San Mateo 21:12 - Bible in Tzotzil de Chamula

¹² Ts'acal to ti Jesuse bat ta ch'ulna, laj snuts loq'uel scotol ti buch'utic ta xchonilajique xchi'uc ti ta xmanolajique. Laj svalc'unanbe xmexaic ti jel-taq'uinetique xchi'uc xilaic ti jchon-palomaetique.

Tzotzil Zinacantan

¹² Ti Jesuse ibat ta stemplo Riox. Isnuts loqꞌuel scotol ti jchonolajeletic tey ta tiꞌ mucꞌta temploe. Isbutqꞌuinbe smexaic ti jeltaqꞌuinetique. Isbutqꞌuinbe xilaic ti jchonpalomaetique.

LEQUIL ACH' C'OP

¹² Ti Jesuse i'och ech'el yo' bu li temploe, isnuts loq'uel scotol ti much'utic tey ch-chonolajique xchi'uc ti much'utic tey ch-manolajique; isbutq'uinbe smexaic li jeltaq'uinetique xchi'uc xchonolajebic li jchonpalomaetique;

Bible in Tzotzil de Chenalhó with Deuterocanon

¹² Li Jesuse i'och ta ch'ulna ta Jerusalén. Te lic sloq'ues scotol li boch'otic ta xchonolajic, ta xmanulajic ta ch'ulnae. La sbutq'uinbe xmexaic li jeltaq'uinetique. La sbutq'uinbe xilaic li jchonpalomaetique.

Tzotzil San Andres

¹² Li Jesuse te icꞌot ta yamaqꞌuil li mucꞌta chꞌulna ta Jerusalene. Te jchiꞌucutic cꞌotel, joꞌoncutic li yajchanbalajeltacuncutique. La snutsan loqꞌuel scotol li jpꞌolmaletic schiꞌuc li jmanolajeletic li te ta yamaqꞌuil li mucꞌta chꞌulnae. La svalcꞌunbe smexaic li jeltaqꞌuinetique. La sbutqꞌuinbe xilaic li jchon jculajteꞌetique.

Tzotzil de Huixtán

¹² Te ti Jerusalén co'ol ni'ochtutic ti yamaq'uil templo yu'un ti Diose xchi'uc ti Jesuse. Ti Jesuse laj sten loq'uel ti yamaq'uil templo scotol ti much'utic ti te chchonilajique chmanilajique. Laj sbut'q'uimbe smesa ti jeltaq'uinetique. Laj sbut'q'uimbe snacleb ti much'utic chchonic culajteetique.

San Mateo 21:12 Iomraidhean Croise

Levítico 1:14

“Yu'un mi ja' jcot mut no'ox ta xich' chiq'uel ta matanal sventa yich'el ta muc' ti Diose, tsots sc'oplal ti ja'uc jcotuc tortola, mi mo'oje, jcotuc bats'i paloma.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

San Lucas 2:24

Batic un, bat yaq'uic milbil matanal jech c'u cha'al yaloj ti oy c'usi tsots sc'oplal albil yu'un Dios ti xi ts'ibabile: “Ac'o yich'icuc batel cha'cot toltora, mi mo'oje, cha'cot paloma.”

Levítico 12:8

Ti mi mu stabe stojol jcot chij ti ta xac' ti me'ile, xu' ta xac' jcot tortola, mi mo'oje, xu' ta xac' cha'cot ch'iom paloma. Jcot ta xac' ti ta xich' chiq'uele. Ti jcot xtoque, ta xich' svocol ta milel ta scoj ti mulile. Jech ti pale une ta sc'an ti ac'o ch'aybatuc ti smul scolo'e, ja' to jech mesbil tusbil ta xc'ot ti antse.

Levítico 14:22

Ma'uc no'ox taje, ta xich' talel cha'cot tórtola, mi mo'oje, cha'cot ch'iom paloma, ja' ti c'u s'elan xu' yu'une. Ti june, ja' ta xich' svocol ta scoj ti mulile. Ja'uc ti june, ta xich' aq'uel ta chiq'uel.

Éxodo 30:13

Scotol ti buch'u bejel lec ta vun ti sbie, ta xaq'uic vo'ob gramo plata ti spatan ta stojol ti Diose, ti ja' o'lol no'ox jech c'u cha'al ti albil sc'oplal yu'unic ta ch'ulnae.

Marcos 11:11

Och batel ti Jesús ta Jerusalén. Tuc' bat bu oy ti ch'ulnae. C'alal laj sq'uel scotol c'u s'elane, c'un to bat ta Betania xchi'uc ti lajcha'vo' yajchanc'optaque, yu'un mal xa ti c'ac'ale.

Levítico 14:30

Ts'acal to un, ti palee ta xac' jcotuc ti tórtolae, mi ja' jcotuc ti ch'iom palomae, ja' ti c'u yepal xu' yu'un ta yaq'uel ti buch'u ta xich' poquel tusele.

Levítico 12:6

“C'alal ta sta sc'ac'alil ti c'u sjalil ta xchabi sbae, c'usiuc no'ox ololal, mi querem, mi tseb, jech ti me'ile, ac'o yic' batel jcotuc tot chij ti yich'oj jun jabil ta ochebal sti' ti Axibalna ti bu nupel ta bee yo' jech ta xich' chiq'uel. Jech xtoc, ac'o yic' batel jcotuc paloma, mi mo'oje, ja'uc jc'otuc tortola ti ta xich' svocol ta sventa xch'ayobil ti mulil colo'ile ti ta xac'be ta yoc ta sc'ob ti palee.

Levítico 15:29

Ta xvaxaquibal c'ac'al un, ac'o yich' talel cha'cotuc tórtola, mi mo'oje, cha'cotuc ch'iom paloma. Ac'o yac'be ti pale ta ochebal sti' ti Axibalna ti bu nupel ta bee.

Levítico 15:14

Ta xvaxaquibal c'ac'al un, ac'o stsac talel cha'cotuc tórtola, mi cha'cotuc ch'iom paloma. Ta xbat ta sti' ochebal Axibalna ti bu nupel ta bee yo' jech ta xac'be ti pale ti ta xc'ot ta stojol ti Diose.

Levítico 5:11

“Yan ti mi mu'yuc c'usi x'ayan jutebuc yu'un yo' ta sman o cha'cotuc tórtolae, mi cha'cotuc ch'in palomae, ac'o yac' chibuc kilo harina ti lec t'ujbile ti ta xc'ot ta sventa xch'ayobil mulile. Mu me xac'be aceite, mi ja'uc pom ta sba, yu'un ja' jun xch'ayobil mulil.

San Juan 2:13

Nopol xa sc'an ti q'uin Colel yu'un ti israeletique. Ti Jesuse bat ta jteclum Jerusalén.