San Mateo 4:1 - Bible in Tzotzil de Chamula

¹ Ta jech yepal un, ti Jesuse iq'ue batel ta sbajtical banomil yu'un ti Ch'ul Espiritue yo' jech ta xlajeltsae yu'un ti pucuje.

Tzotzil Zinacantan

¹ Ti cꞌalal laj yichꞌ voꞌ ti Jesuse, iyulesbat ta sjol yuꞌun ti Chꞌul Espíritue ti chbat ta xocol balamile yoꞌ xqꞌuele o yuꞌun ti totil pucuje mi ta xchꞌun loꞌloele.

LEQUIL ACH' C'OP

¹ Ti Jesuse, i'iq'ue ech'el ta xocol balamil yu'un ti ch'ul Espiritue yo' xq'uelbat o yo'on yu'un ti totil pucuje.

Bible in Tzotzil de Chenalhó with Deuterocanon

¹ Li Jesuse ja'o i'ic'at batel yu'un Espíritu ta xocol banamil yu'un ac'o q'uelbatuc yo'nton yu'un li banquilal pucuje.

Tzotzil San Andres

¹ Cꞌalal laj yichꞌ xa joꞌ li Jesuse, iꞌacꞌbat snaꞌ yuꞌun li Chꞌul Espíritu ti acꞌo batuc ta taqui jamaltique, yoꞌ acꞌo qꞌuelbatuc yoꞌon yuꞌun li banquilal pucuje.

Tzotzil de Huixtán

¹ Patil i'ic'at batel ti Jesuse yu'un ti Ch'ul Espíritue. I'ic'at batel ti xocol balumil. Te ital ti totil pucuje. Tal spasbe proval yo'nton ti Jesuse.

San Mateo 4:1 Iomraidhean Croise

Génesis 3:15

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

1 Reyes 18:12

Ti c'usi ta xc'ot ta pasele, c'alal mi laj jch'ac jba batel li' ta atojole, ta xic'ot batel xcuxlejal ti Dios ti bu mi ja'uc xa ta jtaot ta sa'ele. C'alal xivilet xa batel ta yalbel ya'i ti cajvale, mi ja'uc xa ta staot ta sa'el, ta xismil un. Ti avajtunel li'e, ta sbic'tal ono'ox, lic xi'ta talel ti Diose.

2 Reyes 2:16

ti xi laj yalbeic ya'ie: —A'yio ava'i, ti avajtuneltac li'e, oyuncutic lajuneb yoxvinic (50) ta vo' ti oy yip co'ntoncutique. Ac'o ave ati' ta sa'el talel ti avajchanubtasvaneje. Spas me ma' ti xcuxlejal Diose ti naca no'ox laj xchech batele, ti laj sten comel ta pimilal te'tic mi ta junuc stenlejaltique. Ja'uc ti stuque xi laj yale: —Mo'oj, mu'yuc buch'u xataquic batel mi junuc.

Ezequiel 11:1

Ti smuc'ul stsatsal ti Diose laj xchechun batel. Laj yic'un batel c'alal to ta ochebal sti' xch'ulna Dios ti oy ta stuq'uil sloq'ueb c'ac'ale. Va'i un, ti ta ti'nae, laj quil vo'ob xcha'vinic (25) ta vo' viniquetic. Ti ta scotolic taje, laj jta ta ojtiquinel ti Jaazanías ti ja' xnich'on ti Azure, xchi'uc ti Pelatías ti ja' xnich'on ti Benaiase, ti ja'ic banquilaletic yu'un ti jteclume.

Ezequiel 11:24

Laj taj une, ti smuc'ul stsatsal ti Diose, laj sva'anun, lisut batel ta Babilonia yu'un ti bu oy ti jlom ti bec'bil loq'uic ta slumalique. Ja' jech c'ot ta pasel ti laj sjambun jba jsat ti xcuxlejal Dios ti c'usi laj yac'bun quile. Ts'acal to un, sac ch'ay batel ti c'usi laj quile.

Ezequiel 3:12

Va'i un, smuc'ul stsatsal ti Diose laj xchechun loq'uel. Ti ta jpate, laj ca'i oy c'usi tsots xtininet jech c'u cha'al junuc niquel ya'yel c'alal tots batel yutsilal slequilal ti Dios ti bu oye.

Ezequiel 3:14

Smuc'ul stsatsal ti Dios une laj xchechun loq'uel ti bu taje. Xme'inaj xa banomil xchi'uc vul o'nton xa oyun ti tsots mich'bilun loq'uel yu'un sc'ob ti Diose.

Ezequiel 40:2

Laj quil yilel lic'ot yu'un ti Diose, c'ot sva'anun ta jun toyol vits. Laj quil batel oy c'usi meltsanbil co'ol s'elan jun muc' ta lum yilel ta yeloval ta yolon ti yac'ol xocon sloq'ueb c'ac'ale.

Ezequiel 43:5

Va'i un, smuc'ul stsatsal ti Diose laj xchechun batel ta amac' ti oy ta yutile. Laj quil sac jaman no'ox yu'un sbejel yut ch'ulna yutsilal slequilal ti Diose.

Ezequiel 8:3

Jech ti buch'u co'ol s'elan vinic yilele, laj xach' talel ti sc'obe. Stsac xiyutbun ti stsotsil jole. Va'i un, ti smuc'ul stsatsal ti Diose, xi chechech to batel yu'un. Ti c'usitic laj quil ti c'alal jam ti jba jsate, ja' liquem ta stojol Dios scotol. C'alal to Jerusalén yic'ojun batel yilel, ti c'ot sva'anun ta ochebal ti'na ti oy ta yutil ti jteclum ti xi sq'ueloj batel ta stuq'uil yolon ti yolon xocon sloq'ueb c'ac'ale, ti bu va'al ti loc'obbail ti ilinem ti Dios yu'une.

San Juan 14:30

“Jliquel xa li' ta jchi'inoxuc ta lo'ile, yu'un tal xa ti buch'u sbainoj ta spasel mantal li' ta banomile, ac'o mi mu'yuc c'usi xu' yu'un spasel ta jtojol.

Hechos 8:39

C'alal sutic muyel talel ta ich' vo'e, ti Ch'ul Espíritu yu'un ti Diose, laj yic' batel ti Felipee. Ti vinic tsots yabtel yich'oje, mu'yuc xa bu laj yil ti Felipee. Xmuyubaj xa laj stam batel ti sbee.

Romanos 8:14

Scotolic ti buch'utic tojobtasbil ta sventa ti Ch'ul Espíritu yu'un ti Diose, ja' xnich'nabtac ti Diose.

Hebreos 2:18

Ti jech laj ya'i ti lajeltsaele, ti vocole, avi tana un, ti Jesuse ta scolta ti buch'u ta xa'i ti oy lajeltsaele, ti vocole.

Santiago 1:14

C'alal mi oy buch'u tijbil sjol ta spasel ti c'usi chopole, ja' tijbil sjol yu'un ti chopol sc'upijel yo'ntone. Jech o xal ta xlic spas ti c'usi chopole.