San Mateo 3:6 - Bible in Tzotzil de Chamula

⁶ C'alal jamal ta xalic ti smulique, ti Juane ta xac'be yich' vo' ta uc'um Jordán.

Tzotzil Zinacantan

⁶ Ti muchꞌutic jamal iyalic ti cꞌusitic chopol tspasique, iꞌacꞌbatic yichꞌic voꞌ ta ucꞌum Jordán yuꞌun ti Juane.

LEQUIL ACH' C'OP

⁶ Ti much'utic iyalic ta jamal li smulique, i'ac'bat yich'ic vo' ta uc'um Jordán yu'un ti Juane.

Bible in Tzotzil de Chenalhó with Deuterocanon

⁶ Scotol li boch'otic jamal laj yal smulique, i'ac'bat yich'ic vo' yu'un Juan te ta uc'um Jordán.

Tzotzil San Andres

⁶ Scotol li buchꞌutic jamal iyalic smulique, iꞌacꞌbat yichꞌic joꞌ yuꞌun li Juan li te ta ucꞌum Jordane.

Tzotzil de Huixtán

⁶ Jamal c'ot yalic ti stojol ti Juane ti c'usi smulic jujun. Hech yu'un i'ac'batic yich'ic ho' yu'un ti Juane te ti uc'um Jordán.

San Mateo 3:6 Iomraidhean Croise

Esdras 10:1

C'alal yacal ta c'opojel ti'inel ti Esdras ta xcholel jelavel ti c'ope, x'oc' x'avan xa ti quejel ta xch'ulna ti Diose, laj svol sbaic talel epal israel viniquetic, antsetic, xchi'uc ololetic ti x'oc' x'avanic xa joyol ta stojole.

Salmos 32:5

Mu jutebuc laj jmac que jti' yu'un ti jmule, ti c'usi chopol jpasoje; c'ot ta co'nton ti jamal laj calbot ava'i ti jmule, laj ach'aybun ti jmul une, Dios.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Daniel 9:4

Xi s'elan xcholet lic cal ti lic'opoj liti'in ta stojol ti Ajvalil Dios cu'une: “Cajval, muc'ul Diosot, jelavem xu' avu'un, ta ono'ox xc'ot ta pasel avu'un ti c'usi loq'uem ta ave ati'e. Ta xavac' ta ilel ti syail xc'uxul avo'nton ta stojolic ti buch'uuc c'ux ta xaya'ie, ti ta xc'ot ta pasel yu'unic ti amantaltaque:

Levítico 16:21

Va'i un, ta scajan sc'ob ta sjol ti tentsune. Jamal ta xal ti ac'o yich'be batel scotol ti xchopolalique, ti stoyobbailique, xchi'uc smulic ti israeletique. Ti jech taj une, ta scajanbeic batel ti mulil ta sjol ti tentsune. Oy buch'u ta x'abolaj ta yiq'uel batel yo' jech ta scolta comel ta sbajtical banomil.

Levítico 26:40

“Ac'o mi laj to avilic ti achopolique, xchi'uc xchopolalic ti atot ame'ique, xchi'uc ti mu'yucun ta avo'ntonique, xchi'uc ti laj to avilic ti laj asoquesbeicun ti co'ntone,

Números 5:7

Ja' yu'un un, tsots sc'oplal, ac'o ya'i sba. Ma'uc no'ox taje, ac'o stojbe sutel ti buch'u oy c'usi laj soquesbe ta sts'i'le'ele. Yu'un ja' jech yepal ta stoj ti c'u yepal laj soques ta sts'i'le'ele, xchi'uc ta to xac' jch'ac ta vo'ch'ac ti c'u yepale.

San Mateo 3:11

Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

Marcos 1:5

Sjunul ti Judea banomile, ti Jerusalene batic ta ya'yibel sc'op ti Juane. Ti buch'u jamal ta xal ti smulique, ta x'ac'bat yich'ic vo' yu'un ti Juan ta uc'um Jordane.

San Lucas 1:16

Ta sventa ti stuque, yepal israeletic ta sutic talel ta stojol ti Ajvalil Dios yu'unique.

San Lucas 3:16

Ja'uc ti Juane xi laj yalbe ya'i scotolique: —Ta melel, vo' no'ox ta xcac' avich'ic ti vu'une. Ja'uc ti Buch'u ta to xtale, ta xac'boxuc avich'ic ti Ch'ul Espíritu ti co'ol s'elan c'oq'ue. X'ech' to xu' yu'un, ja' mu sta ti vu'une, yu'un mu xic'ot o ta sjitunbel ti yaq'uil xonobe, yu'un mu'yuc jlequilal cutsilal ta stojol.

Hechos 1:5

Ta melel, ti Juane, vo' laj yac' ta ich'el, ja'uc ti vo'oxuque jutuc xa sc'an ta xavich'ic ti Ch'ul Espiritue.

Hechos 11:16

Va'i un, ja' o vul ta co'nton jech c'u cha'al ti xi laj yal ti Cajvaltic Jesuse: ‘Melel, ti Juane laj yac' ich' vo'. Ja'uc ti vo'oxuque ta xavich'ic ti Ch'ul Espiritue.’

Hechos 19:18

Scotol ti c'u yepal c'ot ta yo'ntonic ta xch'unele, lic yalic ta jamal ti c'usi mu stac' alel ti c'usi laj xa spasic ta ba'yele.

Hechos 22:16

Mu li'uc no'ox xach'ayete, lican, va'lan, ich'o vo'. Vocoletan ta stojol ti Cajvaltique yo' jech pocbil tusbil ti amule.’

1 Corintios 10:2

Ti jech taj une, co'ol s'elan scotolic ech' yich'ic vo' ta sventa ti laj snaban sbaic batel ta stojol ti Moisese, ti ic'bilic batel yu'un ti toc ti c'alal ech' xtuch'ic jelavel ti Tsajal Nabe.

Colosenses 2:12

Yu'un c'alal laj avich'ic vo'e, jmoj laj avich'ic muquel xchi'uc ti Cristoe, xchi'uc jmoj lacha'cuxiic. Yu'un c'ot ta avo'ntonic ta xch'unel ti oy smuc'ul stsatsal ti Dios ti laj xcha'cuxes ti Cristoe.

Hebreos 6:2

jech c'u cha'al sc'oplal chanubtasel yu'un ti ich' vo'e, sc'oplal scajanel ti c'obil ta jolale, sc'oplal ta xcha'cuxiic ti animaetique, xchi'uc sc'oplal ti sbatel osil ta xich'ic tsitsel ti buch'u oy smulique.

Hebreos 9:10

Yu'un spat xocon no'ox, naca sc'oplal ve'liletic, uch'bolaletic, xchi'uc c'u s'elan ta stus ta spoc sbaic. Yu'un naca mantal ti ja' no'ox itun ti c'u sjalil mu'yuc to ta xc'ot ta jelel yu'un ti Diose.

Santiago 5:16

Jech o xal un, jamal albo abaic ti amulic ta jujun tale. C'oponbo abaic Dios ta jujun tal yo' jech ta xacolic. Sc'opojel sti'inel ti lequil tuq'uil vinique, oy yip stsatsal ti sc'opojele.

Josué 7:19

Va'i un, ti Josuee xi laj yalbe ti Acane: —Nich'on, lequil c'optabiluc, ich'biluc ta muc' c'otuc avu'un ti Ajvalil Dios yu'un ti israeletique, ti chapetan albun ca'i ta jamal ti c'usi laj apase. ¡Mu co'ntonuc no'ox xmacmun avu'un!

1 Pedro 3:21

Ti nojel ta vo' taje, ja' ta xac' ta na'el sc'oplal ti ich' vo'e, ti ja' senyail ta xijcole. Yu'un ti ich' vo'e, ma'uc ta sventa ta spoc ti jbec'taltique, yu'un ja' no'ox ta sventa ac'o jc'anbeticuc spoquel jol co'ntontic ti Diose, yo' jech ta xijcolotic ta sventa ti cham cha'cuxi ti Jesucristoe.

1 Juan 1:9

Ta sventa ti oy stuq'uil yo'nton ti Diose, mi jamal ta xcalbetic Dios ti jmultique, jpat co'ntontic ta stojol ti ta xch'ay ti jmul jcolo'tique, xchi'uc ta spoc ta stus loq'uel scotol c'usiuc no'ox mu stac' q'uelel ti c'usi ta jpastique.