San Mateo 6:2 - Bible in Tzotzil de Chamula

² “C'alal ta xacolta ti buch'u abol sbaique, mu xavinajes ta stojol yan jech c'u cha'al ta spasic ta ch'ulna, mi ta bebetic ti jpac'taejbailetique, yo' jech ta xlequil-c'oplaltaatic yu'un ti yane. Ta xcalboxuc ava'iic, ja' no'ox jech yepal laj sta ti smotonique.

Tzotzil Zinacantan

² Ti cꞌalal chavacꞌ alimoxnaique, mu me xaꞌiꞌonicuc to chac cꞌu chaꞌal ti muchꞌutic yichꞌojic ta mucꞌ Riox ti yalojique. Ti cꞌalal chacꞌ slimoxnaic ta bicꞌtal temploetique, mi ta cayatic, chalic to aꞌyuc yoꞌ xꞌichꞌeic o ta mucꞌ yuꞌun li crixchanoetique. Ta melel chacalbeic, ti muchꞌutic yech tspasique jaꞌ noꞌox lec ch-ileic yuꞌun li crixchanoetique; mu cꞌu stu ch-ileic yuꞌun ti Rioxe.

LEQUIL ACH' C'OP

² »Yech'o un ti c'alal chacoltaic ti much'utic abol sbaique, mu me xa'i'onicuc to chac c'u cha'al tspasic ti much'utic lec yo'onic yilele. Ti c'alal chac' slimoxnaic ta bic'tal temploetique, o mi ta cayeetique, chalic to a'yuc yo' x'ich'eic o ta muc' yu'un li crixchanoetique. Ta melel chacalbeic, ti much'u ja' no'ox tsc'anic o ich'el tamuq'ue, ja' xa smotonic ic'ot.

Bible in Tzotzil de Chenalhó with Deuterocanon

² “C'alal me oy boch'o chacoltaique, mu me xavaq'uic ta a'yel, jech chac c'u cha'al tspasic li jlo'lavanejetic te ta nail tsobobbailetique xchi'uc ta xoraltique. Yu'un ja' no'ox tsc'anic ti lec sc'oplalic yu'un li cristianoetique. Melel li c'usi chacalboxuque, le'e yich'oj xa o smotonic ti jech tspasique.

Tzotzil San Andres

² Cꞌalal mi oy buchꞌu chavacꞌbe slequil avoꞌone, maꞌuc me xaloꞌet xa o jech chac cꞌu chaꞌal li buchꞌutic spꞌisoj sbaic ti chichꞌic ta mucꞌ li Diose. Yuꞌun mu xichꞌ smelolic. Te xloꞌetic ta schꞌulnaic, mi ta chꞌivit cꞌuxi, li cꞌalal ta xacꞌ slequil yoꞌonique. Yuꞌun jaꞌ tscꞌanic ti lec ta xꞌileic yuꞌun li schiꞌilique. Melel li cꞌusi chacalbeique, altic ti jech tspasique yuꞌun jaꞌ noꞌox lec scꞌoplalic li ta schiꞌilique, mu cꞌu chtun o chil li Diose.

Tzotzil de Huixtán

² Hech yu'un ti c'alal chavaq'uic ti motonil ataq'uin, mu me xavalbe yan ti hech chapase hech chaj c'u che'el tspasic ti jlo'lavanetique te ti temploetic xchi'uc ti plazaetic. Hech tspasic yu'un tsc'an tspasatic ti muc' yu'un ti crixchanoetique. Melel ti c'usi chacalbeique, mu'yuc stu chil ti Diose ti hech tspasique.

San Mateo 6:2 Iomraidhean Croise

Salmos 112:9

Ta xac' yuni limoxna ta stojol ti me'un mu'nate, mu'yuc spajeb ti xc'uxul yo'ntone, jamal ti sba sat yelove.

Salmos 37:21

Mu sutes xch'omic ma' ti buch'u mu'yuc xch'ulel xa'i sbaique, ja'uc ti buch'u stuc'ulanoj sbae, mu xtenvan, oy xc'uxul yo'nton.

Proverbios 19:17

Ti buch'u xt'olbij ta ch'om ta stojol ti me'un mu'nate, ja' xa c'ot ta xch'om ti Diose, ti Diose ta stic' sba ta stojel ti ilile.

Proverbios 20:6

Yepal no'ox ta sbis sbaic ma' ti oy stuq'uil yalojique, mi junuc oy buch'u stac' patel o'ntonal ta stojol.

Eclesiastés 11:2

T'olbijan xchi'uc ti bu xu' avu'un ti c'usi xloc' x'ayan avu'une, yu'un mu xana' ti oy c'usi chopol ta xvul ta loq'uel ta muc' ta jteclume.

Isaías 10:6

Ta jtac ech'el ta svoliel ta yilbajinel ti chopol lume, jun muc' ta lum ti ta soquesbun ti co'ntone, yo' jech ta xc'ot ta pasel ti pojbaticuc ti elc'anbaticuc ech'el ti sc'ulejalique, yo' jech yich'icuc pech'el ta teq'uel jech c'u cha'al ti ach'el ta bee.

Isaías 58:7

Ma'uc no'ox taje, yu'un yorail ta xat'olbij xchi'uc ave'el avuch'om ta stojol ti oyic ta vi'nale, ta yiq'uel ech'el ta ana ti buch'u ch'abal ti snae, ta yac'bel sc'u' ti buch'u ch'abal yu'une, ti mu xavicta aba ta sventainel ti avinquilele.

Isaías 9:17

Jech o xal ti Dios une, mu'yuc yal syail xc'uxul yo'nton ta stojol ti jva'lej jch'iel jc'opojeletique, mi ja'uc xa c'uxubaj yo'nton jutebuc ta stojol ti me'un mu'natetique xchi'uc ti me'unal antsetique. Yu'un scotol ti lume bolib ti sjol yo'ntonique, chopol ti c'usi ta spasique, scotolic mu'yuc smelol ti c'usitic ta xloc' ta ye ta sti'ique. Ja' jech ec ti Diose, mu lamajemuc ti sc'ac'al yo'ntone, staoj to yav ta sibtasvan.

Oseas 8:1

Xi ta xal xtoc ti Diose: “Oq'uisanic ti oq'ues jech c'u cha'al junuc jchabivanej jq'uel-osil ti sbainoj ta sq'uelel steclumal ti Diose. Yu'un mu'yuc xc'ot ta pasel yu'unic ti jtratee. C'ajomal no'ox laj stoy sbaic ta stojol ti c'u s'elan laj jchanubtase.

San Mateo 15:7

¡Jpac'taejbailetic! Yu'un xi ono'ox laj yal ac'oplalic ti j'alc'op Isaiase:

San Mateo 16:3

Mi ta xavilic ta sob ic'luman tsoj xchi'uc but'ul ti vinajele, xachi ta xavalique: ‘Mu lecuc ta xtal ma' ti c'ac'ale.’ Xana'ic sq'uelel c'u s'elan ta xtal ti c'ac'ale. ¿C'u cha'al un cha'e ti mu xana'ic sq'uelel c'usi ta xc'ot ta atojolic tanae?

San Mateo 22:18

Ti Jesuse laj yilbe yo'nton ti yan o c'usi snopojic talele, xi laj yalbee: —Jpac'taejbailetic, ¿c'u cha'al ta xabajesicun ava'iic ta c'oc'?

San Mateo 23:5

Ta spasic scotol jech taje yo' ta staic ti lec ta x'ilatic yu'un ti yane. Yu'un lec ta xa'iic ti chucajtic ta sti'baic ta sc'obic ti smantal Dios ts'ibabil ta jamal poq'ue, xchi'uc lec nat ta slap ti sc'u'ic ti oy stsitsimaltaque.

San Mateo 23:6

Oy ta yo'ntonic ti stuquic no'ox cajal sc'oplal c'oticuc ta jujun ve'el uch'ubajele, xchi'uc ti oy ta yo'ntonic ta xchoti ya'iic ta chotlebal sventa ich'el ta muc' ta jujun ch'ul nae.

San Mateo 24:51

Ta stsitse. Jech ta xc'ot ta stojol jech c'u cha'al ti jpac'taejbaetique. Va'i un, ta xlic oc'uc, xc'uxuxet no'ox liquel ti stanal yee.”

San Mateo 5:18

Melel ta xcalboxuc ava'iic, ti c'u sjalil oy ti vinajel banomile, mu'yuc ta xich' ch'ayesel jbeluc ti mantale ja' to mi c'ot ta pasel scotol ti c'usi ta ono'ox xc'ot ta pasele.

San Mateo 6:16

“C'alal ta xacomtsan avotique, mu xavaq'uic ta ilel ti oyoxuc xa ta at o'nton jech c'u cha'al ta spasic ti buch'u ta spac'ta sbaic yo' ta x'ilatic yu'un yan ti yictaoj yotique. Melel ta xcalboxuc ava'iic, ja' no'ox jech yepal laj sta ti smotonique.

San Mateo 6:3

C'alal ta xacolta ti buch'u abol sbaique, avo'ntonuc no'ox sna'.

San Mateo 6:5

“C'alal ta xac'opoj xati'ine, mu jechuc xapas jech c'u cha'al ti buch'u ta spac'ta sbaique, ti lec xa'iic va'ajtic ta xc'opoj xti'inic ta ch'ul naetic, ta jujun xuc'avtac ti bu xvolvun ti jxanbile yo' jech ta x'ilatic yu'un ti yane. Ta melel xcalboxuc ava'iic, ja' no'ox jech yepal laj sta ti smotonique.

San Mateo 7:5

Jeche' ta xapac'ta aba. Loq'ueso ba'yel ti xchumanil c'a'ep ti oy ta asate, va'i unbi, xu' xaloq'uesbe ti uni juteb c'a'ep ti oy ta sat ti achi'ile.

Marcos 12:39

Chot xiic no'ox c'otel ta chotlebaletic ti bu ma'uc sventaic ti oy ta ch'ul nae, xchi'uc ta chotlebaletic ti bu ma'uc sventain c'alal ta x'iq'ueic ta ve'ele.

Marcos 7:6

Xi laj stac' ti Jesuse: —Ti vo'oxuque, mu yanuc ac'oplalic ti laj yalbe sc'oplal ti jpac'taejbail ti xi laj sts'iba comel ti j'alc'op Isaiase: ‘Ti jnaclejetic ta banomil li'e, jun yutsil ti ye ta xiyich'icun ta muq'ue, ja'uc ti yo'ntonic une, nom oy ta jtojol.

San Lucas 11:41

Loc'uc ayanuc ta o'ntonal avu'unic ta yaq'uel ta matanal ti c'usi xloc' x'ayan avu'unique yo' jech pocbil tusbil ta xac'otic.

San Lucas 11:43

“Mu cha'belucoxuc un, fariseoetic, ti ja' no'ox lec ta xava'iic ta xbat chotlanic ta muc' ta chotlebal ti oy ta jujun ch'ul nae, xchi'uc ti nupbil c'oponbiloxuc xa yu'un ti jnaclejetic ta calleetique.

San Lucas 12:33

Ti c'usitic oy avu'unique, chonic scotol. Ti stojole, ac'beic ti buch'u me'on mu'natetic ti ta xtun yu'unique. Sa'ic ti c'usi mu sna' xlaje yo' oy ac'ulejalic ta vinajel, ti bu mu xlaje, ti bu mu x'och ti j'eleq'ue, ti mu x'och ti xjoch'e.

San Lucas 12:56

Jpac'taejbaetic, ja' xana'ic sq'uelel ti c'utic xc'ot ta pasel ta vinajel xchi'uc ta banomile, ¿c'u cha'al ja' mu xana'ic sq'uelel ti c'usitic ta xc'ot ta atojolic avi tana li'e?

San Lucas 13:15

Xi tac'batic yu'un ti Jesuse: —Jpac'taejbailetic, ¿mi mu tauc xajitunic avacaxic, aburroic yo' ta xavac'beic vo' yuch' c'alal ja' o sc'ac'alil ti cuxob o'ntonale?

San Lucas 20:46

—Bijanic yu'un ti jchanubtasvanejetic yu'un ti oy c'usi tsots albil sc'oplale. Yu'un lec xa'iic nat slapoj ti sc'u'ique, ti nupbilic ich'bilic ta muc' ta ch'ivite. Lec xa'iic xchotiic ta muc'tiquil chotlebaletic ti oy ta yut ch'ul nae xchi'uc ti bu ic'bilic ta ve'ele.

San Lucas 6:24

“¡Mu cha'beluc un, ti jc'ulejoxuque laj xa ataic ti xamuyubajique!

San Lucas 6:42

Mi mu xava'i telel ti ts'am-te' ta asate, ¿c'u cha'al xi ta xaval ti ta xatic' aba ta yalbel ti achi'ile: ‘Ta jloq'uesbot ti juteb uni c'a'ep oy ta asate?’ Pac'taejbail no'ox ta xapas. Loq'ueso ba'yel ti ts'am-te' telel ta asate. Va'i unbi, ja' to ta xavil lec yo' xu' ta xaloq'uesbe ti uni juteb c'a'ep oy ta sat ti achi'ile.

San Juan 13:29

Oy jlom laj snopic ti pase ta mantal yu'un Jesús ti bat sman talel ti oy nan c'usi ta xtun ta sventa ti q'uine. Ti jlome laj snopic ti oy c'usi ta xac'be ti me'unetique, yu'un ja' yich'oj ta sventa yavil taq'uin ti Judase.

San Juan 5:41

“Yu'un ma'uc ta jc'an ti lec xa ave ati'ic yilel ta jtojole.

San Juan 5:44

Ti mi ja' no'ox ta xac'anic ti ich'el ta muc' yu'un ti achi'iltaque, ti mi mu xasa'ic ti ich'biloxuc ta muc' yu'un ti Dios stuque, ¿c'usi la ta xavutic ta xavich'icun ta muc'?

San Juan 7:18

Ti buch'u yeilal no'ox yu'un ti c'usi ta xale, ja' no'ox ta sc'an ich'el ta muc' yu'un ti jnaclejetique. Ja'uc ti Buch'u ta xac'be yipal ti ich'bil ta muc' ta xc'ot yu'un ti Buch'u tacbil talele, le'e, melel ti c'usi ta xale, ma'uc ta xlo'lavan.

Hechos 10:2

Jun vinic ti oy yutsil slequil yo'ntone, ti yich'ojic ta muc' Dios xchi'uc ti c'u yepal oy ta snae. Ja' jech xtoc ta xc'uxubin ti israeletic ti buch'u abol sbaique, ti mu xicta sba ta c'opojel ti'inele.

Hechos 10:31

Xi laj yalbune: ‘Cornelio, ti Diose laj xa ya'i ti ac'opojel ati'inele xchi'uc laj svules ta yo'nton ti ta xacolta ti buch'u abol sbaique.

Hechos 10:4

Ti Cornelioe sq'uel xcha' batel ti ánjele, ti xi'el xa xi laj sjac'bee: —¿C'usi ta xaval, Yojtot? Xi laj yal ti ánjele: —Ich'bil ta venta yu'un Dios ti ac'opojel ati'inele, xchi'uc ti ta xacolta ti buch'u abol sbaique.

Hechos 11:29

Va'i un, ti jch'unolajeletic ti oyic ta jteclum Antioquiae, loc' ayan ta yo'ntonic c'u yepal xu' yu'unic ta jujun tal ta scoltaic ti jch'unolajeletic ti oyic ta Judeae.

Hechos 24:17

“C'alal laj co'nton ta xaniel jayibuc jabil ta yan lumetique, lisut talel ta jlumal yo' tal cac'be smotonic ti buch'u abol sbaique xchi'uc ta yac'bel smoton ti Diose.

Hechos 9:36

Ti jech yorail taje, tey nacal ta jteclum Jope jun jch'unolajel ants ti Tabita sbie, Dorcas xi ta griego c'ope. Ti ants taje, yac'ojbe yipal ta spasel ti c'usi leque, yu'un ta scolta ti buch'u abol sbaique.

Romanos 12:8

Mi ja' sbijil ac'bat ti ta stsatsubtasbe yo'nton ti yane, ac'o yabtelan o ta yaq'uel yip ti o'ntonale. Mi ja' sbijil i'ac'bat ti oy c'usi ta xaq'ue, nijet chimetuc no'ox. Mi ac'bat sbijil ta yalel ti c'usi sc'an pasele, bijuc ti c'u s'elan ta xal mantale. Mi ac'bil sbijil ta scoltael ti buch'u abol sbaique, muyubajuc no'ox ta spasel.

1 Corintios 13:3

Manchuc mi ta jq'uelan scotol ti c'usi oy cu'une, manchuc mi ta xcac' ta chiq'uel ti jbec'tal jtacopal ta sventa scolel ti yane, mi mu'yuc ti syail xc'uxul co'ntone, jeche', mu'yuc c'usi ta jta o yu'un.

Gálatas 2:10

Ja' no'ox laj svulesbun ta jolcutic ti mu xch'ay ta co'ntoncutic ta xc'uxubinel ti me'onetique. Lec laj ca'i ti jech laj yalique, yu'un jech ono'ox ta jpascutic.

Efesios 4:28

Ti buch'u ch-elc'aje, ac'o yicta ti eleq'ue, ac'o abtejuc yo' jech ta yabtel stuc xu' ta scolta ti buch'utic abol sbaique.

1 Tesalonicenses 2:6

Yu'un xi s'elan laj jpas jbacutic ti ma'uc laj jsa'cutic ti ich'biluncutic xa ta muc' yu'un junuque: mi ja'uc ti vo'oxuque, mi ja'uc ti yane. Xu' nan ta xcac'cutic avocolic ta yac'beluncutic ti c'usi ta xtun cu'uncutic jechuque, ti jech tacbiluncutic yu'un ti Cristoe. Ja'uc le'e, mu jechuc laj jpascutic.

1 Timoteo 6:18

Albo ya'iic mantal ti ac'o spasic ti c'usi leque yo' jech ta xc'otic ta jc'ulej ta sventa ti lequil abtel ta spasique, ti ta slequilaluc yo'ntonic ac'o coltavanicuc xchi'uc ti c'usi oy x'ayan yu'unique.

Filemón 1:7

Ximuyubaj no'ox, xpatet no'ox co'nton avu'un ti oy xc'uxul avo'ntone, yu'un vo'ot ta aventa ti laj sta spatobil yo'ntonic ti jch'unolajeletique.

Hebreos 13:16

Mu xach'ay ta avo'ntonic ta spasel ti c'usi leque, ta scoltael abaic ta jujun tal ta sventa ti c'usi oy x'ayan avu'unique, ti ja' jun matanal lec ta xil ti Diose.

1 Pedro 4:11

Mi oy buch'u ta xc'opoje, jechuc c'opojuc jech c'u cha'al ta xal ti sc'op Diose. Mi oy buch'u ta xac' sba ta tunele, ac'o spas ta sjunul yip ti bu c'alal ac'bil yu'un ti Diose. Pasic scotol ti c'usi sc'an pasele yo' jech ich'bil ta muc' ta xc'ot ti Dios ta sventa ti Jesucristoe, ti oy ta sventa ti lequilal utsilale, xchi'uc ti smuc'ul stsatsale. Yu'un sbatel osil ta spas mantal. Jechuc.

1 Samuel 15:30

—Oy xa jmul —xi laj xcha'al ti Saule—. Ja'uc le' une, ta jc'anbot vocol ta sba ta satuc ti moletic yu'un ti Israele, ta sba ta satuc scotol ti jteclume, ti staojuc yav ich'bilucun ta muc' avu'un ti jech ajvalilune. Ja' yu'un un cha'e, sutan talel yo' chba quich' ta muc' ti Ajvalil ti ja' Dios avu'une.