San Lucas 8:10 - Bible in Tzotzil de Chamula

¹⁰ Xi laj yal ti Jesuse: —Ti vo'oxuque, Dios ta xac'boxuc ana'ic smelol ti chucul ta a'yiel ti ventainele. Ja'uc ti yane, ta babac'op ta xcalbe ya'iic yo' mu xilic, ac'o mi sq'uel xa ya'iic, yo' mu xa'iic c'uc cha'al mi ts'etel xchiquin ta ya'yiel.

Tzotzil Zinacantan

¹⁰ ―Li voꞌoxuque jamal lacalbeic cꞌu xꞌelan tspas ta mantal crixchanoetic ti Rioxe. Li yantique ta loꞌil noꞌox chcalbeic. Yuꞌun ep ta echꞌel iyilic ti oy jlequilal jyuꞌelale, pero coꞌol xchiꞌuc muc xilic. Ep ta echꞌel iyaꞌiic ti cꞌusi icale, pero muc xaꞌibeic smelol yuꞌun stoyoj sbaic.

LEQUIL ACH' C'OP

¹⁰ Xi i'albatic yu'un ti Jesuse: «Li vo'oxuque ja' stuc Riox chayac'be ana'ic ti c'u x'elan ta spasvan ta mantal ti Rioxe, ja' ti muc' much'u sna'oje; pero li yantique ta lo'il no'ox ta xcalbeic, ac'u mi sq'uelic pero mu xilic ac'u mi xa'iic pero mu xa'ibeic smelol.

Bible in Tzotzil de Chenalhó with Deuterocanon

¹⁰ Li Jesuse jech laj yal: “Li vo'oxuque ac'biloxuc xa ana'ic c'u x'elan chventainvan li Diose, ja' ti mu'yuc to'ox boch'o la sna'e. Pero li yantique ta lo'il c'op no'ox laj calbeic, yu'un altic chililanic, mu xc'ot ta yo'ntonic; altic cha'yilanic, mu xa'ibeic smelol.

Tzotzil San Andres

¹⁰ Jech itacꞌav li Jesuse: ―Li joꞌoxuque acꞌbiloxuc anaꞌic li cꞌu sba ta sventainan crixchanoetic li Diose, pero li yanetique ta loꞌil noꞌox chcalbeic. Yuꞌun altic noꞌox ti iyilic xa ti scotol xuꞌ cuꞌune, yuꞌun muc xacꞌ ta yoꞌonic. Altic ti iyaꞌiic xa li cꞌusi laj cale, muc xaꞌibeic smelol yuꞌun mu onoꞌox scꞌan xaꞌiic.

Tzotzil de Huixtán

¹⁰ Ti Jesuse hech laj yalbe: ―Ti ho'oxuque ac'biloxuc ana'ic ti c'u che'el tsventaimbe yo'ntonic crixchanoetic ti Diose. Mu to oyuc much'u yan hech ya'yojic hech chaj c'u che'el ti ho'oxuque. Ti yantique ja' no'ox cha'i ti lo'ile. Hovil ti chililanique, mu ono'ox xch'unic. Hovil ti cha'ilanique, mu ono'ox xc'ot ti yo'ntonic. Hech yu'un ti ja' no'ox chcalbe lo'il.

San Lucas 8:10 Iomraidhean Croise

Salmos 25:14

Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

Isaías 29:14

Jech o xal un, jchop o senyail ta xcac'be yilic ti jteclum taje, ti ch'ayal ta xc'ot yo'ntonic yu'une. Sbijilic ti buch'utic oy sbijilique, ti xac' sjolic ta snopel ta ya'yiel ti buch'u sna' xchiquintae. Ta j'ech'el ta jch'aybe sc'oplal ma' le' une.”

Isaías 44:18

Mu xa'i sbaic ti jnaclejetic taje. Mi ja'uc xa'ibeic xchiquinal. Macal ta j'ech'el ti satique. Mi ja'uc ta xilic. Yu'un ch'abal ti snopobil yu'unique.

Isaías 6:9

Xi laj stac'bune: “Batan, ti xi xcholet xavalbe ya'i ti lum jech c'u cha'al li'e: ‘Ac'o mi avac'ojbeic yipal ta ya'yiel, mi ja'uc xava'ibeic ti smelole; ac'o mi avac'ojbeic yipal ta sq'uelel, mi ja'uc xchiquintaj avu'unic.’

Jeremías 5:21

‘A'yio ava'i li'e, oy asat, mi ja'uc xavil. Oy achiquin, mi ja'uc xava'ibe xchiquinal. Mu'yuc ach'ulel xava'i aba, bol jteclumot ta j'ech'el.

Ezequiel 12:2

“Ti vo'ote, yojtot, li' capalot ta naclej xchi'uc ti jun jteclum ti toj toyobbae. Oy satic yo' ta xilic ti osil banomile, c'u stu un, mu xilic ti c'usi leque. Oy xchiquinic xtoc yo' ta xa'iic ti c'usi ta xich' alele, c'u stu un, mi ja'uc xa'ibeic xchiquinal. Yu'un ja' jun jteclum ti toj toyobbaique.

San Mateo 11:25

Ti jech yorail taje, xi laj yal ti Jesuse: —Tot, Cajvalot, ta jlequil-c'oponot, Yajval vinajel banomil, mu'yuc laj avac'be sna' scoltael ti buch'utic bij ta xa'ibe xchiquinal ti yalojique. Ja' no'ox laj avac'be sna' scoltael ti buch'utic laj spas sbaic ta olole.

San Mateo 16:17

Ti Jesuse xi laj staq'ue: —Toj jun yutsil ti jech xana' ti vo'ote, Simón, xnich'on Jonás. Ti xana' Buch'uune, ma'uc jun vinic laj yac'bot ana', ja' laj yac'bot ana' ti Jtot ti oy ta vinajele.

Marcos 4:11

Xi laj yal ti Jesuse: —Dios ta xac'boxuc ana'ic smelol ti ventainel ti mucul to oxe. Ja'uc ti buch'u ta sjip ta sten ti ventainele, ta babac'op ta x'albatic,

Marcos 4:12

c'uc cha'al mi xilic, mu ono'ox xilic; c'uc cha'al mi xa'iic, mu ono'ox xchiquintaj yu'unic yo' mu sutic talel ta stojolal Dios ti ta staic ti ch'aybil ta xc'ot ti smulique.

San Juan 12:40

Macbat satic yu'un ti Diose. Tsatsubtasbat yo'ntonic, yo' mu xilic, yo' mu xa'iic, yo' mu xtal ta jtojol ta xpoxtael sbaic.

Romanos 16:25

Calbetic slequil Dios ti Buch'u xu' yu'un ta yaq'uel yip avo'ntonic jech c'u cha'al ta xal ti colebal lequil ach' c'op ti vu'un ta xcale, ti ja' sc'oplal ti Jesucristoe. Taje, co'ol xchi'uc ti c'u s'elan snopoj talel ti Dios ti mucul to ox yu'un c'alal mu'yuc to ox meltsajem ti banomile.

1 Corintios 12:11

Scotol taje, ja' yabtel stuc ti Ch'ul Espíritue, ti Buch'u yalel toyol ta xac' ti bijilil ti c'u s'elan ta sc'an stuque.

Deuteronomio 29:4

Ja'uc tana le' une, mu'yuc to yac'oj ye ti Dios ta yac'beloxuc abijilic ta xchiquintaele, ta ya'yibel smelol scotol ti c'u cha'al le'e.

Colosenses 2:2

Jpasoj tsatsal yo' oyuc yip ti yo'ntonique, ti co'oluc c'ux ta xa'i sbaique, ti jamaluc lec ti sba satique, yo' jech ta xojtiquinic lec smelol ti c'usi mucul to ox yu'un ti Diose, ti c'alal ja' sc'oplal ti Cristoe.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.