San Mateo 3:3 - Bible in Tzotzil de Chamula

³ Ti Juan taje, ja' ti buch'u xi ts'ibabat sc'oplal yu'un ti j'alc'op Isaiase: “Oy buch'u tsots ta xc'opoj ta xocol banomil ti xi ta xale: ‘Jambeic tuq'uil be ti Cajvaltique. Meltsanbeic lec sbe.’ ”

Tzotzil Zinacantan

³ Ti Juane tsꞌibabil onox scꞌoplal yuꞌun ti Isaías yajꞌalcꞌop Riox ti ta voꞌnee. Jaꞌ yech istsꞌiba chac liꞌi: Ta to xtal jun jchiꞌiltic ta israelal, tsots ch-avetaj ta xocol balamil. “Chtal xa ti Cajvaltique. Ictaic xa spasel li cꞌusitic chopole. Xachꞌunbeic me ti cꞌusitic chayalbeique”, xi chalbe ti jchiꞌiltactique, xi onox ti Isaíase.

LEQUIL ACH' C'OP

³ Ti J'alc'op Isaiase iyalbe ono'ox sc'oplal ti Juane: «Oy much'u tsots ch-avetaj ta xocol balamil: Chapanbeic sbe ti Cajvaltique; tuq'uibtasbeic li sbee.”» —Xi ono'ox.

Bible in Tzotzil de Chenalhó with Deuterocanon

³ Ja' sc'oplal ti jech ono'ox ts'ibabil yu'un j'alc'op Isaías ta vo'onee: “Oy boch'o tsots ta x'avan ta xocol banamil: ‘Chapanbeic sbe li Cajvaltique. Tuq'uibtasbeic sbe li Dios cu'untique’, xi chlic yal”, xi ono'ox li Isaiase.

Tzotzil San Andres

³ Yuꞌun jech onoꞌox tsꞌibabil scꞌoplal li Juan yuꞌun li Isaías li iyal scꞌop Dios ta voꞌonee. Jech laj yal: Chlic jun jchiꞌiltic ta israelal, tsots ta xal ta taqui jamaltic ti ta xa xtal li Cajvaltique. Jaꞌ yuꞌun ta xal nojtoc: “Ictaic scotol li cꞌustic chopol chapasique. Ichꞌbeic ta mucꞌ li scꞌope”, xi ta xalbe li jchiꞌiltactique, xi onoꞌox li Isaíase.

Tzotzil de Huixtán

³ Ti Juane ja' albil sc'opilal yu'un ti Isaíase, ja' ti j'alc'op yu'un ti Diose ti vo'one. Hech laj yal ti Isaíase: Chlic jun jchi'iltic, tsots chc'opoj ti xocol balumil. Hech chal: “Chtal xa ti Cajvaltique, hech yu'un comesic ti c'usi chasbolibtasoxuque”, chlic yut ti xchi'iltaque, xchi ti Isaíase.

San Mateo 3:3 Iomraidhean Croise

Isaías 40:3

Yu'un oy buch'u x'avet ti xi ta xale: “Ti ta sbajtical banomile, chapanbeic sbe ti Cajvaltique. Poletuc no'ox avu'unic ta sventa ti Diose. Ac'beic lec stuq'uil ti bu ta x'ech' ta sbajticale.

Malaquías 3:1

Ti Dios ti scotol xu' yu'une xi ta xale: “Ta jtac jelavel talel ti caj'al-mantal j'ich'-c'ope yo' jech ta xchapanbun ti jbee. Ti Dios taje, ja' ti Buch'u yacal ta xasa'ilanique. Mu xa jaluc sc'an ti ta x'och ta xch'ulnae. Ta xvul xa ta loq'uel ti j'al-mantal j'ich-c'op yu'un ti trate ti oy ta avo'ntonic amalaojique.”

Marcos 1:3

Oy buch'u tsots ta x'avan ta xocol banomil ti xi ta xale: ‘Meltsanbeic sbe ti Cajvaltique. Jambeic junuc tuq'uil be.’ ”

San Lucas 1:17

Ti Juan taje, ja' jba'be yu'un ti Cajvaltique, co'ol ac'bil snopbenal smuc'ul stsatsal jech c'u cha'al ech' ti j'alc'op Eliase. Ta sco'oltasbe yo'nton ti totiletic xchi'uc ti xnich'nabique yo' jech ti jtoyobbaetique ta xc'ot ta jch'unej mantal yu'un. Jech xtoc un, yo' ta xchapanbe lec sjol yo'nton ti jteclum ta yich'el ta muc' ti Ajvalile.

San Lucas 1:76

Ti vo'ote, cuni nich'on, ta xa'albat j'alc'op yu'un Dios ti oy ta toyole. Jba'be ta xabat yu'un ti Cajvaltique. Ta xameltsanbe ti beetic yu'une.

San Juan 1:23

Xi laj stac' ti Juane: —Vu'un jbainoj ti xi ta xal ta avetel ta xocol banomil jech c'u cha'al laj yal ti j'alc'op Isaías ti xi laj yale: ‘Jambeic jun tuq'uil be ti Cajvaltique.’