San Lucas 9:5 - Bible in Tzotzil de Chamula

⁵ Ti bu mu xa'ich'atic ta muq'ue, loc'anic batel ta jteclum. Lilinic comel ti spucuquil avoquique, senyail ti iltabil ta xc'ot yu'un ti Diose.

Tzotzil Zinacantan

⁵ Mi oy bu jteclumal mu xacꞌ ta chꞌom snaique, locꞌanic teyoꞌe. Lilinic comel spucucal avoquic, jaꞌ seña ti chcom ta sba stuquic ti mu xchꞌunic pasel ta mantal yuꞌun ti Rioxe ―xꞌutatic la yuꞌun ti Jesuse.

LEQUIL ACH' C'OP

⁵ Ti mi oy junuc jteclum ti mu xac' ochanique, loc'anic teyo'e lilinic comel spucucal avoquic, ja' seña ti p'ajbil chcomic oe. ―X'utatic yu'un ti Jesuse.

Bible in Tzotzil de Chenalhó with Deuterocanon

⁵ Ti bu junucal lum mu xasc'anoxuque, loc'anic batel. Lilinic comel spucucal avacanic. Ja' sna'ubil yu'unic ti bajbil chcomic oe —xi li Jesuse.

Tzotzil San Andres

⁵ Li bu junucal jteclum ti mu xascꞌanoxuque locꞌanic batel. Cꞌalal chaloqꞌuic batele, lilinic comel spucucal la avoquique. Jaꞌ senyail ti jaꞌ xa icom ta sba stuquic ti muc bu xichꞌic ta mucꞌ li jcꞌop li la avalique ―xi li Jesuse.

Tzotzil de Huixtán

⁵ Ti bu jteclumal ti mu xayic'ot ochel ti sna mi junuc, c'alal chaloq'uic batel ti slumal, ta me xalilinic comel stanil avacanic. Ti stanil avacanique ja' señail ti icom ti sventaic yu'un muc xaspasoxuc ti muq'ue ―xchi ti Jesuse.

San Lucas 9:5 Iomraidhean Croise

Nehemías 5:13

Ma'uc no'ox taje, laj jlilin ti jc'u' ti xichi laj cale: “Ja' jech lilinbatuc loq'uel yu'un Dios ti c'usi oy ta snae, ta yosile, scotol ti buch'u mu xc'ot ta pasel yu'un ti c'usi loc' ta yee, ti jechuc pojbatuc loq'uel ti c'usi oy yu'un avi tanae.” Xi laj yalic scotol ti jteclume: “Jechuc c'otuc ta pasel.” Laj slequil-c'optaic ti Diose. Ti jnaclejetic une c'ot ta pasel yu'unic ti c'usi laj yalique.

San Mateo 10:18

Ta jventa, ta xa'iq'ueic batel ta stojol ti ajvaliletique xchi'uc ti banquilal ajvaliletique. C'alal oyoxuc ta stojole xchi'uc ta stojol ti buch'u yan yajvalique, ja' to xu' ta xavalic ti jc'oplale.

Marcos 6:11

Mi oy bu mu xayich'ic ta muq'ue, mi mu sc'an xa'iic ti c'usi ta xavalique, loc'anic batel. Lilino comel spucuquil ti avoquique, senyail ti laj xa stoy sbaique. Ta xcalboxuc ava'iic ta melel, c'alal ta sta sc'ac'alil ti chapanele, x'ech' to tsots ta xich'ic ti tsitsele, ja' mu sta ti buch'utic nacalic to ox ta Sodoma xchi'uc ta Gomorra jteclume.,

Marcos 9:37

—Ti buch'u ta xich' ta muc' jun olol ta jventa jech c'u cha'al ti olol li'e, ta xiyich' ta muc'. Ti buch'u ta xiyich' ta muq'ue, ma'uc no'ox ta xiyich' ta muc', ta xich' ta muc' ti Buch'u laj stacun talele.

San Lucas 10:16

“Ti buch'utic ta xa'iic ti c'usi ta xavalique, ta xa'ibun ti jc'ope. Ti buch'utic mu xayaq'uic ta ventae, mu xiyaq'uic ta venta ec. Ti buch'utic mu xiyaq'uic ta ventae, ja' mu xaq'uic ta venta ti Buch'u laj stacun talele.”

San Lucas 5:14

Ti Jesuse xi laj yalbe ya'i ti vinique: —Mi junuc mu'yuc buch'u xavalbe ya'ie. Ja' no'ox batan, ba ac'o aba ta ilel ta stojol ti palee. Ich'o batel matanal ta sventa ti amesel apoquel jech c'u cha'al ta xal smantal ti Moisese, yo' jech ta sna'ic scotolic ti mesbil pocbil xa ti achamele.

San Lucas 9:4

Comanic ta na ti bu ta xac'otique ja' to mi laloq'uic batel ti teye.

San Lucas 9:48

Xi laj yalbe ti yajchanc'optaque: —Buch'uuc no'ox ti ta jventa ta xich' ta muc' ti olol li'e, ta xiyich'icun ta muc' ec. Ta xich'ic ta muc' xtoc ti Buch'u laj stacun talele. Ti buch'u x'ech' to peq'uel yuni c'oplal ta xac' sba ta atojolique, ja' cajal sc'oplal ta xc'ot.

Hechos 13:51

Va'i un, laj slilinic spucuquil xonobic yo' ta xvinaj oy smulic ti jnaclejetic taje. Batic ta jteclum Iconio un.

Hechos 18:6

Ja'uc ti israeletique lic yich'ic ta contra ti Pabloe, lic stsaquic ta c'op. Jech ti Pabloe laj slilin spucuquil ti sc'u'e, senyail ti stoyobbailique, ti xi laj yalbee: —Ta amul atuquic ta xabatic ta ch'ayel. Ma'uc xa jmul ti vu'une. Avi li' tanae, ta xibat ta stojolic ti jyanlumetique —xi.