San Mateo 1:12 - Bible in Tzotzil de Chamula

¹² C'alal chucbilic ta yan lume, ti Jeconiase nich'naj, Salatiel laj yac'be sbi. Xnich'on ti Salatiele, Zorobabel.

Tzotzil Zinacantan

¹² Tey xaꞌox tspasatic ta mantal ta Babilonia ti jchiꞌiltactique ti cꞌalal iꞌayan screm ti Jeconíase, Salatiel sbi. Iꞌayan screm ti Salatiele, Zorobabel sbi.

LEQUIL ACH' C'OP

¹² Tey xa'ox tspasatic ta mantal ta Babilonia ti crixchanoetique ti c'alal i'ayan screm ti Jeconíase, Salatiel sbi. I'ayan screm ti Salatiele, Zorobabel sbi.

Bible in Tzotzil de Chenalhó with Deuterocanon

¹² C'alal chucbilic xa'ox batele, inich'naj li Jeconiase, Salatiel sbi. Inich'naj li Salatiele, Zorobabel sbi.

Tzotzil San Andres

¹² Batemic xaꞌox ta mozoil ta Babilonia balumil li jchiꞌiltactic li cꞌalal iꞌayan snichꞌon li Jeconíase, Salatiel sbi. Li snichꞌon li Salatiele Zorobabel sbi.

Tzotzil de Huixtán

¹² Patil i'an snich'on ti Jeconíase. Salatiel sbi ti snich'one. Ti Zorobabele ja' stot ti Salatiele.

San Mateo 1:12 Iomraidhean Croise

2 Reyes 24:14

Laj taj une, laj xchuc batel scotol ti jnaclejetic ta Jerusalene, scotol ti banquilaletique, ti soldadoetic ti lec xtojobique, xchi'uc scotol ti buch'utic xtojobic ta spasel ep ta tos abtele, ti jten-taq'uinetique, ja' to ti c'uxi ts'aqui yu'un ti lajunmil (10,000) ta vo' jchuqueletique. Mu'yuc xa yajval com ti jteclume. C'ajomal xa no'ox bevbil com ti buch'u spajebal me'un mu'nate.

2 Reyes 25:27

Ti ta yucubal xcha'vinic (27) c'ac'al yu'un ti xlajchebal (12) u ta yuclajunebal xcha'vinic (37) jabil ti laj yich' chuquel loq'uel ta Judá ti ajvalil Joaquine, ja' o lic ochuc ta ajvalilal yu'un Babilonia ti Evil-merodaque. Laj yac' ta ilel ti syail xc'uxul yo'nton ta stojol ti Joaquine. Laj sloq'ues ta chuquel.

1 Crónicas 3:17

Snitilultac ti Jeconías ti nutse loq'uel ta slumalique, ja' ti Salatiel sbanquilal nich'one,

Esdras 3:2

Va'i ti Josuee, xnich'on ti Josadaque, xchi'uc ti xchi'iltac ta paleale, ti xcaltique, ja' ti Zorobabel xnich'on ti Salatiele, xchi'uc ti yuts' yalaltaque, lic smeltsanic yaltar ti Dios yu'un ti Israele, yo' jech ta xaq'uic chic'bil matanal ta sba jech c'u cha'al ti oy c'usi jbel tsots albil yu'un ti Moisés yajtunel ti Diose.

Esdras 5:2

Va'i un, ti Zorobabel xnich'on ti Salatiele, xchi'uc ti Josué xnich'on ti Josadaque, liquic ta abtel ta xcha'meltsanel ti xch'ulna Dios ta Jerusalene. Oy ta stojolic ti yaj'alc'optac Dios yo' ta xcoltavanique.

Nehemías 12:1

Xi s'elan ma' ti paleetique, ti levitaetic ti sutic talel jmoj xchi'uc ti Zorobabel xnich'on ti Salatíele, xchi'uc ti Josuee:

Jeremías 22:24

Ti Diose xi ta xalbe ti Jeconías xnich'on ti Joacim ajvalil yu'un ti Judae: “Xichi laj jva'an jba ta yalele: Manchuc mi jech a'elan jech c'u cha'al junuc ixtolal ni' c'abal ta xtun ta sventa ti seyo tiq'uil ta sni' ti jbats'i c'obe, ta xajpitsot loq'uel.

Jeremías 22:28

¿Mi co'ol xa s'elan jun xet'emal pulpul taq'uin? ¿Mi mu jtosuc xa ta xtun ta x'ile ti Jeconiase? ¿C'u cha'al ya'yel jipbil ta xbat xchi'uc xnich'nab ta jun banomil ti ch'ayel xa xale?

Jeremías 22:30

Xi ta xal ti Diose: “Tic'bo ta vun sc'oplal ti vinic li'e, jun vinic ch'abal ti xnich'nabe, jun vinic ti c'ot no'ox ta tubbel ti yuni ts'unubale. Mi junuc snitilultac ta xilbe sat ta x'och ta pas mantal bu ech' chotluc ta pas mantal ti Davide, ti ta xlic ochuc ta ajvalilal ta jteclum Judae.”

Jeremías 27:20

Ti Nabucodonosor ajvalil yu'un ti Babiloniae, c'alal bec'van loq'uel ta Jerusalén, mu'yuc laj yich' loq'uel ti c'alal laj xchuc batel c'alal Babilonia ti Jeconías ajvalil yu'un Judá xnich'on ti Joacime, ti jmoj batic xchi'uc scotol ti buch'utic cajal yabtelic ta Judae xchi'uc ta Jerusalene.

Hageo 1:1

Ti ta xchibal (2) xa ox jabil yochel ta ajvalilal ti Darioe, ti ta sliqueb c'ac'al yu'un ti svaquibal ue, ta sventa ti j'alc'op Hageoe, tal c'opojuc Dios ta stojol ti ajvalil yu'un ti jteclum Judae, ja' ti Zorobabel ti ja' xnich'on ti Salatiele, xchi'uc ta stojol ti banquilal yu'un ti paleetique, ja' ti Josué ti ja' xnich'on ti Josadaque.

Hageo 1:12

Jech ti Zorobabele, ti Josuee, ti c'u to yepal oy ti jnaclejetique, och xi'el ta yo'ntonic c'alal laj ya'iic ti va'i s'elan laj yal ti Dios ta sventa ti j'alc'op Hageoe, ti jech ac'bat sbain ta yalel yu'un ti Dios ti ja' Ajvalile.

Hageo 1:14

Ja' jech s'elan c'ot ta pasel yu'un ti Dios ti laj yac'be yip yo'nton ti Zorobabel ti ja' ajvalil yu'un ti jteclum Judae, xchi'uc ti Josué ti ja' banquilal yu'un ti paleetique, xchi'uc ti c'u yepal ti jnaclejetique.

Hageo 2:2

Pase ta mantal yu'un ti xi ac'o yalbe ya'i ti Zorobabele, ti Josuee, xchi'uc c'u yepal ti jnaclejetique:

Hageo 2:23

Ti jech c'ac'al taje, cajtunel Zorobabel, ta xajchabiot jech c'u cha'al jtuc'ulanoj ti jsello ti xojol ta jc'obe, yu'un t'ujbilot cu'un. Ti vu'un Diosun ti scotol xu' cu'une, mu me lo'iluc no'ox ta xcal.”

San Mateo 1:11

Xnich'nab ti Josiase, Jeconías sbi xchi'uc ti xchi'iltac ta voq'uele, ja' yorail ti chucbil batic ta Babilonia banomil ti israeletique.

San Mateo 1:13

Xnich'on ti Zorobabele, Abiud. Xnich'on ti Abihude, Eliaquim. Xnich'on ti Eliaquime, Azor.

San Mateo 1:17

Laj ech'uc chanlajunchop (14) totil me'iletic ti lic talel ta stojol ti Abrahame, ti c'ot ta stojol ti Davide. Ja' jech xtoc laj ech'uc chanlajunchop (14) totil me'iletic ti lic talel ta stojol ti Davide, ti c'ot c'alal ti israeletic chucbil batic ta muc' ta lum Babiloniae. Ja' jech xtoc c'alal chucajtic ta Babiloniae, laj to ech'uc chanlajunchop (14) totil me'iletic c'alal ja' o voc' ti Cristoe.