San Mateo 27:3 - Bible in Tzotzil de Chamula

³ Ti Judase, ti ja' jpayc'op j'ac'vanej ta c'abale, c'alal laj yil ti j'ech'el c'op ta xich' milel ti Jesuse, yo'ntonuc xa ya'i c'usi yut sba, bat sutes ti lajuneb xcha'vinic (30) ta sep taq'uin ta stojolal ti banquilal paleetique xchi'uc ti moletique,

Tzotzil Zinacantan

³ Ti Judase, ti muchꞌu iyacꞌ entrucal ti Jesuse, ti cꞌalal iyaꞌi ti inop xa scꞌoplal ti chmile ti Jesuse, ba sutes li treinta plata ti iꞌacꞌbat yuꞌun ti totil paleetique xchiꞌuc ti jmeltsanejcꞌopetique.

LEQUIL ACH' C'OP

³ Ti Judase, ti much'u iyac' entrucal ti Jesuse, ti c'alal iya'i ti inop xa sc'oplal ti chmile ti Jesuse, ba sutes li treinta ta sep plata ti i'ac'bat yu'un ti totil paleetique xchi'uc li moletic tey ta jteclume,

Bible in Tzotzil de Chenalhó with Deuterocanon

³ Li Judase, ja' li boch'o laj yac' ta c'abal li Jesuse, laj yil ti ichapaj xa o ti chmilat li Jesuse, jech toj yan sba yo'nton laj ya'ay. Ibat ta stojol li banquilal paleetique xchi'uc li j'abteletic ta ch'ulnae, yu'un bat sutes li lajuneb xcha'vinic (30) ta sep saquil taq'uin i'ac'bate.

Tzotzil San Andres

³ Li Judase, jaꞌ li buchꞌu laj yacꞌ ta cꞌabal li Jesuse, cꞌalal iyil ti imeltsaj xa scꞌoplal ti ta xmile li Jesuse, lic snop ti ta sutes li lajuneb schaꞌvinic (30) saquil taqꞌuin li iꞌacꞌbat yuꞌun li banquilal paleetique schiꞌuc li jꞌabteletique.

Tzotzil de Huixtán

³ Ti much'u laj yac' entrecal ti Jesuse, ja' ti Judase, c'alal laj yil ti ichapaj sc'opilale, lic sutes yo'nton. Sc'an to sutesbe ti lajuneb xcha'vinic peso bats'i taq'uin ti totil paleetique xchi'uc ti moletique.

San Mateo 27:3 Iomraidhean Croise

Job 20:5

Mu jaluc xmuyubaj ma' ti buch'u mu'yuc xch'ulel xa'i sbae, ti jliquel no'ox ma' ti mu'yuc c'usi sna'e.

Éxodo 21:32

Yan mi ja' jun mosovil, mi vinic, mi ants, ti laj ta luchel yu'un ti vacaxe, jech ti vacaxe ta xich' milel ta ton. Ja'uc ti yajval ti mosovile, mi vinic, mi ants ti chame, ta xtojbat lajuneb xcha'vinic (30) ta sep plata taq'uin.

Zacarías 11:13

Ti Diose xi laj yalbune: “Tsaco ti sepequil taq'uin ti stuc xa no'ox jech jun yutsil jtojol ti laj xchapic ta yalel ti c'u yepal xitojolin oe. Tic'o ochel ta xcaxail yavil taq'uin yu'un ti ch'ulnae.” Laj jtsac batel ti lajuneb xcha'vinic (30) ta sep taq'uine. Laj jtic' ochel ta xcaxail yavil taq'uin yu'un ti ch'ulnae.

San Juan 13:2

Ti jech yorail xa ta xve'ique, tijbat yo'nton yu'un pucuj ti Judas Iscariotee, xnich'on ti Simone, ti ta xac' ta c'abal ti Jesuse.

San Juan 13:27

C'alal laj stsac pan ti Judase, ta jech yepal ventainbat yo'nton yu'un ti pucuje. Xi albat yu'un ti Jesuse: —Paso me xch'a ti c'usi ta xapas ono'oxe.

San Juan 18:3

Ti Judase xvolet c'otel xchi'uc soldadoetic xchi'uc mayoletic yu'un ti ch'ulnae, ti ja' tacbilic batel yu'un ti banquilal paleetique xchi'uc ti fariseoetique. Chapalic batel xchi'uc yabtejebic, xchi'uc yinternoic, xchi'uc stojic.

Hechos 1:18

Laj sman o jsep yosil xchi'uc ti taq'uin ta scoj ti c'usi chopol laj spase. Ta jech yepal pajal sjol baj yalel, toj lilijel c'ot, tanij scotol ti sbel xch'ute.

2 Corintios 7:10

Ti at o'ntonal liquem talel ta stojol ti Diose, ja' ta xac' ta na'el ti yich'uc ictael comel ti xchopolal o'ntonale yo' ta xich' talel ti pojel colele, yo' jech mu'yuc c'usi xal ti o'ntonale. Ja'uc ti at o'ntonal sventa banomile, naca lajel tubel sq'ueloj batel.