San Mateo 10:7 - Bible in Tzotzil de Chamula

⁷ Ba albo ya'iic ti sta xa yorail ta xventainvan ti Diose.

Tzotzil Zinacantan

⁷ Ba albeic ti ista xa yora tspasatic ta mantal yuꞌun ti Rioxe.

LEQUIL ACH' C'OP

⁷ Ba albeic ti tsta xa yora ch-cuentainatic yu'un ti Rioxe.

Bible in Tzotzil de Chenalhó with Deuterocanon

⁷ Bat albeic ti yorail xa chventainatic yu'un Diose.

Tzotzil San Andres

⁷ Ba albeic ti ista xa scꞌacꞌalil ti chventainatic yuꞌun li Diose.

Tzotzil de Huixtán

⁷ C'alal chaxanavic batel, hech chacholic batel: “Ista xa yorail ti chisventaimbucutic co'ntontic ti Diose”, xavutic.

San Mateo 10:7 Iomraidhean Croise

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

San Mateo 10:8

Colesic ti jchameletique. Cha'cuxesic ti animaetique. Colesic ti jc'a'emal-chameletique. Taquic loq'uel ti pucujetique. Moton laj cac'boxuc ti jech xu' avu'unique. Mu xac'anbeic stojol.

San Mateo 11:1

C'alal laj yo'nton ti Jesús ta sbijubtasel ti lajcha'vo' yajchanc'optaque, loc' batel, bat chanubtasvanuc ta jujun jteclum ti bu taje.

San Mateo 21:31

Albun ca'i, ¿buch'u junucal laj spas ti c'usi laj sc'an ti stotique? —Ja' ti buch'u ba'yel albate —xi laj staq'uique. Xi tac'batic yu'un ti Jesuse: —Ta xcalboxuc ava'iic ta melel, ti jc'an-patan-taq'uinetic sventa Romae xchi'uc ti antsetic sna' sbolomalin sbae, ja' ba'yel ta xac' sbaic ta ventainel yu'un ti Diose.

San Mateo 21:43

Jech o xal ta xcalboxuc ava'iic, ti ventainel yu'un ti Dios ti oy ta atojolique, ta xbat ta stojolic ti buch'utic ta xich'ic ta muc' ti ventainel yu'un ti Diose.

San Mateo 23:13

“¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti mu xavaq'uic ochuc ti buch'utic ta sc'anic ventainel yu'un ti Diose. Mi ja'uc xa'ochic, mi ja'uc xavac' ochicuc ti buch'utic ta sc'an ta x'och ya'iique.

San Mateo 3:2

ti xi ta xale: —Na'o aba ava'iic, sutanic talel ta stojol ti Diose, yu'un nopol xa yorail ti ta xventainvan ti Diose.

San Mateo 4:17

Ja' o yorail laj sliques yabtel ti Jesuse, ti xi laj yale: —Na'o aba ava'iic, sutanic talel ta stojol ti Diose, yu'un nopol xa yorail ta xventainvan ti Dios ti oy ta vinajele.

Marcos 6:12

Va'i un, ti yajchanc'optaque loq'uic batel ta yalbel ya'iic ti jnaclejetic ta banomile ti ya'iicuc sbaique xchi'uc ti suticuc talel ta stojol ti Diose.

San Lucas 16:16

“C'alal mu'yuc to ox ta xvul ta loq'uel ti Juane, oy xa ono'ox ti oy c'usi tsots albil sc'oplale, xchi'uc ti c'u s'elan chanubtasvan ti j'alc'opetique. Va'i un, ja' o lic talel ta yalel sc'oplal ti lequil c'op sventa ti ventainel yu'un ti Diose, ti scotolicuc yac'beic yipal ochicuc batele.

San Lucas 9:2

Laj stacanan batel ta yalel ti ventainel yu'un ti Diose, xchi'uc ta scolesel ti jchameletique,

San Lucas 9:6

Loq'uic batel un, batic ta jteclumetic, ta bic'tal lumetic ta yalel ti lequil ach' c'ope, xchi'uc ta scolesel ti jchameletique.

San Lucas 9:60

Xi laj stac' ti Jesuse: —Ac'o smuc yanimaic ti buch'u chamemic ono'oxe. Ja'uc ti vo'ote, ba alo ti ventainel yu'un ti Diose.

San Juan 3:2

Xi laj yal ti Nicodemo c'alal bat sc'opon ta ac'ubaltic ti Jesuse: —Jchanubtasvanej, jna'ojcutic lec ti tacbilot talel yu'un ti Dios yo' jech tal achanubtasuncutique, yu'un mu'yuc buch'u junucal xu' ti jech ta xac' iluc smuc'ul stsatsal Dios jech c'u cha'al ta xapase ti mi mu'yuc chi'inbil yu'un ti Diose.

Hechos 10:25

C'alal c'ot ta na ti Pedroe, ti Cornelioe loc' batel, ba snup talel ta be, quej xi ta stojolal ta yich'el ta muc'.

Hechos 28:31

Mu'yuc xi'el, mu'yuc smaquel ta be ta yalel ti ventainel yu'un ti Diose, xchi'uc ta xchanubtasvanej ta sventa sc'oplal ti Cajvaltic Jesucristoe.

Hechos 4:2

Capem tal ti sjolique, yu'un ti Pedroe xchi'uc ti Juane ta xalbe ya'i ti jnaclejetique, ta xcha'cuxi ti animaetic jech c'u cha'al cha'cuxi ti Jesuse.