San Mateo 4:4 - Bible in Tzotzil de Chamula

⁴ Ti Jesuse xi laj staq'ue: —Xi ta xal ti sc'op Diose: ‘Ma'uc no'ox ta pan ta xch'i xc'opoj ti vinique. Ta xch'i xc'opoj ta sventa jujubel c'usi ta xal ti Diose.’

Tzotzil Zinacantan

⁴ ―Tsꞌibabil ta scꞌop Riox ti mu ta panuc noꞌox chicuxioticotique. Jaꞌ tscꞌan ta jchꞌunbeticotic noxtoc li cꞌusitic chiyalboticotic ti Rioxe ―xi ti Jesuse.

LEQUIL ACH' C'OP

⁴ Itac'av ti Jesuse: —Ts'ibabil ta sc'op Riox: “Ma'uc no'ox ta pan chcuxi li crixchanoe. Ja' ta xcuxi o noxtoc scotol li c'usi chloc' ta ye ti Rioxe.” ―Xi ti Jesuse.

Bible in Tzotzil de Chenalhó with Deuterocanon

⁴ Itac'ov li Jesuse: —Jech ts'ibabil ta sc'op Dios: ‘Muc ta vajuc no'ox ta xcuxi li cristianoe. Ja' ta xcuxi ta sventa scotol li sc'op chloc' ta ye Diose’, xi ts'ibabil —xi li Jesuse.

Tzotzil San Andres

⁴ Itacꞌav li Jesuse: ―Jech tsꞌibabil ta scꞌop Dios: “Mu ta vajuc noꞌox chijcuxiutic. Jaꞌ scꞌan ta jchꞌunbetic nojtoc li cꞌustic chijyalbutic li Diose”, xi tsꞌibabil ―xi li Jesuse.

Tzotzil de Huixtán

⁴ Hech itac'av ti Jesuse: ―Hech ts'ibabil: “Ma'uc no'ox ti vaj chijcuxi. Ja' chijcuxi ti sventa ti sc'op Dios uque”, ti xchie. Hech ts'ibabil ti sun ―xchi ti Jesuse.

San Mateo 4:4 Iomraidhean Croise

Éxodo 16:15

Ti jech mu bac'ni xilic o ti israeletique, mu sna'ic c'usi ta xtun o. Ja' yu'un un, xi lic sjac'olanbe sbaique: “¿C'usi ti q'ue s'elan le'e?” Xi albatic yu'un ti Moisese: —Le'e, ja' c'ot ta xq'uexol avotic ti ta xac' atun alajesic ti Diose.

Éxodo 16:35

Ti israeletique, cha'vinic (40) jabil sjalil, laj sve'ic ti manae, ja' to ti c'alal c'otic ta banomil ti bu oy ti jnaclejetique. Ti lec xcaltique, tey to staoj yav ta sve'ic ja' to ti c'uxi c'otic ta sti'il yosilal ti Canaane.

Éxodo 16:8

Ti Moisese xi to laj sts'ac batel ti slo'ile: —Yu'un ti Diose ta xac' talel beq'uet ati'ic ta smalil c'ac'al. Ti ta sobe, ta xayac'boxuc ep ti c'usi xu' ta xameltsan ti avotique. Yu'un laj xa ya'i ta xchiquin ti xabic'tal c'opojic ta scontrainele. Mu smeloluc, ¿buch'u laj sva'anuncutic un cha'e? Yu'un ti jech xabic'tal c'opojic xa ta scontraineluncutique, ma'uc ta xacontrainuncutic, yu'un ja' ta xacontrainic ti Diose.

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

San Mateo 15:11

Ti c'usiuc no'ox ti ta slajes ti vinique, ma'uc ta soquesat o. Ja'uc ti bu ta soquesbat ti vinique, ja' ti c'usi ta xloc' ta yee.

San Mateo 4:10

Ti Jesuse xi laj stac'bee: —Batan, Pucuj, ti sc'op Diose xi ta xale: ‘Ich'o ta muc' ti Ajvalil Dios avu'une, ac'o aba ta tunel yu'un.’

San Mateo 4:7

Ti Jesuse xi laj staq'ue: —Xi ta xal ti sc'op Dios xtoque: ‘Mu xalajeltsa ti Ajvalil Dios avu'une.’

Marcos 7:20

Xi laj yal xtoque: —Ti c'usi xtal no'ox ta sjol ta yo'nton ta yalel ti buch'uuc no'oxe, ta soques sba xchi'uc.

San Lucas 4:12

Xi laj stac' ti Jesuse: —Ts'ibabil ta ch'ul c'op: ‘Mu xalajeltsabe yo'nton ti Dios avu'une.’

San Lucas 4:4

Xi laj stac' ti Jesuse: —Xi ta xal ti ts'ibabil ta ch'ul c'ope: ‘Ma'uc no'ox ta yip pan ta xch'i xc'opoj ti vinique.’

San Lucas 4:8

Xi laj stac' ti Jesuse: —Xi ta xal ti ts'ibabil ta ch'ul c'ope: ‘Ja' no'ox ich'o ta muc', ac'o aba ta tunel ta stojol ti Ajvalil Dios avu'une.’

San Juan 15:26

“Ja'uc ti c'alal ta jtac talel ta atojolic ta sventa Jtot ti jpat-o'ntonale, ja' ti Ch'ul Espíritu ti melel c'usi ta xac' ta na'ele, ja' ta xalboxuc ava'iic ti jc'oplale.

San Juan 6:63

Ta sventa ti Ch'ul Espiritue oy cuxlejal, ja'uc ti lum ach'ele, mu'yuc c'usi bal o. Ti va'i s'elan laj calboxuc ava'iique, naca sc'oplal ti Ch'ul Espíritu ti ta xac' cuxlejale.

Romanos 15:4

Scotol ti c'usitic laj yich' alel talel ta vo'ne ta ch'ul c'ope, laj yich' ts'ibael ta sventa yo' ta xquich'tic chanubtasel yu'un, yo' bejbunuc ta co'ntontic ta stael batel ti oy c'usi jmalaojtic ta jtatique.

Efesios 6:17

Sc'oplal ti pojel colele, ja'uc c'otemuc ta smac ajolic, xchi'uc ja'uc c'otemuc ta avespadaic ti sc'op Dios ta xac'boxuc ti Ch'ul Espíritue.

Deuteronomio 8:3

Ac'o mi laj yac'bot avocolic, xchi'uc ta sts'iquel vi'nal yu'un, ts'acal to un, laj smalq'uinoxuc ta maná, ve'lil ti mu ja'uc jutebuc xavojtiquinique, mi ja'uc oy bu xojtiquinic ti amolmuc'totic ti laj ech'icuc ta vo'nee. Jech laj spas ti Dios taje, yo' jech ta xac' ana'ic ti ma'uc no'ox ta yip vaj ta xch'i xc'opoj ti vinique, ja' ta xch'i xc'opoj xchi'uc ta jujubel ti c'usi ta xloc' ta ye ta sti' ti Diose.