San Mateo 2:16 - Bible in Tzotzil de Chamula

¹⁶ C'alal laj yil ti Herodes ti laj ta lo'lael yu'un ti bijil viniquetique, icap sjol, laj yal mantal ti yich'uc milel scotol ti uni queremetic ti mu to ta sta chib jabile xchi'uc ti yich'ojic xa chib jabil ti oyic ta jteclum Belene xchi'uc ti c'u yepal joyol ta spat xocone. Ja' ba sco'oltas talel ti ajvalil Herodese ti c'usi ora laj yalic ti bijil viniquetique.

Tzotzil Zinacantan

¹⁶ Ti Erodese, cꞌalal iyul ta sjol ti iloꞌloat yuꞌun ti pꞌijil viniquetique, icap tajmec. Isloqꞌues mantal ti acꞌu yichꞌ milel scotol cꞌox crem ta Belene. Jaꞌ ti bu chib to sjabilalique xchiꞌuc ti más cꞌoxetique. Ti Erodese snaꞌoj cꞌusi ora iyilic cꞌanal ti pꞌijil viniquetique, yechꞌo ti jaꞌ iyacꞌ ta milel ti cꞌoxetic chib sjabilale yuꞌun isnop ti tey capal chlaj ti unene.

LEQUIL ACH' C'OP

¹⁶ Ti Herodese, c'alal iyul ta sjol ti ilo'loat yu'un ti p'ijil viniquetique, icap tajmec. Isloq'ues mantal ti ac'u yich' milel scotol c'ox cremotic ti tey nacajtic ta Belene xchi'uc ti tey nacajtic ta sjoyobe. Ja' ti bu chib to sjabilalique xchi'uc ti más c'oxetique. Yu'un ti Herodese sna'oj c'usi ora iyilic c'anal ti p'ijil viniquetique.

Bible in Tzotzil de Chenalhó with Deuterocanon

¹⁶ C'alal la sna' Herodes ti ilaj xa ta lo'lael yu'un li bijil viniquetic ti sna'ic sq'uelel c'analetique, solel tsots i'ilin. Jech laj yal mantal ti ac'o milaticuc scotol li bic'tal queremetic ti bu chib to jabil yich'ojique, xchi'uc ti bu ach' to svoq'uelic ti te oyic ta lum Belén xchi'uc ti c'u smuc'ul yosilale. Yu'un li Herodese la sna' c'usi ora lic yilic tal c'anal li bijil viniquetic ti sna'ic sq'uelel c'analetique.

Tzotzil San Andres

¹⁶ Cꞌalal iyaꞌi li Herodes ti iloꞌloat yuꞌun li pꞌijil viniquetique, toj echꞌem iꞌilin. Laj yal mantal ti acꞌo mileuc scotol li bicꞌtal queremutic li bu chib to jabil yichꞌojique, schiꞌuc li bu neneꞌic toe, li te oyic li cꞌu smucꞌul yosilal li Belene. Yuꞌun snaꞌoj Herodes li cꞌu ora laj yilic li cꞌanal li pꞌijil viniquetique, jaꞌ yuꞌun te capal laj yacꞌ ta milel li bu yichꞌojic xa chib jabile.

Tzotzil de Huixtán

¹⁶ C'alal laj sna' ti Herodese ti ilabanat yu'un ti p'ijil viniquetique, xtec'tun no'ox i'ilin. Laj spas mantal yu'un ac'o smilic scotol biq'uit queremotic te ti Belén xchi'uc ti sjoylejal Belén. Tsmil ti much'u mu to bu tsts'aqui oxib habil yu'un sna' ti Herodese ti c'usi ora laj yil ti c'anale ti p'ijil viniquetique.

San Mateo 2:16 Iomraidhean Croise

Génesis 39:14

xi laj yalbe ti smosovtac laj yavta talel oy ta nae: —A'yio ava'iic, la'ic. Ti jmalale laj yic' talel jun hebreo vinique, ja' no'ox ta xijyilbajinotic. Och batel ti bu oyune. Ta ox xistsacun. Ti vu'une tsots li'avan.

Génesis 39:17

Va'i un, xi xchapet liquel jech c'u cha'al laj yal ono'ox ta ba'yele: —Ti mosovil hebreo vinic laj avic' talele, och batel ta jc'ol na ti bu oyune. Laj soc ye ta jtojol.

Génesis 49:7

Cuxul xa jti'oval, melel, yu'un ja' cuxul jti'oval c'otic ti jech mu ts'icbaj c'usi ta spasic ta sti'emal yo'ntonique. Yu'un ta xal ti Diose, tan puc ta xabatic yu'un ta sjunul lum Israel.

2 Reyes 8:12

ti xi laj sjac' ti Hazael une: —¿C'u cha'al ta xavoq'uita aba une, yojtot? Xi laj stac' ti Eliseoe: —Yu'un jna' lec ti ta xlic avilbajin ti israeletique. Ta xlic atic'be sc'ac'al ti nacobbail lumetic yu'unique. Ta xlic amilan ta espada ti querem viniquetique. Ta xlic avilbe svocol ta milel ti bic'tal ololetic yu'unique. Ta xlic ajatbe xch'ut ti antsetic ti x'uxet xchi'uc yolique.

Job 12:4

Ac'o mi mu ta scojuc jmul jchopolal ti vi j'elane, ti buch'utic lec xquil jba xchi'uque, c'ajomal no'ox ta stse'inic ta jtojol. Lajem to ta alel yu'unic ma' ti oy bu laj ya'ibun jc'op ti xivocolet ta stojol ti Diose.

Proverbios 28:15

Ti mu'yuc xch'ulel xa'i sba ti ajvalil ta sventain jun jteclum ti mu'yuc c'usi xut spoj sbae, co'ol s'elan jun león ti naca slilin no'ox ta ti'ele, mi co'ol s'elan jech c'u cha'al jun oso ti capem ti sjole.

Proverbios 28:17

Ti buch'u laj soques yoc sc'ob ta milvaneje, muquinaluc teq'uel ech'el yoc ti xi s'elan q'uelel ta stojole: jax q'uelbiluc xa no'ox, ac'o xcuch xa'i stuc un.

Isaías 26:21

Ti Diose ta xloc' talel ta spasob mantal yo' jech ta stsits ti jnaclejetic ta banomil ta scoj ti smule. Ti banomile ta j'ech'el mu snac' ti c'u yepal lajem ta stojole. Ta svinajes ti c'u yepal lajem ta milele.

Isaías 59:7

Yacanilaluc xa yu'un ti buyuc no'ox xyal xmuy ta spasel ti chopole. Mu xc'opoj xyal yu'un ta smalbel xch'ich'el ti buch'u ch'abal smule. Xojol ta sjol ti naca milvanej batem ta yo'ntone. Ja' to xlaet ta xa'i mi j'ech'el tsutsesvane, mi stuc xa na pochol com yu'une.

Daniel 3:13

Calal laj ya'i ti Nabucodonosore, lic socuc sjol ta j'ech'el. Laj yal mantal ti ac'o yich' iq'uel talel ta stojol ti Sadraque, ti Mesaque, xchi'uc ti Abed-negoe. C'alal va'alic xa ta stojole,

Oseas 10:14

ja' yu'un un, ta xch'ay olajic. Jeche' xa, xvochlajetic liquel ti avinictaque. Ti pojobbailetic avu'une pochajtic ta xcom. Jech ta xc'ot ta pasel jech c'u cha'al laj spas ti ajvalil Salmán ti laj slilin ti Bet-arbel ta sc'ac'alil ti c'alal ech' ti letoe, ti j'ech'el tsalbil c'otic ti me'il xchi'uc ti yalabe.

Números 22:29

—Yu'un c'ajomal no'ox ta xatoy aba ta jtojol —xi tac'bat yu'un ti Balaame—. Ti oyuc junuc cuchilu ta jc'obe, li' no'ox ta jmilot ava'i ti jechuque.

Números 24:10

C'alal jech laj ya'i ti Balac ti va'i s'elan taje, ep soc sjol ta j'ech'el. Xt'axolan xa ta majel liquel sc'ob ti xi laj yalbee: —Laj quic'ot talel li'e yo' jech ta xac'anbe slajel stubel ti jcontrae. Yu'un avi tana le' une, yoxibal xa velta ti laj ac'anbe ti slequilal yutsilale.

San Mateo 2:1

Ti Jesuse voc' ta jteclum Belén ti oy ta Judea banomile c'alal ja' o tiq'uil ta ajvalil ti Herodes ta muc' ta lume. Va'i un, talic ta Jerusalén bijil viniquetic ti yabtelinojic ta sq'uelel c'analetic ti liquemic talel ta sloq'ueb c'ac'ale.

San Mateo 2:17

Taje, ja' ic'ot ta pasel ti xi s'elan laj sts'iba comel ti yaj'alc'op Jeremiase:

San Mateo 2:7

Ti Herodese ta mucul laj sta ta iq'uel ti bijil viniquetique, ja' ta sventaic ti laj sna' c'usi ora vinaj ti c'anale.

Apocalipsis 12:4

Ta sne no'ox laj squiil talel jch'ac ti oxch'ac c'analetic oy ta vinajele, ti laj sjip yalel tal ta banomile. Ti tsajal jti'oval chone laj scotan sba ta sts'el ti ants ti buch'u yacal ta svoq'ues ti yole, yo' ta sti' ta ora no'ox ti olol c'alal mi voq'ue.

Apocalipsis 17:6

Laj quil un ma' ti antse, yacubem xchi'uc xch'ich'eltac ti buch'utic yu'untac ti Diose, xchi'uc xch'ich'eltac ti buch'utic laj yich'ic milel ta sventa ti jamal laj yalbeic sc'oplal ti Jesuse. Ch'ayal c'ot co'nton yu'un ti jech laj quile.

Jueces 16:10

Xi albat yu'un ti Dalilae: —¡Laj xa alo'laun! ¡Laj xa ajutilanbun c'op ta j'ech'el! Avi tana une, avocoluc, albun ca'i c'u s'elan ta chuquelot.