San Lucas 8:41 - Bible in Tzotzil de Chamula

⁴¹ Ja' o c'ot jun vinic, Jairo sbie, banquilal jpas-mantal yu'un ti ch'ul nae. Ti vinic taje laj squejan sba ta yoc ti Jesuse. Laj sc'anbe vocol ti ac'o batuc ta snae.

Tzotzil Zinacantan

⁴¹ Tey la icꞌot jun vinic yoꞌ bu ti Jesuse, Jairo la sbi. Jmeltsanejcꞌop la ta templo teyoꞌe. Isquejan la sba ta yichon ti Jesuse, jaꞌo la isnijan sba ta balamil noxtoc. ―¿Mi mu xaꞌabulaj xibatic ta jna?

LEQUIL ACH' C'OP

⁴¹ Ja' o tey ic'ot jun vinic yo' bu ti Jesuse, Jairo sbi, ja' jmeltsanejc'op ta templo teyo'e. Isquejan sba ta stojol ti Jesuse, isc'anbe vocol ti ac'u batuc ta snae,

Bible in Tzotzil de Chenalhó with Deuterocanon

⁴¹ Te ital jun vinic Jairo sbi; ja' banquilal te ta nail tsobobbail yu'unic. La spatan sba ta stojol li Jesuse; la sc'anbe vocol ti ac'o batuc ta snae,

Tzotzil San Andres

⁴¹ Te ital ta stojol Jesús jun vinic, Jairo sbi. Jaꞌ jmeltsanejcꞌop li ta schꞌulnaique. La spatan sba ta balumil ta stojol li Jesuse. Laj yalbe ti acꞌo batuc ta snae.

Tzotzil de Huixtán

⁴¹ Hech yu'un ital ti stojol ti Jesuse jun judio vinic, Jairo sbi. Ja' yabtel chal mantal te ti templo yu'unique. Tal spatan sba ti lum te ti stojol ti Jesuse. Laj yalbe vocol yu'un ac'o batuc ti sna.

San Lucas 8:41 Iomraidhean Croise

San Lucas 13:14

Ja'uc ti banquilal jpas-mantal yu'un ti ch'ul nae, cap sjol, yu'un ta sc'ac'alil cuxub o'ntonal, colesvan ti Jesuse. Xi laj yal ta stojol ti jnaclejetique: —La', ac'o abaic ta poxtael ti oy vaquib c'ac'al stac' xij'abteje, ma'uc ta yorail sc'ac'alil ti cuxob o'ntonale.

San Lucas 17:16

Vul squejan sba ta stojol ti Jesuse, ti snupilan xa banomil laj spatan sba ta lumtic yo' ta xalbe coliyal. Ti vinic taje, liquem talel ta Samaria.

San Lucas 5:8

C'alal jech laj yil ti Simón Pedroe, laj squejan sba ta stojol ti Jesuse, ti xi laj yalbee: —Cajval, ch'aco aba ta jtojol yu'un ti vu'une jsa'mulilun.

San Lucas 8:42

C'ajomal yo jun stseb ti yich'oj xa lajcheb (12) jabile, ti jutuc xa mu ta xchame. C'alal jech ta xbat ti Jesuse, ta xa'i ti ta xnet'e yu'un ti epal jnaclejetic ti ts'acalic batele.

San Lucas 8:49

Yacal to ta xc'opoj ti Jesuse, c'alal ja' o vul ta loq'uel jun j'al-mantal, lic tal ta sna ti Jairoe, ti banquilal jpas-mantal yu'un ti ch'ul na ti xi laj yale: —Ti avantsil nich'one cham xa. Ch'an xa uto ti Jchanubtasvaneje.

San Juan 11:21

Ti Martae xi laj yalbe ti Jesuse: —Cajval, ti li'uc oyucote, mu'yuc xcham ti jchi'il ta voq'uel jechuque.

Hechos 13:15

Ti jpas-mantaletic yu'un ti ch'ul nae, c'alal laj yo'ntonic ta yavtael ti oy c'usi tsots albil sc'oplale, xchi'uc svun ti j'alc'opetique, xi laj yalique: —Jchi'iltac, mi oy c'usi ta xavalic ta jtojolcutic ta yaq'uel yip ti o'ntonale, xu' xaval avi tana li'e.

Hechos 18:17

Ti bu taje, scotol ti griegoetique, ta sba ta sat ti Galione laj stsaquic ta majel ti Sóstenes ti buch'u yich'oj ta sventa ti ch'ul nae, ja'uc ti Galione mu sventauc.

Hechos 18:8

Jech ec ti Crispoe, banquilal yu'un ti ch'ul nae, c'ot ta yo'nton ta xch'unel xchi'uc ti yalab xnich'nabe. Yepal ti corintoetique c'alal laj ya'iic ti c'u s'elan ta xich' alele, c'ot ta yo'ntonic ta xch'unel xchi'uc laj yich'ic vo'.

Hechos 9:38

Ti jteclum Jopee, nopol xil sbaic xchi'uc ti jteclum Lidae ti bu oy ti Pedroe. Laj ya'iic ti jch'unolajeletic ti tey oy ti Pedroe. Laj staquic batel cha'vo' viniquetic ti xi ac'o yalbeique: “Mu xajaliltas aba, la' no'ox ta anil ta Jope.”

Apocalipsis 5:8

C'alal jech laj stsac ti balbil vune, jech ti c'usi chanib cuxajtique xchi'uc ti chanib xcha'vinic (24) ta vo' ti moletique, lic squejan sbaic ta stojol ti jcot ta Uni Chije. Jujun ti moletique oy yarpaic, xchi'uc yich'ojic batel yav ac'al naca meltsanbil ta oro ti noj ta pome. Ti pom taje, ja' smelol sc'opojel sti'inelic ti buch'utic yu'untac ti Diose.