San Mateo 2:12 - Bible in Tzotzil de Chamula

¹² Ts'acal to un, bijubtasatic ta vaichil ti mu xa x'ech'ic ta stojol ti ajvalil Herodese. Sutic batel ta slumalic ta yan o be.

Tzotzil Zinacantan

¹² Tsꞌacal to iꞌalbatic la ta svayichic yuꞌun ti Rioxe ti mu xa yaꞌuc echꞌ scꞌoponic ti Erodese. Yechꞌo un cꞌalal isutic ta slumalique, jun xa o be istamic echꞌel.

LEQUIL ACH' C'OP

¹² Ti p'ijil viniquetic ti sna'ic sq'uelel c'analetique, i'albatic ta svayichic yu'un ti Rioxe ti mu xa ya'uc ech' sc'oponic ti Herodese. Yech'o un c'alal isutic ta slumalique, jun xa o be istamic ech'el.

Bible in Tzotzil de Chenalhó with Deuterocanon

¹² Li bijil viniquetic ti sna'ic sq'uelel c'analetique i'albatic yu'un Dios ta xvayechic ti mu me xjelovic yo' bu oy li Herodese. Jech ta yan be ibatic ti c'alal isutic ta yosilalique.

Tzotzil San Andres

¹² Li pꞌijil viniquetique iꞌalbatic ta svaychilic yuꞌun Dios ti mu xa me xjelavic li yoꞌ bu oy li Herodese. Ta yan xa o be ibatic li cꞌalal isutic batel ta yosilalique.

Tzotzil de Huixtán

¹² Yu'un mu laj sna'ic mi chlo'laat yu'un ti Herodese, hech yu'un hech i'albatic ti svaichic yu'un ti Diose: ―Mu me xasutic xa batel yo' bu ti Herodese ―x'utatic. Hech yu'un c'alal isutic batel ti slumal, yan be laj stamic batel.

San Mateo 2:12 Iomraidhean Croise

Génesis 31:24

Ja' no'ox un, ti ta ac'ubaltique, laj yac' sba iluc ti Dios ta xvaich ti arameo vinic Labane, ti xi i'albate: “A'yio ava'i, mu me ta jajeteluc xac'opon ti Jacobe.”

Éxodo 1:17

Ac'o mi jech albilic un, yu'un ti jvet'ometique xi'taojic ti Diose. Mu'yuc laj spasic jech c'u cha'al albilic mantal yu'un ti ajvalil ta jteclum Egiptoe. Yu'un ch'an no'ox xutic ti queremetique.

Daniel 2:19

Ti jech ac'ubal taje, ti Daniele jam ti sba sate. Ac'bat yil ti c'usi mucul ti mu xvinaje. C'alal jech ac'bat yile, laj slequil-c'opta ti Dios ti oy ta vinajele.

San Mateo 1:20

C'alal jech ta snope, tal jun yaj'ánjel Dios ti xi tal albatuc laj yil ta svaiche: —José, snitilul ajvalil David, mu xlo'ilaj avo'nton yu'un ti Mariae, ic'o. Ti yol xchi'uque, ja' ta sventa smuc'ul stsatsal ti Ch'ul Espiritue.

San Mateo 2:13

C'alal batic xa ti bijil viniquetique, tal yaj'ánjel ti Diose, ti xi laj yalbe ta svaich ti Josee: —Lican, batan, ic'o batel ti olol xchi'uc ti sme'e. Jatavanic batel ta yosilal Egipto. Comanic ti bu taje ja' to mi laj calbot ava'ie, yu'un ti Herodese ta sa' ti olole, yu'un ta smil ya'i.

San Mateo 2:19

C'alal chamem xa ox ti Herodese, tal jun yaj'ánjel ti Diose, ti xi laj yalbe ta xvaich ti José ta Egiptoe:

San Mateo 2:22

C'alal laj ya'i ti ochem ta ajvalil ta Judea banomil ti Arquelao ti laj yich'be yabtel ti stot Herodese, xi' ti ta xbat José ti bu taje. Ac'bat yil ta svaich yu'un Dios ti batuc ta yosilal Galileae.

San Mateo 27:19

C'alal chotol ti ajvalil ti bu ta xchapanvane, laj stac talel mantal ti yajnil ti xi laj yale: “Mu xatic' aba ta smilel ti jun lequil vinic le'e. Ech'em chopol livaichinaj ta ac'ubaltic ta sventa ti vinique.”

San Lucas 2:26

Ac'bil sna' ti mu'yuc to ta xcham mi mu ta xilbe sat ti Cristo ti ta xtaque talel yu'un ti Diose.

Hechos 10:22

Xi laj staq'uic ti viniquetique: —Tacbiluncutic talel yu'un ti banquilal soldado Cornelioe, jun lequil vinic ti xi'taoj ti Diose, ti lec sc'oplal yu'un ti israeletique. Albat yu'un jun yaj'ánjel Dios ti ac'o avich' iq'uel batele yo' ta xabat ta sna yo' ta xa'i ya'iic ti c'usi ta xavalbee.

Hechos 4:19

Xi laj staq'uic ti Pedroe, ti Juane: —Jchi'iltac, nopo ava'iic lec, ¿mi ja' lec ta xil ta sba ta sat ti Diose ti ta jch'uncutic ti amantalique ti ja' mu jch'unbecutic smantal ti Diose?

Hechos 5:29

Ti Pedroe xchi'uc ti yan jcholc'opetique xi tac'avique: —Yu'un tsots sc'oplal sc'an ch'unbel smantal ti Diose, ja' cabtelcutic, manchuc mi mu lecuc ta xa'i ti jnaclejetique.

1 Corintios 3:19

Yu'un ti bijilil liquem li' ta banomile, naca jeche' lo'il c'op ta xil ti Diose. Yu'un ti ch'ul c'ope xi ta xale: “Ti buch'utic oy sbijilique, ja' syacobilic ta stojol Dios yo' ta x'ochic ta pets' ti stuquique.”

Hebreos 11:7

Ti jech c'otem ta yo'nton ta xch'unel ti Noee, caj'albat yu'un Dios ti oy c'usi ta xc'ot ta pasel ti mu'yuc to yiloje. C'alal jech albate, tac'al c'ot ta yo'nton, lic smeltsan ti barcoe yo' jech ta spoj sbaic xchi'uc ti yalab xnich'nabe. Ti jech c'otem ta yo'nton ta xch'unel ti Noee, laj svinajesbe ti oy smul ti xchi'iltaque, xchi'uc laj sta ti lec x'ile ta sventa ti jech c'otem ta yo'nton ta xch'unele.

Hebreos 8:5

Yabtel ti paleetic ti va'anbilic ta sventa smantal ti Moisese, naca squeoval ti c'usitic oy ta vinajele. Jna'tic lec ti naca svinajeb une, yu'un xi albat yu'un Dios ti Moisés c'alal oy sc'oplal ta smeltsan ti ch'ulna ti naca ta nucul ta xva'i ti yaxibe: “Jech me xameltsan ti ch'ulna jech c'u cha'al laj cac'bot avil ti svinajeb ta vitse.”