San Lucas 9:12 - Bible in Tzotzil de Chamula

¹² C'alal ta xa xmal ti c'ac'ale, ti lajcha'vo' (12) jcholc'opetique nopajic batel ta stojol ti Jesuse, xi c'ot yalbeique: —Taco xa batel scotol ti jnaclejetique yo' xu' xba sa' bu ta xcux yo'ntonic, xchi'uc ta sa'el sve'elic ta jujun bic'tal lum ti bu nopol no'oxe, yu'un ti bu oyotique, mu'yuc c'usi x'ayan.

Tzotzil Zinacantan

¹² Ti cꞌalal imal cꞌacꞌale, istsob la sbaic tal li lajchavoꞌe. ―Lavi nopol noꞌox li parajeletique, más lec taco echꞌel li crixchanoetique, acꞌu ba xchꞌamunic na, acꞌu ba sman sveꞌelic. Liꞌ ta xocol balamile mu cꞌusi oy ―xutic la ti Jesuse.

LEQUIL ACH' C'OP

¹² Ti c'alal ch-mal xa'ox c'ac'ale, istsob sbaic tal li lajchavo' yajchanc'optaque, xi iyalbeic ti Jesuse: Más lec taco ech'el li crixchanoetique, ac'u ba xcuxic, ac'u ba sa' sve'elic ta parajeletic xchi'uc ta naetic ti bu nopolique, li' ta xocol balamile mu c'usi oy ―xutic ti Jesuse.

Bible in Tzotzil de Chenalhó with Deuterocanon

¹² C'alal bat xa'ox c'ac'ale, li lajchabique jech laj yalbeic li Jesuse: —Taco me batel li cristianoetique; ac'o baticuc ta tsobtsobnaetic xchi'uc ta naetic ti li' no'ox nopolique. Ac'o bat xch'aman snaic, xchi'uc ac'o bat sa' sve'elic, yu'un xocol banamil li'i —xutic.

Tzotzil San Andres

¹² Cꞌalal mal xaꞌox cꞌacꞌale, li lajchavoꞌique jech laj yalbeic li Jesuse: ―Jaꞌ lec tacano me batel li crixchanoetique, acꞌo baticuc ta coloniaetic li liꞌ noꞌox nopole. Acꞌo ba schꞌamunic na, acꞌo ba sman sveꞌelic yuꞌun taqui jamaltic liꞌi, mu cꞌusi xꞌayan ―xiic.

Tzotzil de Huixtán

¹² C'alal ich'ay xa ti c'ac'ale, ti lajchavo'ique hech lic yalbeic ti Jesuse: ―Taco batel ti jchi'iltique, ac'o batuc ti coloniaetic o parajeetic li' nopole. Ac'o ba xch'amun snaic, ac'o ba sman sve'elic yu'un xocol balumil li'to ―xchiic.

San Lucas 9:12 Iomraidhean Croise

Ezequiel 34:25

Ta jpas jtrate ta stojolic yo' mu'yuc c'usi sna'ic ta cuxlej. Ta jtubbe sc'oplal ta j'ech'el ti jti'oval chon bolometic oy ta muc' ta lume yo' jun yo'ntonic xlamet ta yaxaltic ta xcux yo'nton ta yolon te'tic ti cuni chijtaque.

Oseas 13:5

Vu'un laj jchabiot ti c'alal t'ajaloxuc ta c'ac'al ta sbajtical banomile.

San Mateo 14:13

C'alal laj ya'i ti Jesuse, stuc loc' batel ti bu taje, och batel ta jun barco. Bat bu sts'ijlajan ti banomile. Laj ya'iic ti jnaclejetique. Ta yacan laj stamic batel ti loq'uic ech'el ta jteclumetic yo' ta sts'acliic.

San Mateo 15:23

Ti Jesuse mu'yuc c'usi laj stac'be ti antse. Va'i un, ti yajchanc'optaque tal ta stojol ti xi laj sc'anbeic vocole: —Albo ya'i batuc ti ants le'e, yu'un x'avet tal ta jpatic.

San Mateo 15:32

Ti Jesuse laj yic' talel ti yajchanc'optaque, xi laj yalbee: —C'ux ta xca'i ta co'nton ti jnaclejetique. Oy xa ta yoxibal c'ac'al ti li' tsobolic ta jtojole. Mu'yuc c'usi stac' slajesic. Mu jc'an ta jtac batel ta snaic c'alal mu'yuc ve'emique. Mi ta jtac batele, xu' ta slubtsajic ta be.

San Lucas 9:11

Ja'uc le' une, c'alal laj ya'iic ti jnaclejetique, laj sts'acliic batel, ich'bil c'otic ta muc' yu'un ti Jesuse. Laj yalbe ya'iic sc'oplal ti ventainel yu'un ti Diose, xchi'uc laj scolesan ti jchameletique.

San Lucas 9:13

Xi laj yal ti Jesuse: —Ac'beic sve'el ti vo'oxuque. Xi laj yalique: —¿C'usi ta xcutcutic, ti c'ajomal xa no'ox vo'bej pan xchi'uc cha'cot choye? Ja' no'ox mi xba jmancutic tal sve'el ti jnaclejetique.

San Juan 6:1

Laj taj une, ti Jesuse bat ta jot sti'il nab Galilea, ti ja' ono'ox ti snabil ti Tiberiase.

Filipenses 1:19

Colavalic xtoc un, ti ta xataic ta c'oponel ti Dios ta jventae, xchi'uc ti ta stic' sba ta scoltaelun Xch'ul Espíritu ti Jesucristoe, ta xic'ot ta pojel colel yu'un.