San Mateo 3:16 - Bible in Tzotzil de Chamula

¹⁶ C'alal laj yich' vo' ti Jesuse, loc' batel, ta jech yepal jam ti vinajele. Ti Jesuse laj yil ti Ch'ul Espíritu yu'un ti Diose ti co'ol s'elan jcot paloma ti ta xyal talel ta stojole.

Tzotzil Zinacantan

¹⁶ Ti cꞌalal laj yichꞌ voꞌ ti Jesuse, ilocꞌ ta ucꞌum. Jaꞌo ijam li vinajele. Iyil iyal tal ta sba ti Chꞌul Espíritue ti jun xchiꞌuc ti Rioxe. Coꞌol xchiꞌuc paloma yilel. Jaꞌo ichiꞌine yuꞌun ti Chꞌul Espíritue.

LEQUIL ACH' C'OP

¹⁶ Ti c'alal laj yich' vo' ti Jesuse, iloc' ta uc'um. Ja'o ijam li vinajele. Iyil iyal tal ti Ch'ul Espiritu yu'un ti Rioxe, tey ic'ot ta stojol. Co'ol xchi'uc paloma yilel.

Bible in Tzotzil de Chenalhó with Deuterocanon

¹⁶ C'alal laj yich' vo' li Jesuse, iloc' ta uc'um; ta ora ijam li vinajele. Laj yil iyal tal ta sba li Espíritu yu'un Diose, xco'laj xchi'uc stsumut yilel.

Tzotzil San Andres

¹⁶ Cꞌalal laj yichꞌ xa joꞌ li Jesuse, ilocꞌ ta ucꞌum. Iyil ta ora ti ijam li vinajele, ti iyal talel ta sba li Chꞌul Espíritu ti junic schiꞌuc li Diose. Coꞌol schiꞌuc jcot jculajteꞌ yilel. Jech iyichꞌ o li Chꞌul Espíritue.

Tzotzil de Huixtán

¹⁶ C'alal laj yich' ho' ti Jesuse, iloc' ti yut uc'um. Ti ora ijam ti vinajele. Ti Jesuse sq'ueloj iyal tal ti sba ti Espíritu yu'un ti Diose. Jun to culajte x'elan ti c'alal iyal tal ti sbae. Te icom.

San Mateo 3:16 Iomraidhean Croise

Isaías 11:2

Mu xch'ac sba ti xcuxlejal Dios ta stojole. Ta x'ac'bat sbijil, snopbenal, spajesel sba, yipal yu'un, ta yojtiquinel ti c'usi leque, ta xi'tael ti Diose.

Isaías 42:1

“Li' oy ti cajtunel ti vu'un jventainoje, ti ja' jt'ujoje, ti xlaet no'ox co'nton xchi'uque. Yu'un laj cac'be yich' ti jcuxleje yo' jech ta sta slecubtasel sjol yo'ntonic yu'un ti muc'tiquil lumetique.

Isaías 59:21

Ti Diose xi ta xale: “Ta jpas jtrate ta atojolic. Ta xcal ta jamal, ti mu sq'uej sba ta atojolic ti jmuc'ul jtsatsale, xchi'uc ti c'u s'elan ta jchanubtasoxuque. Sbatel osil, mi ja'uc ta xquictaoxuc comel xchi'uc ti anitilultaque.”

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Marcos 1:10

C'alal loc' talel ta vo' ti Jesuse, laj yil ijam ti vinajele, yal talel ta stojol ti Ch'ul Espiritue co'ol s'elan jcot paloma.

San Juan 1:51

Xi laj yal xtoc ti Jesuse: —Ta xcalboxuc ava'iic ta melel, ta xavilic liquel ta xlic jamuc ti vinajele, ti xmuy xyal ti yaj'ánjeltac Dios ta jts'el ti vu'un co'ol j'elantique.

San Juan 3:34

Ti buch'u tacbil talel yu'un ti Diose, naca sc'op Dios ta xal, yu'un ti Diose, yepal no'ox ta xac' ti Ch'ul Espiritue.

Hechos 1:22

Ti viniquetic taje yilojic c'alal ac'bat yich' vo' ti Jesús yu'un ti Juane xchi'uc ti c'alal to imuy batel ta vinajele. Tsots sc'oplal un cha'e, yich'uc t'ujel junuc ti buch'u yilojic taje yo' jech jmoj ta jchi'incutic ta yalel ti cha'cuxi ti Jesuse.”

Hechos 7:56

Xi laj yal ti Estebane: —A'yio ava'iic, jamal ta xquil sti' ti vinajele, xchi'uc ti Jesús ti co'ol j'elantique, va'al ta sts'el sbats'i c'ob ti Diose.

1 Juan 5:6

C'alal tal ti Jesucristoe, vinaj sc'oplal ti c'alal laj yich' ti vo'e, xchi'uc ti laj smal ti xch'ich'ele. Ma'uc no'ox vinaj sc'oplal ti laj yich' ti vo'e, ti laj smal ti xch'ich'ele, jech xtoc ti Ch'ul Espíritu ti ja' melel ti c'usi ta xale, ja' laj sva'an sba ta rextico ta yalbel ti sc'oplale.