San Lucas 9:26 - Bible in Tzotzil de Chamula

²⁶ Mi oy buch'u ta xq'uexav ta jtojol xchi'uc ta xq'uexav yu'un ti lequil ach' c'op cu'une, ja' jechun ec ti co'ol j'elantique, ta xiq'uexav ta stojol c'alal ta xital xchi'uc yutsilal ti Jtote, xchi'uc ti ch'ul anjeletique.

Tzotzil Zinacantan

²⁶ Mi chaqꞌuexavic ta yalel ti avichꞌojicon ta muqꞌue, mi chaqꞌuexavic ta yalel aꞌyuc li cꞌusitic chcale, jaꞌ noꞌox yechon uc, voꞌon ti coꞌol crixchanootique, “leꞌe maꞌuc jchꞌamal”, chichi ti cꞌalal xital xchiꞌuc syuꞌel ti Jtote xchiꞌuc ti anjeletic ta vinajele.

LEQUIL ACH' C'OP

²⁶ Mi oy much'u ta xq'uexav o ti yich'ojon ta muq'ue xchi'uc ti chq'uexav ta yalel a'yuc li c'usi caloje, ja' no'ox yechon uc vo'on ti Xch'amal crixchano li c'ote, chiq'uexav ta stojol ti c'alal xital xchi'uc jxojobale xchi'uc xojobal ti jtote xchi'uc xojobal ti ch'ul angeletique.

Bible in Tzotzil de Chenalhó with Deuterocanon

²⁶ Yu'un li boch'o ta xq'uexov ta jtojol, xchi'uc chq'uexov ta xch'unel jc'ope, ja' no'ox jechun ec vu'un ti Xnich'on cristiano lic'ote chiq'uexov yu'unic c'alal chital xchi'uc jxojobal, xchi'uc xojobal Jtot, xchi'uc xojobal li j'almantaletique.

Tzotzil San Andres

²⁶ Li buchꞌu ta xqꞌuexav ta schꞌunel li jcꞌop ta stojol li crixchanoetic li avie, ti mu junuc yoꞌon ta stojol li Diose, “maꞌuc jnichꞌon”, xichi li cꞌalal chtal ochcun ta ajvalilale, joꞌon li coꞌol crixchanoutique. Schiꞌuc xa stsatsal sjuꞌel li Jtot chitale, schiꞌuc chischiꞌinic talel li ángeletique.

Tzotzil de Huixtán

²⁶ Yu'un scotol ti much'u chq'uexav yu'un chch'un ti jc'ope, hech ono'ox uc “ma'uc jnich'on lume”, xichi, ho'on ti co'ol crixchanoucutique, c'alal chital xchi'uc jqueval jtuc, chital xchi'uc squeval ti Jtot uque, jchi'inoj tal ti ch'ul abatetic yu'une.

San Lucas 9:26 Iomraidhean Croise

Isaías 53:3

Bajbil tenbil c'ot yu'un ti jnaclejetique, mu'yuc stu ile. Ja' jun j'ich'-vocol vinic, ti mu sna' spoj sba yu'un ti vocolajele. C'ot jech c'u cha'al ti buch'u tenbil xa ta o'ntonale, ti mu'yuc stu jipbil tenbil c'ot cu'untique.

Daniel 7:10

Co'ol s'elan leb c'oc' ti uc'um ta xloc' talel ti bu oye. Ja' jech xtoc ep ta mil ti yac'oj sbaic ta tunel tey ta stojole. Yan ti buch'utic naca va'ajtic ta sts'ele, mu xa ono'ox albajuc jaylajun-mil ta j'ech'el. Jech ti Buch'u chotol ta xchapanvane lic sliques ti c'usi ta xich' chapanele. Jech xtoc laj yich' jamel ti jujupoc vunetique.

San Mateo 16:27

Ti vu'un co'ol j'elantique ta xicha'sut talel. Ta xquich'be talel yutsilal slequilal ti Jtote xchi'uc ti yaj'ánjeltaque yo' jech xtal cac'be stoj ti buch'uuc no'ox ti c'usi laj xa spasic ta jujun tale.

San Mateo 25:31

Ti Jesuse xi laj yale: —C'alal xtal ochcun ta Ajvalil ti vu'un co'ol j'elantique, xojobin no'ox ti cutsilal jlequil ti joyolic ta jxocontac ti caj'ánjeltac ta xichoti ta lequil chotlebal ti bu jun yutsile.

San Mateo 26:64

Xi laj stac' ti Jesuse: —Vu'un jech c'u cha'al ta xavale. Ta xcalboxuc ava'iic, ta xavilicun liquel ti co'ol j'elantique, ta xichoti ta sbats'i c'ob Dios ti scotol xu' yu'une. Ta xavilicun ta xital ta ba toc.

Marcos 8:38

Mi oy buch'u ta xq'uexavic ta sventa lequil ach' c'op ta stojol ti jsa'muliletic ti yan sjol yo'ntonique, ja' jechun ti vu'un co'ol j'elantique, ta xiq'uexav ta stojolic c'alal ta xicha'sut talel xchi'uc yutsilal slequilal ti Jtote, xchi'uc ti ch'ul ánjeletique.

San Juan 12:43

Yu'un ja' lec ta xa'iic ti ich'bilic ta muq'ue. Ja' mu sc'anic ta xc'ot ta stojolic yutsilal slequilal ti Diose.

San Juan 5:44

Ti mi ja' no'ox ta xac'anic ti ich'el ta muc' yu'un ti achi'iltaque, ti mi mu xasa'ic ti ich'biloxuc ta muc' yu'un ti Dios stuque, ¿c'usi la ta xavutic ta xavich'icun ta muc'?

Hechos 10:22

Xi laj staq'uic ti viniquetique: —Tacbiluncutic talel yu'un ti banquilal soldado Cornelioe, jun lequil vinic ti xi'taoj ti Diose, ti lec sc'oplal yu'un ti israeletique. Albat yu'un jun yaj'ánjel Dios ti ac'o avich' iq'uel batele yo' ta xabat ta sna yo' ta xa'i ya'iic ti c'usi ta xavalbee.

Romanos 1:16

Mu xiq'uexav yu'un ta yalel ma' ti lequil ach' c'ope, yu'un ja' smuc'ul stsatsal Dios sventa yo' ta sta scolelic ti buch'u ta xc'ot ta yo'nton ta xch'unele, ti ba'yel oy sc'oplal ti israeletique, ti oy sc'oplal ec ti jyanlumetique.

2 Corintios 12:10

Ximuyubaj xa ti mu'yuc yipal cu'une, ti oy labanele, ti mu'yuc c'usi x'ayan cu'une, ti oy ilbajinele, ti tsots vocol ta xquich' ta sventa ti Cristoe. C'alal mu'yuc xa yipal cu'une, x'ech' to oy yipal cu'un.

Gálatas 6:14

Ja'uc ti vu'une, ja' no'ox tsots sc'oplal ta xca'i cham ta curus ti Cajvaltic Jesucristoe. Ti sventa cham ta curus ti Cristoe, laj sc'oplal ta xca'i ti banomile, yu'un ma'uc xa ventainbilun yu'un ti sba banomile.

1 Timoteo 5:21

Ta jc'ubanbot ta stojol ti Diose, ta stojol ti Cajvaltic Jesucristoe, xchi'uc ti yaj'ánjeltac ti t'ujbil yu'une, jech me xapas batel ti c'u s'elan laj calbot ava'ie, co'ol xapas ta stojol ti jch'unolajeletique, ma'ucuc ti jeltos avo'ntone.

2 Timoteo 1:12

Ta sventa taj une, yacal ta xquich' jvocol yu'un, ti mu ja'uc ta xiq'uexav yu'une, yu'un jna' oy Buch'u jpatoj co'nton ta stojol. Jna' lec xtoc ti oy smuc'ul stsatsal ta xchabi yo' ta xc'ot ta tsutsel cu'un ti c'usi laj sc'ubanbune ja' to ta xlaj c'op mi sta ti smuc' ta c'ac'alile.

2 Timoteo 2:12

Mi mu'yuc stsic' co'ntontic yu'un ti vocole, ta jchi'intic ta pas mantal. Mi ta jmuc ta co'ntontique, ja' no'ox jech ta xismucotic ta yo'nton ec.

Hebreos 11:26

Yu'un ja' tsots sc'oplal laj ya'i ti bajbil tenbil ta xc'ot ta sventa ti Cristoe, ti ja' mu sta tsots sc'oplal laj ya'i scotol sc'ulejal ti Egipto banomile, ja' ti spatoj ono'ox yo'nton ti oy c'usi lec ta x'ac'bat yu'un ti Diose.

Hebreos 13:13

Batic ta sts'acliel ti Jesús ta loq'ueltic yu'un ti jteclume. Quich'tic labanel ec jech c'u cha'al laj yich' ti stuque.

Judas 1:14

Vinajesbatic ono'ox sc'oplalic ta vo'ne yu'un ti Enoque, ti ja' xa yucubal totil me'il sliquel tal yu'un ti Adane, ti xi laj scaj'albe sc'oplal ti jnaclejetic taje: “Laj quil ti Cajvaltique, ti tal xchi'uc ep ta mil ti yu'untaque.

Apocalipsis 1:7

Ti Jesucristoe ta xtal ta ba toc. Scotolic ta xilic, ta xilic ec ti buch'utic laj sjipanic ta curuse. Ti jujun lum ti oyic ta sjoylej banomile ta x'oq'uic c'alal ta xilic ta xtale. Jech ono'ox ta xc'ot ta pasel. Jechuc.

Apocalipsis 20:11

Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Apocalipsis 3:5

Ti buch'u ta stsal yu'un scotole, ta x'ac'bat slapic saquil c'u'il. Mi ja'uc ta jtubbe sbiic ti oy ta jpoc vun yu'un ti sventa cuxlejale, c'ajomal jamal ta xcalbe sc'oplal ta stojol ti Jtote xchi'uc ta stojol ti yaj'ánjeltaque.