San Mateo 21:5 - Bible in Tzotzil de Chamula

⁵ Albeic ya'i ti buch'u nacalic ta jteclum Sione: “Q'uel avilic, ti Ajvalil avu'unique li' ta xtal ta atojolique. Mu'yuc stoyobbail. Cajal talel ta burro, yol jun me' burro jcuch-icatsil.”

Tzotzil Zinacantan

⁵ Jchiꞌiltactic, ta la xtal ti muchꞌu chispasotic ta mantale. Lec la yoꞌon, mu la snaꞌ stoy sba. Cajal la ta yol burro ch-och tal, xi onox ti yajꞌalcꞌope.

LEQUIL ACH' C'OP

⁵ «Albo li jnaclejetic ta Sione: “Q'uelavil li Rey avu'une ta xa xtal ta atojol, Lec yo'on, mu sna' stoy sba, Cajal ta burro ch-och tal, yol jcot j'icatsnom me' burro.”» —Xi onox ti j'alc'ope.

Bible in Tzotzil de Chenalhó with Deuterocanon

⁵ “Albo li jnaclumetic ta Sione: ‘Q'uelavil, ta xa xtal ta atojolic li Ajvalil avu'unique. Ja' toj manso. Cajal ta buro chtal, ja' yol j'icatsnom me' buro, uto’, xiyutun li Diose”, xi ono'ox li j'alc'ope.

Tzotzil San Andres

⁵ Albo li buchꞌutic ti jaꞌ steclumalic li Jerusalene: “Ta xtal li ajvalil avuꞌunique. Lec noꞌox yoꞌon, mu snaꞌ stoy sba. Cajal ta burro chtal, jaꞌ yol jꞌicatsnom meꞌburro”, uto, xiyut li Diose, xi onoꞌox laj yal li buchꞌu iyal scꞌop Dios ta voꞌonee.

Tzotzil de Huixtán

⁵ Albo ti much'utic te nacajtic ti Jerusalene: “Chtal ti ajvalil avu'unique. Biq'uit yac'oj sba. Cajal ti burro chtal. Ja' yol ti j'icatsnom me'burroe”, uto, xchi ti Diose, xchi ti j'alc'ope.

San Mateo 21:5 Iomraidhean Croise

Génesis 49:10

Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.

2 Samuel 16:2

Ti ajvalile xi laj sjaq'ue: —¿C'usi ta xtun o ti laj avich' talel le'e? Ti Sibae xi laj staq'ue: —Ti burroetique ta scajlebin batel ti c'u yepal oy yu'un ti ajvalile. Ja'uc ti panetique xchi'uc ti sat lo'bolal te'etique, ta stun ta slajesic ti soldadoetique. Ti vinoe, ja' ta xuch'ic ti buch'utic ta xlubic ta be ti ta sbajtical banomile.

1 Reyes 1:33

xi albatique: —Ti caj'opisialtaque, avocolicuc, chi'inic batel. Cajanic muyel ta jcajleb mula ti jnich'on Salomone, iq'uic batel ta Gihón.

1 Reyes 10:26

Ti Salomone lic svol ta tsobel ti carretaetique xchi'uc jcajlejetic ta ca'. Oy yu'un jmil xchi'uc chanib ciento (1,400) ta cot ti carretaetique, xchi'uc lajcha'mil (12,000) ta vo' ti jcajlejetic ta ca'e, ti laj yac'be sventain ti bu tiq'uil ti carretaetic sventa ti ac'ob-letoe ta scotol ti jchabivanejetic yu'un ti Jerusalene.

Salmos 9:14

Ti jech une, ti ta ochebaletic yu'un ti Jerusalene, ta xcalbe ya'i scotol ti jteclume, ti ac'otebal o avich'uc lequil-c'optaele, xchi'uc ximuyubaj no'ox ec un, yu'un laj atic' aba ta spojelun.

Isaías 12:6

Avananic ta muyubajel, jnaclejetic yu'un ti lum Sione, yu'un ti ch'ul Dios yu'un Israele, oy ta o'lol avu'unic xchi'uc scotol ti smuc'ul stsatsale.”

Isaías 40:9

Steclumal Sión, muyan ech'el ta jun toyol vits, tsots xlic avanan yo' jech ta xaval ti c'usi lec ta xc'ot ta pasele. Jnaclejetic ta Jerusalén, tsots xa'avan, mu xaxi'. Xi xavalbe ya'i ti jteclumetic yu'un ti Judae: “Li' oy ma' ti Dios avu'unique.”

Isaías 62:11

Yu'un xi ono'ox scaj'aloj Dios ta jujot xchiquin ti banomil ma' li'e: “Albeic ya'i ti lum Sión ti vul xa ta loq'uel ti jpojvanej yu'unique. Ta xic' talel steclumal ti Diose, mi poj col xa talel yu'un ta ts'acal toe.”

Ezequiel 34:24

Ti xic'ot ta Dios yu'unic ti vu'un Ajvalilune. Ta xc'ot ta banquilal yu'unic ti cajtunel Davide. Jech xcal ma' ti vu'un Ajvalilune.

Ezequiel 37:24

Ta xc'ot ta ajvalil yu'unic ti cajtunel Davide xchi'uc ti banquilal jq'uel-chij yu'unic scotolique. Ta xiyaq'uic ta venta. Ta xc'ot ta pasel yu'unic ti oy jbel c'usi tsots albile, xchi'uc ti c'usi caloje.

Oseas 1:7

Ja'uc le' une, xi s'elan ta xlic ayanuc syail xc'uxul co'nton ta stojol ti jnaclejetic yu'un ti jteclum Judae: Ti vu'un Ajvalil Diosun yu'une, jtuc ta jtic' jba ta spojel, ti ma'uc ta sventa letovajel ti ta jpoje, mi ja'uc ta sventa ti yolobe, ti espadae, ti j'ac'-letoetic ti cajalic ta ca'e.”

Miqueas 5:2

Ti Diose xi ta xale: “Ja'uc ti vo'ote, jteclum Belén Efrata, ti xi avuni muc'ul ti oyot ta yosilal ti Judae, ta x'ayan talel ta atojol ti Ajvalil yu'un ti Israele, ti ta xvul ta loq'uel ta stojol sts'unobal ti vo'ne totil me'ile.”

Números 24:19

Yu'un ta stojol ti Jacobe, ta xloc' talel jun jtsalvanej ti ta j'ech'el ta stubbe sc'oplal ti buch'utic ta xcomic ta jteclume.”

San Mateo 11:29

Ac'o abaic ta ventainel ta jtojol. Chanbeicun co'nton. Mu jna' jtoy jba, manxuun. Mi jech ta xapasique, ta xataic ti xcuxobil avo'ntonique.

San Mateo 2:2

Xi lic sjac'beique: —¿Bu oy ti ajvalil yu'un ti judíoetic ti voq'uem xae? yu'un laj quilcutic sc'analil, tal quich'cutic ta muc'.

San Mateo 2:6

‘Uni jteclum Belén ti li' oyot ta Judea banomile, laj to c'op ma' ti peq'uel ac'oplal ti li' capalot xchi'uc ti yan jteclumetic li' ta muc'tiquil lume. Ta xvul ta loq'uel ta atojol jun ajvalil ta sventainel ti jlumal Israele.’

San Mateo 21:6

Ti cha'vo' yajchanc'optaque batic, jech laj spasic jech c'u cha'al albatic yu'un ti Jesuse.

San Lucas 24:27

Ta jech yepal lic yalbe sba sc'oplal stuc ti ts'ibabil ta ch'ul c'op ti oy ta jujupoc svuntac ti Moisese, ti xcholet laj yal batel ti c'ot c'alal to ta jujupoc svuntac ti c'usi laj sts'iba comel ti yan j'alc'opetique.

San Juan 1:49

Xi laj yal ti Natanaele: —Jchanubtasvanej, vo'ot xnich'onot ti Dios un cha'e, Ajvalil yu'un ti Israele.

2 Corintios 10:1

Ta sventa xc'uxul yutsil yo'nton ti Cristoe, ti vu'un Pabloe, ta jc'anboxuc vocol ta atojolic ta scoj ti oy bu ta xavalique, c'alal oyun ta atojolique, ximach'et ta jpas jba, ja'uc ti c'alal oyun ta nome, ta xavalic ti cajal que xca'i jbae.

Deuteronomio 17:16

Ja'uc ti ajvalil taj une, ja' ta sc'an ti ma'ucuc batem ta yo'nton ta smanel ti epal ca'etique, mi ja'uc ta staquel batel svinictac ta Egipto ta smanel ca'etic yo' ta x'epaj yu'un. Yu'un ti Diose xi ono'ox laj yalboxuque: ‘Ta j'ech'el mi ja'uc xa ta xtal axaniic ti be li'e.’

Jueces 12:14

Vaxaquib (8) jabil sjalil laj spoj ti israeletique. Ti Abdone laj yilbe sat cha'vinic (40) ta vo' squeremetic xchi'uc lajuneb xcha'vinic (30) ta vo' smamobtac ti xcajetic no'ox ta sburroic jujunique.

Jueces 5:10

“Xi s'elan alic ti vo'oxuc ti xacajetic ta sac pojan me' burroe, ti vo'oxuc xachotetic ta lequil chotlebale, xchi'uc xtoc ti vo'oxuc ti xanviloxuque: