San Mateo 5:3 - Bible in Tzotzil de Chamula

³ —Yan yutsil ti buch'utic ta xa'iic ti ch'abal yutsil slequil yo'ntonique, ta staic ventainel yu'un ti Dios ti oy ta vinajele.

Tzotzil Zinacantan

³ ―Ti muchꞌutic snaꞌojic ti muc bu lec yoꞌonique, chilic to ta tsꞌacal ti jun yoꞌonique yuꞌun chlic pasaticuc ta mantal yuꞌun ti Rioxe.

LEQUIL ACH' C'OP

³ «Jun no'ox yo'onic ti much'utic abol sba cha'iique, yu'un ta xcuentainatic yu'un ti Rioxe.

Bible in Tzotzil de Chenalhó with Deuterocanon

³ “Xcuxet no'ox yo'nton li boch'o abul sba cha'yique, yu'un ja' chventainatic yu'un Dios.

Tzotzil San Andres

³ ―Li buchꞌutic tscꞌanic coltaele yuꞌun snaꞌic ti muꞌyuc onoꞌox slequil yoꞌonic li stuquic noꞌoxe, chilic ti xmuybajic noꞌoxe yuꞌun chventainatic yuꞌun li Diose.

Tzotzil de Huixtán

³ ―Chich'ic bendición ti much'utic tsna'ic ti mu'yuc yutsil ti yo'ntonique. Ja' chventaimbat yo'ntonic yu'un ti Diose.

San Mateo 5:3 Iomraidhean Croise

2 Crónicas 33:12

Ja'uc le' une, c'alal yacal xa ta xich' ti svocole, xvocolet liquel ta stojol ti Ajvalil Dios yu'une. Biq'uit xa laj yac' sba ta stojol Dios yu'un ti smolmuc'totaque.

2 Crónicas 33:19

Ti c'u s'elan tac'bat talel yu'un Dios ti c'alal laj sta ta c'oponele, scotol ya'yejal ti smul ti c'alal yanijem ti yo'ntone, ti laj smeltsanan ti ch'ulnaetic ti ma'uc ta sventa ti Diose, ti bu laj sva'anan sloc'obbail ti Aserae, xchi'uc ti yan meltsanbil diosetic ti c'alal mu'yuc to ta sbic'tajes sba ta stojol ti Diose, ts'ibabil com ta slo'il ya'yej ti j'alc'opetic yu'une.

2 Crónicas 33:23

Ja'uc le' une, mu'yuc laj sbic'tajes sba jech c'u cha'al laj spas ti Manasés ti ja' stote. C'ajomal no'ox lic sbusanbe sba ti svocole.

2 Crónicas 34:27

La'och ta at-o'nton yu'un. Laj axi'taun c'alal laj ava'i c'u s'elan laj calbe sc'oplal ti jteclum li'e, xchi'uc ti jnaclejetic yu'une. Laj abic'tajes aba ta jtojol. Laj ach'i' ta jatel ti ac'u'e. Xa'oc'olet xa ta jtojol. Jech o xal ti vu'une laj ca'i ma' ti ac'op une.

2 Crónicas 7:14

mi ta sbic'tajes sbaic ti jteclumale, mi ta xc'opoj xti'inic ta jventa ti jteclumale, mi ta xtalic ta jtojole, mi ta sutes sbaic ti bu chopol stamojic batele, jech ti vu'une, ta vinajel to, ta xca'ibe ti sc'opique. Ta jch'aybeic ti smul scolo'ique. Ta xcha'utsibaj ti yosilic cu'une.

Job 42:6

Jech o xal j'ech'el ta jsutes que jti' ti xivulvun no'ox ti chotolun ta pucuque, ti ta stanil c'oq'ue.

Salmos 1:1

Xmuyubaj no'ox ta j'ech'el ti buch'u mu'yuc laj xch'unbe sc'op ya'yej ti buch'u mu'yuc xch'ulel xa'i sbaique, ti ma'uc laj stam batel bu stamojic ti jsa'muliletique, ti ma'uc laj sco'oltas yo'ntonic xchi'uc ti buch'utic ta slabanic ti Diose,

Salmos 112:1

Jun yutsil ta j'ech'el ma' ti Dios une. Xmuyubaj ma' ti buch'u sna' xi'ta ti Diose, ti ta xc'ot ta yo'nton ti smantaltaque.

Salmos 128:1

Mu'yuc no'ox c'usi xana' ti axi'taoj ti Diose, ti jch'unej-mantalot ta stojole.

Salmos 146:5

Mu'yuc c'usi sna' ti buch'u ta sta coltael ta sventa Dios yu'un ti Jacobe, yu'un spatoj yo'nton ta stojol Dios ti Ajvalil yu'une.

Salmos 2:12

Xi'tabiluc avu'unic ti nijil chimiloxuc ta stojole, yu'un mu ta vocoluc ta xlic sc'ac'al yo'nton ti ta xac'otic ta lajel yu'un mi ilin ta atojolique. Ja'uc ma' ti buch'u ta sa' spojelic ta stojole, xmuyubajic no'ox ta j'ech'el.

Salmos 34:18

Nopol oy ti Dios ta spojel ti buch'u mu xa tsacaluc ta xa'i ti yo'ntone, ti mu'yuc xa spatoj yo'ntonic ti oy c'usi ta smalaique.

Salmos 41:1

Mu'yuc c'usi sna' ta j'ech'el ti buch'u ta stic' sba ta scoltael ti buch'u mu'yuc c'usi xut sbae, xchi'uc ti me'un mu'nate; ti yorail ta xvul ta loq'uel ti ep ta tos vocole, ta xpoje yu'un ti Diose.

Salmos 51:17

Ti matanal ti lec ta xa'i ti Dios ti ta xc'ot ta stojole, ja' ti buch'u mu xa xnel x'ech' ta xa'i yu'un ti smul laj stae; le' une, Ch'ul Dios, mu xaten mu xabaj ti buch'u juteb xa tsacal ta xa'i ti yo'nton une.

Salmos 84:12

Cajval, ti scotol xu' avu'une, mu'yuc c'usi sna'ic avu'un ti buch'utic spatoj yo'ntonic ta atojol une.

Proverbios 16:19

Ja' lec mi biq'uit xcac' jbatic ta stojol ti me'un mu'nate, ja' ch'ayel xal o ma' ti xicajet xitoyet xa xchi'uc ti jc'uleje.

Proverbios 29:23

Ti buch'u toyobbae ta soques yuni c'oplal stuc; yan ti buch'u peq'uel ta xac' sbae, ta sta lec sc'oplal.

Proverbios 8:32

“Tana li'e, cuni nich'nabtac, ts'etano ti avuni chiquinique, tamic batel ti bu jtamoj batel yo' jech mu'yuc c'usi xana'ic.

Isaías 30:18

Ja'uc le' une, ti Diose ta smala, yu'un oy xc'uxul yo'nton ta atojolic. Yo'ntonuc xa ya'i ta xac'boxuc avilic ti syail xc'uxul yo'nton ti Ajvalile, ja' jun Dios ti sna' stic' sba ta pojvaneje. ¡Mu xa no'ox c'usi sna'ic scotolic ta j'ech'el ti buch'utic smalaoj spojelic ta stojol ti Diose!

Isaías 57:15

Yu'un ti Buch'u oy ta cajale, ti Buch'u stalel cuxule, ch'ul Dios ti xi sc'oplale, xi ta xale: “Ta lequilal to, ta toyol to, ti bu nacalune, ac'o mi jech taje, oyun ta stojol ti buch'u biq'uit yac'oj sbae, ti sna' sutes sbae. Ta xcac'be yip yo'ntonic ti siquet to ta xa'i ti banomile.

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

Isaías 66:2

Yu'un vu'un laj jmeltsan scotol taje, ja' jech lic ayanuc talel. Ti vu'un Diosune, mu lo'iluc ta xcal. “Ti oyun ta stuc'ulanele, ja' ti me'un mu'nate, ti buch'u ta snijan xchiman sbae, ti ta xich' ta muc' ti jc'ope.

Miqueas 6:8

Uni vinic, xi s'elan albilot yu'un Dios ti smalaoj ac'o apas ti leque: Baino a spasel ti lequil chapanele, ti junuc avo'ntone, xchi'uc ti biq'uituc xavac' aba ta yich'el ta muc' ti Dios avu'une.

San Mateo 11:25

Ti jech yorail taje, xi laj yal ti Jesuse: —Tot, Cajvalot, ta jlequil-c'oponot, Yajval vinajel banomil, mu'yuc laj avac'be sna' scoltael ti buch'utic bij ta xa'ibe xchiquinal ti yalojique. Ja' no'ox laj avac'be sna' scoltael ti buch'utic laj spas sbaic ta olole.

San Mateo 11:6

Yan yutsil ti buch'u mu stsic' yo'nton ta jtojole.

San Mateo 13:16

“Jun yutsil ti vo'oxuque, oy ta asatic ta sq'uelel, xava'iic lec sni' xchiquinal.

San Mateo 19:14

Va'i un, ti Jesuse xi laj yale: —Mu xapajesic ti ololetic ta xtalic ta jtojole. Ti buch'utic ventainbilic yu'un ti Diose, co'ol s'elan jech c'u cha'al ti ololetic li'e.

San Mateo 24:46

xmuyubaj no'ox ti j'abtel c'alal yacal ta spas ti c'u s'elan albil comel ta xvul taeuc yu'un ti yajvale.

San Mateo 25:34

Ti Ajvalilune xi ta xcalbe ya'i ti oyic ta jbats'i c'obe: ‘La'ic ta jtojol ti vo'oxuc la'ich'atic ta c'ux yu'un ti Jtote. Ochanic ti bu ta xventainvan ti Jtote, yu'un jech ono'ox chapanbil ac'oplalic c'alal mu'yuc to ox bu meltsajem ti banomile.

San Mateo 3:2

ti xi ta xale: —Na'o aba ava'iic, sutanic talel ta stojol ti Diose, yu'un nopol xa yorail ti ta xventainvan ti Diose.

San Mateo 8:11

Ta xcalboxuc ava'iic, yepal ta jmec ta xliquic talel ta sloq'ueb c'ac'al, ta smaleb c'ac'al, ta x'ochic ta chotlej ta ve'el xchi'uc ti Abrahame, ti Isaaque, ti Jacobe, ti bu oy ti ventainel yu'un ti Dios ta vinajele.

Marcos 10:14

C'alal jech laj yil ti Jesuse, vocol laj ya'i. Xi laj yale: —Talicuc ta jtojol ti ololetique, mu xapajtsanic. Ti buch'u co'ol s'elan yo'ntonic jech c'u cha'al ti ololetic li'e, ja' ventainbilic yu'un ti Diose.

San Lucas 11:28

Xi laj stac' ti Jesuse: —Ja' jun yutsil ta j'ech'el ti buch'utic ta xa'iic ti c'usi ta xal ti Diose, xchi'uc ti ta xch'unic ti c'u s'elan ta xale.

San Lucas 18:14

Melel ta xcalboxuc ava'iic, c'alal sut batel ta sna ti jc'an-patan-taq'uine, lec xa x'ilat yu'un ti Diose. Ja'uc ti fariseoe mu'yuc bu laj sta ti lec x'ilat yu'un ti Diose. Yu'un ti buch'u cajal ta xac' sbae, ta spec'tsanat. Ti buch'u biq'uit ta xac' sbae, ta x'aq'ue ta ich'el ta muc'.

San Lucas 22:29

Jech o xal un, ta xcac'boxuc avabtelic ta ventainvanej jech c'u cha'al laj yac'bun cabtel ti Jtot ta ventainvaneje.

San Lucas 22:30

Ti vo'oxuque, ta xlic ve'anic xchi'uc ta yuch'el vo' ta jmexa ti bu ta xiventainvane, xchi'uc ta xachotiic ta xchapanel ti lajcha'chop (12) israeletique.”

San Lucas 4:18

“Ti Ch'ul Espíritu yu'un ti Cajvaltique, li' oy ta jtojole yu'un laj st'ujun, ta yalbel lequil ach' c'op ti buch'u abol sbaique, ta yac'bel jun yo'nton ti buch'u oyic ta vul o'ntone, ta yalbel spojel scolel ti buch'u chuculique, ta jambel sat ti ma'satetique, ta yalbel spojel scolel ti buch'u ilbajinbilic yu'un ti vocole,

San Juan 20:29

Xi laj yal ti Jesuse: —¿Mi ta la xc'ot ta avo'nton ti jech laj avilune? Ti buch'utic ta xc'ot ta yo'ntonic ti mu'yuc xilicune, mu'yuc c'usi sna'ic ta j'ech'el.

Deuteronomio 8:2

Mu me xch'ay xava'iic scotol ti bu c'alal la'ech'ic ta xanubal yu'un ti Ajvalil Dios avu'unic ti cha'vinic (40) jabil ta sbajtical banomile, yo' jech yamal no'ox c'ot ac'oplalic yu'un xchi'uc ta sq'uelel avo'ntonic, yo' jech ta xojtiquin c'u s'elan snopobil avu'unique, xchi'uc ta sna'el mi ta xc'ot ta pasel avu'unic ti smantaltaque, mi mu'yuc.

Santiago 1:10

Ti jch'unolajel ti oy sc'ulejal li' ta banomile, muyubajuc ta stojol Dios ti ac'bat sna' ti mu'yuc c'usi bal o ti sc'ulejal ta stojol ti Diose. Yu'un ti jc'uleje co'ol s'elan jech c'u cha'al nich momol ti mu xjalije.

Santiago 1:12

Yan yutsil ti buch'utic oy smuc'ul yo'nton ta xcuch yu'un ti lajeltsael yu'un ti vocole. C'alal ta xcuch yu'une, ta xich' ti smoton ti co'ol s'elan jun trona ti ja' xcuxlejal ti albil yu'un ti Dios ta xich'ic ti buch'utic c'ux ta x'a'yivanique.

Santiago 2:5

A'yio ava'iic li'e ti xi ta xcalboxuque, Jchi'iltac: T'ujbilic yu'un Dios ti buch'utic me'unic li' ta banomile yo' jc'ulej ta xc'otic ta sventa yo' ta xc'ot ta yo'ntonic ta xch'unel ti Cajvaltique, yo' ta staic ti ventainel ti jech ono'ox albil sc'oplalic ti buch'utic c'ux ta xa'iic ti Diose.

Apocalipsis 19:9

Xi laj yalbun ti anjele: “Xi xats'ibae: ‘Yan no'ox yutsilic ti buch'utic ic'bilic ta sq'uelel nupunel yu'un ti jcot ta Uni Chije.’ ” Xi to laj sts'ac batel ti lo'ile: “Taje, ja' sc'op Dios ta melel.”

Apocalipsis 22:14

Yan yutsil ti buch'utic laj yaq'uic ta chuq'uel ti sc'u'ique yo' xu' ta slo' ti sat te' ta xac' ti cuxlejale, yo' ta x'ochic batel ta sti'tac ti jteclume.

Apocalipsis 3:17

Ta xavalbe aba ti busul no'ox ti ac'ulejale, ti ataoj lec scotole, ti mu'yuc c'usi yan sc'an avu'une. Mu xavil aba ti mu xnel x'ech' ti avocole, ti toj abol abae, ti me'unote, ti ma'satote, ti c'uxul t'analot ta j'ech'ele.