San Mateo 22:3 - Bible in Tzotzil de Chamula

³ Ti ajvalile laj stac batel yaj'abteltac ta stojolic ti buch'utic ic'bilic yu'une. Ti buch'utic ic'bilic une, mu sc'an xtalic.

Tzotzil Zinacantan

³ Istac echꞌel smozotac, ba yiqꞌuic tal ti muchꞌutic yalojbe xa onox ti chtal ta nupunele. Pero muc xtalic.

LEQUIL ACH' C'OP

³ Istac ech'el smozotac, ba yiq'uic tal ti much'utic yalojbe xa onox ti chtal ta nupunele. Pero muc' xtalic.

Bible in Tzotzil de Chenalhó with Deuterocanon

³ La stac batel yaj'abteltac yu'un ac'o bat yiq'uic tal li boch'otic yic'anoj ta q'uel q'uin nupinele. Pero muc sc'an xtalic.

Tzotzil San Andres

³ La stac batel yajtuneltac, ba yicꞌanic talel li buchꞌutic yalojbe xa onoꞌox ti acꞌo xtal sqꞌuelic li qꞌuin nupunele. Pero mu scꞌan xtalic.

Tzotzil de Huixtán

³ Laj stac batel yabat yu'un chba yiq'uic tal ti much'utic ch'amumbil xa yu'une yu'un chtal sq'uelic ti nupunele. Muc sc'an xtalic.

San Mateo 22:3 Iomraidhean Croise

Salmos 68:11

Laj yal sc'op ma' ti Diose, yepal antsetic xi laj scaj'alique:

Isaías 30:15

Ti Ajvalile, Ch'ul Dios yu'un ti Israele, xi ta xale: “Sutanic talel, ts'ijano abaic ta xcuxel avo'ntonic yo' jech ta xacolic. Ti jech ts'ijiloxuc ta xacux avo'ntonique, ti apatoj avo'ntonique, ja' yipal avu'unic.” Ja'uc le' une, mu xac'anic.

Jeremías 25:4

Ti c'alal jech taje, c'ajomal no'ox sjel stsac sba talel ti j'alc'opetic yu'un ti Diose, ti vo'oxuc mu'yuc stu laj avilique. Mi ja'uc xac'an xats'etan achiquinic ta xch'unbel ti c'usi ta xale.

Jeremías 35:15

Yu'un ta ono'ox jtaquilan talel ta atojolic scotol ti cajtunel j'alc'optac ti xi ta xalboxuque: Ictaic comel ti chopol avo'ntonique, ti chopol ti c'usi ta xapasique. Mu xanijan xachiman abaic ta sts'acliel ti yan diosetique yo' mu'yuc c'usi xana'ic ta naclej ta banomil ti laj cac'boxuque, ti laj cac'beic ti atot ame'ic ta vo'nee. Mi ja'uc laj avaq'uicun ta venta. Mi ja'uc laj ach'unbeicun un.

Oseas 11:2

Ja' no'ox un, c'alal cac'ojbe yipal ta xquic' loq'uel talele, c'ajomal no'ox yantic xch'ac sba ta jtojol. Ti jteclumale, ja' xa bat yo'ntonic ta yac'bel milbil matanaletic ti c'usitic va'anbil ta diosetique. Ta xac'beic chic'bil pom ti c'usitic va'ajtic sloc'obbaile.

Oseas 11:7

Ti jteclumale ta xac'beic yipal ti ta xnamaj ta jtojole. Ac'o mi ta xalic ti oyun ta toyole, j'ech'el mu xaq'uic ta cajal ti jc'oplale.

Sofonías 1:7

Ts'ijlanic ta stojol ti Diose, yu'un ti sc'ac'alil yorail ti c'usi xchapanoj ti Diose, jutuc xa sc'an xvul ta loq'uel. Ti Diose chapal xa yu'un ti milbil matanaletique; t'ujbilic xa yu'un ti buch'utic ta x'abolajique.

San Mateo 21:34

C'alal sta xa sc'ac'alil ta xich' tuch'el ti sat uvae, laj stac batel jun chib yaj'abtel yo' jech chba sc'anic ti c'u yepal ta xich' ti stuque.

San Mateo 23:37

“Jerusalén, Jerusalén, ta xamilic ti j'alc'opetique, ta xalombeic ton ti buch'utic tacbilic tal yu'un ti Diose. Ep ta velta ti co'ntonuc ca'i jtsoboxuc jech chac c'u cha'al ti me' alac' ta stsob ti yalab ta yolon xiq'ue. Mu jset'uc xac'anic.

San Mateo 3:2

ti xi ta xale: —Na'o aba ava'iic, sutanic talel ta stojol ti Diose, yu'un nopol xa yorail ti ta xventainvan ti Diose.

San Mateo 9:15

Ti Jesuse xi laj staq'ue: —¿Mi yu'un la oyic ta at o'nton xana' ti buch'u ic'bilic ta uch'vanej ta sventa ti nupunel c'alal li' to oy ta stojolic ti jlecvaneje? Ta sta sc'ac'alil un, ta x'iq'ue batel ti jlecvaneje. Va'i unbi ta xicta yotic.

San Lucas 13:34

“Jerusalén, Jerusalén, ti naca smilel no'ox avu'un ti j'alc'opetique, ti naca xapujbeic no'ox ton ti buch'utic tacbilic tal yu'un ti Diose, ep ta velta ta jc'an jtsoboxuc ca'i jech c'u cha'al ti me' alac' ta stsob yuni alab ta yolon xiq'ue. Ja'uc le' une, mu xac'anic.

San Lucas 15:28

Va'i un, ti banquilal nich'onile ep cap sjol, mi ja'uc xa sc'an x'och batel ta na. Loc' talel ti totile, tal sc'anbe vocol ti ac'o ochuc batele.

San Lucas 19:27

Ja'uc ti jcontratac ti buch'utic mu sc'an ta xi'och ta ajvalilale, ic'beicun talel, milbeicun li' ta jba ta jsate.’ ”

San Juan 5:40

ja'uc ti vo'oxuc une, mu xac'an xatalic ta jtojol yo' ta xata ti acuxlejalique.

Hechos 13:45

Ja'uc ti israeletique, c'alal laj yilic ep laj stsob sbaic talel ti jnaclejetique, lic yit'ixal yo'ntonic, ta scontrainel, ta sa'bel ti smul ti Pabloe.

Romanos 10:21

Ti c'alal ta x'albat sc'oplal ti israeletique, ti Isaíase xi ta xale: “Scotol c'ac'al xye'elet coc jc'ob ta stojol jun jbaj-lequilal jtoyobba jteclum.”

Hebreos 12:25

Jech o xal un, bijanic, tsotsanic, mu xabaj xaten ti Buch'u yacal ta xisc'oponotic avi tanae. Yu'un mu'yuc xcolic ti buch'utic laj sbajic ti bijubtasel yu'un ti buch'u c'opoj ta sventa Dios li' ta banomile. ¿Mi ja' xa van ta xijcolotic ti vo'otic mi ta jbajtic ti Buch'u ta xisbijubtasotic ti ta xlic talel sc'opojel ta vinajele?

Hebreos 9:15

Jech o xal un, ti Jesucristoe ja' xa sva'anoj sba ta yet'esel c'op yu'un ti ach' tratee, mi ja' ti rextomentoe, yu'un ti jech cham ti Cristoe, ja' ta sventa yo' ta staic ti ch'aybil ta xc'ot smulic ti buch'utic laj staic talel c'alal oyic to ox ta stojol ti ba'yel tratee, xchi'uc ta xc'ot ta pasel yu'un ta xich'ic xrextoic sventa sbatel osil ti buch'utic ic'bilic yu'un ti Diose, ja' ti jech ono'ox yaloje.

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

1 Samuel 9:13

C'alal mi lac'otique, xc'ot sa'ic no'ox ta anil ti c'alal mu to xbat ta ch'ulna ta sventa ti ve'ele. Yu'un ti jnaclejetique ja' to ta xve'ic ti mi c'ote. Yu'un sbainoj ta sts'uiltasel ti matanale. Ti mi laj une, ta xlic ve'icuc ti buch'utic ic'bilique. Batanic ta anil avie. Tey to ta xataic.