San Lucas 9:44 - Bible in Tzotzil de Chamula

⁴⁴ —A'yic lec li'e, xi s'elan ti mu xach'ay ta avo'ntonique: ti vu'un co'ol j'elantique, ta xi'aq'ue ta yoc ta sc'ob ti viniquetique.

Tzotzil Zinacantan

⁴⁴ ―Aꞌyic me li cꞌusi chacalbeique, mu me xchꞌay xavaꞌiic. Voꞌon ti coꞌol crixchanootique chiꞌaqꞌue entrucal ta stojol crixchanoetic ―xꞌutatic la.

LEQUIL ACH' C'OP

⁴⁴ ―A'yic me li c'usi chacalbeique, mu me xch'ay xava'iic: vo'on ti Xch'amal crixchano li c'ote chi'aq'ue entrucal ta stojol crixchanoetic ―x'utatic.

Bible in Tzotzil de Chenalhó with Deuterocanon

⁴⁴ —Li c'usi chacalboxuc li'i ta jc'an ti chatic' lec ta avo'ntonique. Vu'un ti Xnich'on cristiano lic'ote ta to xi'ac'at ta sc'ob li cristianoetique —xut.

Tzotzil San Andres

⁴⁴ ―Aꞌiic li cꞌusi chacalbeique, mu me xchꞌay ta avoꞌonic. Joꞌon li coꞌol crixchanoutique chiꞌaqꞌue ta scꞌob crixchanoetic ―xi.

Tzotzil de Huixtán

⁴⁴ ―A'yo me ava'yic ti lec ti c'usi chacalbeic ti ora to. Chc'ot ti pasel ti chi'ac'at entrecal ti sc'ob viniquetic, ho'on ti co'ol crixchanoucutique ―xchi.

San Lucas 9:44 Iomraidhean Croise

2 Samuel 24:14

Ti Davide xi laj stac'be ti Gade: —Muc' jmacoj ma' ti vocol une. Avie, xloc' venta ti ac'o slaman yoc sc'ob ti Dios ta jtojoltique, yu'un jelavem ta j'ech'el ti yutsil slequil yo'ntone. Altic ta j'ech'el ma' ti ta xij'och ta yoc ta sc'ob ti jcontrainvaneje.

San Mateo 16:21

Va'i un, ti Jesuse ja' o laj svinajesbe ya'i ti yajchanc'optac ti tsots sc'oplal ta xbat ta Jerusalene, ti ta x'ac'bat ep svocol yu'un ti moletique, yu'un ti banquilal paleetique, yu'un ti jchanubtasvanejetic yu'un ti mantale. Laj yalbe ya'i ti ta xmile yu'une, ti ta xcha'cuxi ta yoxibal c'ac'al une.

San Mateo 26:2

—Ti vo'oxuque xana'ic chib xa c'ac'al sc'an ti q'uin Colele. Ti vu'un co'ol j'elantique ta xiyaq'uic ta c'abal yo' ta xisjipanic ta curus.

Marcos 8:31

Ti Jesuse xi laj yalbe ti yajchanc'optaque: —Ti vu'un co'ol j'elantique, mu no'ox albajuc ta xlic quich' jvocol yu'un ti moletique, yu'un ti banquilal paleetique, yu'un ti jchanubtasvanejetic yu'un ti oy c'usi tsots albil sc'oplale. Ta xisjip stenicun. Ta xiyaq'uic ta milel. Ta yoxibal (3) c'ac'al un, ta xicha'cuxi.

Marcos 9:31

Yu'un xi yacal ta xchanubtas ti yajchanc'optaque: —Ti vu'un co'ol j'elantique, ta xi'aq'ue batel ta yoc ta sc'ob ti jnaclejetique yo' ta xismilicun. Ta yoxibal (3) c'ac'al une, ta xicha'cuxi.

San Lucas 1:66

Scotol ti buch'u ta xa'ie, xi ta sjac'olanbe sbae: “¿C'usi yabtel ta xtal ti olol taje?” Melel, yu'un sva'anoj sba ti Dios ta stojolale.

San Lucas 18:31

Ti Jesuse slecoj bu laj yic' batel ti lajcha'vo' yajchanc'optac ti xi laj yalbee: —Tana li'e, ta xijbat ta Jerusalén yo' ta xc'ot ta jtojol ti vu'un co'ol j'elantique jech c'u cha'al laj sts'ibaic comel ti j'alc'opetique.

San Lucas 2:19

Ja'uc ti Mariae, mu xch'ay ta yo'nton, ta snopilan c'usi smelol ti va'i s'elan taje.

San Lucas 2:51

Va'i un, jmoj sutic batel ta Nazaret, ti lec ta xch'unbe smantal ti stot sme'e. Ja'uc ti sme'e, mu xch'ay ta yo'nton ti c'u s'elan albate.

San Lucas 24:44

Ts'acal to un, xi laj yale: —Ti c'usi c'ot ta pasel ta jtojole, ja' jech c'u cha'al ti xi laj calboxuc ava'iic c'alal jchi'inojoxuc to oxe, ti tsots sc'oplal ta xc'ot ta jtojol jech c'u cha'al ts'ibabil ti oy c'usi tsots sc'oplal albil yu'un ti Moisese, xchi'uc ti ts'ibabil ta jujupoc vunetic yu'un ti yan j'alc'opetique, xchi'uc ti ts'ibabil ta Salmoe.

San Lucas 9:22

ti xi laj yale: —Ti vu'un co'ol j'elantique ta xquich' ep vocol. Ta sjip stenicun ti moletique, ti banquilal paleetique, ti jchanubtasvanejetic yu'un ti oy c'usi tsots albil sc'oplale. Ta xiyaq'uicun ta milel, ja'uc, ti ta yoxibal c'ac'ale, ta xicha'cuxi.

San Juan 16:31

Xi laj stac' ti Jesuse: —¿Mi ta xc'ot ta avo'ntonic avi tana une?

San Juan 16:4

Jech ta xcalboxuc ava'iic yo' xavules ta ajolic ti c'alal ta sta yoraile, ti jech ono'ox laj calboxuc ava'iique. “Ti ta sliquebale, mu'yuc laj calboxuc ava'iic ti ta xavich'ic ilbajinele, yu'un li' to jchi'inojoxuque.

San Juan 19:11

Xi laj stac' ti Jesuse: —Mu'yuc c'usi xu' avu'un ta jtojol ti manchuc laj yac'bot avabtel ti Diose. Ja'uc ti buch'u tal yac'un ta avoc ac'obe, ech'em smulic, ja' mu sta ti vo'ote.

Hechos 2:23

Ac'o mi jech un, c'alal la'ac'batic ta avoc ta ac'obique, achucojic batel yo' laj avaq'uic ta milel ta curus jmoj xchi'uc ti viniquetic ti mu'yuc xch'ulel xa'i sbaique. Ja' ic'ot ta pasel c'u s'elan snopoj st'ujoj ono'ox ti Diose.

Hebreos 2:1

Ti c'u s'elan laj xa jts'etan jni' jchiquintic ta ya'yiel ti c'u s'elan laj ca'itique, tsotsuc sc'oplal bejbunuc ta co'ntontic yo' jech mu xquictatic comel ti lequil be jtamojtique.