San Lucas 7:42 - Bible in Tzotzil de Chamula

⁴² Ti cha'vo' viniquetique, mu xa cha'beluc xtoj yu'un ti yilique. Ch'aybat yilic xcha'vo'alic yu'un ti j'ac'-ch'om taq'uine. Albun ca'i tana un, ¿buch'u junucal x'ech' to c'ux ta xa'i ti yajval taq'uine?

Tzotzil Zinacantan

⁴² Ti cꞌalal iyil ti mu xa sut yuꞌunic li yajval taqꞌuine, ixchꞌaybe yil xchaꞌvaꞌalic. Li chaꞌvoꞌ vinic ti ichꞌaybat yile, ¿muchꞌu más cꞌanvanem xanaꞌ? ―xꞌutat la yuꞌun ti Jesuse.

LEQUIL ACH' C'OP

⁴² ti c'alal mu xa sut yu'unic li taq'uine, li yajval taq'uine, ixch'aybe yil xcha'va'alic. Albon ca'i, ¿much'u junucal ti más c'anvanem xana'e? ―X'utat.

Bible in Tzotzil de Chenalhó with Deuterocanon

⁴² Pero li chib j'iluviletique mu sut yu'unic li yilique, jech te ich'aybatic o. Alo ca'tic boch'o junucal ep c'uxubinbil ic'ot —xut.

Tzotzil San Andres

⁴² Pero mu sut yuꞌunic li sqꞌuexique, jaꞌ yuꞌun li yajval taqꞌuine la schꞌay ta yoꞌon li staqꞌuine, la schꞌaybe yilic schaꞌvaꞌalic. Li joꞌote ¿cꞌusi chanop? Li chaꞌvoꞌ vinic ti ichꞌaybat li yilique, ¿mi coꞌol cꞌux ta yoꞌonic li yajval taqꞌuine, mi oy buchꞌu ti más cꞌux ta yoꞌone? ―xi li Jesuse.

Tzotzil de Huixtán

⁴² Mu'yuc staq'uinic hech yu'un mu xa xu' tsutes ti yilique, hech yu'un ich'aybat ti yilic yu'un ti yajval taq'uine. Hech yu'un ¿c'usi chanop? ¿Much'u lum c'ux ti yo'nton ti vinique? ―xchi ti Jesuse.

San Lucas 7:42 Iomraidhean Croise

2 Samuel 14:13

Va'i un, xi laj sjac' ti antse: —¿C'u cha'al ya'yel un cha'e, Jcuch abtel, ti anopoj xa jech ta xapasbe ava'i yalab xnich'nab ti Diose? Yu'un jech ta xalilanbe sba stuc ti Jcuch abtele. Ta smul stuc ti mu xac' sutuc talel ti xnich'on ti loq'uem xa batel ta yosilale.

Salmos 103:3

Laj stub laj xch'aybun scotol ti jmul jcolo'e, ta xpoxtabun scotol ti jchamele,

Isaías 43:25

“Ja'uc le' une, ti jech Diosun avu'une, c'ot ta tubel ti amilvanejale. Mi ja'uc xa ta jvules ta co'nton ti c'u spimil ti amule.

Isaías 44:22

Yu'un laj jtub ti bu la'ech' lajelave, xchi'uc ti amul acolo' jech c'u cha'al ta xch'ay batel ti toque. Sutan talel ta jtojol, yu'un laj jtic' jba ta apojel acoltael.”

San Mateo 18:27

Ti ajvalile c'uxubaj yo'nton yu'un ti yaj'abtele, laj xch'aybe ti yile. Laj sc'oplal ti ta ox stoj yu'une.

San Mateo 18:34

Cap sjol ta j'ech'el ti ajvalile. Laj yal mantal ti yich'uc ep tsitsel ti j'abtele, ti stojuc scotol ti yile.”

San Mateo 6:12

Ch'aybuncutic ti c'usi mu lecuc ta jpascutique jech c'u cha'al ta jch'aybecutic ti buch'u ta sa' smul ta jtojolcutique.

San Lucas 7:43

—Ti ta xca'ie, ja' ti vinic ti buch'u ep ch'aybat ti yile —xi laj stac' ti Simone. —Oy arazon, jech xaval ava'uc —xi laj stac' ti Jesuse.

Romanos 3:24

Ta sventa ti yutsil slequil yo'nton ti Dios une, ta matanal laj jtatic ti pojel colel ta sventa ti c'usi ic'ot ta pasel yu'un ti Cristo Jesuse.

Romanos 5:6

C'alal mu xa cha'beluc stac' jcolta jba jtuctique, ja' o yorail tal chamuc ti Cristo ta scoj ti jsa'muliletique.

Gálatas 3:10

Ti buch'utic ta spat yo'ntonic yalojic ta xcolic ta sventa ta xch'unic ta spasel ti oy c'usi tsots sc'oplal albil yu'un ti Moisése, chapal xa sc'oplal ta stoj ti smulique, yu'un xi ta xal ti ch'ul c'ope: “Ti buch'utic mu xc'ot ta pasel yu'unic scotol ti c'usi ts'ibabil ta jpoc svunal yu'un ti mantale, chapal xa sc'oplal ta xbat stoj ti smulique.”

Efesios 1:7

Ti jech mu albajuc syail xc'uxul yo'nton ti Diose, laj spoj laj scoltaotic ta sventa ti laj smal xch'ich'el ti Xnich'one, yo' jech ta jtatic ti ch'aybil ti jmultic ta xc'ote.

Efesios 4:32

Oyuc slequilal avo'ntonic ti c'uxuc xava'i abaique. Ch'aybo aba amulic ta jujun tal jech c'u cha'al laj xch'ayboxuc amulic ti Dios ta sventa ti Jesucristoe.

Colosenses 3:13

Ts'icbo abaic ta jujun tal, ch'aybo smul mi oy buch'u jelav ta atojolique. Jech c'u cha'al laj xch'ayboxuc amulic ti Cristoe, jechuc xapasic ti vo'oxuque.