San Mateo 10:1 - Bible in Tzotzil de Chamula

¹ Ti Jesuse laj yic' talel lajcha'vo' yajchanc'optac. Laj yac'be yich' tsots yabtelic ta staquel loq'uel pucujetic xchi'uc ta scolesel chameletic ti c'usiuc no'ox ip c'ux ta xa'i ti jnaclejetique.

Tzotzil Zinacantan

¹ Jlajchavaꞌalticotic ti yajchancꞌopoticotic ti Jesuse, liyacꞌbe jyuꞌelticotic ti xuꞌ ta jloqꞌuesticotic pucujetic ta yoꞌonic li jchiꞌiltactique, ti xuꞌ chquetꞌesbeticotic xchamel ti muchꞌutic ipe, cꞌusuc noꞌox chamelal chaꞌiic.

LEQUIL ACH' C'OP

¹ Ti Jesuse iyic' lajchavo' (12) yajchanc'optac, iyac'be syu'elic ti xu' sloq'uesic pucujetique xchi'uc ti xu' chet'esbe xchamelic ti much'utic ipique, c'usuc no'ox chamelal c'ux cha'iic.

Bible in Tzotzil de Chenalhó with Deuterocanon

¹ Li Jesuse laj yic' li lajchab (12) yajchanc'ope. Laj yac'be svu'elic ta sloq'uesel pucujetic xchi'uc ta scoltael jchameletic xchi'uc c'usiuc no'ox c'ux cha'yic.

Tzotzil San Andres

¹ Li lajchavoꞌuncutic ti yicꞌojuncutic ta yajchanbalajel li Jesuse, laj yacꞌbun jtsatsal juꞌelcutic eꞌuc ti ta jloqꞌuesbecutic pucujetic ta yoꞌonic li crixchanoetique, schiꞌuc ti ta jcoltabecutic ti cꞌustic noꞌox ip chaꞌiique.

Tzotzil de Huixtán

¹ Ti Jesuse lic st'ujuntutic, ho'ontutic ti yajchanc'opuntutique, lajchavo'untutic. Laj yac'buntutic jp'ijiltutic yu'un ti jloq'uestutic pucujetic ti yo'ntonic ti crixchanoetique, yu'un chcol cu'untutic scotol jchameletic.

San Mateo 10:1 Iomraidhean Croise

San Mateo 19:28

Ti Jesuse xi laj stac'bee: —Ta xcalboxuc ava'iic ta melel, c'alal ta sta sc'ac'alil ta xcom ta ach' scotole, ti vu'un co'ol j'elantique ta xichoti ta jpasob mantal ti bu jun yutsile. Ti vo'oxuc ti laj ats'acliicune ta xachotiic ta sventainel ti lajcheb (2) pasob mantaletic ta xchapanel ti lajcha'chop snitilul ti Israele.

San Mateo 26:20

C'alal och xa talel ti ac'ubale, ti Jesuse chotol xa ta sti'il mexa xchi'uc ti lajcha'vo' yajchanc'optaque.

San Mateo 26:47

Yacal to ta xc'opoj ti Jesuse c'alal ja' o c'ot ti Judase, ti jun ta xlajcha'vo'al yajchanc'optaque, xchi'uc talel epal jtsacvanejetic xchi'uc yespadaic xchi'uc ste'ic, ti ja' tacbilic talel yu'un ti banquilal paleetique xchi'uc ti moletic yu'un ti israeletique.

San Mateo 4:23

C'alal ta xani batel scotol Galilea banomil ti Jesuse, ta x'ech' chanubtasvanuc ta jujun ch'ul naetic ti buyuc no'oxe. Ta xalbe sc'oplal ti ventainel yu'un ti Diose. Ta scoles xtoc ti c'usiuc no'ox ip c'ux ta xa'iic ti jnaclejetique.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

San Mateo 9:35

Ti Jesuse ech' chanubtasvanuc ta jujun ch'ul naetic ti oy ta jujun jteclume xchi'uc ti oy ta jujun bic'tal lume. Ta xalbe sc'oplal ti lequil ventainel yu'un ti Diose. Ta scoles ti c'usiuc no'ox chamelal ti ip ta xa'iique.

San Mateo 9:38

Jech o xal, c'oponbeic yajval ti ts'unobale, ac'o stac talel j'abteletic yo' ta xich' tsobel ti ts'unobale.

San Lucas 10:19

Laj cac'boxuc atsatsalic yo' xu' avu'unic xpech'el ta teq'uel ti chone xchi'uc ti tseque, yo' tsalbil ta xc'ot yip scotol ti avajcontraique, ti mu'yuc c'usi xu' ta spasboxuc jutebuque.

San Lucas 21:15

Vu'un ta xcac' abijilic c'u s'elan xu' ta xatac'beic ti avajcontraique. Jech o xal, mu xu' ta stsaloxuc ta c'op.

San Lucas 24:49

Ja'uc le' une, malaic li' ta jteclume, yu'un ta jtacboxuc talel ta atojolic ti oy c'usi yaloj ti Jtot ta xaq'ue. Ja' to xaloq'uic batel li' ta jteclum Jerusalén mi laj xa avich'ic ti amuc'ul atsatsalic ti ta xlic talel ta vinajele.

San Lucas 6:13

C'alal sacub xa talel ti osile, laj yic' talel ti yajchanc'optaque. Laj st'uj loq'uel lajcha'vo' (12), laj yac'be yabtelic yo' ta x'ochic ta j'alc'opetic.

San Juan 17:2

Yu'un laj avac'bun cabtel ta sbainel scotol ti jnaclejetic ta banomile, yo' jech ta xcac'beic xcuxlejalic sbatel osil ti buch'utic laj avac'bune.

San Juan 3:27

Xi laj stac' ti Juane: —Mu'yuc c'usi xu' yu'un jun vinic mi ma'uc ac'bil yabtel yu'un ti Diose.

San Juan 3:35

Ti Totile c'ux ta xa'i ti Xnich'one. Laj xa yac'be yip stsatsal ta sbainel scotol ti c'usitic oye.

San Juan 6:70

Xi tac'av ti Jesuse: —¿Mi yu'un mu'yuc laj jt'ujoxuc ti lajcha'vo'oxuque (12)? Manchuc mi jech un, oy jun avu'unic ja' jun pucuj ta j'ech'el.

Hechos 1:8

Ja'uc ti c'alal ta xavich'ic ti Ch'ul Espiritue, ta xac'boxuc atsatsalic avipic yo' jech ta xaloq'uic batel ta yalel ti jc'oplale. Ta xlic avalic liquel li' ta Jerusalene, ta sjunul slumal ti Judeae, ta sjunul slumal ti Samariae, ta sjoylej ti banomile.

Hechos 19:15

C'alal jech oy bu ta spasique, xi tac'batic yu'un ti pucuje: —Jna' Buch'u ti Jesuse. Jna' buch'u ti Pabloe. Ja'uc ti vo'oxuque, ¿buch'uoxuc?

Apocalipsis 12:1

Xi s'elan vinaj jun muc' ta senyail ta vinajel: oy jun ants sc'u'inoj ti c'ac'ale, xchi'uc stec'obinoj ti ue, ti slapoj sronail sjol ti yich'oj lajcha'bej c'anale.