San Mateo 10:3 - Bible in Tzotzil de Chamula

³ Ti Felipee Ti Bartolomee Ti Tomase Ti Mateoe, ti jc'an-patan-taq'uin to ox sventa Romae. Ti Jacoboe, xnich'on ti Alfeoe. Ti Lebeoe, Tadeo ti yan sbi xtoque.

Tzotzil Zinacantan

³ Xchiꞌuc Felipe, xchiꞌuc Bartolomé, xchiꞌuc Tomás, xchiꞌuc voꞌon li Mateo jbie ti jcꞌan-locꞌ-cꞌusiticucon toꞌoxe. Xchiꞌuc otro jun Jacobo screm Alfeo. Xchiꞌuc Lebeo, li Tadeo sbi noxtoque.

LEQUIL ACH' C'OP

³ Xchi'uc Felipe, xchi'uc Bartolomé, xchi'uc Tomás, xchi'uc Mateo ja' ti jc'an-loc'-c'usiticuc to'oxe. Xchi'uc otro jun Jacobo screm Alfeo. Xchi'uc Lebeo, ti Tadeo sbi noxtoque.

Bible in Tzotzil de Chenalhó with Deuterocanon

³ xchi'uc Felipe, Bartolomé, Tomás xchi'uc Mateo ti jtsobpatan to'oxe, xchi'uc Santiago xnich'on Alfeo, xchi'uc Lebeo,

Tzotzil San Andres

³ Schiꞌuc Felipe, schiꞌuc Bartolomé, schiꞌuc Tomás, schiꞌuc joꞌon li Mateoun ti jtsobpatanun toꞌoxe. Schiꞌuc li otro jun Jacobo, jaꞌ snichꞌon Alfeo. Schiꞌuc Lebeo li Tadeo schaꞌmojol sbie.

Tzotzil de Huixtán

³ Xchi'uc yan, Felipe sbi, xchi'uc yan, Bartolomé sbi. Xchi'uc yan, Tomás sbi, xchi'uc ho'on ti Mateoune, ho'on ono'ox ti jtsobpatanune. Xchi'uc yan, Jacobo sbi, ja' snich'on Alfeo. Xchi'uc yan, Lebeo sbi. Oy chib sbi. Tadeo yan sbi.

San Mateo 10:3 Iomraidhean Croise

San Mateo 18:17

Mi mu x'ich'e ta muc' taje, vinajesbo ta tsoblebal. Mi mu xich' ta muc' ti tsoblebale, comuc jech c'u cha'al jun vinic ti yan yajvale, mi jech c'u cha'al jun jc'an-patan-taq'uin sventa Roma.

San Mateo 27:56

Ta scotol ti antsetique, teyic ec ti María Magdalenae, xchi'uc ti María sme' ti Jacoboe xchi'uc ti Josee, xchi'uc sme' xnich'nabtac ti Zebedeoe.

San Mateo 9:9

Ti Jesuse loc' batel ti bu taje. Laj yil jun vinic, ti Mateo sbie, chotol bu ta stojic ti patan ta sventa ti Romae. Xi albat yu'un ti Jesuse: —Batic. Va'i un, ti Mateoe lic batel ta xchi'inel.

Marcos 15:40

Oy jun chib antsetic xtoc nom va'ajtic ta sq'uelic batel ti Jesuse. Ta scotol taje, tey oy ti María Magdalenae, ti Salomee, ti María sme' ti Jacoboe xchi'uc ti Josee.

Marcos 2:14

C'alal ja' o jelav ech'el ti Jesuse, laj yil ti Levie, xnich'on ti Alfeoe, chotol bu ta sc'anic patan taq'uin sventa ti Romae, ti Jesuse xi laj yale: —La', batic. Ti Levie va'i, laj xchi'in batel ti Jesuse.

Marcos 3:18

Ti Andrese Ti Felipee Ti Bartolomee Ti Mateoe Ti Tomase Ti Jacoboe, (xnich'on ti Alfeoe.) Ti Tadeoe Ti Simone, (ti ja' jun cananeoe.)

San Lucas 18:10

—Oy cha'vo' viniquetic xi s'elan batic ta c'opojel ti'inel ta ch'ulnae: Ti june ja' jun fariseo. Ti june ja' jun jc'an-patan-taq'uin sventa Roma.

San Lucas 18:11

Ti fariseoe xi ta xal ti va'al ta xc'opoj xti'ine: ‘Colavalbun, Ch'ul Dios, ti mu jechuc j'elan jech c'u cha'al ti yane, ti ta x'elc'ajique, ti mu'yuc xch'ulel xa'i sbaique, ti jsa'muliletique. Mi ja'uc jutebuc jech j'elan jech c'u cha'al ti jc'an-patan-taq'uin li'e.

San Lucas 18:13

Ja'uc ti jc'an-patan-taq'uine, ta patil nijil com ta q'uexlal. Mi ja'uc jutebuc stoy muyel ti sat ta vinajele. Ja' no'ox smajolan xa ti sti' yo'ntone, ti xi laj yale: ‘Ch'ul Dios, c'uxubinun, yu'un jsa'mulilun.’

San Lucas 19:2

Ti bu taje, nacal tey jun jc'ulej vinic, Zaqueo sbi, ja' jun banquilal yu'unic ti jc'an-patan-taq'uinetic sventa Romae.

San Lucas 5:27

Laj taj une, ti Jesuse loc' batel, sq'ueloj batel jun jc'an-patan-taq'uin sventa Roma, ti Leví sbie, ti chotol bu ta stojic ti patane. Xi albat yu'un ti Jesuse: —Tsacliun batel.

San Juan 1:48

Xi laj sjac' ti Natanael c'alal jech ta x'albat sc'oplale: —¿C'uxi laj ana' yo' laj avojtiquinun? Xi laj yal ti Jesuse: —Laj quilot ti c'alal oyot ta yolon icux ti mu'yuc to ox ta xic'ot talel ti Felipee.

San Juan 11:16

Va'i un, ti Tomase, ti sbiinoj vache, xi laj yalbe ti yan jchanc'opetique: —Batic ec yo' jmoj chamcutic xchi'uc ti Jesuse.

San Juan 14:22

Ti yan Judas ti ma'uc ti Judas Iscariotee, xi laj yale: —Cajval, ¿c'u cha'al ja' no'ox ta xavac' aba iluc ta jtojolcutic? ¿C'u cha'al mu ja'uc ta xavac' aba iluc ta stojol ti jnaclejetic ta banomile?

San Juan 14:5

Xi laj yal ti Tomase: —¿Mi yu'un ta jna'cutic ta stamel batel ti bee c'alal mu jna'cutic bu ta xabate, Cajval?

San Juan 14:9

Xi laj stac' ti Jesuse: —Felipe, jal xa li' oyun ta atojolique, ¿mi mu to xavojtiquinicun? Ti buch'u laj xa yilicune, laj xa yilic ti Jtote. ¿C'u cha'al un, ta xac'an ta xcac'bot avojtiquin ti Jtote?

San Juan 21:2

Jmoj tsobolic xchi'uc Simón Pedro ti Tomas sbiinoj vach yu'unique, ti Natanael liquem talel ta jteclum Caná ti oy ta Galileae, ti cha'vo' xnich'nab Zebedeoe, xchi'uc yan cha'vo' yajchanc'op ti Jesuse.

Hechos 1:13

C'alal c'otic ta Jerusalene, muyic batel ta xcha'cojal na ti bu ono'ox oyique. Ti ta scotolic taje, tey oyic ec ti Pedroe, ti Jacoboe, ti Juane, ti Andrese, ti Felipee, ti Tomase, ti Bartolomee, ti Mateoe, ti Jacoboe, ti xnich'on ti Alfeoe, ti Simón ti buch'u tiq'uil to ox ta partido cananistae, xchi'uc ti Judas xchi'il ta voq'uel ti Jacoboe.

Hechos 12:17

Jech ti Pedroe laj spas senyail ta sc'ob ti ac'o ts'ijlicuque. Lic yal c'u s'elan loq'uese ta chuqinab yu'un ti Diose. Oy to ti xi laj yale: —Albeic ya'i ti Santiagoe xchi'uc ti yan jch'unolajeletic ti va'i s'elan taje. Ts'acal to un, ti Pedroe loc' batel, slecoj bu bat.

Hechos 15:13

C'alal laj yo'ntonic ta c'opojele, xi laj yal ti Santiagoe: —A'yio ava'iic ti xi s'elan ta xcale, jchi'iltac:

Hechos 21:18

Ta yoc'omal un, bat xchi'inuncutic ti Pablo ta svu'lanel ti Santiagoe. Stsoboj xa sbaic scotol ti buch'utic sbainoj ti jch'unolajeletic ti bu taje.

Gálatas 1:19

Ja'uc ti yan jcholc'opetique, mu'yuc bu laj quilic. Ja' no'ox laj quil ti Santiagoe, yits'in ti Cajvaltique.

Gálatas 2:9

Jech o xal un, ti Santiagoe, ti Pedroe, ti Juane, ja' ti ich'bilic ta muc' teye, laj ya'iic ti ja' laj yac'bun Dios ti cabtele. Jech o xal ti stuquique laj stsacbun jc'ob xchi'uc ti Bernabee, ja' svinajeb ti jununcutique, ti co'ol ti cabtelcutique. Lec laj ya'iic ta xba abtejcun ta stojol ti jyanlumetique. Lec laj ya'iic ec ta xcom abtejicuc ta stojol ti israeletique.

Santiago 1:1

Vu'un Santiago, yaj'abtelun ti Diose xchi'uc ti Cajvaltic Jesucristoe. Chabanucoxuc, vo'oxuc ti lajcha'chop snitiluloxuc Israele, ti tanijemoxuc ta sjunlej banomile.

Judas 1:1

Vu'un Judas, yaj'abtelun ti Jesucristoe, xchi'ilun ta voq'uel ti Santiagoe. Ta jts'ibaboxuc talel jvun ta atojolic ti vo'oxuc ic'biloxuque, ti t'ujbiloxuc yu'un ti Jtotic Diose yo' jech ta xacomic ta yu'un, ti chabibiloxuc yu'un ta sventa ti junoxuc xchi'uc ti Jesucristoe.