San Mateo 6:1 - Bible in Tzotzil de Chamula

¹ Xi laj yal ti Jesuse: —Scotol ti c'usi ta xapasic ta sventa ti Diose, bijanic, ma'ucuc me x'och ta avo'ntonic ti lec xa'ile yu'un ti yane. Ti jech ta xapasique, mu xata amotonic yu'un ti Jtotic ti oy ta vinajele.

Tzotzil Zinacantan

¹ Liyalboticotic noxtoc ti Jesuse: ―Mu me xatoy o abaic ti cꞌalal chapasic cꞌusitic tscꞌan ti Jtotic Riox ta vinajele. Mi chacꞌanic o ichꞌel ta muqꞌue, mu xayacꞌbe amotonic ti Rioxe.

LEQUIL ACH' C'OP

¹ »P'ijanic me ti c'alal chapasic c'usi tsc'an ti Rioxe. Mu me ja'uc no'ox chac'anic ti lec chayilic li crixchanoetique. Ti mi yech chapasique mu xa yac'be amotonic ti jtotic Riox ta vinajele.

Bible in Tzotzil de Chenalhó with Deuterocanon

¹ Jech to laj yal li Jesuse: “Q'uelo me abaic ti c'alal chapasic c'usi tsc'an Diose. Mu me xapasic ta sventa yu'un chac'anic ti ac'o lec yiloxuc li cristianoetique. Me jech chapasique, mu'yuc chayac'boxuc amotonic li Jtotic Dios ta vinajele.

Tzotzil San Andres

¹ Jech laj yalbuncutic nojtoc li Jesuse: ―Qꞌuelo me abaic li cꞌalal chapasic li cꞌustic tscꞌan li Diose. Mu me xapasic ta sventa chacꞌanic ichꞌel ta mucꞌ. Yuꞌun mi jech chapasique, altic. Muc bu chayacꞌbeic amotonic li Jtotic Dios ta vinajele.

Tzotzil de Huixtán

¹ ’P'ijanic me, ti c'alal chana'ic ti Diose ti chvinaj ti chapasic ti muq'ue, mu me ja'uc chapasic yu'un chac'an ti lec chayiloxuc ti crixchanoetique. Mi hech chapasique mu xayac'boxuc amotonic ti Jtotique ti te oy ti vinajele.

San Mateo 6:1 Iomraidhean Croise

2 Reyes 10:16

Xi lic yalolanbee: —Chi'inun batel, ta xavil ta aba ta asat ti c'u s'elan mu jc'an soquesbe sc'oplal ti Diose. Ja' yu'un un, laj xcuch batel ta scarreta.

2 Reyes 10:31

Manchuc mi jech taj une, ti Jehue mu'yuc laj svul yo'nton xchi'uc ti jbeluc sc'oplal ti c'otuc ta pasel yu'un ti oy c'usi jbel albil yu'un ti Ajvalil Dios yu'un ti Israele. Mu'yuc laj yicta sba ta spasel jech c'u cha'al laj spas ti Jeroboam ti laj sta smul yu'un ti israeletique.

Salmos 112:9

Ta xac' yuni limoxna ta stojol ti me'un mu'nate, mu'yuc spajeb ti xc'uxul yo'ntone, jamal ti sba sat yelove.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

Daniel 4:27

Manchuc mi jech taj une, Jcuch abtel, c'otuc ta avo'nton ti xi s'elan ta xcalbot ti bijubtasele: Ja' nopo ta spasel ti c'usi tuq'ue. Mu xasa' amul. Quechano aba ta spasel ti c'usitic chopole. Ja' o'ntolino ta scoltael ti me'un mu'natetique. Yu'un ti mi jech ta xapase, Jcuch abtel, yic'al to nan xu' ta xata ti jun avo'nton ta xacuxie, ti mu'yuc c'usi xana' ta x'ech' avu'un ti c'ac'ale.’ ”

Zacarías 13:4

Ti jech yorail taje, ti j'alc'opetique ta xq'uexavic xchi'uquic ta yalel ti c'alal ta xalic ti oy c'usi laj yilic ti ta to xc'ot ta pasele. Mi junuc ta xlajic ta lo'lael yu'un manchuc mi slapic c'u'il ti meltsanbil ta nucul ti ja' c'u'il yu'un ti j'alc'opetique.

Zacarías 7:5

“Xi xavalbe ya'i scotol ti jteclumetic yu'un ti muc' ta lume, xchi'uc ti paleetique: ‘Yu'un ti vo'oxuque, le' xa talel ta slajunebal xchanvinic (70) jabil aliquelic talel ti ta xacomtsan avotic ti ta xavaq'uic ta ilel ti oyoxuc ta vul o'nton ti c'alal ta sta ti jujun vo'ob (5) ue, xchi'uc ti jujun vucub (7) u yu'un ti jujun jabile. C'u stu un, ma'uc quich'el ta muc' avu'unic ti jech ta xapasique.

San Mateo 16:27

Ti vu'un co'ol j'elantique ta xicha'sut talel. Ta xquich'be talel yutsilal slequilal ti Jtote xchi'uc ti yaj'ánjeltaque yo' jech xtal cac'be stoj ti buch'uuc no'ox ti c'usi laj xa spasic ta jujun tale.

San Mateo 16:6

—Bijanic yu'un spajubtasobil spanic ti fariseoetique xchi'uc ti saduceoetique —x'utatic yu'un ti Jesuse.

San Mateo 23:13

“¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti mu xavaq'uic ochuc ti buch'utic ta sc'anic ventainel yu'un ti Diose. Mi ja'uc xa'ochic, mi ja'uc xavac' ochicuc ti buch'utic ta sc'an ta x'och ya'iique.

San Mateo 23:5

Ta spasic scotol jech taje yo' ta staic ti lec ta x'ilatic yu'un ti yane. Yu'un lec ta xa'iic ti chucajtic ta sti'baic ta sc'obic ti smantal Dios ts'ibabil ta jamal poq'ue, xchi'uc lec nat ta slap ti sc'u'ic ti oy stsitsimaltaque.

San Mateo 25:40

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti laj ac'uxubinic ti jun jchi'ile, ti peq'uel yuni c'oplale, vu'un laj ac'uxubinicun.’

San Mateo 5:16

Ac'beic yipal, vinajuc xojobinel aluzic ta stojol ti yane. C'alal ta xilic ti lec c'usitic ta xapasique, ta slequil-c'optaic ti Dios avu'unic ti oy ta vinajele.

San Mateo 5:46

Yan mi ja' no'ox ta xac'uxubin ti buch'u c'ux ta xaya'iique, ¿c'usi matanal ta xavich'ic ti jech ta xapasique? Yu'un ti jc'an-patan-taq'uinetique c'ux ta xa'iic ti buch'u c'ux ta x'a'yie yu'une.

San Mateo 5:48

Oyuc yutsil avo'ntonic jech chac c'u cha'al oy yutsil yo'nton ti Dios oy ta vinajele —xi ti Jesuse.

San Mateo 6:16

“C'alal ta xacomtsan avotique, mu xavaq'uic ta ilel ti oyoxuc xa ta at o'nton jech c'u cha'al ta spasic ti buch'u ta spac'ta sbaic yo' ta x'ilatic yu'un yan ti yictaoj yotique. Melel ta xcalboxuc ava'iic, ja' no'ox jech yepal laj sta ti smotonique.

San Mateo 6:9

Xi sc'an xavalic c'alal ta xac'opoj xati'inique: ‘Dios Totil, ti oyot ta vinajele, ich'biluc ta muc' ach'ul bi cu'uncutic.

Marcos 8:15

Ti Jesuse xi laj yalbe ti yajchanc'optaque: —Ti vo'oxuque, bijanic yu'un spajubtasobil span ti fariseoetique xchi'uc spajubtasobil span ti Herodese.

San Lucas 11:35

Bijan xchi'uc ti luz oy ta atojole, mu me xjoybij ta ic'al osil.

San Lucas 12:1

C'alal ja' o jech ta xlo'ilaje, ep ta mil laj stsobilan sbaic talel jnaclejetic ti mu sventaicuc ta stacoltaan sbaique. Ti Jesuse ba'yel xi laj yalbe ya'i ti yajchanc'optaque: —Bijanic yu'un spajubtasobil spanic ti fariseoetique. Ti xcaltique, ja' sc'oplal ti c'u s'elan ta spac'ta sbaique.

San Lucas 12:15

Xi laj yal xtoque: —Bijanic, q'uelo abaic yu'un ti sbic'tajel avo'ntonique. Yu'un ma'uc ta sta o xcuxlejal ti vinic mi yepal oy c'usi x'ayan yu'une.

San Lucas 16:15

Ti Jesuse xi laj yalbee: —Ti vo'oxuque jun xa yutsil ta xapas abaic ta stojol ti buch'uuc no'oxe. Ti Diose yiloj avo'ntonic c'u s'elan. Na'o abaic un, ti c'usi xatoyet xchi'uc ta stojol ti buch'uuc no'oxe, mu lecuc ta xil ti Diose.

San Juan 12:43

Yu'un ja' lec ta xa'iic ti ich'bilic ta muq'ue. Ja' mu sc'anic ta xc'ot ta stojolic yutsilal slequilal ti Diose.

San Juan 5:44

Ti mi ja' no'ox ta xac'anic ti ich'el ta muc' yu'un ti achi'iltaque, ti mi mu xasa'ic ti ich'biloxuc ta muc' yu'un ti Dios stuque, ¿c'usi la ta xavutic ta xavich'icun ta muc'?

Hechos 3:12

C'alal jech laj yil ti Pedroe, xi laj yale: —Jchi'iltac, ¿c'u cha'al toj elom ta xava'iic? ¿C'u cha'al ta xaq'ueluncutic ta jmec? ¿Mi yu'un ta xanopic ta jtsatsalcutic ta jlequilalcutic ti jech cole, ti jech ta xanav xa ti vinic li'e?

Gálatas 6:12

Ti buch'utic ta sujoxuc ta yich'el ti circuncisione, ja' no'ox ta spasic yo' jech lec sc'oplalic yu'un ti jnaclejetic ta banomile, yu'un mu sc'anic ilbajinel ti jamal ta xalic ti cham ta curus ti Cristoe.

Deuteronomio 24:13

Yu'un ta smaliluc no'ox c'ac'al, sutesbo ech'el yo' jech oy c'usi ta smac sba vayuc. Va'i un, ti stuc une ta xc'opoj xti'in ti ac'o sva'an sba ti Dios ta atojolique. Ti vo'oxuc xtoc une lec avabtelic ta xapasic ta stojol ti Ajvalil Dios avu'unique.

Hebreos 11:26

Yu'un ja' tsots sc'oplal laj ya'i ti bajbil tenbil ta xc'ot ta sventa ti Cristoe, ti ja' mu sta tsots sc'oplal laj ya'i scotol sc'ulejal ti Egipto banomile, ja' ti spatoj ono'ox yo'nton ti oy c'usi lec ta x'ac'bat yu'un ti Diose.

Hebreos 2:1

Ti c'u s'elan laj xa jts'etan jni' jchiquintic ta ya'yiel ti c'u s'elan laj ca'itique, tsotsuc sc'oplal bejbunuc ta co'ntontic yo' jech mu xquictatic comel ti lequil be jtamojtique.

Hebreos 6:10

Yu'un ti Diose oy stuq'uil yo'nton, mi ja'uc xch'ay ta yo'nton ti ta sventa syail xc'uxul avo'ntonic oy c'usi lec laj apasic ti laj avaq'uic iluc ta scoltael ti jch'unolajeletique, ti jech to yacal ta xapasic avi tana li'e.

2 Juan 1:8

Bijanic me un yo' mu nacauc ech' jvocolcutic ti li'abtejcutic ta atojolique, ja'uc c'otuc ta pasel ti lecuc chapal sc'oplal ti matanal ta xavich'ique.