San Lucas 8:18 - Bible in Tzotzil de Chamula

¹⁸ “Ja' yu'un un, a'yic lec un. Yepal ta x'ac'bat sna' ti buch'u mu xtub ta yo'ntone, ja'uc ti buch'u mu tsotsuc sc'oplal ta xa'ie, mu'yuc c'usi ta x'ac'bat sna'. Ta jech yepal poj x'utbat loq'uel ti c'u yepal snopoj laj ya'i yaloje.”

Tzotzil Zinacantan

¹⁸ ’Yechꞌo un aꞌibeic me lec smelol li cꞌusitic chacalbeique. Ti muchꞌutic sjunul yoꞌon ta xchꞌunique más ta xpꞌijubtasatic yuꞌun ti Rioxe yoꞌ xchꞌunic o leque, yuꞌun tscꞌan ta xchꞌunic. Yan ti muchꞌutic mu sjunuluc yoꞌon ta xchꞌunique, ti jaypꞌel snaꞌique ta xpojbatic ta jmoj ―xꞌutatic la yuꞌun ti Jesuse.

LEQUIL ACH' C'OP

¹⁸ »Yech'o un a'yic me lec, ti much'u oy xa ono'ox yu'une ta to x'acbat más; pero ti much'u ch'abal yu'une, ti c'u yepal oy yu'un ti yaloje ta xpojbat.» —X'utatic yu'un ti Jesuse.

Bible in Tzotzil de Chenalhó with Deuterocanon

¹⁸ “Ja' yu'un a'yo lec ava'yic li c'usi chcale: Li boch'o oy xa c'usi staoje ta to x'ac'bat ep. Yan li boch'o mu'yuc c'usi staoje, ti c'u yepal tsnop tstae ta xpojbat sutel”, xi li Jesuse.

Tzotzil San Andres

¹⁸ ’Jaꞌ yuꞌun aꞌibeic lec smelol li cꞌustic chacalbeique. Li buchꞌutic jutuc to schꞌunojique, más to chcoltaatic yuꞌun Dios ti acꞌo schꞌunic leque, yuꞌun chacꞌ ta yoꞌonic. Li buchꞌutic mu scꞌan schꞌunique, li cꞌu yepal snaꞌique ta xpojbatic ta jꞌechꞌel ―xi li Jesuse.

Tzotzil de Huixtán

¹⁸ ’Hech yu'un a'ibo sjam ti c'utic chacalbeique. Yu'un scotol ti much'u chch'un ti c'usi chcalbee ja' ch-ac'bat sna' yan. Ti much'u mu xch'un ti c'usi chcalbee mu'yuc xa c'usi ch-ac'bat sna' yan. Ti c'u yepal sna' tscuye ja' chpojbat ―xchi ti Jesuse.

San Lucas 8:18 Iomraidhean Croise

Proverbios 14:12

Oy xa bu lec ta ts'acliel yilel ti bu stamojic batel ti yane c'alal lajel tubel xal oe.

San Mateo 13:12

Ti buch'u sc'an ta xa'ibeic ti smelole, yepal ta x'ac'bat sna'ic. Yan ti buch'u mu sc'an xa'ibe smelol ti ventainele, ta xpojbat sutel ti c'u yepal sna'e.

San Mateo 25:29

Ti buch'u oy ono'ox yu'une, ta x'ac'bat to yan yo' yepal no'ox oy yu'un. Ja'uc ti buch'u mu x'abtej xchi'uc ti juteb ac'bate, ta xpojbat sutel ti juteb ac'bile.

Marcos 13:14

“C'alal ta xavilic ti j'ilbajinvanej j'ac'-vocol ochem xa ti bu ma'uc sc'oplal ta x'och jech c'u cha'al laj sts'iba comel ti j'alc'op Daniele, jatavicuc batel ta vitstic ti buch'u nacalic ta Judea banomile. (Ti buch'u ta sq'uele, ac'o ya'i lec c'usi ta xal.)

San Lucas 19:26

Ti ajvalile xi laj staq'ue: ‘Ta xcalboxuc ava'iic, ti buch'u oy xa ono'ox yu'une, yepal to ta x'ac'bat. Ja'uc ti buch'u mu'yuc xjolin yu'une, ta xpojbat sutel ti uni juteb oy yu'une.

San Lucas 9:44

—A'yic lec li'e, xi s'elan ti mu xach'ay ta avo'ntonique: ti vu'un co'ol j'elantique, ta xi'aq'ue ta yoc ta sc'ob ti viniquetique.

San Juan 15:2

Mi oy junuc ti sc'ob c'otem ta jventa ta sbainel ti uva ti mu xac' lec ti sate, ta sboj loq'uel. Mi ta xac' ti sate, ta sloq'uesbe ti sc'a'epale. Ta set loq'uel ti staquijemale yo' ta x'epaj ta yaq'uel ti sate.

Hechos 10:33

Jech o xal un, ta ora no'ox laj jtac batel jvinictac ta sa'elot, ti loc' ayan ta avo'nton latale. Li' tana une, tsobolotic ta stojol ti Diose, ti ts'etel jchiquincutic ta ya'yiel scotol ti c'u s'elan la'ac'bat ana' yu'un ti Diose.

Hechos 17:11

Ti israeletic teye ja' lec yo'ntonic, ja' mu sta ti oyic ta Tesalónicae, yu'un ta yutsil yo'ntonic laj yich'ic ta muc' ti lequil ach' c'ope. Yu'un jujun c'ac'al ta sq'uelic ta sc'op Dios yo' ta sna'ic mi melel ti c'usi ta x'albatique.

Romanos 12:3

Ti jech ac'bil cabtel ta sventa slequil yo'nton ti Diose, ta xcalboxuc ava'iic acotolic ti mu'yucuc me buch'u cajal xa'i sba ti c'u s'elan ta snope. Ti jujunoxuque lequil nopic c'u yepal laj scoltaoxuc ti Dios ta sventa ti c'ot ta avo'ntonic ta xch'unele.

1 Corintios 14:37

Mi oy buch'u xch'unoj ti ja' ac'bil sbijil xu' yu'un ta yalel ti c'usi ta x'ac'bat sna' yu'un ti Diose, mi xch'unoj ti tojobtasbil yu'un ti Ch'ul Espíritu yaloje, ac'o ya'i lec ti ja' smantal Cajvaltic ti jech ta jts'ibaboxuc talel ti jvun li'e.

1 Corintios 3:18

Mu'yucuc buch'u slo'la sba. Mi oy buch'u bij xa'i sba jech c'u cha'al sbijil ti jnaclej ta banomile, ac'o spas sba ti mu'yuc c'usi sna'e yo' jech ta sta sbijil.

1 Corintios 8:2

Mi oy buch'u ta snop ti sna' scotol yaloje, mu'yuc to staoj c'usi lec ta ojtiquinel.

Filipenses 3:4

Ti buch'u ta spat yo'nton yu'un taje, vu'un x'ech' to ta jpat co'nton ti jechuque, yu'un xi s'elan ti oy lec jrazone:

Hebreos 2:1

Ti c'u s'elan laj xa jts'etan jni' jchiquintic ta ya'yiel ti c'u s'elan laj ca'itique, tsotsuc sc'oplal bejbunuc ta co'ntontic yo' jech mu xquictatic comel ti lequil be jtamojtique.