San Mateo 2:1 - Bible in Tzotzil de Chamula

¹ Ti Jesuse voc' ta jteclum Belén ti oy ta Judea banomile c'alal ja' o tiq'uil ta ajvalil ti Herodes ta muc' ta lume. Va'i un, talic ta Jerusalén bijil viniquetic ti yabtelinojic ta sq'uelel c'analetic ti liquemic talel ta sloq'ueb c'ac'ale.

Tzotzil Zinacantan

¹ Ti Jesuse tey iꞌayan ta jteclum Belén liꞌ ta estado Judeae. Jaꞌo ta scoviernoal ti Erodese. Ti cꞌalal ayanem xaꞌox ti Jesuse, ital ta Jerusalén jayvoꞌ pꞌijil viniquetic liquemic tal ta loqꞌueb cꞌacꞌal.

LEQUIL ACH' C'OP

¹ Ti Jesuse tey i'ayan ta jteclum Belén ta Judeae. Ja'o ta sreyal ti Herodese. Ti c'alal ayanem xa'ox ti Jesuse, italic ta Jerusalén jayvo' p'ijil viniquetic ti sna'ic sq'uelel c'analetique, liquemic tal ta loq'ueb c'ac'al.

Bible in Tzotzil de Chenalhó with Deuterocanon

¹ C'alal ivoc' Jesús te ta lum Belén ta Judea banamile, ja'o ochem ta ajvalilal jun vinic, Herodes sbi. Te ic'otic ta Jerusalén jayibuc bijil viniquetic sna'ic sq'uelel c'analetic liquemic tal ta sloq'ueb c'ac'al.

Tzotzil San Andres

¹ Cꞌalal ivocꞌ Jesús li te ta jteclum Belén li ta Judea balumile, jaꞌ o ochem ta ajvalilal li Herodese. Cꞌalal voqꞌuem xaꞌox li Jesuse, italic ta Jerusalén jayvoꞌ pꞌijil viniquetic li liquemic talel ta nom li te ta sloqꞌueb cꞌacꞌale.

Tzotzil de Huixtán

¹ C'alal i'an ti Jesuse te ti jteclum Belén te ti estado Judea, ja' ochem ti ajvalil jun vinic, Herodes sbi. Ti yan c'ac'al ic'otic ti jteclum Jerusalén p'ijil viniquetic liquemic tal ti sloq'ueb c'ac'al.

San Mateo 2:1 Iomraidhean Croise

Génesis 10:30

Xnich'nabtac ti Joctane laj smaquic batel ta naclej yosilal ti Mesae, ti ic'ot c'alal to Sefar banomil yosilal muc'tic vitsetic oy ta sloq'ueb c'ac'ale.

Génesis 25:6

Ja'uc xnich'nabtac ti Abraham ta sventa ti yan ants yu'une, ja' no'ox laj sq'uelanbe smotontac. C'alal cuxul to ox ti Abrahame, laj xch'ac loq'uel ti xnich'nabtac ta stojol ti Isaaque. Yu'un laj stacanan batel ta osil ti oy ta sloq'ueb c'ac'ale.

Génesis 41:8

Ja'uc le' une, c'alal sacub ti osil ta yoc'omale, ochem xa ta vul o'nton. Ja' yu'un un, laj yal mantal talicuc scotol ti jt'unvanejetique, ti bijil viniquetic oy ta Egiptoe. Jech ti faraone laj xchapbe ya'iic ti xvaiche. Ja' no'ox un, mi ja'uc junuc oy buch'u al yu'unic ta yalel ti c'usi smelole.

Génesis 49:10

Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.

1 Reyes 4:30

Jelav ta j'ech'el sbijil ti Salomone, ja' mu sta sbijil c'otic ti egipcioetique, ti viniquetic ti oyic ta sloq'ueb c'ac'ale.

1 Crónicas 2:51

ti Salmae totil yu'un ti Belene; xchi'uc ti Harefe totil yu'un ti Bet-gadere.

Job 1:3

C'otem ta yajval vucmil (7,000) ta cot chij, oxmil (3,000) ta cot camello, vo'ob ciento (500) ta cot jchabajom vacax, xchi'uc vo'ob ciento (500) ta cot me' burroetic. Yepal no'ox smosovtac xtoc. Spajeb banquilal jc'ulej vinic ti oy ta yeloval sloq'ueb c'ac'ale.

Isaías 11:10

Ta yorail taje, ti sc'oplal sq'uelom xchumanil snitilul ti Isaie, ta xlic sva'an sba ti ta xc'ot ta senyail yu'un ti lume. Ta xlic sa'anan talel ti muc'tiquil lumetique, ti bu tiq'uile, jun yutsil ta j'ech'el.

Miqueas 5:2

Ti Diose xi ta xale: “Ja'uc ti vo'ote, jteclum Belén Efrata, ti xi avuni muc'ul ti oyot ta yosilal ti Judae, ta x'ayan talel ta atojol ti Ajvalil yu'un ti Israele, ti ta xvul ta loq'uel ta stojol sts'unobal ti vo'ne totil me'ile.”

San Mateo 1:25

Ja' to lic sbis sbaic ta yajnil smalal sbaic c'alal voc' ti yole. Ti Josee laj yac'be sbiin Jesús.

San Mateo 2:16

C'alal laj yil ti Herodes ti laj ta lo'lael yu'un ti bijil viniquetique, icap sjol, laj yal mantal ti yich'uc milel scotol ti uni queremetic ti mu to ta sta chib jabile xchi'uc ti yich'ojic xa chib jabil ti oyic ta jteclum Belene xchi'uc ti c'u yepal joyol ta spat xocone. Ja' ba sco'oltas talel ti ajvalil Herodese ti c'usi ora laj yalic ti bijil viniquetique.

San Mateo 2:19

C'alal chamem xa ox ti Herodese, tal jun yaj'ánjel ti Diose, ti xi laj yalbe ta xvaich ti José ta Egiptoe:

San Mateo 2:3

C'alal laj ya'i ti ajvalil Herodes taje, lic ta vul o'nton, ja' jech ec ti jnaclejetic ta Jerusalene.

San Mateo 2:5

Xi laj stac'beique: —Tey ta Belén ti oy ta Judea banomile, yu'un xi s'elan laj sts'iba comel ti yaj'alc'ope:

San Mateo 2:7

Ti Herodese ta mucul laj sta ta iq'uel ti bijil viniquetique, ja' ta sventaic ti laj sna' c'usi ora vinaj ti c'anale.

San Lucas 1:5

C'alal ja' o yorail tiq'uil ta ajvalil ti Herodes ta Judea banomile, ti bu taje, nacal jun pale Zacarías sbi, ti liquem talel sts'unubal ti jvoc' sbiinojic Abiase. Sbiinoj Isabel, ti ja' yajnil ti liquem talel sts'unubal ta stojol ti pale Aarone.

San Lucas 2:11

Avi tana li'e, voc' xa jun Jcoltavanej avu'unic ta steclumal David, ja' ti Ajvalil Cristoe.

San Lucas 2:15

C'alal sut batel ta vinajel ti anjeletique, jech ti jchabiej-chijetique xi lic yalbe sbaic ta jujun tale: —Batic ta Belén un cha'e, ba jq'ueltic ti c'usi c'ot ta pasele jech c'u cha'al laj yalbotic ti Cajvaltique.

San Juan 7:42

Yu'un ta xalbe sc'oplal ti ts'ibabil ta ch'ul c'ope, ti Cristoe ta x'ayan talel ta stojol snitilul ti ajvalil Davide, ta jteclum Belén, slumal stuc ti Davide.

Jueces 17:7

Ti ta jteclum Belene, oy jun jcotcovil querem snitilul ti Judae, ti liquem talel ta stojol ti levitaetique.