San Mateo 3:11 - Bible in Tzotzil de Chamula

¹¹ Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

Tzotzil Zinacantan

¹¹ Li voꞌone jaꞌ noꞌox chcacꞌbe yichꞌic voꞌ ti muchꞌutic chictaic spasel li cꞌusitic chopole. Pero oy muchꞌu tsꞌacal to ta xtal, más oy syuꞌel. Li voꞌone mi jaꞌuc slicbel xonob, mu xlic cuꞌun yuꞌun mu cꞌu xitun o. Jaꞌ chayacꞌbe achiꞌinic ti Chꞌul Espíritue ti coꞌol xchiꞌuc cꞌoqꞌue yuꞌun jaꞌ tsloqꞌues o li cꞌusitic chopol ta avoꞌonique.

LEQUIL ACH' C'OP

¹¹ Li vo'one ja' no'ox chacac'be avich'ic vo' scuenta cha sutes o avo'onic. Yan li much'u ts'acal to ta xtale, más oy syu'el. Li vo'one mi ja'uc slicbel xonob, mu xitun o. Li stuque ja' chayac'be achi'inic ti Ch'ul Espiritue ti co'ol xchi'uc c'oq'ue.

Bible in Tzotzil de Chenalhó with Deuterocanon

¹¹ Li vu'une ja' no'ox chacac'boxuc avich'ic vo' ta sventa ti sutem avo'ntonique. Yan li boch'o ts'acal ta xtal cu'une, ja' ech'em svu'el. Li vu'une mu'yuc c'usi xu' cu'un; ac'o me yich'bel batel xonob, mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

Tzotzil San Andres

¹¹ Li joꞌone jaꞌ noꞌox cabtel ta xcacꞌbe yichꞌic joꞌ li buchꞌutic ta xictaic li cꞌustic chopol ta spasique. Pero oy to buchꞌu tsꞌacal ta xtal, jaꞌ más tsots yabtel yichꞌoj. Li joꞌone muc bu tsots cabtel quichꞌoj. Mu cꞌusi xuꞌ cuꞌun ta jcolta o. Acꞌo mi yetꞌesbeel xonob, mu xuꞌ chcaꞌi yuꞌun mu cꞌusi xitun o. Yan li buchꞌu tsꞌacal chtale, jaꞌ chayacꞌbeic avichꞌic li Chꞌul Espíritu ti coꞌol schiꞌuc cꞌoqꞌue yuꞌun ta sloqꞌues scotol li cꞌustic chopol ta avoꞌonique.

Tzotzil de Huixtán

¹¹ ’Ho'oni ja' no'ox cabtel chcac'be yich' ho' ti much'u sutemic xa yo'ntonic yu'un smulic. Ti much'u patil chtale ja' tsots yabtel yich'oj. Ho'oni mu tsotsuc cabtel quich'oj. Ma mi sjitumbeluc yaq'uil sempat, mu'yuc c'usi xu' ti jcolta mi jutuc. Ja' chayac'boxuc avich'ic ti Ch'ul Espíritue xchi'uc c'oc' yu'un hech chloc' scotol ti sbolil avo'ntonique.

San Mateo 3:11 Iomraidhean Croise

Isaías 4:4

C'alal jbel sc'oplal ta xchapan c'op ti Diose, ti ta xc'ot ta pasel ta stsitsvane, ta spoc loq'uel ti ch'ich' ti mal ta jteclum Jerusalén ta scoj ti smilvanejalique, ta smes ta spoc loq'uel xchopolalic ti jnaclejetic yu'un ti jteclum Sione.

Isaías 44:3

Yu'un ta xc'ot ta pasel cu'un ti ta xlic beinuc vo' ti ta sbajtical banomile, ti ta xlic t'omuc ch'in uc'umetic ti ta taquin banomile. Yu'un ta xcac'be ach' xcuxlejic ti anitilultaque. Ta jva'an jba ta yac'bel ti jlequilal cutsilale.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

San Mateo 3:6

C'alal jamal ta xalic ti smulique, ti Juane ta xac'be yich' vo' ta uc'um Jordán.

Marcos 1:4

C'ot ta pasel un, tal ta xocol banomil ti Juan ta yac'bel yich' vo' ti jnaclejetic ta banomile. ta yalbel ya'iic ti suticuc talel ta stojol Dios yo' ta xch'aybat ti smul scolo'ique.

San Lucas 1:17

Ti Juan taje, ja' jba'be yu'un ti Cajvaltique, co'ol ac'bil snopbenal smuc'ul stsatsal jech c'u cha'al ech' ti j'alc'op Eliase. Ta sco'oltasbe yo'nton ti totiletic xchi'uc ti xnich'nabique yo' jech ti jtoyobbaetique ta xc'ot ta jch'unej mantal yu'un. Jech xtoc un, yo' ta xchapanbe lec sjol yo'nton ti jteclum ta yich'el ta muc' ti Ajvalile.

San Lucas 3:16

Ja'uc ti Juane xi laj yalbe ya'i scotolique: —Ta melel, vo' no'ox ta xcac' avich'ic ti vu'une. Ja'uc ti Buch'u ta to xtale, ta xac'boxuc avich'ic ti Ch'ul Espíritu ti co'ol s'elan c'oq'ue. X'ech' to xu' yu'un, ja' mu sta ti vu'une, yu'un mu xic'ot o ta sjitunbel ti yaq'uil xonobe, yu'un mu'yuc jlequilal cutsilal ta stojol.

San Lucas 3:3

Ti Juane ech' ta sjunul ti' uc'um Jordán bu oy ti jnaclejetique, ta yalbel ya'iic ti suticuc talel ta stojol ti Diose, xchi'uc ti yich'icuc vo' yo' ta xch'aybat smulic yu'un ti Diose.

San Juan 1:15

Ti Juane xi laj yalbe sc'oplal ti Jesucristoe: “Ja' me ti vinic le'e ti Buch'u laj calboxuc ava'iic ti sc'oplale, ti laj ono'ox calboxuc ava'iic ti oy Buch'u ts'acal ta xtal ta patil cu'une, ti x'ech' to cajal sc'oplale, ti ja' mu sta ti vu'une, yu'un oy xa ono'ox ti stuc c'alal mu'yucun to ox ti vu'une.”

San Juan 1:30

Ja' ma' le' une, ti Buch'u ti xi ono'ox laj calboxuc ava'iic ti sc'oplale: ‘Oy Buch'u ts'acal to ta xtal ta patil cu'une, ti x'ech' to cajal sc'oplale, ti ja' mu sta ti vu'une. Yu'un ti stuque oy xa ono'ox ti c'alal mu'yucun to oxe.’

Hechos 1:5

Ta melel, ti Juane, vo' laj yac' ta ich'el, ja'uc ti vo'oxuque jutuc xa sc'an ta xavich'ic ti Ch'ul Espiritue.

Hechos 19:4

Xi laj yal ti Pabloe: —Melel, ti Juane laj yac'be yich'ic vo' ti buch'utic ta sutes sbaique. Laj yalbe ya'i xtoc ti tsotsuc sc'oplal c'otuc ta yo'ntonic ta xch'unel ti Buch'u ta to xtale, ti xcaltique, ja' sc'oplal ti Jesús ti Jcoltavaneje.

Hechos 8:36

C'alal yacalic ta xanobale, c'otic bu oy ti vo'e, xi laj yal ti vinic ti yich'oj tsots yabtele: —Oy li' vo'e, ¿mi xu' ta xquich' vo' xana'?

Hechos 8:38

Va'i un, ti vinique laj yal mantal ti pajesbatuc ta xanobal ti scarretae. Jmoj yalic batel xcha'vo'alic ta vo'. Laj yich' vo' ti vinique.

1 Corintios 12:13

Manchuc mi israel, mi jyanlum, mi mosovinbil, mi ma'uc mosovinbil, ja'uc c'alal laj quich'tic ti vo'e, lijc'ot ta jun jcotoltic ta sventa ti jun no'ox ti Ch'ul Espíritue. Ja' jech xtoc jcotoltic laj quich'tic ti Ch'ul Espíritue.

Efesios 3:8

Ta scotol ti buch'u c'otemic ta yu'untac ti Diose, ja' slajeb xa peq'uel ti jc'oplale. Ja'uc ti Diose laj yac'bun cabtel ta yalel ti lequil ach' c'op ta stojol ti jyanlumetique yo' jech ta xcalbe ya'iic sc'oplal ti Cristo ti mu no'ox albajuc yutsilal ti sc'ulejale.

SUN TITO 3:5

laj scoltaotic, ma'uc ta sventa ti oy c'usi lec laj jpastique, yu'un ja' no'ox c'uxubaj yo'nton ta jtojoltic ti laj scoltaotic ta sventa ti laj smes laj stusotic ti Ch'ul Espíritue, ti laj svoq'uesotic ta ach' ta stael ti ach' cuxlejale.

1 Pedro 5:5

Ja' jechoxuc ec, queremetic, ch'unbeic smantal ti buch'utic yich'oj yabtelic ta atojolique. Nijano chimano abaic ti jujunoxuque. Jmojuc avo'ntonic acotolic, yu'un xi ta xal ti ch'ul c'ope: “Ti Diose ta scontrain ti buch'u toyobba xa'i sbaique. Ta yutsil slequil yo'nton ta scolta ti buch'utic biq'uit ta xac' sbaique.”