San Mateo 3:12 - Bible in Tzotzil de Chamula

¹² Ti Buch'u ta ts'acal to ta xtale stsacoj xa ti yic'aobil trigoe. Ta st'ujbe loq'uel ti sc'a'epale yo' naca trigo ta xcom. Ti t'ujbil trigoe ta sq'uej ta yavil. Yan ti sc'a'epale ta xich' chiq'uel ti bu mu xtub ti c'oq'ue.

Tzotzil Zinacantan

¹² Ti muchꞌutic tscꞌanic loqꞌuesbel li cꞌusitic chopol ta yoꞌonique, jaꞌ chbatic ta vinajel. Yan ti muchꞌutic mu scꞌanic loqꞌuesbele jaꞌ ch-ochic ta cꞌocꞌ ta sbatel osil. Coꞌol xchiꞌuc ti muchꞌu ta sjicꞌa strigoe. Ti cꞌalal xlaj sjicꞌae, ta xchꞌol ta stenal. Li yoctaque ta xchicꞌ ―xꞌutatic yuꞌun ti Juane.

LEQUIL ACH' C'OP

¹² Ja' no'ox yech noxtoc li sjic'aobil trigoe tey xa stomoj ta sc'ob, ta xch'ubabe lec yav li smajobil strigoe. Li strigoe ta xch'ol ta stenal; li yoctaque ta xchic' ta c'oc yo' bu mu xtup' o taj jmoje.» —X'utatic yu'un ti Juane.

Bible in Tzotzil de Chenalhó with Deuterocanon

¹² Jech noxtoc li yic'aubil strigoe te xa stsacoj ta sc'ob, ta smes lec li yav smajubil strigoe. Li strigoe ta stic' ochel ta snail; yan li ste'ele ta xchic' ta c'oc' ti bu mu ono'ox xtu'p oe”, xi li Juane.

Tzotzil San Andres

¹² Li buchꞌutic tscꞌan loqꞌuesbeel li cꞌustic chopol ta yoꞌonique, jaꞌ ta xꞌiqꞌueic o sbatel osil. Yan li buchꞌutic mu scꞌan loqꞌuesbeele jaꞌ chbatic o ta cꞌocꞌ li yoꞌ bu mu onoꞌox xtupꞌe. Jech chac cꞌu chaꞌal li buchꞌu ta xicꞌa strigoe, mi ilaj yoꞌon ta yicꞌaele, ta stsob scotol li strigoe, ta sticꞌ ochel ta snail. Scotol li steꞌele schiꞌuc li solile tschicꞌ ta cꞌocꞌ ―xi li Juane.

Tzotzil de Huixtán

¹² Jun to stsacoj ti sc'ob ti sjorquetae yu'un chic'a strigo. C'alal chlaj yo'nton laj yic'a strigo, tsmes ti yelae. Tstsob ochel ti sna ti strigoe. Ti spaxaq'uil trigoe chchic' ti c'oc' ti bu mu stac' tup'ele ―xchi ti Juane.

San Mateo 3:12 Iomraidhean Croise

Job 21:18

¿Mi oy la bu xavil ti tan puc ta xbatic yu'une, ti co'ol s'elan c'a' jobel ta svilesatic batel yu'un ti sutub iq'ue?

Salmos 1:4

Ti buch'u mu'yuc xch'ulel xa'i sbaique, mu jechuc ta xc'ot ta stojolic une, co'ol s'elan jobel cuchbil ta xbat ta ic'.

Salmos 35:5

Jechuc c'otuc ta stojolic jech c'u cha'al ti jobel bec'bil ta xbatic ta iq'ue, tenaticuc batel ya'iic yu'un ti yaj'ánjel Diose.

Isaías 1:31

Xi s'elan ta xc'ot ta stojol ti tsatsal vinic xa'i sbae: ta xjoybij ta jun c'a' jobel, xvajet no'ox xnich ta xlic tiluc ti yabteltaque, ta jech to yepal ta xlic c'ac'uc ti xchibal taje, mi ja'uc junuc oy buch'u ta xtub yu'un ti c'oq'ue.”

Isaías 17:13

Ja'uc le' une, ti c'alal ta stsacatic ta c'op yu'un ti Diose, xc'uletic no'ox batel ta jatobal ta nom, jech c'u cha'al junuc jobel ti bec'bil ta xbat ta nom yu'un ti iq'ue, ti co'ol s'elan jech c'u cha'al ti tomal ch'ix ti chechbil ta xbat yu'un ti sutub iq'ue.

Isaías 27:4

Mu'yuc capem jol yu'un. Ti oyuc xch'ixale xchi'uc smomolale, ta xiloc' ech'el ta stsaquel ta leto ya'iic, ti ta jchic' ta j'ech'ele.

Isaías 28:28

Ja'uc ti trigoe, ta xich' majel ta yabtejeb vacax ti stselet no'ox ta x'ech' ti carreta ta sbae. Ta xich' beq'uel loq'uel ti sat trigoe yo' jech mu xchev.

Isaías 30:24

Ma'uc no'ox taje, ti jloc-osil vacax avu'une, ti burroe, ta staic ta lajesel ti jun yutsiquil c'ajben ta j'ech'ele.

Isaías 41:16

Natic to xvilte-vilte muyel avu'unic ta toyol. Va'i un, cuchbil ta xbat yu'un ti iq'ue, ti bec'bil ta xbat yu'un ti sutub iq'ue. Jech ti vo'ot une, xlaet no'ox liquel avo'nton ta stojol ti Diose, ti atuc xa no'ox jech ti mu'yuc c'usi xana' ta xava'i ta stojol ti ch'ul Dios yu'un ti Israele.

Isaías 5:24

Jech o xal un, jech c'u cha'al ti c'oq'ue ti naca xchic' no'ox batel ti jobele, ti slebe ti naca xchic' no'ox batel ti taquin yanal te'e, jech ta xavich' ti avocolique jech c'u cha'al ti te' taquin xa xchi'uc ti yibel ta xc'aq'ue, ti xvajet no'ox batel ti xnich jech c'u cha'al ti pucuque. Yu'un laj abajic, laj atenic ti chanubtasel yu'un Dios ti scotol xu' yu'une, ti ch'ul Dios yu'un ti Israele.

Isaías 66:24

Ta xtalic un, ta xilic ti chamemic xa scotolic ti buch'utic laj stoy sbaic ta jtojole. Ti xuvit xvolvun ta xti'eic yu'une, mi ja'uc ta xcham. Ti bu tiq'uilic ta c'oq'ue, mi ja'uc xtub. Spajebal xa no'ox mu xa stac' alel ti xchopolil ta xilic scotol ma' ti jnaclejetique”, xi ti Diose.

Jeremías 15:7

Ti ateclumal ti oyic ta jujun lumetic yu'un ti muc' ta lume, co'ol s'elan sc'a'epal majbil trigo laj jtaniic loq'uel. Ti jteclumale, mi junuc yalab xnich'nabic laj quictabeic comel. J'ech'el laj jtubbe sc'oplalic, yu'un mu xictaic ta spasel ti c'usi chopole.

Jeremías 17:27

Mi mu xach'unic ti jmantaltaque, mi mu xavaq'uic ta venta ti sc'ac'alil cuxob o'ntonale, mi mu xapajes abaic ta xcuchel talel icatsil ta ti'naetic ta Jerusalén ti jech c'ac'al taje, va'i unbi, ta jtiles c'oc' ta ochebal ti'naetic yu'un ti jteclume, jun c'oc' ti j'ech'el ta slilin ti muc' ta naetic yu'un ti Jerusalene, mi junuc buch'u ta xtub yu'un ti c'oq'ue.’ ”

Jeremías 4:11

C'alal ta xc'ot xa yorail taje, xi ta xlic yich' albel ti jnaclejetic ta Jerusalene: “Ti ic' ta xlic talel ta sbajtical banomile, toj q'uixin ta jmec ti xvuch'et no'ox ta xtal ta stojol ti jteclumale. Ma'uc ti siquet no'ox yutsil ta xtun ta sventa yic'ael solepal ti trigoe.

Jeremías 51:2

Yu'un ti muc' ta lum Babiloniae, ta xc'ot ta pasel cu'un ta stojolic ti jech ta spasbatic yu'un ti scontraique jech c'u cha'al junuc trigo ti ta xich' vilesel ta iq'ue. Ta xc'ot ta pasel cu'un ti sts'ijlajan ta xcom ti slumale. C'alal ta xc'ot ta stojol ti vocole, tsacbil ta leto ta xc'ot ta jujujot.

Jeremías 7:20

Jech o xal ti vu'un Diosune, ta j'ech'el ta jloq'ues ti sc'ac'al co'nton ta stojol ti jnaclejetic ta lum li'e, ta stojol ti chon bolometique, ta stojol ti lo'bolal te'tic ti oy ta osile, xchi'uc ta stojol ti ts'unubaletique. Jech ta xc'ot ta pasel jech c'u cha'al junuc colemal c'oc' ti mu stac' maquel ta bee.”

Oseas 13:3

Ja' yu'un un, ti stuquique c'otemic jech c'u cha'al yalemal toc ta sob ic'luman. C'otemic jech c'u cha'al sts'ujulal job ac'ubal ti sob no'ox ta xch'ay batele. C'otemic jech c'u cha'al c'a' jobel ti cuchbil ta xbat yu'un ti iq'ue. C'otemic jech c'u cha'al ch'ail ti xtomet no'ox ta sac ch'ay ti bu ta xmuy batele.

Amós 9:9

“Ta xcal mantal ti ac'o yich' vuyilanel ta c'uyel ti Israele jech c'u cha'al ta xich' yuq'uilanel ti trigo ta xchichinobile, ti mu jbejuc trigo ti ta xbaj ta lum xtoque.

Malaquías 4:1

Ti Dios ti scotol xu' yu'une xi ta xale: “Ta xnopaj talel sc'ac'alil yorail ti oy bu co'ol s'elan stilemal sc'ac'al jornoe. Ta xc'aq'uic scotol ti buch'utic toyobbaique, xchi'uc ti buch'utic mu'yuc xch'ulel xa'i sbaique, ti natic no'ox sleb ta xtil jech c'u cha'al ta xc'ac' ti jobele. Ti jech ta xvul ta loq'uel ti jech c'ac'al taje, ta xchic'atic, ti mi ja'uc jutebuc xvinaj bu bate.

San Mateo 13:30

Ja' lec, ch'an utic, ch'iuc jmoj xchi'uc ti trigoe. C'alal ta sta yorail ta xich' tsobel ti trigoe, ta jtac jelavel caj'abteltac yo' jech ta stsobic ba'yel ti trigo t'ule. Ta spasic ta jujuchuc yo' jech ta xich' chiq'uel ta c'oc'. Ts'acal to un, ti trigoe ta xich' tsobel yo' ta jq'uej ta yavil.’ ”

San Mateo 13:41

Ti vu'un co'ol j'elantique ta xcalbe mantal ti caj'ánjeltac yo' ta xtenatic loq'uel ti bu ta xiventainvane, ti jsa'muliletique xchi'uc ti buch'utic ta xac'be yil ta spasel mulil ti yane.

San Mateo 13:42

Ta xjipatic ochel ta c'oc', ti bu ta x'oq'uique, ti bu xc'uxuxet ti yeique.

San Mateo 13:43

Va'i un, ti buch'utic ta xc'ot ta spasel yu'unic ti c'usi ta sc'an ti Diose, co'ol s'elan xojobal c'ac'al xnobetic ti bu ta xventainvan ti Jtotique. Mi oy achiquinique, a'yio ava'iic.

San Lucas 3:16

Ja'uc ti Juane xi laj yalbe ya'i scotolique: —Ta melel, vo' no'ox ta xcac' avich'ic ti vu'une. Ja'uc ti Buch'u ta to xtale, ta xac'boxuc avich'ic ti Ch'ul Espíritu ti co'ol s'elan c'oq'ue. X'ech' to xu' yu'un, ja' mu sta ti vu'une, yu'un mu xic'ot o ta sjitunbel ti yaq'uil xonobe, yu'un mu'yuc jlequilal cutsilal ta stojol.

San Lucas 3:17

Yu'un stsacoj xa ti yic'aobil strigoe yo' ta st'ujbe loq'uel ti sc'a'epale. Ta sq'uej ta yavil ti trigoe. Ti sc'a'epale ta xchic' ta c'oc' ti bu mu xtube.

San Juan 15:2

Mi oy junuc ti sc'ob c'otem ta jventa ta sbainel ti uva ti mu xac' lec ti sate, ta sboj loq'uel. Mi ta xac' ti sate, ta sloq'uesbe ti sc'a'epale. Ta set loq'uel ti staquijemale yo' ta x'epaj ta yaq'uel ti sate.