San Mateo 24:3 - Bible in Tzotzil de Chamula

³ Ts'acal to batic ta vits Olivos, tey c'ot chotluc ti Jesuse. Nopajic talel ti yajchanc'optaque, ti xi slecoj sjac'beique: —Albun ca'icutic, ¿c'usi ora ta xc'ot ta pasel taje? ¿C'usi svinajeb ti ta xacha'sut talele? ¿C'u s'elan svinajeb ti slajebal c'ac'ale?

Tzotzil Zinacantan

³ Ti cꞌalal tey chotol ta vits Olivotic ti Jesuse, ijacꞌbeticotic: ―Alo caꞌiticotic cꞌusi ora ta xlomesat li templo avale. ¿Cꞌusi seña ti cꞌalal poꞌot xaꞌox xachaꞌsut tale? ¿Cꞌusi seña ti cꞌalal poꞌot xaꞌox xlaj li balamile? ―xcuticotic.

LEQUIL ACH' C'OP

³ Ti c'alal tey chotol ta vits Olivotic ti Jesuse, li yajchanc'optaque inopojic ech'el, yu'un oy c'usi tsc'an tsjac'beic ta stuquic: ―¿C'usi ora ch-c'ot ta pasel li c'usi avale, c'usitic seña ti c'alal po'ot xa'ox xacha'sut tale xchi'uc c'alal ch-laj li balamile? ―Xutic.

Bible in Tzotzil de Chenalhó with Deuterocanon

³ C'alal te xa'ox chotol ta vits Olivatic li Jesuse, te inopajic batel ta stojol li yajchanc'optaque, jech laj yalbeic li Jesuse: —Albun ca'icutic c'usi ora ta xc'ot ta pasel li c'usi laj avale, xchi'uc ¿c'usi senyail chavac' quilcutic ti c'alal chacha'tale? ¿C'usi sq'uelubil ti c'alal po'ot xa slajebal c'ac'ale? —xutic.

Tzotzil San Andres

³ Li Jesuse ibat ta vits Olivatic, te ichoti. Te lijbatcutic eꞌuc, joꞌoncutic li yajchanbalajeltacuncutique. Jech la jacꞌbecutic li Jesuse: ―Alo caꞌicutic cꞌu ora chcꞌot ta pasel ti chjinesat li mucꞌta chꞌulna li la avale. ¿Cꞌu sba chavacꞌbe svinajeb baꞌi ti yoꞌ chquilcutic o ti poꞌot xa chachaꞌtale? ¿Cꞌu sba chavacꞌbe svinajeb baꞌi ti yoꞌ chquilcutic o nojtoc ti poꞌot xa slajeb cꞌacꞌale? ―xcutcutic.

Tzotzil de Huixtán

³ Ba naclucuntutic ti vits Olivatic jtuctutic no'ox xchi'uc ti Jesuse. Hech laj jac'betutic ti Jesuse: ―Albun ca'itutic c'usi ora hech chjinat ti temploe. ¿C'usi señail ti jq'ueltutic c'alal chatal? ¿C'usi señail ti jq'ueltutic yu'un ti jna'tutic ti ja' ti yorail ti slajebal c'ac'ale? ―xcututic.

San Mateo 24:3 Iomraidhean Croise

San Mateo 13:36

Ti Jesuse laj sc'oponan comel ti jnaclejetique. Och batel ta jbej na. Nopajic talel ti yajchanc'optac ti albaticuc ya'iic smelol ti trigo t'ul ti laj sbabac'opta ti oy ta osile.

San Mateo 13:49

C'alal ta sta ti slajebal c'ac'ale, xi s'elan ta xc'ot ta pasele: Ta xloq'uic batel ti ánjeletic ta xch'aquel loq'uel ti chopol jnaclejetic ta stojol ti buch'u oy slequil stuq'uilique.

San Mateo 15:12

Ti yajchanc'optaque nopajic batel ta stojol ti Jesuse, xi laj sjac'beique: —¿Mi xana' ti soc sjolic ti fariseoetic ti jech laj avale?

San Mateo 16:27

Ti vu'un co'ol j'elantique ta xicha'sut talel. Ta xquich'be talel yutsilal slequilal ti Jtote xchi'uc ti yaj'ánjeltaque yo' jech xtal cac'be stoj ti buch'uuc no'ox ti c'usi laj xa spasic ta jujun tale.

San Mateo 16:28

Ta xcalboxuc ava'iic ta melel, oy jlomoxuc li'e, oy jlom mu to ta xachamic ja' to mi laj avilic ta xtal ventainvancun ti vu'un co'ol j'elantique.

San Mateo 17:19

—¿C'u cha'al ti mu'yuc xu' cu'uncutic sloq'uesel ti pucuje? —xiic ti yajchanc'optac ti xi snatil ta xlo'ilajic xchi'uc ti Jesuse.

San Mateo 21:1

C'alal nopol xa sc'an xc'ot ta Jerusalén ti Jesús xchi'uc ti yajchanc'optaque, c'otic ta jteclum Betfagé ta sts'el svitsal Olivo. Ti Jesuse laj stac jelavel cha'vo' yajchanc'op

San Mateo 24:27

C'alal ta sta yorail ta xicha'sut talel ti vu'un co'ol j'elantique, scotol ta xilic co'ol s'elan sac tsel xvinaj xjaplajet xa ta vinajel ta sloq'ueb c'ac'al, ta smaleb c'ac'al.

San Mateo 24:30

Va'i un, oy yorail ta xvinaj ta vinajel ti ta xicha'sut talel ti vu'un co'ol j'elantique. Scotol ti jnaclejetic oyic ta sjoylej banomile, batem xch'ulelic ta xi'el xchi'uc ta x'oq'uic. Ta xiyilicun ta xital ta ba toc xchi'uc jmuc'ul jlequilal.

San Mateo 24:37

Ti c'u s'elan c'ot ta pasel c'alal yorail cuxul to ox ti Noee, ja' jech ta xc'ot ta pasel c'alal ta xicha'sut tal ti vu'un co'ol j'elantique.

San Mateo 24:39

C'alal sta ti yoraile, mu'yuc ono'ox xa'iic c'uxi tal ti nojel ta vo'e. Ja' to laj ya'iic ti ta xa xnojic ta vo' scotolique, tey laj scotolic. Ja' jech s'elan ta xc'ot ta pasel c'alal ta xicha'sut talel ti vu'un co'ol j'elantique.

San Mateo 24:43

A'yio ava'iic li'e, ti sna'uc ti jun yajval na c'usi ora ta x'och talel ti j'elec' ta ac'ubaltique, julavem o yo' mu x'och ti j'elec' ta snae.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

San Lucas 21:7

Ti yajchanc'optaque xi laj sjac'beic ti Jesuse: —Jchanubtasvanej, ¿c'usi ora ta xc'ot ta pasel? ¿C'usi senyail ti jech ta xc'ot ta pasele?

Hechos 1:7

Xi tac'av ti Jesuse: —Le'e, ja' yabtel stuc ti Jtote. Yu'un sna'oj stuc ti c'usi ora ta spase. Ma'uc aventaic ti vo'oxuque.

Hebreos 9:26

Ti jechuque, ta sliquebal no'ox banomil lic ono'ox yaq'uilan sba talel ta milel. Le'e, c'alal slajebtic xa batel ti c'ac'ale, ja' o vul ta loq'uel ti Cristo ta yaq'uel sba ta milel yo' ta xch'ay ti mulile.