San Mateo 10:2 - Bible in Tzotzil de Chamula

² Xi s'elan sbiic ti lajcha'vo' yajchanc'optaque: Ti Simone, Pedro ti yan sbie. Ti Andrese, xchi'il sbaic ta voq'uel xchi'uc ti Pedroe. Ti Jacoboe, ti Juane, xchi'il sbaic ta voq'uel ti ja' xnich'nabtac ti Zebedeoe.

Tzotzil Zinacantan

² Li jbiticotique jaꞌ liꞌi: Li muchꞌu baꞌyi itꞌujee Simón. Pedro li xchaꞌpꞌelel sbie. Xchiꞌuc Andrés, jaꞌ yitsꞌin li Pedroe. Xchiꞌuc Jacobo xchiꞌuc yitsꞌin Juan sbi, li scremotic Zebedeoe.

LEQUIL ACH' C'OP

² Li sbiic li lajchavo' (12) apoxtoletique ja'ic li'i: Li much'u ba'yi it'ujee ja' li Simone, Pedro li xcha'p'elel sbie. Xchi'uc Andrés, ja' yits'in li Pedroe. Xchi'uc Jacobo xchi'uc yits'in Juan sbi, ja' scremotic li Zebedeoe.

Bible in Tzotzil de Chenalhó with Deuterocanon

² Li sbiic lajchab yajtacbolaltac Jesuse ja' li'i: Li sbae ja' Simón ti Pedro xchibal sbie; xchi'uc Andrés, ja' yits'in li Pedroe; xchi'uc Santiago xchi'uc yits'in, Juan sbi; ja' xnich'nab li Zebedeoe,

Tzotzil San Andres

² Jaꞌ jbicutic liꞌi: Li buchꞌu baꞌi itꞌujee jaꞌ Simón li Pedro schaꞌmojol sbie. Schiꞌuc Andrés, jaꞌ yitsꞌin li Pedroe. Schiꞌuc Jacobo schiꞌuc yitsꞌin li Juan sbie, jaꞌ snichꞌnab li Zebedeoe.

Tzotzil de Huixtán

² Ja' hech jbitutic ti lajchavo'untutique, ho'ontutic ti yajchanc'opuntutique. Ja' jbael ti Simone, ja' ti Pedro x'utate, xchi'uc ti Andrese, ja' ti yits'in ti Pedroe. Xchi'uc ti Jacoboe, ja' ti snich'on ti Zebedeoe, xchi'uc ti yits'in ti Jacoboe, ja' ti Juane.

San Mateo 10:2 Iomraidhean Croise

San Mateo 17:1

Ech' vaquib (6) c'ac'al, bat ta jol muc' ta vits ti Jesús xchi'uc ti Pedroe, ti Jacoboe, ti Juane, yits'in ti Jacoboe.

San Mateo 20:20

Sme'ic xnich'nab ti Zebedeoe nopaj batel ta stojol ti Jesús xchi'uc ti yalabe, ti xquejelet c'otel ta stojol ti Jesús yo' ta sc'anbe ti vocole.

San Mateo 26:37

Yic'oj batel ti Pedroe xchi'uc ti cha'vo' xnich'on ti Zebedeoe. Ti Jesuse lic ya'i ta yo'nton ti mu jayloq'ueluc x'ech' xjelav ta xa'i ti svocole.

San Mateo 4:18

C'alal ta xanav batel ta sti'il nab Galilea ti Jesuse, ja' o laj yil cha'vo' viniquetic ti yits'in sbanquil sbaique. Ti june, Simón sbi, Pedro ti yan sbi xtoque. Ti june, Andrés. Ja' yabtelic ti mas choye. Ja' o ta sjipic ochel ta nab ti smasobil xchoyique.

San Mateo 4:21

C'alal xi snatil xanav batel ti Jesuse, ja' o laj yil yan cha'vo' viniquetic ti xi s'elan yits'in sbanquil sbaique: Ti june, Jacobo; ti june, Juan, ti ja' xnich'nabtac ti Zebedeoe. Oyic ta yut barco xchi'uc ti stotique, yacalic ta sts'isel ti smasobil xchoyique. Iq'ueic talel yu'un ti Jesuse.

Marcos 1:29

C'alal loq'uic batel ta ch'ul nae, ti Jesuse bat xchi'uc ti Juane xchi'uc ti Jacoboe ta snaic ti Simone xchi'uc ti Andrese.

Marcos 13:3

Ti Jesús xchi'uc ti yajchanc'optaque batic ta vits Olivos ta yeloval ti ch'ulnae. C'alal chotol ti Jesuse, jech ti Pedroe, ti Jacoboe, ti Juane, ti Andrese xi tal sjaq'uic ta mucule:

Marcos 6:30

Laj taj une, ti yajchanc'optaque laj stsob sbaic xchi'uc ti Jesuse, laj yalbeic ya'i scotol ti c'usi laj spasique xchi'uc ti c'u s'elan chanubtasvanique.

San Lucas 11:49

“Xi laj yal ti Dios ta sventa ti oy sbijile: “Ta jtacboxuc talel caj'alc'optac, cajtacbolaltac ta atojolic. Oy jlom ta xamilic. Oy jlom ta xanutsic batel.”

San Lucas 22:14

C'alal sta yorail ti ve'ele, ti Jesús xchi'uc ti yajchanc'optaque, lic chotliicuc ta sts'el sti'il ti mexae.

San Lucas 22:8

—Batanic, ba chapanic ti ve'lil sventa ti q'uin Colele —xi laj yal ti Jesús ta stojol ti Pedroe, ti Juane.

San Lucas 5:10

Xi'ic ec ti Jacobe, ti Juane, xnich'nabtac ti Zebedeoe, xchi'il sbaic ta abtel xchi'uc ti Simone. Ja'uc ti Jesuse xi laj yalbe ti Simone: —Mu xaxi', Simón, avi tana li'e, ta xcac' yan avabtel ta sbainel ta yiq'uel talel ti jnaclejetique.

San Lucas 9:10

C'alal sutic talel ti jcholc'opetique, lic yalbeic Jesús ti c'usi laj spasique. Laj sq'uej sbaic loq'uel, batic ta jteclum Betsaida.

San Juan 12:22

Ti Felipee bat yalbe ti Andrese. Xcha'vo'alic bat yalbeic ya'i ti Jesuse.

San Juan 13:23

Oy jun ta scotolic ti mu tuch'baj ta o'ntonal yu'un ti Jesuse, ti nabal ta sts'el c'alal ta xve'ique.

San Juan 20:2

Xbitet batel ta anil bu comem ti Simón Pedroe xchi'uc ti jun jchanc'op ti mu tuch'baj ta o'ntonal ta x'a'yie yu'un ti Jesús ti xi laj yalbe ya'iique: —Laj xa spoyic loq'uel ta muquinal ti Cajvaltique, mu jna'tic bu laj yaq'uic.

San Juan 21:2

Jmoj tsobolic xchi'uc Simón Pedro ti Tomas sbiinoj vach yu'unique, ti Natanael liquem talel ta jteclum Caná ti oy ta Galileae, ti cha'vo' xnich'nab Zebedeoe, xchi'uc yan cha'vo' yajchanc'op ti Jesuse.

San Juan 21:20

C'alal joybij sq'uel spat ti Pedroe, laj yil ti tijil ech'el ta spatic ti jun jchanc'op ti c'ux ta x'a'yie yu'un ti Jesuse, ja' ti buch'u nabal ta sts'el Jesús ti xi laj sjac' ti c'alal jmoj ta xve'ique: “Cajval, ¿buch'u ta xac'ot ta c'abal?”

San Juan 21:24

Ti jchanc'op taje, ja' ti buch'u laj sts'iba ti jpoc vun li'e, ti yiloj scotol ti c'usi c'ot ta pasele. Jna'tic lec un, melel ti c'usi ta xale.

San Juan 6:67

Xi laj sjac' ti Jesús ta stojol ti lajcha'vo' (12) yajchanc'optaque: —¿Mi ta xac'an ta xabatic ec?

San Juan 6:70

Xi tac'av ti Jesuse: —¿Mi yu'un mu'yuc laj jt'ujoxuc ti lajcha'vo'oxuque (12)? Manchuc mi jech un, oy jun avu'unic ja' jun pucuj ta j'ech'el.

San Juan 6:71

Ti jech laj yal ti Jesuse, ja' ta xalbe sc'oplal ti Judas Iscariote, xnich'on ti Simone. Yu'un ti Judase ja' ta x'ac'van batel ta c'abal, manchuc mi ja' jun ta xlajcha'vo'al (12) yajchanc'optac ti Jesuse.

San Juan 6:8

Va'i un, ti Andrese, ti ja' jun yajchanc'op ti Jesuse, ti yits'in Simón Pedroe, xi laj yale:

Hechos 1:13

C'alal c'otic ta Jerusalene, muyic batel ta xcha'cojal na ti bu ono'ox oyique. Ti ta scotolic taje, tey oyic ec ti Pedroe, ti Jacoboe, ti Juane, ti Andrese, ti Felipee, ti Tomase, ti Bartolomee, ti Mateoe, ti Jacoboe, ti xnich'on ti Alfeoe, ti Simón ti buch'u tiq'uil to ox ta partido cananistae, xchi'uc ti Judas xchi'il ta voq'uel ti Jacoboe.

Hechos 1:26

Ta yorail laj sq'uelic. Ti yoraile ja' c'ot ta stojol ti Matíase. Ta jech yepal un, com yabtel xchi'uc ti buluchvo' (11) jcholc'opetique.

Hechos 12:2

Laj yal mantal ti yich'uc milel ta espada ti Santiagoe, yits'in ti Juane.

Hechos 3:1

Oy jun c'ac'al nopol xa batel oxib (3) ora mal c'ac'al, batic ta ch'ulna ti Pedroe xchi'uc ti Juane, ti ja' xa yorail ti c'opojel ti'inele.

1 Corintios 15:7

Laj taj une, laj yac' sba iluc ta stojol ti Jacoboe. Jech xtoc laj yac' sba iluc ta stojol scotol ti jcholc'opetic yu'une.

Efesios 4:11

Jel tos laj yac'anbe sbijil ta jujun tal. Yu'un oy jlom laj yac'be sbijil yo' jech ta x'och ta jcholc'op. Oy jlom laj yac'be sbijil ta yalel ti c'usi ta x'ac'bat sna'ic yu'un ti Diose. Oy jlom laj yac'be sbijil ta yalel ti lequil ach' c'ope. Oy jlom laj yac'be sbijil yo' ta x'och ta sbainel jch'unolajeletic xchi'uc jchanubtasvanejetic.

Hebreos 3:1

Ja' yu'un un, Jchi'iltac, ti ic'biloxuc yu'un Dios yo' jech ta xac'otic ta yu'untaque, oyuc ta avo'ntonic sc'oplal ti Cristo Jesús ti ja' jun jcholc'ope, ti ja' c'otem ta jun Banquilal Palee. Col no'ox yal ti ja' sventa ti oy c'usi jch'unojtique.

1 Pedro 1:1

Vu'un Pedro, yajcholc'opun ti Jesucristoe. Ta jts'iba talel jvun ta stojolic ti buch'utic mu xa teyuc nacalic ta slumalique, ti tanijemic batel ta naclej ta Pontoe, ta Galacia, ta Capadocia, ta Asia, xchi'uc ta Bitinia.

2 Pedro 1:1

Vu'un Simón Pedro, yajtunelun, yajcholc'opun ti Jesucristoe, ti tacbilun yu'une. Ta jts'ibaboxuc ti jvun li'e ta sventa ti vo'oxuc ti laj xa ataic ti jun yutsil c'otem ta avo'ntonic ta xch'unel ti Cajvaltic jech c'u cha'al ti vu'uncutique, yu'un ti Dios cu'untique, xchi'uc ti Jcoltavanej Cajvaltic Jesucristoe, oy slequil yutsil yo'ntonic.

2 Juan 1:1

Ti mol jtunelune ta jts'ibabot talel ti jvun li'e, ti vo'ot xchi'uc ti avalabe, ti t'ujbiloxuc yu'un ti Diose. C'uxoxuc ta co'nton ta j'ech'el. Ma'uc no'ox ti vu'une, ja' jech xtoc, c'ux ta xa'ioxuc ti buch'utic laj xa yojtiquinic ti bu ja' melele.

3 Juan 1:1

Ti vu'un mol jtunelune, ta jts'ibabot talel ti jvun li'e, ta aventa ti vo'ote, Gayo, ti j'ech'el lec xquil jbatique.

Apocalipsis 1:1

Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 18:20

Ti vo'oxuc oyoxuc ta vinajele, j'ech'el muyubajanic ti laj ta c'oc' ti muc' ta lume. Ti vo'oxuc jcholc'opoxuque, ti vo'oxuc lac'opojic ta sventa ti Diose, ti vo'oxuc yu'unoxuc ti Diose, j'ech'el muyubajanic ti laj ta c'oc' ti muc' ta lume, yu'un laj ataic chapanel c'alal ac'bat yich' svocol yu'un Dios ti muc' ta lume.

Apocalipsis 22:8

Ti vu'un Juane laj ca'i, laj quil ti va'i s'elan ta xc'ot ta pasele. Ti c'alal jech laj ca'i taje, laj jquejan jba ta yich'el ta muc' ti anjele, ta sventa ti jech laj yac'bun quile.