San Mateo 2:4 - Bible in Tzotzil de Chamula

⁴ Ti ajvalil Herodese laj stac ta iq'uel scotol ti banquilal paleetique xchi'uc ti jchanubtasvanejetic yu'un ti oy c'usi tsots albil sc'oplale, ti laj sjac'be bu ta xc'ot ta voq'uel ti Cristoe.

Tzotzil Zinacantan

⁴ Ti Erodese istac ta iqꞌuel scotol ti totil paleetique xchiꞌuc ti muchꞌutic ta xchanubtasvanic yilel ta smantaltac Rioxe. Cꞌalal tsobolic xa scotolique, lic sjacꞌ bu scꞌoplal ch-ayan ti Cristoe ti chtal spasotic ta mantale.

LEQUIL ACH' C'OP

⁴ Ti Herodese istac ta iq'uel scotol ti totil paleetique xchi'uc ti much'utic ta xchanubtasvanic ta smantaltac Rioxe. C'alal tsobolic xa scotolique, lic sjac' bu sc'oplal ch-ayan ti Cristoe.

Bible in Tzotzil de Chenalhó with Deuterocanon

⁴ Li Herodese lic yic'an scotol li banquilal paleetique xchi'uc li jchanubtasvanejetic yu'unique; la sjac'be bu sc'oplal ta xvoc' li Cristoe.

Tzotzil San Andres

⁴ Li Herodese laj yicꞌan talel scotol li banquilal paleetique schiꞌuc li buchꞌutic spꞌisoj sbaic ta jchanubtasvanej ta smantaltac li Diose, jaꞌ li jchiꞌiltic ta israelale. Cꞌalal tsobolic xaꞌox scotolique, la sjacꞌanbe bu chvocꞌ li Cristo li scꞌoplal ta xꞌoch ta mucꞌta ajvalil cuꞌuntique.

Tzotzil de Huixtán

⁴ Ti Herodese laj yic' tal scotol ti totil paleetic cu'untique xchi'uc ti much'utic chixchanubtasucutic ti smantal ti Diose ti scuyoj sbaique, ja' ti jchi'iltique ti co'ol judioucutic xchi'uque. Laj sjac'beic bu jteclumal sc'opilal ch-an ti Cristoe.

San Mateo 2:4 Iomraidhean Croise

2 Crónicas 34:13

Oy yan levitaetic xtoc sbainojic ta sq'uelel ti j'icats-nometique, xchi'uc laj yalic scotol ti c'usitic abtelal sc'an pasele. Scotol ti levitaetique, oy lec ta xchiquinic c'u s'elan ta tijel ti ep ta tos vobetique. Oy jlom ochemic ta jts'ibajom, ti ta sts'ibaic ti c'usi ta xc'ot ta pasele, xchi'uc ti ochemic ta jchabiej-ti'naetique.

2 Crónicas 34:15

Bat slo'iltabe ya'i ta anil no'ox ti Safán ti sbainoj ta sts'ibael ti c'usitic ta xc'otan ta pasele, ti laj sta ta ch'ulna jpoc svunal ti oy c'usi jbel tsots albil yu'un ti Diose. Laj yac'be jelavel jpoc svunal ti Safane.

2 Crónicas 36:14

Jech lic spasic scotolic xtoc ti banquilaletic yu'un ti Judae, ti paleetique, xchi'uc scotol ti jteclume. Epaj ti sbolil yo'ntonic ta j'ech'ele. Lic yac'beic yipal ta spasel ec ti c'usitic mu lecuc liquem yu'unic ti muc'tiquil jteclumetique. Lic soquesbeic sc'oplal xch'ulna ti Dios c'alal st'ujoj stuc ti xch'ulna ti bu ta x'ich'at ta muc' ta Jerusalene.

Esdras 10:5

Va'i un ti Esdrase lic sva'an sba ta yalbel ya'i ti banquilaletic yu'un ti paleetique, ti levitaetique, xchi'uc scotol ti israeletique, mi xac' yeic yu'un taje. Jech ti stuquique laj yac' ti ye sti'ique.

Esdras 7:6

Ti Esdras taje, ja' jun jchanubtasvanej yich'oj lec chanubtasel ta jbel c'usi tsots albil yu'un ti Ajvalil Dios yu'un Israel ti laj yac' comel ta stojol ti Moisese. Coltabil lec yu'un Dios ti laj sta scotol c'usi laj sc'ananbe ti ajvalil Artajerjese. Ti jech taj une, loc' talel ti Esdras oy ta Babiloniae.

Salmos 2:2

Ti banquilal ajvaliletique xchi'uc ti its'inal ajvaliletic ti sbainojic ta sventainel ti jnaclejetique, jun xa sjolic lic scontrainic ti Diose, xchi'uc ti t'ujbil ajvalil yu'une.

Jeremías 8:8

¿C'usi xavut ta xavalbe aba ti oy abijilique, ti xana'ic oy c'usi jbel tsots albil yu'un ti Diose? Ti buch'u sbainoj ta sts'ibael ti c'usi ta xc'ot ta pasel ta jteclume, naca jutbil ta xal. Mu meleluc ma' ti c'usi ta stsac ta sts'ibaele.

Malaquías 2:7

Yu'un ja' yabtelic ti paleetic ta xchanubtasel ti jnaclejetic ti ac'o xiyojtiquinique. Ja' yu'un un, scotolic ac'o yac' sjolic ti ac'o sc'anic ti tojobtasele. Ti stuquique, ja' j'al-mantal j'ich'-c'opetic yu'un ti Dios ti scotol xu' yu'une.

San Mateo 13:52

Va'i un, xi albatic yu'un ti Jesuse: —C'alal yacal ta xchanubtas sba stuc ta sventa ventainel yu'un Dios ti jchanubtasvanej yu'un ti mantale, co'ol s'elan jech c'u cha'al jun yajval na oy c'usi yepal xchabioje, sna' stunesel xchibal, ti c'usi poco'e, ti c'usi ach'e.

San Mateo 2:3

C'alal laj ya'i ti ajvalil Herodes taje, lic ta vul o'nton, ja' jech ec ti jnaclejetic ta Jerusalene.

San Mateo 2:5

Xi laj stac'beique: —Tey ta Belén ti oy ta Judea banomile, yu'un xi s'elan laj sts'iba comel ti yaj'alc'ope:

San Mateo 21:15

Ti banquilal paleetique xchi'uc ti jchanubtasvanejetic yu'un ti oy c'usi tsots albil sc'oplale, c'alal laj yilic ti oy c'usi ch'ayal ta xc'ot o'ntonal yu'un ti c'usi ta spase, ti laj ya'iic xtoc ti xi tsots ta x'avanic ta ch'ulna ti ololetique: “Jun yutsil Xnich'on ti ajvalil Davide”, jech o xal ti stuquique soc sjolic.

San Mateo 21:23

Ts'acal to ti Jesuse och batel ta ch'ulna. C'alal yacal ta xchanubtasvane, nopajic talel ti banquilal paleetique xchi'uc ti moletic yu'un ti israeletique, xi c'ot sjac'beique: —Albun ca'icutic, ¿c'usi avabtel ti vi s'elan ta xapase? ¿Buch'u laj yac'bot avabtel?

San Mateo 26:3

Ti jech yorail taje, ti banquilal paleetique xchi'uc ti moletic yu'un ti Israele laj stsob sbaic ta yamaq'uil sna ti Caifás ti banquilal yu'un ti paleetique.

San Mateo 26:47

Yacal to ta xc'opoj ti Jesuse c'alal ja' o c'ot ti Judase, ti jun ta xlajcha'vo'al yajchanc'optaque, xchi'uc talel epal jtsacvanejetic xchi'uc yespadaic xchi'uc ste'ic, ti ja' tacbilic talel yu'un ti banquilal paleetique xchi'uc ti moletic yu'un ti israeletique.

San Mateo 27:1

C'alal sacub xa ti osile, ti banquilal paleetique xchi'uc ti moletic yu'un ti israeletique, laj xa scomonopic scotolic c'usi xu' ta spasic yo' ta xaq'uic ta milel ti Jesuse.

San Mateo 7:29

Yu'un vinaj ti yich'oj tsots yabtel ti Jesuse. Mu xco'olaj xchanubtasvan jech c'u cha'al ti jchanubtasvanejetic yu'un ti mantale.

Marcos 8:31

Ti Jesuse xi laj yalbe ti yajchanc'optaque: —Ti vu'un co'ol j'elantique, mu no'ox albajuc ta xlic quich' jvocol yu'un ti moletique, yu'un ti banquilal paleetique, yu'un ti jchanubtasvanejetic yu'un ti oy c'usi tsots albil sc'oplale. Ta xisjip stenicun. Ta xiyaq'uic ta milel. Ta yoxibal (3) c'ac'al un, ta xicha'cuxi.

San Lucas 20:19

Ti banquilal paleetique xchi'uc ti jchanubtasvanejetic yu'un ti oy c'usi tsots albil sc'oplale, laj ya'iic ti ja' sc'oplal stuquic ti va'i s'elan laj sbaba al ti Jesuse. Ja' yu'un un, ta stsaquic ox ya'iic ta ora. Ja'uc le'e, xi'ic yu'un ti c'u yepal volol ti jnaclejetique.

San Lucas 23:10

Ja' jech xtoc tey oyic ti banquilal paleetique, xchi'uc ti jchanubtasvanejetic yu'un ti oy c'usi tsots albil sc'oplale, ti mu no'ox albajuc ta stic'beic ti smule.

San Juan 18:3

Ti Judase xvolet c'otel xchi'uc soldadoetic xchi'uc mayoletic yu'un ti ch'ulnae, ti ja' tacbilic batel yu'un ti banquilal paleetique xchi'uc ti fariseoetique. Chapalic batel xchi'uc yabtejebic, xchi'uc yinternoic, xchi'uc stojic.

San Juan 3:10

Xi laj stac' ti Jesuse: —¿Mi mu banquilal jchanubtasvanejucot ya'yel yu'un ti achi'iltaque? ¿Mi mu xa ono'ox xava'ibe smelol taje?

San Juan 7:32

Ti fariseoetique laj ya'iic ti c'u s'elan ta xalbeic sc'oplal ti Jesuse. Ti stuquique xchi'uc ti banquilal yu'un ti paleetique, laj staquic batel mayoletic yu'un ti ch'ulnae yo' ta stsaquic talel ti Jesuse.

San Juan 8:3

Ti jchanubtasvanejetic yu'un ti oy c'usi tsots albil sc'oplale xchi'uc ti fariseoetique, yic'ojic talel jun ants ti yacal ta spas smul laj staique. Laj sva'anic ta o'lol ta stojol ti c'u yepal oye.

Hechos 23:9

X'avlajetic xa liquel scotolic, yu'un ti jlom jchanubtasvanejetic ti sbainojic ti mantal ti jbel tsots albil sc'oplale, ja' fariseoetic ti laj sva'an sbaic ti xi laj yalique: —Ti vinic li'e, mu'yuc c'usi chopol spasoj, yic'al nan oy bu c'oponat yu'un jun ánjel, mi jun ch'ulelal. Mu jcontraintic ti Diose.

Hechos 4:5

Ta yoc'lomal laj stsob sbaic ta Jerusalén ti banquilaletic yu'un ti israeletique, ti moletic ich'bil ye sti'ique, xchi'uc ti jchanubtasvanejetic yu'un ti oy c'usi tsots albil sc'oplale.

Hechos 6:12

Ti jech taj une, xvochvun no'ox liquel yu'unic ti jteclume, ti moletique, ti jchanubtasvanejetic yu'un ti oy c'usi tsots albil sc'oplale. Laj stsaquic ti Estebane, yic'ojic batel ta stojol ti banquilal jchapanvanejetique.