Dios scotol ti jujuchop jnaclejetic ta sbejel banomile.
Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.
Xi s'elan sc'oplal ti muc'tiquil lumetique, xchi'uc scotol ti jnaclejetic ti jaylajun-tos sts'unubalic ti bu xa c'alal xpaj talel ti banomile: vuleso ta avo'ntonic ti Diose, la'ic ta stojol, quejano abaic ta sts'el ta yichon.
Yu'un ti syail xc'uxul yo'ntone, ti jun sjol yo'nton ta stojol ti steclumal Israele, mu'yuc xch'ay o. Ta jujuti' bu xa oy ti banomile, laj xa yilic ta sba ta satic ti c'otem ta jtsalvanej ti Dios cu'untique.
Ta yorail taje, ti sc'oplal sq'uelom xchumanil snitilul ti Isaie, ta xlic sva'an sba ti ta xc'ot ta senyail yu'un ti lume. Ta xlic sa'anan talel ti muc'tiquil lumetique, ti bu tiq'uile, jun yutsil ta j'ech'el.
Xi ta xalique, ¡q'uelo avil! nom ti bu liquic talele: Oy jlom liquic talel ta yolon ti yolon xocon sloq'ueb c'ac'ale. Ti jlome liquic talel ta smaleb c'ac'al. Ti jlome liquic talel ta stuq'uil ti Asuane.
Ti Diose xi no'ox lic yalbune: “Ma'uc no'ox ma' ti cajtunelot ta stamel liquel snitilultac ti Jacobe, ti ta sutic talel ta jtojol avu'un ti c'u yepal c'uxul to ti Israele. Ja' jech xtoc ta xac'ot cu'un ta saquilal osil yu'un ti muc'tiquil lumetique, yo' jech ta xavich' batel scoltaelic cu'un ti buch'utic oyic ta namal banomile.”
Yu'un ti Diose laj yac' ta ilel smuc'ul stsatsal ta sba ta sat scotol ti muc'tiquil lumetique. Yu'un scotol banomil ta sna'ic ti ja' jpojvanej cu'untic ti Diose.
Yu'un scotol ti banomile, ti oyic ta stuq'uil sloq'ueb c'ac'ale, ti oyic ta stuq'uil smaleb c'ac'ale, ta xi'taic ti Dios ti c'alal ta xilic ti yich'oj tsots yabtele. Yu'un ta xvul ta loq'uel jech c'u cha'al junuc nojemal uc'um, ti xq'uechomaj no'ox talel xchi'uc ti tsots yic'ale.
Cajval, vo'ot ti jmuc'ul jtsatsalote, ti jpojobbailote, ti jnac'obbailot ta yorail ti xi'bal sba ta xc'ot ta pasele. Ta xtalic ta atojol muc'tiquil lumetic le' to ta jot xchiquin banomile, ti xi ta xalique: “Ti diosetic ti yich'ojic comel ti jtot jme'cutic ta vo'nee, mu'yuc c'usi xu' yu'unic, ch'abal smucul stsatsal.
Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.
Yu'un scotol ti muc'tiquil lum ti oy ta banomile, ta xiyich'ic ta muc'. Buyuc no'ox ta xchiq'uic pom sventa quich'el ta muc, jun yutsiquil ti matanal ta xaq'uique.
Xi laj stac'beique: —Mi juteb ta xc'uxubaj yo'nton yu'un. Ta smil scotol ti jmilvanej jloc'-banomiletique. Ja' jech xtoc ti yajval osile ta sa' yan jloc'-banomiletic yo' ta x'ac'bat ti c'u yepal ta xich' sloc' ti sbanomil c'alal ta sta ti yoraile.
Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.
Ch'ayal c'ot yo'nton ti Jesús ti jech laj yale. Xi laj yalbe ya'i ti nabalic talel ta stojole: —Ta xcalboxuc ava'iic ta melel, mi junuc jtaoj ta Israel ti yepal no'ox c'otem ta yo'nton jech c'u cha'al ti vinic li'e.
Xmuyubaj no'ox ti j'abteletic ti viq'uil satic ta xvul taeicuc yu'un ti yajvalique. Melel ta xcalboxuc ava'iic, ta x'aq'ue chotiicuc ta sts'el sti'il mexa ta ve'el yu'un ti yajvalique.
Ti buch'u abol sbae, sta sc'ac'alil cham, iq'ue batel yu'un anjeletic yo' chba xchi'in sbaic xchi'uc ti Abraham ti oy ta lequilale. Jech ti jc'uleje cham ec, laj yich' muquel.
Ti jch'unolajeletic ta Jerusalén c'alal laj ya'iic ti va'i s'elan taje, laj yicta sbaic ta vulvanej. C'ajomal lequil c'opojic ta stojol Dios ti xi laj yalique: —Ati chcaltic un cha'e, stic'oj sba Dios ta stojol ti jyanlumetique yo' ta sutic talel ta stojol, ta stael ti xcuxlejalic sbatel osile.
Ti bu taje, ech' stsatsubtasbe yo'ntonic ti jch'unolajeletique, ti mu stsiq'ues yo'ntonic ta xch'unel ti Cajvaltique, xchi'uc laj yalbe ya'iic ti buch'u ta x'ochic batel ta ventainel yu'un ti Diose, ta xc'ot ta stojolic ti vocole.
C'alal c'otic ta jteclum Antioquiae, laj stsobic talel ti jch'unolajeletic ta yalbeic ya'i ti c'usi laj spas ti Dios ta stojolique, xchi'uc ti c'u s'elan abtej ta sjamel be ta stojol ti jyanlumetique yo' ta xc'ot ta yo'ntonic ta xch'unic ec.
¿Mi mu xana'ic ya'yel ti buch'utic mu'yuc xch'ulel xa'i sbaique, mu x'ochic batel ti bu ta xventainvan ti Diose? Bijanic, mu xalajic ta lo'lael. Yu'un ti buch'u ta xmulivaje, ti jlo'laej jolile, ti ta xrioxinel ti c'usi meltsanbil ta c'abale, ti buch'u ta xmulivajic ti co'ol xchi'il sbaic ta vinicale xchi'uc ti co'ol xchi'il sbaic ta antsile,
Xi s'elan ma' ti c'usi mu xvinaj to oxe: ta sventa ti lequil ach' c'ope, ti jyanlumetique co'ol ta xich'ic ti xrextoic jech c'u cha'al ta xich'ic ti israeletique, yu'un junic xa ta stojol ti Cristoe, jmoj ta xa'ac'batic ti c'usi yaloj Dios ta xac' ta sventa ti Cristo Jesuse.
Ma'uc xa tsots sc'oplal mi israel mi ma'uc, mi yich'oj circuncisión mi mu'yuc, mi jyanlum, mi mu'yuc chanubtasbil, mi mosovil mi ma'uc. Yu'un ja' tsots sc'oplal ti oyotic ta stojol Cristo ti ta sventainotic jcotoltique.
Ti jech taj une, svinajeb ti ta slequilal yo'nton sna' xchapanvan ti Diose yo' jech ta xac' ochanic batel ti bu ta xventainvane, ti jech yacaloxuc ta vocol avi tana li'e.
Ta sventa snitilultac ti Asere, laj yich' senyailic lajcha'mil (12,000). Ta sventa snitilultac ti Neftalie, laj yich' senyailic lajcha'mil (12,000). Ta sventa snitilultac ti Manasese, laj yich' senyailic lajcha'mil (12,000).