San Lucas 8:14 - Bible in Tzotzil de Chamula

¹⁴ Ti ts'unobal c'ot ta ch'ixtique, ja' sc'oplal ti oy jlom lec ta xa'iic ti sc'op Diose. Mu ictabaj ta xa'iic ti stalelique, ti sc'upijel yo'ntonique. Slubtsajic ta be yu'un ti slo'il yo'ntonique, ti sc'ulejalique. Mu'yuc tsots sc'oplal laj ya'iic.

Tzotzil Zinacantan

¹⁴ Li becꞌ trigo ti icꞌot ta chꞌixtique, jaꞌ seña ti muchꞌutic yaꞌyojic xa li scꞌop Rioxe pero jaꞌ noꞌox ta yoꞌonic li cꞌusitic oy ta sba balamile. Jaꞌ chloꞌloatic o. Jaꞌ yolontabil chcom yaꞌel li scꞌop Rioxe yuꞌun mu jꞌechꞌeluc ta xchꞌunic.

LEQUIL ACH' C'OP

¹⁴ Li bec' trigo ti ic'ot ta ch'ixtique ja' seña ti much'utic ya'yojic xa li sc'op Rioxe, pero ta c'unc'un ta xicta sbaic, ja' chbat ta yo'onic li c'usitic tsc'an yo'onique, ja' li c'ulejale xchi'uc ti c'usitic toj lequic ta c'upinel li' ta sba balamile, ja xa mu spasic o li c'usitic leque.

Bible in Tzotzil de Chenalhó with Deuterocanon

¹⁴ Li bec' trigo ic'ot ta ch'ixtique, ja' li boch'otic laj xa ya'yic sc'op Diose, ti ja' batem ta yo'nton sc'ulejalique xchi'uc li c'usitic oy li' ta banamile xchi'uc ti c'usitic tsc'an yo'ntonique. Jech te net'bil chc'ot o li sc'op Dios ya'yojique. Jech mu xch'iaj, mu satin o.

Tzotzil San Andres

¹⁴ Li becꞌ trigo li icꞌot ta yolon chꞌixtique, jaꞌ senyail li buchꞌutic jaꞌ noꞌox batem ta yoꞌonic li cꞌustic oy liꞌ ta balumile. Jaꞌ te loꞌlobilic o yuꞌun li cꞌustic ta scꞌanique. Te netꞌbil icom o yaꞌel li scꞌop Dios li laj yaꞌiique, jech muc schꞌunic o.

Tzotzil de Huixtán

¹⁴ Ti sat strigoe ti ic'ot ti bu ch'ixtique ja' señail ti much'u batem ti yo'nton ti c'usi oy li' ti balumile, xchi'uc ti c'usi oy yu'une, xchi'uc ti c'usi lec cha'i ti sbec'talique. Hech muc satin ti sc'op ti Diose te ti yo'nton.

San Lucas 8:14 Iomraidhean Croise

San Mateo 13:22

Ti ts'unobal c'ot ta ch'ixtique, ta svinajesbe smelol ti oy jlom ta xa'iic ti lequil ach' c'ope. Ja' no'ox un, bat ta yo'ntonic ti c'usi sventa sba banomile, lajic ta lo'lael yu'un ti sc'ulejalique, jelav ti c'usitic ta sc'an ti stuquique. Ch'ay ta yo'ntonic un ti lequil ach' c'ope.

Marcos 4:19

Ja'uc le' une, bat yo'ntonic yu'un ti c'usi oy ta banomile, lo'labat yo'ntonic yu'un ti c'ulejale xchi'uc ti c'usiuc no'ox oy ta sba banomil ti c'upij yo'ntonic yu'une. Ch'ay ta yo'ntonic ti lequil ach' c'op ti c'u xa yepal laj ya'iique.

San Lucas 16:13

Mu'yuc buch'u stac' ta x'abtej ta stojol cha'vo' ajvalil. Jun lec ta xc'uxubij, jun mu lecuc ta xil. Jun lec ta x'abtej ta stojol, jun ta stoy sba ta stojol. Ja' jech ti vo'oxuque, mu xu' xavac' abaic ta tunel yu'un Dios c'alal mi ja' batem avo'ntonic ti taq'uine.”

San Lucas 21:34

“Bijanic, mu me xyijub avo'ntonic yu'un ti yacubele, mi yan ti c'usi ta xapasique, ti xvulvun no'ox avo'ntonic c'usi xu' ta xavut aba li' ta sba banomile, yo' mu ch'ayaluc avo'ntonic xataeic ti jech c'ac'al taje.

San Lucas 8:13

Ti ts'unobal c'ot ta tontique, ja' sc'oplal ti oy jlom xmuyubajic ta xa'iic ti sc'op Diose. Ti jech mu'yuc sts'unanoj sba lec ta yo'ntonique, ta xch'unic c'uc yuni jaliluc, xchibajic c'alal tal ti lajeltsael ta stojolique.

San Lucas 8:15

Ja'uc ti ts'unobal c'ot ta lequil banomile, ja' sc'oplal ti jlom ta slequil yutsil yo'ntonic ta xa'iic. Chapal ta xc'ot ta xchiquinic. Ta xich'ic ta muc'. Staoj yav yo'ntonic. Lec ta xtunic batel.

San Lucas 8:7

Oy jlom c'ot ta ch'ixtic, jmoj ch'i xchi'uc ti ch'ixe, net'e comel yu'un.

San Juan 15:6

Mi ta xch'ac sba ta jtojole, ta xich' setel loq'uel. Ta xtaquij jech c'u cha'al sc'obtac ti uvae. Ta xich' tsobel, chic' xi ta c'oc'.

1 Timoteo 6:17

Ti buch'utic oy sc'ulejalic li' ta sba banomile, albo ya'iic ti mu stoy sbaic xchi'uque, ti ma'ucuc spat yo'ntonic xchi'uc ti sc'ulejalique, yu'un ti c'ulejale, ta jech yepal xu' ta xlaj sc'oplal. Ac'o spat yo'ntonic ta stojol ti Dios ti stalel cuxule, ti oy ta yoc ta sc'ob ta yac'belotic scotol ti c'usi ta xtun cu'untique yo' lec oyotic.

2 Timoteo 4:10

Yu'un ti Demase laj xa yictaun comel. Ja' lec laj ya'i ti sba banomile, yu'un bat xa ta Tesalónica. Ti Crescente xtoque bat xa ta slumal Galacia. Ti Titoe bat xa ta Dalmacia.

Hebreos 6:1

Jech o xal la' cac'betic yipal ta snopel ti c'usi lec ta pasele yo' ta stsac lec yip ti snopbenal cu'untique. Mu staojuc yav ta xcalilantic sc'oplal ti c'u s'elan chanubtasvan talel ti Cristoe. Ma'uc ti jmojel no'ox staoj yav ta xcalilantic ti c'u s'elan laj ca'itic talel ta ba'yele, jech c'u cha'al sc'oplal jeluc ti snopbenale, jech c'u cha'al sc'oplal ta xicta ti c'usi chopol ta pasel ti chamebal sq'ueloj batele, jech c'u cha'al sc'oplal ti c'otuc ta o'ntonal ta xch'unel ti Diose,