San Lucas 9:11 - Bible in Tzotzil de Chamula

¹¹ Ja'uc le' une, c'alal laj ya'iic ti jnaclejetique, laj sts'acliic batel, ich'bil c'otic ta muc' yu'un ti Jesuse. Laj yalbe ya'iic sc'oplal ti ventainel yu'un ti Diose, xchi'uc laj scolesan ti jchameletique.

Tzotzil Zinacantan

¹¹ Ti cꞌalal iyaꞌi ti crixchanoetique, ba la staic. Ti Jesuse lec la iyaꞌi ti icꞌotic ti crixchanoetique. Iyal la ti chlic xa pasvanuc ta mantal ti Rioxe. Iyetꞌesbe la xchamelic ti muchꞌutic ipe.

LEQUIL ACH' C'OP

¹¹ Ti c'alal iya'i li crixchanoetique, ba staic; ti Jesuse lec iya'i ti ic'otic li crixchanoetique, iyalbe ya'iic ti chlic xa cuentainvanuc ti Rioxe xchi'uc iyet'esbe xchamelic ti much'utic ipique.

Bible in Tzotzil de Chenalhó with Deuterocanon

¹¹ C'alal laj ya'yic cristianoetic bu ibat li Jesuse, te nabalic batel. Li Jesuse lec laj ya'ay ti c'alal ic'otique. Te lic yalbe ti yorail xa chventainvan li Diose, xchi'uc la scolta li jchameletic ti tsc'an coltael laj yile.

Tzotzil San Andres

¹¹ Cꞌalal iyaꞌiic li crixchanoetic li bu ibat li Jesuse, ba saꞌic. Li Jesuse lec iyaꞌi li cꞌalal icꞌotic li crixchanoetique. Laj yalbe yaꞌiic ti ista xa scꞌacꞌalil ta xventainatic yuꞌun li Diose. La scoltaan nojtoc li jchamelajeletique.

Tzotzil de Huixtán

¹¹ C'alal laj ya'yic ti crixchanoetique ti bu chbatique, te ba sa'ic asta laj staic. Ti Jesuse lec laj yil ti c'alal ic'otic ti crixchanoetique hech lic xcholbe ya'yic sc'opilal ti tsc'an chventaimbat yo'ntonic yu'un ti Diose. Laj scolta ti jchameletique.

San Lucas 9:11 Iomraidhean Croise

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

San Mateo 12:15

C'alal laj ya'i Jesús ti jech ta snopic ti fariseoetique, iloc' batel. Yepal no'ox sts'acliojic batel. Ti Jesuse ta scoles scotol ti jchameletique.

San Mateo 14:14

C'alal loc' ta barco ti Jesuse, laj yil ti mu albajuc yepalique. C'uxubaj yo'nton yu'un. Laj scoles ti jchameletic ti yic'ojanic batele.

San Mateo 21:31

Albun ca'i, ¿buch'u junucal laj spas ti c'usi laj sc'an ti stotique? —Ja' ti buch'u ba'yel albate —xi laj staq'uique. Xi tac'batic yu'un ti Jesuse: —Ta xcalboxuc ava'iic ta melel, ti jc'an-patan-taq'uinetic sventa Romae xchi'uc ti antsetic sna' sbolomalin sbae, ja' ba'yel ta xac' sbaic ta ventainel yu'un ti Diose.

San Mateo 21:43

Jech o xal ta xcalboxuc ava'iic, ti ventainel yu'un ti Dios ti oy ta atojolique, ta xbat ta stojolic ti buch'utic ta xich'ic ta muc' ti ventainel yu'un ti Diose.

San Lucas 1:53

Oy no'ox c'usi staic yu'un ti buch'utic ta xvi'najique. Smeyoj yoc sc'ob com yu'un ti buch'u jc'ulejetique.

San Lucas 5:31

Xi laj stac' ti Jesuse: —Ti buch'u xcuxet ti banomil ta xa'iique, ti mu'yuc xchamelique, mu sc'anic jpoxtavanej, ja' no'ox ta sc'anic ti buch'u oy xchamelique.

San Lucas 8:1

Laj taj une, ti Jesuse ech' ta epal jteclumetic xchi'uc ta bic'tal lumetic, ta yalolanel ti ventainel yu'un ti Diose, ti xchi'inojan batel ti lajcha'vo' (12) yajchanc'optaque.

San Lucas 8:10

Xi laj yal ti Jesuse: —Ti vo'oxuque, Dios ta xac'boxuc ana'ic smelol ti chucul ta a'yiel ti ventainele. Ja'uc ti yane, ta babac'op ta xcalbe ya'iic yo' mu xilic, ac'o mi sq'uel xa ya'iic, yo' mu xa'iic c'uc cha'al mi ts'etel xchiquin ta ya'yiel.

San Lucas 9:10

C'alal sutic talel ti jcholc'opetique, lic yalbeic Jesús ti c'usi laj spasique. Laj sq'uej sbaic loq'uel, batic ta jteclum Betsaida.

San Lucas 9:12

C'alal ta xa xmal ti c'ac'ale, ti lajcha'vo' (12) jcholc'opetique nopajic batel ta stojol ti Jesuse, xi c'ot yalbeique: —Taco xa batel scotol ti jnaclejetique yo' xu' xba sa' bu ta xcux yo'ntonic, xchi'uc ta sa'el sve'elic ta jujun bic'tal lum ti bu nopol no'oxe, yu'un ti bu oyotique, mu'yuc c'usi x'ayan.

San Lucas 9:2

Laj stacanan batel ta yalel ti ventainel yu'un ti Diose, xchi'uc ta scolesel ti jchameletique,

San Juan 4:34

Xi laj yal ti Jesuse: —Ti jve'el ta jtun ta jlajese, ja' ti ta jpas ti c'usi oy ta yo'nton ti Buch'u laj stacun talele, ti c'otuc ta tsutsel cu'un ti yabtele.

San Juan 6:37

Scotol ti buch'utic ta xac' ta coc ta jc'ob ti Jtote, ta xtal ta jtojol. Ti buch'u ta xtal ta jtojole, mu'yuc ta jten loq'uel.

Hechos 28:31

Mu'yuc xi'el, mu'yuc smaquel ta be ta yalel ti ventainel yu'un ti Diose, xchi'uc ta xchanubtasvanej ta sventa sc'oplal ti Cajvaltic Jesucristoe.

Romanos 10:14

¿C'u ono'ox la xi xvocoletic ta stojol Dios ti mi mu'yuc to c'otem ta yo'ntonic ta xch'unele? ¿C'u ono'ox la xi ta xc'ot ta yo'ntonic ta xch'unel c'alal ti mu'yuc ya'binojic ti sc'oplale? ¿C'u ono'ox la xi ta xa'ibeic sc'oplal c'alal mu'yuc buch'u ta x'albune?

Romanos 10:17

Jech un cha'e, ta xlic ayanuc ta o'ntonal ta xch'unel mi laj yich' a'yiel ti lequil a'yeje. Ti lequil a'yeje, ja' ti lequil ach' c'op yu'un ti Cristoe.

Romanos 15:3

Yu'un ti Cristoe ma'uc laj spas ti c'usi lec ta xa'i ti stuque, yu'un ja' c'ot ta stojol jech c'u cha'al ti xi ta xal ta ch'ul c'ope: “Scotol ti buch'utic xbet'bun no'ox yeic ta scontrainelote, ja' cajal c'ot ta jba.”

2 Timoteo 4:2

Paso tsatsal ta yalel ti lequil ach' c'ope. Mu xavicta ta yalel. Mi sc'an xa'iic, mi mu sc'an xa'iic, yavil mi laj avale. Ac'bo sna'ic ti lequil ach' c'ope. Tac'aluc c'otuc ta yo'nton avu'un ti oy c'usi quechel maquic ti jnaclej ta banomile. Muq'uibtasbo yo'ntonic. Mu xatsiq'ues avo'nton ta chanubtasvanej.

Hebreos 4:16

Ja' yu'un un, sjunuluc co'ntontic, nopajcutic batel ta stojol ti bu chotol ti jc'uxubinvanej Dios cu'untique, yo' ta sventa yutsil slequil yo'nton ta xc'uxubaj cu'untic c'alal mu xa cha'bel c'usi xcut jbatic c'alal yorail ta xtun cu'untic ti coltaele.