San Lucas 8:15 - Bible in Tzotzil de Chamula

¹⁵ Ja'uc ti ts'unobal c'ot ta lequil banomile, ja' sc'oplal ti jlom ta slequil yutsil yo'ntonic ta xa'iic. Chapal ta xc'ot ta xchiquinic. Ta xich'ic ta muc'. Staoj yav yo'ntonic. Lec ta xtunic batel.

Tzotzil Zinacantan

¹⁵ Li becꞌ trigo ti icꞌot ta lequil balamile, jaꞌ seña ti muchꞌutic jꞌechꞌel ta xchꞌunic li scꞌop Rioxe. Coꞌol xchiꞌuc chbeqꞌuin yaꞌel yuꞌun chalic aꞌyuc li scꞌop Rioxe. Acꞌu mi ch-ilbajinatic, mu xicta o sbaic.

LEQUIL ACH' C'OP

¹⁵ Yan ti bu ic'ot ta lequil balamile, ja' seña ti much'utic ta sjunul yo'onic cha'iic li sc'op Rioxe xchi'uc ti ta yo'on tspasic li c'usitic chale, ti j'ech'el xch'unojic oe, xchi'uc ti naca lequic ti c'usitic ta spasique.

Bible in Tzotzil de Chenalhó with Deuterocanon

¹⁵ Yan li bec' trigo ic'ot ta lequil banamile, ja' li boch'otic scotol yo'nton ta xch'unic sc'op Diose, ti chc'ot lec ta yo'ntonique, ti jun yo'nton chch'unic oe, jech lec ta satinic.

Tzotzil San Andres

¹⁵ Li becꞌ trigo li icꞌot ta lequil balumile, ti iyacꞌ joꞌvinic ta pꞌej sbeqꞌue, jaꞌ senyail li buchꞌutic ta xacꞌ ta yoꞌonic li scꞌop Diose. Ta satin ta yoꞌonic yaꞌel li scꞌop Diose. Acꞌo mi ta xichꞌic vocol, mu xchibaj o yoꞌonic.

Tzotzil de Huixtán

¹⁵ Ti sat strigoe ti ic'ot ti bu lequil lume ja' señail ti much'u lec cha'i ti sc'op ti Diose, jun yo'nton tsc'an chch'un. Hech yu'un j'ech'el chac' ti yo'nton ti sc'op ti Diose. Ja' chac' persa yu'un tsatin ti yo'nton ti sc'op ti Diose.

San Lucas 8:15 Iomraidhean Croise

Salmos 119:11

Ti yo' mu jta jmul jcolo' ta atojole, ta sventa no'ox ac'op ti bejel lec c'ot ta co'ntone.

Salmos 51:10

Mesbiluc tusbiluc ti co'nton avu'une, Ch'ul Dios, junuc yutsil ach'ubuc avu'un ti snopbenal cu'une.

Proverbios 3:1

Ti c'u s'elan laj jchanubtasote, cuni nich'on, mu xach'ay ta avo'nton, bejeluc ta ajol ti jmantaltaque,

Jeremías 15:16

C'alal ta xac'opoj talel ta jtojole, lec laj ca'i. Laj jta ti ximuyubaje, ti xcuxet to banomil yu'un laj ca'ie. Yu'un c'otemun ta avu'un, Ajvalil Dios ti scotol xu' avu'une.

Jeremías 31:33

C'alal mi sta yoraile, xi s'elan ti jtrate ta jpas ta stojolic ti Israele: Ta jbejanbe ta yo'nton, xchi'uc ti jts'ibabe ta sjol ti c'usi jbel tsots albil cu'une. Ta xic'ot ta Dios yu'unic. Calab jnich'nab ta xc'otic ti stuquique. Ti vu'un Diosune, mu lo'iluc no'ox ta xcal.

Jeremías 32:29

Ti caldeoetic ti yacalic xa ta snet'el ti jteclume, ta x'ochic talel un. Ta stsanbeic sc'ac'al jmoj xchi'uc ti xcha'cojal naetic ti bu yac'ojbeic chic'bil pom ti Baale, xchi'uc matanal vino ti yan diosetique, ti laj soquesbeicun ti co'nton ta j'ech'ele.

San Mateo 24:13

Ja'uc ti buch'u staoj o yav jun yo'nton xcham xlaje, ja' ta xcol.

San Lucas 11:28

Xi laj stac' ti Jesuse: —Ja' jun yutsil ta j'ech'el ti buch'utic ta xa'iic ti c'usi ta xal ti Diose, xchi'uc ti ta xch'unic ti c'u s'elan ta xale.

San Lucas 6:45

Ti lequil tuq'uil vinique, lec ti c'usi ta xale, yu'un oy ta yo'nton ti c'usi leque. Ti chopol vinique, chopol ti c'usitic ta xalolane, yu'un oy ta yo'nton ti c'usi chopole. Ti c'usi ta xloq'uilan ta yeique, yu'un jech ono'ox oy ta yo'ntonic.

San Lucas 8:14

Ti ts'unobal c'ot ta ch'ixtique, ja' sc'oplal ti oy jlom lec ta xa'iic ti sc'op Diose. Mu ictabaj ta xa'iic ti stalelique, ti sc'upijel yo'ntonique. Slubtsajic ta be yu'un ti slo'il yo'ntonique, ti sc'ulejalique. Mu'yuc tsots sc'oplal laj ya'iic.

San Lucas 8:16

“Mu'yuc buch'u ti c'alal ta stsan ti lamparae, ti ta smacbe ti xojobale, mi ta xba stic' ta yolon tem. Ta xac' ta toyol yo' ta xvinaj ti xojobale, yo' sac jaman ta xilic ti buch'utic ta x'ochic ta yut nae.

San Juan 14:15

“Mi c'ux ta xava'iicune, ta xach'unic ti jmantal unbi.

San Juan 15:10

Mi ta xavich'ic ta muc' ta xch'unel ti jmantale, oy ta atojolic ti syail xc'uxul co'ntone, jech c'u cha'al ta jch'unbe smantal ti Jtote, staoj yav oy ta jtojol ti syail xc'uxul yo'ntone.

Romanos 2:7

Ta xac'be xcuxlejal sbatel osil ti buch'utic yac'ojbeic yipal ta sa'el ti slequilalique, ti yich'elic ta muq'ue, ti c'usi mu sna' xlaje, ti mu'yuc laj yicta sbaic ta spasel ti c'usi leque.

Romanos 6:22

Ti jech lacolic loq'uel ta mosovinel yu'un ti mulil avi tana le'e, la'ochic ta yajtunel ti Diose. Ti jech taje, xloc' venta, yu'un ta xavac' abaic ta tunel yu'un ti Diose. Ts'acal to un, ta xataic acuxlejalic sbatel osil.

Romanos 7:18

Ac'o mi juteb ta co'nton ta jc'an ta jpas ca'i ti c'usi leque, jna' lec ti mu ono'ox xitojobe. Ti bu jtamoj batel yu'un ti jbec'tal jtacopale, mu'yuc c'usi lec ta xc'ot ta loq'uel cu'un.

Romanos 7:4

Ja' jech lijc'ot ec, Jchi'iltac, yu'un junotic xa xchi'uc ti Cristoe. Ma'uc xa pasbilotic ta mantal yu'un ti oy c'usi tsots sc'oplal albile ta sventa ti jmoj lijcham xchi'uc ti Cristo ti Buch'u cha'cuxi c'alal chame. Jech lec ta q'uelel ti jcuxlejaltic ta sba ta sat ti Diose.

Romanos 8:25

Mi ta to jmalatic ti c'usi mu'yuc quilojtique, ts'ico no'ox ava'i vocol ta smalael.

1 Corintios 7:19

Yu'un ma'uc tsots sc'oplal mi yich'ojic, mi mu'yuc yich'ojic ti circuncisione, ja' tsots sc'oplal ti c'otuc ta pasel c'u s'elan ta sc'an ti Diose.

Efesios 2:8

Yu'un ta sventa yutsil slequil yo'nton ti Diose, laj ataic acolelic ta sventa ti c'ot ta o'ntonal ta xch'unel ti Cajvaltique. Ma'uc laj avac'be aba atuquic, yu'un ja' amotonic no'ox laj yac'boxuc ti Diose.

Deuteronomio 30:6

Yu'un ta stec'an ti trate ta avo'ntonique xchi'uc ta yo'ntonic ti avalab anich'nabique yo' jech c'ux ta xava'iic ta sjunul avo'ntonic, ta sjunul ach'ulelic ti Diose, yo' jech ta xc'ot ta pasel ti oy acuxlejalique.

Filipenses 1:11

Ti jech ta x'abtej ti Jesucristo ta atojolique, yo' ta x'ayan ti oyuc yutsil slequil ti c'usi ta xapasique, sventa yich'el ta muc', yo' lec sc'oplal avu'unic ti Diose.

Colosenses 1:10

Yu'un ja' to jech xu' avu'unic ta spasel jech c'u cha'al ti buch'utic ja' yu'untac ti Cajvaltique, ti yacaloxuc ta spasel ti c'usi lec ta xile, ti yepal no'ox oy ep ta tos slequil yutsil avo'ntonic ta spasel ti c'usi leque, xchi'uc ta yojtiquinel ti Diose.

Colosenses 1:6

Ti lequil ach' c'op laj avich'ic albel taje, yacal ta slecubtasbe yo'ntonic ti jnaclejetic ta sjoylej banomile jech c'u cha'al c'ot ta pasel ta atojolic c'alal laj ava'iic syail xc'uxul yo'nton ti Diose, ti c'ot ta avo'ntonic ti ja' melele.

Hebreos 10:36

Ti vo'oxuque ta sc'an oyuc yipal avu'unic yo' jech oy smuc'ul avo'ntonic ta sts'iquel ti vocole, yo' ta xapasic ti c'usi oy ta yo'nton ti Diose, xchi'uc ta yich'el ti c'usi yaloj ti Dios ta xaq'ue.

Hebreos 2:1

Ti c'u s'elan laj xa jts'etan jni' jchiquintic ta ya'yiel ti c'u s'elan laj ca'itique, tsotsuc sc'oplal bejbunuc ta co'ntontic yo' jech mu xquictatic comel ti lequil be jtamojtique.

Santiago 1:4

Jechuc o ta j'ech'el ti oyuc smuc'ul ti avo'ntonique yo' jech ta x'ayan ti avipique, yo' jech mu'yuc c'usi xana'ic.

1 Juan 2:3

Mi ta jch'unbetic smantal ti Diose, jna'tic lec unbi ti xcojtiquintic leque.