San Mateo 10:5 - Bible in Tzotzil de Chamula

⁵ Ti Jesuse xi laj yalbe ti lajcha'vo' yajchanc'optac ti c'alal laj stac batele: —Mu xabatic ta stojol ti jyanlumetique. Mi ja'uc xa'ochic batel ta jteclumetic ti oy ta Samaria banomile.

Tzotzil Zinacantan

⁵ Ti Jesuse listac echꞌel jlajchavaꞌalticotic. Lec lixchanubtasoticotic echꞌel. ―Mu me xabatic ta slumal li yan crixchanoetique, mi jaꞌuc ta slumal jsamariaetic.

LEQUIL ACH' C'OP

⁵ Ti Jesuse istac ech'el slajchava'al (12). Ja' yech ixchanubtas ech'el chac li'i: «Mu me xabatic ta slumal li yan crixchanoetique, mi ja'uc ta slumal jsamariaetic.

Bible in Tzotzil de Chenalhó with Deuterocanon

⁵ Li lajchabique (12) lic stacan batel li Jesuse, la xchanubtas lec batel, jech laj yalbe: “Mu me xa'ochic ta jxoluc sbe li yanlumetique. Mu me xa'ochic ta junuc lum yu'un li samariaetique.

Tzotzil San Andres

⁵ Li Jesuse la stacuncutic batel, joꞌoncutic li lajchavoꞌuncutique. Lec lischanubtasuncutic batel, jech laj yalbuncutic: ―Mu me xabatic ta yosilalic li buchꞌutic maꞌuc jchiꞌiltic ta israelale schiꞌuc ta yosilalic li jsamariaetique.

Tzotzil de Huixtán

⁵ Ti lajchavo'untutique laj stacuntutic batel ti Jesuse quich'ojtutic smantal: ―Mu me xabatic ti slumal yanlum viniquetic xchi'uc uc ti slumal ti samariaetique.

San Mateo 10:5 Iomraidhean Croise

San Mateo 22:3

Ti ajvalile laj stac batel yaj'abteltac ta stojolic ti buch'utic ic'bilic yu'une. Ti buch'utic ic'bilic une, mu sc'an xtalic.

San Mateo 4:15

“Ti yosilal ti Zabulone, ti Neftalie ti bu ta x'ech' ti be ti ta xc'ot ta nabe, ta jot sti'il ti uc'um Jordane, ti Galilea sbi xtoque, ti bu nacalic jyanlumetic ti yan yajvalique,

Marcos 6:7

Ti Jesuse laj yic' talel ti lajcha'vo' (12) yajchanc'optaque. Laj stacan batel ta cha'cha'vo'. Laj yac'be yich' tsots yabtelic ta staquel loq'uel ti pucujetic ti mu stac' q'uelel ta j'ech'el ti c'usitic ta spasique.

San Lucas 10:1

Laj taj une, ti Jesuse laj st'uj yan lajcheb xchanvinic (72) ta vo' j'abteletic. Laj stacan jelavel ta cha'cha'vo' yo' ta xbatic ta jujun jteclum ti bu ta x'ech' ono'ox ti stuque.

San Lucas 10:33

Ja'uc le'e, oy jun jyanlum vinic liquem tal ta Samaria banomile ta xanav batel ti bu telel ti vinique. C'alal laj yile, c'uxubaj yo'nton yu'un.

San Lucas 17:16

Vul squejan sba ta stojol ti Jesuse, ti snupilan xa banomil laj spatan sba ta lumtic yo' ta xalbe coliyal. Ti vinic taje, liquem talel ta Samaria.

San Lucas 9:1

Ti Jesuse laj stsob ta stojol ti lajcha'vo' (12) yajchanc'optaque. Laj yac'be yich' yabtelic, stsatsalic ta sloq'uesel ti c'usiuc no'ox pucujale, xchi'uc ta scolesel ti jchameletique.

San Lucas 9:2

Laj stacanan batel ta yalel ti ventainel yu'un ti Diose, xchi'uc ta scolesel ti jchameletique,

San Juan 17:18

Jech c'u cha'al laj atacun talel ta stojol ti jnaclejetic ta banomile, ja' jech ta jtaquic batel ta stojol ti jnaclejetic ta banomile.

San Juan 20:21

Laj taj une, ti Jesuse xi laj yal xtoque: —¡Laetuc, siquetuc avo'ntonic! Jech c'u cha'al laj stacun talel ti Jtote, ja' jech ta xajtacoxuc batel ec.

San Juan 4:20

Ti jmolmuc'totcutic ti vu'uncutic samariauncutique, li' ta vits laj yich'ic ta muc' ti Diose. Ja'uc ti vo'oxuc israeloxuque, ta xavalic ti sc'an c'alal to Jerusalén ta xbat avich'ic ta muc' ti Diose.

San Juan 4:5

C'ot ta jteclum Sicar ti oy ta yosilal Samariae, nopol xil sbaic xchi'uc ti banomil ti ja' to ox yu'un ti Jacob ti laj yac'be comel ti xnich'on José sbie.

San Juan 4:9

Xi laj stac' ti samaria antse: —¿C'u cha'al ta xac'anbun vo' avuch' ti vo'ot israelot c'alal vu'un samaria antsune? Ja' jech laj yal ti antse, yu'un ti israeletique mu lecuc xil sbaic xchi'uc ti samariaetique.

San Juan 7:35

Xi lic sjac'be sbaic ta jujun tal ti j'abteletic yu'un ti israeletique: —¿Bu ta xbat yaloj ti ta xal ti mu xu' ta jtatic ta sa'ele? ¿Mi yu'un van ta xbat ta stojol yan israeletic ti tanijemic ta naclej xchi'uc ti jyanlumetique yo' jech ta xbat xchanubtas ti buch'utic yan yajvalique?

San Juan 8:48

Xi laj yalic ti israeletique: —Oy smelol ti ta xcalcutic ja' jun samaria vinicote, yu'un ach'ulelinojbe xch'ulel ti pucuje.

Hechos 1:8

Ja'uc ti c'alal ta xavich'ic ti Ch'ul Espiritue, ta xac'boxuc atsatsalic avipic yo' jech ta xaloq'uic batel ta yalel ti jc'oplale. Ta xlic avalic liquel li' ta Jerusalene, ta sjunul slumal ti Judeae, ta sjunul slumal ti Samariae, ta sjoylej ti banomile.

Hechos 10:45

Ti jch'unolajel israeletic xchi'inojic talel ti Pedroe, toj elom laj ya'iic ti jech laj yich'ic Ch'ul Espíritu ti jyanlumetique.

Hechos 8:1

Ti Sauloe xmuyubaj xa ti jech laj ta milel ti Estebane. Ti jech yorail taje, ja' o lic muc'ul ilbajinel ta stojol ti jch'unolajeletic ta Jerusalene. Scotolic ti jch'unolajeletique loq'uic ech'el ta Jerusalén, tan puc batic ta Judea banomil, ta Samaria banomil. Ja' xa no'ox comic ta Jerusalén ti lajcha'vo' (12) jcholc'opetique.

1 Tesalonicenses 2:16

C'alal ta jc'an xcalbecutic ya'iic sc'op Dios ti jyanlumetic yo' jech ta sta ti scolelique, jech ti israeletique mu xac' xcalcutic. Ti jech taje, yacal xa ta toyel ti smulique. Ti muc'ul tsitsel yu'un ti Diose oy xa ta stojolic avi tana le' une.