San Mateo 21:10 - Bible in Tzotzil de Chamula

¹⁰ C'alal och batel ta Jerusalén ti Jesuse, scotol ti yajval muc' ta lume snet'-net' sbaic ta vochlajetel, ti xi ta sjac'olanbe sbaique: —¿Buch'u le'e?

Tzotzil Zinacantan

¹⁰ Jaꞌ yech iꞌoch tal liꞌ ta Jerusalén ti Jesuse. Scotol ti muchꞌutic liꞌ ta yutil jteclume ―¿Muchꞌu leꞌe? ―xiic, xnechetic xa tajmec.

LEQUIL ACH' C'OP

¹⁰ C'alal i'och ta Jerusalén ti Jesuse. Scotol ti much'utic tey ta yutil jteclume xnechetic xa tajmec: —¿Much'u le'e xiic?

Bible in Tzotzil de Chenalhó with Deuterocanon

¹⁰ C'alal i'och batel ta Jerusalén li Jesuse, xvochetic no'ox liquel scotol li cristianoetique. Jech laj yalic: —¿Boch'o le'e? —xiic.

Tzotzil San Andres

¹⁰ Cꞌalal iꞌoch batel ta Jerusalén li Jesuse, xꞌupꞌetic tajmec scotol li jchiꞌiltactique. Jech la sjaqꞌuic: ―¿Buchꞌu leꞌe? ―xiic.

Tzotzil de Huixtán

¹⁰ C'alal i'och batel ti Jerusalén ti Jesuse, chvochetic no'ox liquel ti jchi'iltique. Scotolic lic sjaq'uic: ―¿Much'u li'to? ―xchiic.

San Mateo 21:10 Iomraidhean Croise

Cantares 3:6

¿C'usi ti vi s'elan le' xtal ta sbajtical banomil ti volibil talel ta jun muc' ta tometel ch'aile, ti capal talel ta xch'ailal ti mirrae, ti pome, xchi'uc ta scotol ti ep ta tos ti muil poxiletique?

Isaías 63:1

“¿Buch'u ti le' xtal ti liquem talel ta muc' ta lum yu'un ti Edome? ¿Buch'u ti le' xtal ti jun yutsil stsajal c'u' slapoj talel ti xi'bal sba c'u s'elan ti stsatsal ta xanav talele?” Xi ta xal ti Diose: “Vu'unun ti laj caj'albe sc'oplal ti tsalvaneje, ti oy jmuc'ul jtsatsal ta pojvaneje.”

San Mateo 2:3

C'alal laj ya'i ti ajvalil Herodes taje, lic ta vul o'nton, ja' jech ec ti jnaclejetic ta Jerusalene.

San Mateo 21:11

Scotolic xi ta stac'olanbe sbaique: —Ja' ti j'alc'op Jesuse ti liquem talel ta Nazaret ti oy ta Galilea banomile.

San Mateo 21:9

Ti buch'utic oyic ta jba'bee xchi'uc ti oyic ta patil talele, xi tsots lic avanicuque: —Jun yutsil Xnich'on ti ajvalil Davide. Yan yutsil ti buch'u tacbil tal yu'un ti Diose. Jun yutsil ti Diose.

San Lucas 20:2

Xi laj yalique: —Albuncutic, ¿c'usi avabtel avich'oj ti jech ta xapase? ¿Buch'u laj yac'bot avabtel?

San Lucas 5:21

Ti fariseoetique, ti jchanubtasvanejetic yu'un ti oy c'usi tsots albil sc'oplale, xi laj snopique: ‘¿Buch'u ti vinic le'e, ti xbet'bun no'ox ye ta xchopol c'optael ti Diose? Mu'yuc buch'u xu' yu'un ta xch'ay ti mulile, ja' no'ox Dios xu' ta xch'ay.’

San Lucas 7:49

Ti yan buch'u ic'bilic ti bu taje xi lic yalbe sbaique: —¿Buch'u van ti vinic li'e xu' yu'un ta xch'ay ti mulile?

San Lucas 9:9

Xi ta xal ti Herodese: —Vu'un laj cal mantal laj yich' c'ocbel sjol ti Juane. ¿Buch'u van taje ti ta xca'ibe ep ti sc'oplale? Jech o xal ti Herodese oy ta yo'nton ta sq'uel ya'i ti Jesuse.

San Juan 2:18

Xi laj sjaq'uic ti j'abteletic yu'un ti israeletic ta stojol ti Jesuse: —¿C'usi senyail ta xavac' quilcutic yo' ta jna'cutic buch'u yac'ojbot avabtel ti vi s'elan ta xapase?

Hechos 9:5

—¿Buch'uot, Yojtot? —xi laj sjac' ti Sauloe. Xi laj stac' ti Buch'u ta xc'opoje: —Vu'un Jesusun, ti Buch'u avac'ojbe yipal ta snutsele. Yacal ta xayayijes aba jech c'u cha'al vacax ti ta syayijes sba c'alal ta slic ta teq'uel ti yabtejebe.

Rut 1:19

Va'i un, xchibalic laj stam batel sbeic, ja' to ti c'uxi c'otic ta Belene. C'alal ochic batel ta jteclum Belene, xvoletic ta q'uelvanej scotol ti jnaclejetique, ti xi ta xalolanbe sbaic ti antsetique: —¿Mi mu ja'uc ti Noemí le'e?

1 Samuel 16:4

Ti Samuele lic spas jech c'u cha'al albat yu'un ti Diose. C'alal c'ot ta Belene, bat nupatuc talel ta be yu'un ti moletic ta lume, ti xi'eltic xa xi laj sjac'beique: —¿Mi lec ti a'yej avich'oj talele?