San Lucas 9:41 - Bible in Tzotzil de Chamula

⁴¹ Xi laj stac' ti Jesuse: —Jeche'oxuc, mu'yuc atuq'uilic, mu'yuc c'otem ta avo'ntonic ta xch'unel. ¿C'u ono'ox sjalil ta sc'an li' oyun ta atojolic ti mu jts'icbaj ta xca'i avu'unique? Ic'bun talel ti anich'one.

Tzotzil Zinacantan

⁴¹ ―¿Mi mu to bu achꞌunojic yaꞌel ti oy syuꞌel ti Rioxe cheꞌe? ¿Cꞌu to onox ora chachꞌunic yaꞌel ti voꞌne xa liꞌ jchiꞌucoxuque, ti jal xa lajtsꞌicbeique? ―xꞌutatic la slajchavaꞌalic yuꞌun ti Jesuse. ―Icꞌo tal lacreme ―xꞌutat la ti vinique.

LEQUIL ACH' C'OP

⁴¹ Itac'av ti Jesuse: —¡Toj abol abaic vo'oxuc ti li' cuxuloxuc lavie, yu'un mu to bu ach'unojic, yu'un ja' no'ox lec chava'iic spasel li c'usi chopole! ¿C'u to ono'ox sjalil chac'anic ti li' jchi'ucoxuque, c'u to sjalil chajts'icbeic ti avalojique? —X'utatic yu'un ti Jesuse. Ic'o tal lacreme ―x'utat ti vinique.

Bible in Tzotzil de Chenalhó with Deuterocanon

⁴¹ Li Jesuse jech laj yal: —Toj abul abaic vo'oxuc ti li' cuxuloxuc ta orae. Mu xac'an xach'unic, solel ch'ayemoxuc. Ep xa c'ac'al li' jchi'inojoxuc; ep xa la jts'icboxuc ti c'u xa'elanique —xut. Jech laj yalbe li vinique: —Ic'o tal li anich'one —xut.

Tzotzil San Andres

⁴¹ Li Jesuse jech laj yal: ―Toj tsots avoꞌonic, mu xacꞌan xachꞌunic. Oy xa scꞌacꞌalil liꞌ jchiꞌucoxuque pero muc to bu chcꞌot ta avoꞌonic. Oy xa scꞌacꞌalil la jtsꞌicboxuc li cꞌu abaique ―xi. Jech laj yalbe li vinique: ―Icꞌo talel la anichꞌone ―xut.

Tzotzil de Huixtán

⁴¹ Itac'av ti Jesuse, hech laj yal: ―Mu'yuc xch'unojel avo'ntonic chquil. Boliben avo'ntonic ho'oxuc ti li'oyoxuc li' ti balumil ti ora to. Ep xa c'ac'al li' jchi'inojoxuque. Ep c'ac'al jts'icojboxuc sbolil avo'ntonic ―xut ti crixchanoetique―. Ic'o tal ti anich'one ―x'utat ti vinique, xchi ti Jesuse.

San Lucas 9:41 Iomraidhean Croise

2 Reyes 5:8

C'alal c'ot ta sni' ta xchiquin ti j'alc'op Eliseoe, ti laj xch'i' ta jatel sc'u' ti ajvalil ta sventa ti vune, xi laj stacbe batel mantal: “¿C'u cha'al laj ach'i' ta jatel ti ac'u'e? Ac'o tal sq'uelun ti vinic taje. Ta xlic sna' ti oy jun j'alc'op li' ta Israele.”

Salmos 78:8

yo' mu jechuc spasic ec un jech c'u cha'al ti stot sme'ic ti pimunebique, ti toyobba xa'i sbaique, ti xtal xbat no'ox ti yo'ntonique, ti mu'yuc xchi'uc xch'ulel xa'i sbaique, ti jvoc' totil me'il ti mu lecuc jun sjol yo'ntonic laj ech'icuc ta stojol ti Diose.

Éxodo 10:3

Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie: —Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'.

Éxodo 16:28

Va'i un, ti Diose xi laj yalbe ya'i ti Moisese: —¿C'usi to ora ta xabic'tajes abaic ti mu xavaq'uic ta venta ti jmantaltaque xchi'uc ti chanubtaseletic cu'une?

Jeremías 4:14

Jteclum Jerusalén, tuch'o loq'uel ta avo'nton ti c'usi chopole, ja' to jech ta xapoj aba. ¿C'usi to ora ta xajel ajol ta yictael ta snopilanel ti c'usi chopole?

Números 14:11

Jech o xal ti Diose xi laj yalbe ti Moisese: —¿C'usi to ora ta spajes sbaic ta sbajelun ti jnaclejetic li'e? ¿C'usi to ora ta spajes sbaic ti xna'etic ta jtojole, manchuc mi laj xa yilic ti jlequilal cutsilal ta stojolique?

Números 14:27

—¿C'u to sjalil ta jts'ic ti xvulajetic ti jsoquesvanej israeletic li'e? Ca'binoj xa ti ta xischopol-c'optaique.

San Mateo 11:28

La' cuxo avo'ntonic ta jtojol ti vo'oxuc toj lubemoxuc yu'un ti avabtelique, yu'un ti avicatsique.

San Mateo 12:39

Tac'batic yu'un ti Jesuse: —Ti buch'utic mu'yuc xch'ulel xa'i sbaique, ti mu junuc yo'ntonique, ta sc'anic ya'iic ti ac'batuc yilic ti oy c'usi ch'ayal ta xc'ot o'ntonal yu'une. Ja' no'ox jech ta x'ac'bat yilic senyail jech c'u cha'al ic'ot ta stojol ti j'alc'op Jonase.

San Mateo 12:45

Jech o xal ti pucuje xbat yic' talel yan vucub xchi'il ti ech'em chopole, ja' mu sta ti stuque. Scotol ti pucujetique ta x'och nacliicuc ta yo'nton ti vinique. Jech ti vinique toj ech'em chopol ta xcom, ja' mu sta ti ta ba'yele. Ja' jech ta xc'ot ta stojol ti buch'u mu'yuc xch'ulel xa'i sbaic avi tana li'e.”

San Mateo 16:4

Ti jchopol-jol jnaclejetic li'e, ti yan sjol yo'ntonique, ta sc'anic cac'beicuc yil ti oy c'usi ch'ayal ta xc'ot o'ntonal yu'une. Ja' no'ox jech yepal ta x'ac'bat yilic jech c'u cha'al c'ot ta stojol ti Jonase. Laj yictaan comel, bat.

San Mateo 17:17

—Mu'yuc c'usi c'otem ta ch'unel avu'unic ti mu'yuc atuq'uilique. ¿C'u sjalil sc'an li' oyun ta atojolique? ¿C'u sjalil ta jts'icboxuc? Ic'bun talel ti anich'one —xi tac'bat yu'un ti Jesuse.

San Mateo 23:36

Ta xcalboxuc ava'iic ta melel, ti jech lajic ta milel ti lequil tuq'uil viniquetique, scotol cajal ta xcom ta abaic avi tana li'e.

San Mateo 3:7

C'alal laj yil ti Juan ti ep ta xtalic ta yich'el vo' ti fariseoetique xchi'uc ti saduceoetique, xi laj yalbee: —Xnich'nab jti'oval chon, ¿buch'u laj yalboxuc ava'iic ti ta xapoj abaic yu'un ti tsots tsitsel ti ta xa xtale?

Marcos 10:14

C'alal jech laj yil ti Jesuse, vocol laj ya'i. Xi laj yale: —Talicuc ta jtojol ti ololetique, mu xapajtsanic. Ti buch'u co'ol s'elan yo'ntonic jech c'u cha'al ti ololetic li'e, ja' ventainbilic yu'un ti Diose.

Marcos 10:49

Ti Jesuse laj sva'an sba, xi laj yale: —Iq'uic talel. Laj yiq'uic talel, xi laj yalbeique: —Tsotsan, va'lan, laj xa staot ta iq'uel.

Marcos 9:19

Xi laj stac' ti Jesuse: —¡Jeche'oxuc ta j'ech'el ti mu'yuc c'usi c'otem ta avo'ntonic ta xch'unele! ¿C'u to ono'ox sjalil ta xac'anic li' oyun ta atojolique? ¿C'u to no'ox sjalil ta jts'icboxuc? Ic'bun tal ti quereme.

San Lucas 8:25

Xi laj yalbe yajchanc'optac ti Jesuse: —¿Bu bat avu'unic ti oy c'usi c'otem ta avo'ntonic ach'unojicune? Ta xi'el xa ti xi lic sjac'olanbe sbaic ta jujun tale, ja' ti ch'ayal no'ox c'ot yo'ntonic xchi'uque: —¿Buch'u van ti vinic xcal le'e, ti ta xch'unbat smantal yu'un ti iq'ue, ti nabe?

San Lucas 9:40

Laj jc'anbe vocol ti avajchanc'optac ta sloq'ues ti pucuje, ja'uc le' une, mu'yuc xu' yu'unic ta sloq'uesel.

San Lucas 9:42

C'alal nopaj talel ti quereme, jipat ta lum yu'un ti pucuje. Tubbat yic' no'ox xtoc. Ja'uc ti Jesuse, laj sjajanta ti pucuje. Laj scoles ti quereme. Laj yac'be batel ti stote.

San Juan 14:9

Xi laj stac' ti Jesuse: —Felipe, jal xa li' oyun ta atojolique, ¿mi mu to xavojtiquinicun? Ti buch'u laj xa yilicune, laj xa yilic ti Jtote. ¿C'u cha'al un, ta xac'an ta xcac'bot avojtiquin ti Jtote?

San Juan 20:27

Xi albat ti Tomase: —Tic'o ochel ti sni' ac'ob li' ta jc'obe. Q'uelo avil ti jc'obe. Tic'o ochel ti ac'ob ta jxocone. C'otuc ta avo'nton, altic ti xana'ete.

Hechos 13:18

Cha'vinic (40) jabil ts'icbat stoyobbailic yu'un Dios ti jmolmuc'totic ta vo'ne c'alal xjoyetic talel ta xocol banomile.

Hechos 2:40

Ti Pedroe oy to ep ti c'u s'elan bijubtasvane xchi'uc oy yan ti c'usi laj yale, ti xi laj yale: —Q'uelo abaic, mu xachanbeic yo'ntonic ti ch'ayemal jnaclejetic li'e.

Romanos 2:4

Ti yutsilal slequilale xchi'uc ti sts'iquemal xcuchemal yu'un ti Diose, ta xabaj ta xajip ti c'alal ja' ta sventa yutsilal slequilal ac'o asutes aba talel ta stojol.

Deuteronomio 32:5

“Yu'un xi ac'oplalic ti chopol pucujil jnaclejetic ti ta stsaquic ta c'op ti Diose, ti mu ja'uc jutebuc xc'ot o ti bisbilic ta xnich'nabe.

Hebreos 3:19

Jech ono'ox un, yu'un ta xvinaj lec ti mu'yuc x'ochic batele, yu'un mu'yuc xc'ot ta yo'ntonic ta xch'unel ti Diose.

Hebreos 4:11

La' cac'betic yipal un cha'e yo' jech xu' xij'och batel ta cuxob o'ntonal taje, naca mi oy jlom ja' ta xchanbe yo'ntonic ti buch'utic mu'yuc xc'ot ta yo'ntonic ta xch'unele.

Hebreos 4:2

Yu'un ti vo'otic xtoque laj quich'tic albel sc'oplal ti colebal lequil ach' c'ope jech c'u cha'al ti stuquique. Ja'uc ti stuquic une mu'yuc c'usi bal o laj ya'iic ti laj yich'ic albel sc'oplal ti ch'ul c'op taje, yu'un mu'yuc xc'ot ta yo'ntonic ta xch'unel ti c'usi laj ya'iique.

Hebreos 7:25

Jech o xal sbatel osil xu' spoj scolta ti buch'utic ta xnopajic batel ta stojol ti Diose, yu'un j'ech'el cuxul sbatel osil yo' ta sc'anbe vocol ti Dios ta stojolique.