San Mateo 3:7 - Bible in Tzotzil de Chamula

⁷ C'alal laj yil ti Juan ti ep ta xtalic ta yich'el vo' ti fariseoetique xchi'uc ti saduceoetique, xi laj yalbee: —Xnich'nab jti'oval chon, ¿buch'u laj yalboxuc ava'iic ti ta xapoj abaic yu'un ti tsots tsitsel ti ta xa xtale?

Tzotzil Zinacantan

⁷ Ti Juane iyil ti tey chcꞌot ep ti muchꞌutic ochemic ta fariseoale xchiꞌuc ti muchꞌutic ochemic ta saduceoale. Cꞌot scꞌanic ichꞌvoꞌ uc. ―Li voꞌoxuque jaꞌ achiꞌilic li quiletel chone. Ti cꞌalal chaꞌi ti chtal cꞌocꞌ li chone, chjatav. Jaꞌ yechoxuc uc. ¿Miꞌn avaꞌiic xa yaꞌel ti chavichꞌic castico ti tal acꞌanic ta ora li ichꞌvoꞌe?

LEQUIL ACH' C'OP

⁷ C'alal iyil ti Juane ti tey c'ot sc'anic ich'vo' epal jfariseoetic xchi'uc jsaduceoetique, yech iyalbe chac li'i: «¡Li vo'oxuque ja' achi'ilic li quiletel chonetique! ¿Much'u yalbeic ti chacolic ta tsatsal castico ti ta xtale?

Bible in Tzotzil de Chenalhó with Deuterocanon

⁷ C'alal laj yil Juan ti ep fariseoetic xchi'uc saduceoetic bat sc'anic ich' vo'e, jech laj yalbe: “Li vo'oxuque ja' achi'ilic orachon. ¿Me chac'an chajatovic ta anil ta sventa li stojol mulil ta xtale?

Tzotzil San Andres

⁷ Iyil li Juane ti te ta xtalic ep li buchꞌutic ochemic ta fariseoale schiꞌuc li buchꞌutic ochemic ta saduceoale. Tal scꞌanic yichꞌic joꞌ eꞌuc. Li Juane jech laj yalbe: ―Li joꞌoxuque jun chac stsꞌunbaloxuc li orachone. Li orachone ta xjatav loqꞌuel ta anil li cꞌalal mi iyaꞌi ti ta xa xtal cꞌoqꞌue. Jaꞌ jechoxuc li joꞌoxuque. ¿Mi yuꞌun avaꞌiic ti ta onoꞌox xavichꞌic vocol yuꞌun Dios ti latalic ta anile, yoꞌ tal acꞌanic avichꞌic joꞌe?

Tzotzil de Huixtán

⁷ Laj yil ti Juane ti ep chtal uc ti fariseoetique xchi'uc ti saduceoetique, ja' ti jchi'iltique. (Ti fariseoetique ja' tsots sc'opilal c'otem yu'unic tscuyic ti smantal ti Diose. Ja'uc ti saduceoetique ja' chch'unic ti mu'yuc much'u chcha'cuxie.) Italic yu'un tsc'an chich'ic ho' uc. Hech yu'un hech i'albatic yu'un ti Juane: ―Ti ho'oxuque hech chaj c'u che'el ti orachone mi chtal c'oc' cha'i, chjatav. Hech un ja' no'ox hech ti ho'oxuque, ¿mi yu'un chava'yic ti ta ono'ox xavich'ic vocol yu'un ti Diose yu'un ti natalic ti anil yu'un tal ac'anic ich'ho' ti jtojol ti ho'oxuque?

San Mateo 3:7 Iomraidhean Croise

Génesis 3:15

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

Proverbios 28:4

Ti buch'u mu xc'ot ta pasel yu'un ti oy jbel c'usi tsots albile, ta xich' ta muc' ti buch'u mu'yuc xch'ulel xa'i sbae; ti buch'u ta xc'ot ta pasel yu'un ti oy c'usi jbel tsots albile, ta x'ich'e ta contra yu'un.

Isaías 59:5

Naca ston sts'unubal jti'oval chon ti yac'ojbeic yipal ta sbolesele. Xloc'taj yu'unic ta jalel snajel jti'oval om. Ti buch'u ve'lil yaloj ti ton chon taje, ta xcham xchi'uc mi laj slo'e. Mi oy buch'u ta xpuch' ta teq'uele, vol xiic no'ox loq'uel ti nene' jti'oval chonetique.

Jeremías 51:6

“Jatavanic loq'uel ta jteclum Babilonia. Spojuc xa sba ti buch'u xu' yu'une. Mu aq'uelojuc abaic ta xachamic ta scoj ti smulique. Yorail xa ta jpac sutel ti jq'uexe. Ta stojic cu'un ti c'u s'elan loc' ta sa'el yu'unique.

Jeremías 6:10

Ti vu'une xichi laj jtac'bee: “¿Mi yu'un oy buch'u sc'an ta xa'i mi ta jlo'iltabeic ti a'yej taje? Mu xa'iic un, Cajval, yu'un macal ta j'ech'el ti xchiquinique. C'ajomal no'ox ta xlabajic xchi'uquic ti ac'ope. Mi ja'uc oy stu ta xa'iic.

San Mateo 12:24

C'alal laj ya'iic ti fariseoetic taje, xi laj yalique: —Ti vinic le'e, ti ta sloq'ues ti pucujetique, ja' ta stsatsal ti Beelzebú ti banquilal yu'unique.

San Mateo 12:34

Xnich'nab jti'oval chon, ¿c'usi xavut ti lec ta xavalic ti c'alal chopol ono'ox avo'ntonique? Yu'un ti c'usi ta xloc' ta aveique, ja' ti c'usi ayanem ta yut avo'ntonique.

San Mateo 15:12

Ti yajchanc'optaque nopajic batel ta stojol ti Jesuse, xi laj sjac'beique: —¿Mi xana' ti soc sjolic ti fariseoetic ti jech laj avale?

San Mateo 16:1

Ti fariseoetique xchi'uc ti saduceoetique bat sq'uelic ti Jesuse yo' ta sbajesic ya'iic ta c'oc'. Laj sc'anbeic ti yac'uc iluc ti c'usi ch'ayal ta xc'ot o'ntonal yu'une, ti yac'uc ta na'el ti liquem talel ta stojol ti Diose.

San Mateo 16:6

—Bijanic yu'un spajubtasobil spanic ti fariseoetique xchi'uc ti saduceoetique —x'utatic yu'un ti Jesuse.

San Mateo 22:15

Laj taj une, ti fariseoetique bat scomonopic yo' oy c'usi ta sjac'beic ti Jesuse, yo' ta stabeic smul ti mi oy c'usi chopol ta xale.

San Mateo 22:23

Ta sc'ac'alil ono'ox taje, oy jlom saduceoetic batic ta stojol Jesús. Ti jsaduceoetique ta xalic ti mu'yuc ta xcha'cuxi ti animaetique. Jech o xa xi yich'ojbeic batel sc'opic jech c'u cha'al li'e:

San Mateo 22:34

Ti fariseoetique lic stsob sbaic c'alal laj yilic ts'ijil com yu'un saduceoetic ti Jesuse.

San Mateo 23:33

“¡Xnich'nab jti'oval chon! ¿c'usi xavut ta xapoj abaic yu'un ti tsitsel yu'un ti c'atimbaque?

San Mateo 5:20

Ta xcalboxuc ava'iic, mi mu xavac' avo'ntonic ta spasel ti c'usi ta sc'an ti Diose, mi jech ta xapasic jech c'u cha'al ta spas ti fariseoetique xchi'uc ti jchanubtasvanejetic yu'un ti mantale, mu cha'beluc xu' xa'ochic batel ti bu ta xventainvan ti Diose.

Marcos 12:13

Ts'acal to, laj staquic batel ta stojol Jesús jun chib fariseoetic, xchi'uc jun chib svinictac Herodes yo' mi oy c'usi chopol ta xloc' ta yee, yo' jech ta xbaj ta c'oc' yu'unic.

Marcos 12:18

Va'i un, oy jun chib saduceoetic bat sq'uelic ti Jesuse. Yu'un taje, ta xalic ti mu'yuc ta xcha'cuxi ti animaetique. Jech o xal xi c'ot yalique:

Marcos 8:15

Ti Jesuse xi laj yalbe ti yajchanc'optaque: —Ti vo'oxuque, bijanic yu'un spajubtasobil span ti fariseoetique xchi'uc spajubtasobil span ti Herodese.

San Lucas 16:14

C'alal laj ya'i ti fariseoetic ti va'i s'elan laj yal ti Jesuse, lic slabanic yu'un batem yo'ntonic yu'un ti taq'uine.

San Lucas 18:11

Ti fariseoe xi ta xal ti va'al ta xc'opoj xti'ine: ‘Colavalbun, Ch'ul Dios, ti mu jechuc j'elan jech c'u cha'al ti yane, ti ta x'elc'ajique, ti mu'yuc xch'ulel xa'i sbaique, ti jsa'muliletique. Mi ja'uc jutebuc jech j'elan jech c'u cha'al ti jc'an-patan-taq'uin li'e.

San Lucas 7:30

Ja'uc ti fariseoetique xchi'uc ti jchanubtasvanejetic yu'un ti oy c'usi tsots albil sc'oplale, mu'yuc xich'ic vo' ta sventa ti Juane. Laj sjip, laj stenic ti oy c'usi ta sc'an ta ox spas ti Dios ta stojolique.

San Juan 1:24

Ti buch'utic bat sc'oponic ti Juane, ti tacbilic batel yu'un ti fariseoetique,

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

San Juan 9:40

Oy jlom fariseoetic jmoj ta xanavic xchi'uc, c'alal laj ya'iic jech taje, xi laj sjac'beique: —¿Mi yu'un ma'satuncutic ya'yel ec un?

Hechos 15:5

Ja'uc le' une, oy jun chib fariseoetic ti jch'unolajeletic xae, laj sva'an sbaic ti xi laj yalique: —Ti jyanlum jch'unolajeletique, tsots sc'oplal ac'o yich'ic ti circuncisione, xchi'uc yich'uc albel ya'iic ti ac'o spasic ti oy c'usi tsots albil sc'oplal yu'un ti Moisese.

Hechos 20:31

Viq'uiluc asatic, vuleso ta avo'ntonic ti c'u s'elan lichanubtasvan ti oxib (3) jabil li' oyun ta atojolique, yu'un c'ac'al ac'ubal ta ya'lel jsat laj jbijubtasoxuc acotolic.

Hechos 26:5

Sna'ic xtoc, xu' ta xalic mi sc'anique, bats'i fariseoun xca'i jba ta j'ech'el, ti jbel xcal ti c'u s'elan c'otem ta ch'unel cu'uncutique.

Hechos 5:17

Ti banquilal palee xchi'uc ti saduceoetic ti jmoj sjolic xchi'uquique, lic yit'ixal yo'ntonic.

Romanos 1:18

Ti Dios ti oy ta vinajele ta xac' ta ilel sc'ac'al yo'nton ta yac'bel svocol ta tsitsel ti chopol jnaclejetic ta banomil ti mu'yuc stuq'uil smelolique, ti me'inem ta yo'ntonic ti mulile, ti ta xchopolal sjol yo'ntonic ta smaquic ya'iic ta be ti c'usi ja' melele.

Romanos 5:9

Avi tana une, laj xa jtatic ti lec xij'ile yu'un ti Dios ta sventa ti cham ti Jesucristoe. Jech o xal un, oy lec smelol ti mu xba quich'tic tsitsel ta sventa stuc ti ta slajebal c'ac'ale.

1 Tesalonicenses 1:10

Ta xalic xtoc ti amalaojic ta xcha'sut talel ta vinajel ti Jesuse, ti ja' Xnich'on Diose, ti Buch'u cha'cuxesat yu'un ti Diose, ti Jpojvanej cu'untic yo' mu xquich'tic ti tsots tsitsel ti ta to xtale.

Hebreos 11:7

Ti jech c'otem ta yo'nton ta xch'unel ti Noee, caj'albat yu'un Dios ti oy c'usi ta xc'ot ta pasel ti mu'yuc to yiloje. C'alal jech albate, tac'al c'ot ta yo'nton, lic smeltsan ti barcoe yo' jech ta spoj sbaic xchi'uc ti yalab xnich'nabe. Ti jech c'otem ta yo'nton ta xch'unel ti Noee, laj svinajesbe ti oy smul ti xchi'iltaque, xchi'uc laj sta ti lec x'ile ta sventa ti jech c'otem ta yo'nton ta xch'unele.

Hebreos 6:18

Ja' yu'un un, ta sventa ti cha'bel taje, ti jbel sc'oplal mu stac' jelele, xchi'uc ti mu sjut c'op ti Diose, xpatet to co'ntontic yu'un ti jech laj xa jsa'tic jpojel jcoltaeltic ta stojole.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.