San Mateo 4:10 - Bible in Tzotzil de Chamula

¹⁰ Ti Jesuse xi laj stac'bee: —Batan, Pucuj, ti sc'op Diose xi ta xale: ‘Ich'o ta muc' ti Ajvalil Dios avu'une, ac'o aba ta tunel yu'un.’

Tzotzil Zinacantan

¹⁰ ―Batan, Satanás. Mu jchꞌun li cꞌusi chavalbone. Tsꞌibabil ta scꞌop Riox ti stuc noꞌox chquichꞌticotic ta mucꞌ ti Rioxe, ti jaꞌ ta jpasticotic ti cꞌusi tscꞌane ―xꞌutat yuꞌun Jesús ti pucuje.

LEQUIL ACH' C'OP

¹⁰ Itac'av ti Jesuse: —Batan, Satanás. Ts'ibabil ta sc'op Riox: “Stuc no'ox xavich'ic ta muc' ti Riox avu'unique, ja' no'ox xapasic li c'usi tsc'ane.” Xi.

Bible in Tzotzil de Chenalhó with Deuterocanon

¹⁰ Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

Tzotzil San Andres

¹⁰ Itacꞌav li Jesuse: ―Batan, Satanás, mu jchꞌun li cꞌusi chavalbune. Yuꞌun jech tsꞌibabil ta scꞌop li Diose: “Jaꞌ noꞌox xavichꞌic ta mucꞌ stuc li Cajvaltic Diose. Jaꞌ noꞌox xapasic li cꞌusi tscꞌane”, xi tsꞌibabil ―xut.

Tzotzil de Huixtán

¹⁰ Hech itac'av ti Jesuse: ―Batan, Satanás, mu stac' ti jch'un amantal. Yu'un hech ts'ibabil: “Ja' chapasic ti muc' stuc ti Cajvaltic Diose, ja' ti Dios cu'untique. Ja' chach'umbeic smantal stuc”, ti xchie. Hech ts'ibabil ―xchi ti Jesuse.

San Mateo 4:10 Iomraidhean Croise

1 Crónicas 21:1

Ti jtic'-mulil ánjele lic scontrain ti israeletic ti laj sliquesbe sjol ti David ti sliquesuc tsacob-biil ta stojol ti Israele.

Job 1:12

Ti Diose xi laj stac'be ti jtic'-mulile: —Lec oy un cha'e, ba paso avil ta stojol scotol ti c'usitic x'ayan yu'un ti Jobe, ti mu'yucuc c'usi chopol xapasbe ti stuque. Ti jtic'-mulil une loc' batel ta stojol ti Diose.

Job 1:6

Oy jun c'ac'al, sta yorail ta sva'an sbaic ta stojol Dios ti jtuneletic ti oyic ta vinajele. C'ot ec ti jtic'-mulil ánjel ta stojolique.

Job 2:1

C'alal sta sc'ac'alil ta sva'an sbaic ti yajtuneltac Dios ti oy ta vinajele, c'ot ec ti jtic'-mulil ánjele.

Salmos 109:6

Ti buch'u mu'yuc xch'ulel xa'i sbae, c'otuc ta jchapanvanej yu'un, ta sbauc stuc, joybijuc ti yajc'opojele.

Éxodo 23:25

Nijano, chimano aba ta yich'el ta muc' ti Ajvalil ti ja' Dios avu'une. Jech ti stuque ta sts'uiltasbot ti ave'el ava'ale. “Ta jnamajes ta atojol ti chamel lajele.

Isaías 30:22

Ta xc'ot ta pasel ti mu'yuc xa stu avu'un ta xavil ti loc'obbail ti meltsanbil ta platae, ti loc'obbail ti bonanbil ta oroe. Ta xc'ot ta pasel ti mu'yuc xa stu avu'un ta j'ech'ele. Ta xabis ta c'a'ep liquel.

San Mateo 16:23

Ti Jesuse joyij, xi laj yalbe ti Pedroe: —¡Ch'aco aba loq'uel ta jtojol, Pucuj, jmacvanej ta be ti xi'bal xa sba ti c'usi ta xaval ta sibtaselune! Ma'uc ta xanop jech c'u cha'al ta snop ti Diose. Ja' no'ox ta xanop jech c'u cha'al ta snop ti viniquetique.

Marcos 1:13

Ti bu taje, naca chonetic xchi'uc. Cha'vinic (40) c'ac'al lajeltsae yu'un pucuj ti Jesuse. Tal ánjeletic ti laj yac' sbaic ta tunel ta stojole.

San Lucas 10:18

Xi laj yal ti Jesuse: —Jech un, yu'un laj quil co'ol s'elan sleb chauc c'alal jipat yalel talel ta vinajel ti banquilal pucuje.

San Lucas 11:18

Ja' jech ec un, mi contra ta xil sbaic ti pucuje, ¿c'usi xut ta xjalij ti yip stsatsale? Jech ta xcalboxuc ava'iic, yu'un ta xavalbeicun, ti ta sventa smuc'ul ta stsatsal Beelzebú ta jloq'ues ti pucujetique.

San Lucas 13:16

Ti ants li'e, ti ja' jun snitilul ti Abrahame, oy xa ta svaxaclajunebal (18) jabil oy xchamel ti chucbil pech'bil yu'un ti pucuje. ¿Mi mu stac' colesel ta sc'ac'alil ti cuxob o'ntonale?

San Lucas 22:3

Va'i un, ti pucuje och ta stojolal ti Judas ti sbiinoj xtoc ti Iscariote, jun ta xlajcha'vo'al (12) ti jchanc'ope.

San Lucas 22:31

Xi laj yal xtoc ti Cajvaltique: —A'yio ava'i, Simón, Simón, ti pucuje laj xa sc'an ti ac'o avich'ic lilinel jech c'u cha'al ta xich' ic'ael ti trigoe.

San Lucas 4:8

Xi laj stac' ti Jesuse: —Xi ta xal ti ts'ibabil ta ch'ul c'ope: ‘Ja' no'ox ich'o ta muc', ac'o aba ta tunel ta stojol ti Ajvalil Dios avu'une.’

San Juan 13:27

C'alal laj stsac pan ti Judase, ta jech yepal ventainbat yo'nton yu'un ti pucuje. Xi albat yu'un ti Jesuse: —Paso me xch'a ti c'usi ta xapas ono'oxe.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Hechos 5:3

Xi laj yal ti Pedroe: —Ananías, ¿c'u cha'al laj avac' abtejuc ti pucuj ta avo'nton ta sjutel c'op ta stojol ti Ch'ul Espíritu ti laj ach'ac comel o'lol ti taq'uin ti c'u yepal latojbat yu'un ti avosile?

1 Corintios 5:5

Aq'uic batel ta yoc ta sc'ob pucuj ti vinic taje, yich'uc svocol ya'i yu'un ti smule yo' jech ta xcol ti xch'ulel c'alal ta xtal ti Cajvaltic Jesuse.

1 Corintios 7:5

Ja' yu'un un, sc'an ti mu smacbe sba yo'ntonic ta jujun tale. Yan mi co'ol ta scomonopic ti mu xchi'in sbaic ta sventa ta xc'opoj xti'inique, jechuc c'u sjaliluc. Ts'acal to ac'o xchi'in sbaic yo' mu tsalatic yu'un ti pucuje.

2 Corintios 11:14

Taje, mu xa yanuc ti stalelique, yu'un ti pucuj eque ta sbis sba ta jun ánjel ti xojobin no'ox ti yutsile.

2 Corintios 12:7

Yo' mu jtoy jba xchi'uc ti c'usi li'ac'bat quil ti cajal sc'oplal ta j'ech'ele, co'ol s'elan ch'ix pajal vul ta jbec'tal ti yan sba xc'uxul ta j'ech'ele, ti ja' yabtel ti pucuj tal yilbun ti jvocole.

2 Corintios 2:11

Ti jech taj une, yo' mu xistsalotic ti pucuje, yu'un xcojtiquintic lec c'u s'elan ti smanyae.

Deuteronomio 10:20

“Xi'taic ti Dios avu'unique. Ja'uc no'ox stuc, nijano, chimano abaic ta yich'el ta muc'. Junuc avo'ntonic ta stojol. Ja'uc me xava'an ta rextico ti c'alal ta xava'an aba ta yalel ti jbel xa sc'oplal ta xc'ot ta pasel avu'un ti ac'op laj avalique.

Santiago 4:7

Ja' yu'un un, bic'tajeso aba ta stojol ti Diose. Tsaco ta scontrainel ti pucuje, ta xjatav sq'uejel sba loq'uel ta atojolic.

Josué 24:14

—Ta sventa ti jech scotol le' une, xi'taic ti Diose. Ta stuq'uiluc ajol, ta sjunuluc avo'nton, ac'o abaic ta tunel ta stojol. Ma'ucuc me ti teq'uel ta xc'ot ta avo'ntonic ta yich'el ta muc' ti diosetic ti laj snijan xchiman sbaic ta yich'el ta muc' ti amolmuc'totic ti oyic to ox ta ti' uc'um Eufratese, xchi'uc ti ta Egiptoe. C'ajomaluc no'ox me, ac'o abaic ta tunel yu'un ti Dios stuque.

1 Pedro 5:9

Ta sventa ti c'otem ta avo'ntonic ta xch'unel ti Cajvaltique, tsalbiluc c'otuc avu'unic yabtel ti pucuj ti oy ta atojolique. Yu'un xana'ic ti jech ta sbejel banomil ti buyuc no'ox oyic ti co'ol jch'unolajeloxuque, jech ta xich' svocolic ec jech c'u cha'al ti vo'oxuque.

1 Samuel 7:3

Taj une, ti Samuele xi laj yalbe ya'i ti israeletique: “Mi ta sjunul avo'ntonic ta xasutic talel ta stojol ti Diose, tsots sc'oplal ta xatenic loq'uel ti yan diosetique, xchi'uc sloc'obbail ti Astartee, ti ta xavac' abaic ta tunesel yu'un ti Diose. C'ajomal no'ox stuc ta xavaq'uic ta ich'el ta muc'. Va'i un, ti stuque ta spojoxuc loq'uel ta yoc ta sc'ob ti contrainbiloxuc yu'un ti filisteoetique.”