San Mateo 2:2 - Bible in Tzotzil de Chamula

² Xi lic sjac'beique: —¿Bu oy ti ajvalil yu'un ti judíoetic ti voq'uem xae? yu'un laj quilcutic sc'analil, tal quich'cutic ta muc'.

Tzotzil Zinacantan

² Liꞌ yul sjaqꞌuique: ―¿Bu iꞌayan ti muchꞌu scꞌoplal chaspasic ta mantal, voꞌoxuc li juriooxuque? Yuꞌun iquilticotic jpꞌej cꞌanal cꞌalal teyoticotic ta jnaticotic ta loqꞌueb cꞌacꞌale. Jaꞌ seña ti iꞌayan xa ti muchꞌu chaspasic ta mantale. Jaꞌ tal quichꞌticotic ta mucꞌ ―xiic.

LEQUIL ACH' C'OP

² Li' yul sjaq'uique: ―¿Bu i'ayan li yajreyic li jurioetique. Yu'un c'alal teyoticotic ta jnaticotic ta loq'ueb c'ac'ale. Iquilbeticotic señail ta jp'ej c'anal ti i'ayan xae, yu'un tal quich'ticotic ta muc' uc―xiic.

Bible in Tzotzil de Chenalhó with Deuterocanon

² Jech la sjaq'uic: —¿Bu voq'uem xana' li boch'o ta x'och ta ajvalilal avu'unic, vo'oxuc li judiooxuque? Yu'un laj quilbecutic tal sc'analil te ta sloq'ueb c'ac'al, jech litalcutic, tal quich'cutic ta muc' —xiic.

Tzotzil San Andres

² Tal sjaqꞌuic: ―¿Bu oy li mucꞌta ajvalil avuꞌunic li ivocꞌ xae, joꞌoxuc li jꞌisraeloxuque? Yuꞌun cꞌalal te oyuncutic ta jnacutic ta sloqꞌueb cꞌacꞌale, iquilcutic jpꞌej cꞌanal. Jaꞌ svinajeb ti voqꞌuem xa li buchꞌu ta xꞌoch ta ajvalilal avuꞌunique. Jaꞌ yuꞌun tal quichꞌcutic ta mucꞌ ―xiic.

Tzotzil de Huixtán

² Hech c'ot sjaq'uic: ―¿Bu oy ti ajvalil avu'unic ti anem xae, ho'oxuc ti judiooxuque? Ti jna'tutic ti i'an xae yu'un laj quilbetutic ti sc'anale ti bu nacaluntutique te ti sloq'ueb c'ac'al. Hech yu'un tal jquejan jbatutic ti stojol ―xchiic ti p'ijil viniquetique.

San Mateo 2:2 Iomraidhean Croise

Salmos 2:6

“Laj xa jt'uj ma' ti ajvalil buch'u ta sventain cu'un ti Sione, ja' ti ch'ul vitse.”

Salmos 45:11

Ti ajvalile ic'bil yo'nton ti xtixet no'ox avutsil ta q'uelele, c'otem ta avajval, tsots sc'oplal ch'unbo ti sc'ope.

Isaías 60:3

Ti muc'tiquil lumetique ta xnopajic ta stojol ti saquilal osil avu'une. Ti ajvaliletique ta xtalic ta stojol ti co'ol s'elan xtixetel sob ic'luman ti avutsilale.

Jeremías 23:5

Xi ta xal ta jamal ti Diose: “Ta xc'ot ta pasel ti oy bu ta xvul ta loq'uel cu'un junuc sbats'i nitilul ti Davide, jun ajvalil ti oy sbijil ta xventainvane, ti xchiquintaj yu'un smelol ti chapanvaneje, ti oy stuq'uilal ta sbainel ti jteclume.

Jeremías 30:9

Ta xac' sbaic ta tunel ta jtojol, ti Ajvalil Diosun yu'unique, xchi'uc ta stojol ti David ti buch'u vu'un ta jchotan ta ajvalile.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

Números 24:17

Ta xquil ti oy c'usi ta xc'ot ta pasel le' to ech'ele, ti nom to xvayet ta q'uelel ti xi s'elan ta xc'ot ta pasele: Yu'un co'ol s'elan jbej c'anal ta xloc' talel ta stojol ti Jacobe, ti ta xc'ot ta ajvalil yu'un ti Israele. Ta xpech'be ta teq'uel sjol ti Moabe; ta xpech' ta teq'uel scotol snitilultac ti Sete.

San Mateo 2:3

C'alal laj ya'i ti ajvalil Herodes taje, lic ta vul o'nton, ja' jech ec ti jnaclejetic ta Jerusalene.

San Mateo 21:5

Albeic ya'i ti buch'u nacalic ta jteclum Sione: “Q'uel avilic, ti Ajvalil avu'unique li' ta xtal ta atojolique. Mu'yuc stoyobbail. Cajal talel ta burro, yol jun me' burro jcuch-icatsil.”

San Mateo 27:11

Ti Jesuse ic'bil batel ta stojol ti ajvalile, ti xi laj sjac'bee: —¿Mi vo'ot ti ajvalil yu'un ti israeletique? Xi laj stac' ti Jesuse: —Vu'un, jech c'u cha'al ta xavale.

San Lucas 19:38

Xi ta xalique: —Jun yutsil ti Ajvalil tacbil talel ta sventa ti Diose. Lamaj xa ti c'op ta vinajele. Oy xa muyubajel lequilal ta toyol.

San Lucas 2:11

Avi tana li'e, voc' xa jun Jcoltavanej avu'unic ta steclumal David, ja' ti Ajvalil Cristoe.

San Lucas 23:3

Xi laj stac' ti Pilatoe: —¿Mi vo'ot ajvalilot yu'un ti israeletique? Xi laj stac' ti Jesuse: —Jech, jech c'u cha'al ta xavale.

San Lucas 23:38

“Ja' ajvalil yu'un ti israeletique”, xi ta xal ta sjol scurusal ti Jesuse.

San Juan 1:49

Xi laj yal ti Natanaele: —Jchanubtasvanej, vo'ot xnich'onot ti Dios un cha'e, Ajvalil yu'un ti Israele.

San Juan 12:13

Va'i un, laj sc'oquic talel yanal xan. Bat snupic talel ta be ti xi ta x'avanique: —Jun yutsil ta j'ech'el. Jun yutsil ti Buch'u talem ta sventa ti Diose, Ajvalil yu'un ti Israele.

San Juan 18:37

Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

San Juan 19:19

Ti Pilatoe laj yal mantal ti yich'uc ts'ibael letra ti xiuc ac'o yale: “TI JESÚS TA NAZARETE, JA' AJVALIL YU'UNIC TI ISRAELETIQUE.”

San Juan 20:28

Xi tsots laj yal ti Tomase: —¡Cajval, Ch'ul Dios!

San Juan 5:23

yo' scotolic ac'o yich'icun ta muc' ti vu'un Nich'onilune jech c'u cha'al, ta xich'ic ta muc' ti Jtote. Ti buch'u mu xiyich'icun ta muc' ti vu'un Nich'onilune, mu xich'ic ta muc' ti Jtot ti ja' laj stacun talele.

San Juan 9:38

Va'i un, ti vinique laj squejan sba ta stojol ti Jesuse, ti xi laj yalbee: —Cajval, ta xquich'ot ta muc'.

Hebreos 1:6

Ja'uc ti Diose ti c'alal laj stac talel ta sba banomil ti c'ajomal yo junomal ti Xnich'one, xi laj yalbe ti sc'oplale: “Scotol ti caj'ánjeltaque, ac'o yich'ic ta muc' ti Jnich'one.”

Apocalipsis 22:16

Xi laj yalbun ti Jesuse: “Vu'un Jesús, laj jtac talel caj'ánjel ta xalbe ya'iic ti jch'unolajeletic ta jujun tsobobbail scotol taje. Ti vu'une liquemun talel ta snitilul ti ajvalil Davide. Yu'un co'ol j'elan jech c'u cha'al ti muc' ta c'anal xojobin no'ox ta xloc' talel ta jujun sobe.”