San Lucas 7:44 - Bible in Tzotzil de Chamula

⁴⁴ Va'i un, ti Jesuse sq'uel xch'a batel ti antse, xi laj yalbe ti Simone: —¿Mi xavil ti ants li'e? C'alal li'och talel ta anae, mu'yuc xavac'bun vo' yo' ta jpoc ti coque. Ja'uc ti ants li'e, ta ya'lel sat laj spocbun ti coque, laj staquijes ta stsatsal sjol.

Tzotzil Zinacantan

⁴⁴ Ti Jesuse isqꞌuelbe la sat ti antse, jaꞌ la iscꞌopon ti Simone: ―Ti cꞌalal liꞌoch tale, muc muchꞌu lispocbe coc. Qꞌuelavil li ants liꞌi, jaꞌ lispocbe coc ta yaꞌlel sat. Liscusbe ta stsatsal sjol noxtoc.

LEQUIL ACH' C'OP

⁴⁴ Ti Jesuse isq'uelbe sat ti antse, xi iyalbe li Simone: ―¿Mi chavil li ants li'i? Ti c'alal li'och tal ta anae, muc' bu avac'bon vo' ta scuenta ta jpoc o coc; pero li ants li'i, ta ya'lel sat lispocbe, ta stsatsal sjol li scusbe noxtoc.

Bible in Tzotzil de Chenalhó with Deuterocanon

⁴⁴ Ijoyij li Jesuse, la sq'uel li antse; jech laj yalbe li Simone: —¿Me chavil c'usi tspas li ants li'i? C'alal li'och tal ta anae, muc xavac'bun vo' sventa cacan. Yan li ants li'i, laj xa spocbun cacan ta ya'lel sat. La scusbun ta stsotsil sjol noxtoc.

Tzotzil San Andres

⁴⁴ Li Jesuse la sqꞌuelbe sat li antse, jech laj yalbe li Simone: ―Qꞌuelavil li ants liꞌi. Cꞌalal liꞌoch ta anae, muc buchꞌu la spocbun coc. Li ants liꞌi lispocbe coc ta yaꞌlel sat. Liscusbe ta stsotsil sjol nojtoc.

Tzotzil de Huixtán

⁴⁴ Hech yu'un laj sjoyp'in sba ti Jesuse. Laj sq'uel ti antse. Hech lic yalbe ti Simone: ―Q'uelo ti ants li'to. C'alal ni'och ti ana, muc xavac'bun ho' yu'un ti jpoc cacan. Ti ants li'to laj spocbun cacan ti ya'lel sat. Laj scusbun ti stsotsil sjol.

San Lucas 7:44 Iomraidhean Croise

Génesis 18:4

Yu'un mi xu' to ta xajalijic cu'une, ta xcani c'an talel jutebuc vo' yo' xu' ta xapoc ti avacanique, xu' xacux jliqueluc ta squeoval te' mi laje.

Génesis 19:2

Va'i un, xi laj yale: —Jtot jme'tac, abolajanic, avocolicuc, ech'uc avu'unic ti ac'ubaltic ta sna ti avajtunelune. Xu' xapoc avacanic tey. Sob oc'om xu' xatam batel ti abeique. Ti stuquique xi laj yalique: —Mo'oj, colaval. Xu' ta x'ech' cu'uncutic ti ac'ubal ta osiltique.

Génesis 43:24

Ts'acal to un, laj yic' batel scotol c'alal to sna ti Josee. Laj yac'anbe vo' yo' jech ta spoc yacanic. Ja' jech xtoc ac'bat sve'el ti sburroique.

2 Samuel 11:8

Ts'acal to un, laj yalbe ti batuc ta snae, ti batuc smes ti yo'ntone. C'alal loc' batel ti Urias ta sna ti Davide, tacbat ech'el t'ujbil ve'lil ti ja' smoton yu'un ti Davide.

San Lucas 7:38

X'oc'olet xa, lic squejan sba ta stojol ti Jesuse, ti naca ta ya'lel sat laj spocbe ti yacane. C'un to un, naca ta stsotsil sjol laj staquijesbe, laj sbuts', laj smalbe ti muil poxil ta yacan ti Jesuse.

San Lucas 7:43

—Ti ta xca'ie, ja' ti vinic ti buch'u ep ch'aybat ti yile —xi laj stac' ti Simone. —Oy arazon, jech xaval ava'uc —xi laj stac' ti Jesuse.

San Juan 13:5

Laj taj une, lic sq'ueb vo' ta pocob-c'obal. Lic spocbe yacan ti yajchanc'optaque. Laj scusbe o ti yacantac ta poc' ti c'amal ta xchucbenale.

1 Timoteo 5:10

Sc'an ojtiquinbilic lec c'usi laj spasic xtoc. Mi lec laj sts'itesan ti yalabique, mi xmuyubaj yo'nton yu'un yulo' ta xc'ot ta snae, mi oy laj yac' sbaic ta tunel yu'un ti jch'unolajeletique, mi laj scolta ti buch'u ta xich' svocole, mi yan ti oy c'usi lec laj spase, xu' xatic'be ta vun sbiic ti buch'u taje.

Santiago 2:6

Ja'uc ti vo'oxuc une, ja' no'ox ta xavaq'uic ta q'uexlal ti buch'utic me'unetique. ¿Mi mu ja'uc ta xayilbajinic, ta xasjochoxuc batel ta sc'ob j'opisialetic ti jc'ulejetique?

Jueces 19:21

Jech ti mole ic'van batel ta sna. C'alal yacal ta xpocbat yacanic ti jxanviletique, ti c'alal yacal xa ta xve'ic ta xuch'ic vo'e, jech ti yajval nae bat yac'be sve'el ti burroetique.

1 Samuel 25:41

Snupilan xa banomil laj spatan sba c'alal to lumtic ti Abigaile, svinajeb ti ta x'ich'van ta muq'ue, ti xi laj staq'ue: —Yajtunelucun ti David un cha'e. Chapalun xa ta spocbel yacantac smosov ti cajval ti mi jech oy ta yo'nton ta spasun ta mantale.