San Mateo 4:3 - Bible in Tzotzil de Chamula

³ Ti pucuje nopaj batel ta stojol ti Jesuse yo' ta slajeltsa ti xi laj yalbee: —Mi melel Xnich'onot ti Diose, paso ta mantal ti tonetic li'e ti joybijuc ta pan avu'une.

Tzotzil Zinacantan

³ Ti cꞌalal chviꞌnaj xa tajmeque, jaꞌo icꞌot ti totil pucuje, Satanás sbi. Cꞌot sloꞌlo ti yaloje. ―Ti mi yech ti voꞌot Xchꞌamalot li Rioxe, alboquic li tonetic liꞌi acꞌu cꞌatajuc ta pan ―xut.

LEQUIL ACH' C'OP

³ Ja' o ic'ot ti totil pucuje, c'ot slo'lo ti yaloje. Ja' yech iyalbe chac li'i: —Ti mi yech ti vo'ot Xch'amalot ti Rioxe, albo li tonetic li'i ti ac'u c'atajuc ta pane. ―Xut.

Bible in Tzotzil de Chenalhó with Deuterocanon

³ Te ital li pucuje, jech laj yalbe li Jesuse: —Me vo'ot Xnich'onot Diose, albo li tonetic li'i, ac'o c'atajuc ta vaj —xut.

Tzotzil San Andres

³ Cꞌalal ta xviꞌnaj tajmec li Jesuse, ital li banquilal pucuje, jaꞌ li Satanase. Tal sloꞌlo Jesús ti yaloje. Jech laj yalbe: ―Mi joꞌot Snichꞌonot li Diose, albo li tonetic liꞌi ti acꞌo cꞌatajuc ta vaje ―xꞌutat.

Tzotzil de Huixtán

³ Ti totil pucuje, ja' ti mero jlo'lavaneje, lic sc'opon ti Jesuse. Hech laj yalbe: ―Mi ho'ot snich'onot ti Diose, paso mantal ac'o pasuc ti vaj avi ton li'to, hech chata ave'el ―xut.

San Mateo 4:3 Iomraidhean Croise

Éxodo 16:3

ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

San Mateo 14:33

Va'i un, ti buch'u oyic ta barcoe lic squejan sbaic ta stojol ti Jesuse, ti xi laj yalbeique: —Ta melel vo'ot Xnich'onot ti Diose.

San Mateo 16:16

—Vo'ot Cristo, Xnich'onot ti cuxul Diose —xi ti Simón Pedroe.

San Mateo 26:63

Ti Jesuse ts'ijil com. Jech o xal ti banquilal palee xi laj yalbee: —Ta sba ta sat ti cuxul Diose, jamal albun ca'icutic, ¿mi vo'ot ti Cristo Xnich'onot ti Diose?

San Mateo 3:17

Ja' o vinaj talel ti oy Buch'u c'opoj ta vinajel ti xi laj yale: —Le'e, ja' Jnich'on ti c'ux ta xca'ie, ximuyubaj yu'un.

Marcos 1:1

Sc'oplal sliquebal ti lequil c'op yu'un ti Jesucristo Xnich'on ti Diose.

Marcos 3:11

Ti pucujetic ti mu stac' q'uelel ta j'ech'el ti c'usi tspase, c'alal ta xilic ti Jesuse, ta squejan sbaic ta stojol, ti xi ta x'avanique: —Vo'ot Xnich'onot ti Diose.

Marcos 5:7

Xi lic yavtae: —Jesús, Xnich'onot Dios ti oy ta cajale, mu xatic' aba ta jtojol. Avocoluc, yu'unuc ti Diose, mu xavac'bun quich' jvocol.

San Lucas 1:35

Xi tac'av ti anjele: —Ta xtal ta atojol ti Ch'ul Espiritue. Ta svoliot ta smuc'ul stsatsal ti Dios oy ta vinajele. Jech o xal ti ch'ul olol ta xvoc' ta atojole, ta x'albat sc'oplal ja' Xnich'on ti Diose.

San Lucas 22:70

Xi laj yalic scotolique: —Ati xcaltic un cha'e, vo'ot Xnich'onot ti Diose. Xi laj stac' ti Jesuse: —Vu'unun jech c'u cha'al ta xavalique.

San Lucas 4:3

Xi albat yu'un ti pucuje: —Mi melel, Xnich'onot ti Diose, joybino ta pan ti ton li'e.

San Lucas 4:41

Ti yepal no'ox col ti jchameletique, oy bu loc' batel pucuj ta stojolic ti xi ta x'avanique: —Vo'ot Xnich'onot Dios. Ja'uc ti Jesuse ta sjajanta ti pucujetique. Mu xac' c'opojuc jutebuc yu'un ti pucujetique sna'ojic ono'ox ja' ti Cristoe.

San Lucas 4:9

Ic'bil batel yu'un ti pucuj ta Jerusalene, ti aq'ue muyuc batel ti bu toyol sjol ti ch'ulnae, ti xi albate: —Mi melel, Xnich'onot ti Diose, jipo aba yalel li'e,

San Juan 1:34

Laj xa quil un, rexticoun ta j'ech'el ti ja' Xnich'on ti Diose.

San Juan 1:49

Xi laj yal ti Natanaele: —Jchanubtasvanej, vo'ot xnich'onot ti Dios un cha'e, Ajvalil yu'un ti Israele.

San Juan 20:31

Ja'uc ti ts'ibabil vun li'e, yo' ta xc'ot ta avo'ntonic ta xch'unel ja' Cristo ti Jesuse, Xnich'on ti Diose, yo' jech ta xata acuxlejalic ta sventa c'alal ta xc'ot ta avo'ntonic ta xch'unele.

San Juan 9:35

Ti Jesuse laj ya'i ti jipbil xa loq'uel ta ch'ulna ti ma'sat to oxe. C'alal laj snup sbaic ta bee, xi jac'bat yu'un ti Jesuse: —¿Mi ta xavich' ta muc' ti Xnich'on Diose?

Hechos 9:20

Ta jech yepal ti Sauloe lic yalbe sc'oplal ti Jesús ta jujun ch'ul na ti ja' Xnich'on ti Diose.

2 Corintios 1:19

Ti vu'une, ti Silvanoe, xchi'uc ti Timoteoe laj calcutic ava'iic sc'oplal ti Cristo Jesús Xnich'on ti Diose. Ti stuque mu'yuc bu ta xal “tana”, ti xie, c'alal oy ta yo'nton mu spase; “mo'oj”, ti xie, c'alal oy ta yo'nton ta spase. Yu'un ti c'usi ta xal ti Cristoe, melel ono'ox ti sc'ope.

Gálatas 2:20

yo' mu cu'unuc xa jba jtuc ti jech cuxulune, yu'un ja' xa cuxul ti Cristo ta jtojole. Ti jech cuxulun xchi'uc ti jbec'tale, cuxulun xa no'ox ta sventa ti c'ot ta co'nton ta xch'unel ti Xnich'on Diose, ti laj xc'uxubinune, ti laj yac' sba ta milel cu'une.

1 Tesalonicenses 3:5

Ti jech mu xa ts'icbaj ta xca'i ti c'u a'elanique, jech o xal laj jtac ta jaq'uel mi c'otem to ta avo'ntonic ta xch'unel ti Cajvaltique, yu'un lixi' mi oy bu laj sujoxuc ta spasel chopol ti pucuje, ti jeche no'ox mu'yuc c'usi tun o ti cabtelcutic ta atojolique.

Hebreos 12:16

Mu'yucuc buch'u junucal avu'unic ta xmulivaj. Mu'yucuc buch'u junucal avu'unic ta sbaj ti c'usitic ja' yu'un ti Diose jech c'u cha'al laj spas ti Esaue, ti ta jun no'ox sets' ve'lil laj sjel ti oy c'usi ta x'ac'bat ti jech banquilal nich'onile.

Hebreos 4:14

Ti Jesús Xnich'on ti Diose ja' xa ti Muc'ul Banquilal Pale cu'untique, ti och xa batel ta vinajel bu oy ti Diose. Jech o xal un, staojuc yav co'ntontic ta xch'unel ti c'u s'elan jch'unojtique.

Hebreos 7:3

Ti Melquisedec taje, mu na'baj buch'u ti stote ti sme'e, buch'utic ti smuc'tot syayae. Mi ja'uc x'ale sc'oplal ti bu voc' talele, ti bu chame. Co'ol s'elan ja' Xnich'on Dios, yu'un c'otem ta pale sbatel osil.

1 Juan 3:8

Ja'uc ti buch'u ta sa'ilan ti smule, ventainbil yu'un ti pucuje, yu'un ti pucuje, ta sliquebal ono'ox talel, laj sa'ilan ti smule. Ja' sventa tal Xnich'on ti Diose yo' jech ta slilinbe yabtel ti pucuje.

Apocalipsis 2:10

Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.